ജിദ്ദ: കേരളത്തിൽ നിന്നും കൊച്ചി വഴി പുറപ്പെട്ട ആദ്യ ഹജ്ജ് സംഘം ഇന്ന് പുലർച്ചെ ജിദ്ദയിൽ എത്തി. ജിദ്ദയിലെ കിംഗ് അബ്ദുൽ അസീസ് ഇന്റർനാഷണൽ എയർപോർട്ടിലെ പുതിയ ടെർമിനൽ ഒന്നിലൂടെയാണ് ഇവർ ജിദ്ദയിലെത്തിയത്. വളരെ വിപുലമായ സൗകര്യങ്ങളാണ് ഇവിടെ ഇന്ത്യൻ കൗൺസിലേറ്റ് അംഗങ്ങൾ, സൗദി ഹജ്ജ് മിഷൻ ജീവനക്കാർ, ജിദ്ദയിലെ വിവിധ സംഘടനാ പ്രവർത്തകർ തുടങ്ങിയവരുടെ നേതൃത്വത്തിൽ ഇവിടെ ഏർപ്പാടാക്കിയിരുന്നത്. സൗദി എയർലൈൻസിന്റെ SV 3067 എന്ന വിമാനത്തിൽ 289 യാത്രക്കാരും SV 3063 എന്ന വിമാനത്തിൽ […]

റിയാദ് : സൗദി ഭരണാധികാരികളുടെ ഉദാരതക്കും സൗദി മെഡിക്കല്‍ സംഘത്തിന്റെ അതിവൈദഗ്ധ്യത്തിനും നന്ദി, ശിരസ്സുകള്‍ ഒട്ടിപ്പിടിച്ച നിലയില്‍ പിറന്നുവീണ് കടുത്ത ദുരിതത്തില്‍ കഴിഞ്ഞുവന്ന എരിത്രിയന്‍ സയാമിസ് ഇരട്ടകളായ അസ്മാഇനും സുമയ്യക്കും ഇനി സ്വതന്ത്രരായി ജീവിക്കാം. പതിനഞ്ചര മണിക്കൂര്‍ നീണ്ടുനിന്ന അതിസങ്കീര്‍ണമായ ശസ്ത്രക്രിയയിലൂടെ ഇരുവരെയും വിജയകരമായി വേര്‍പ്പെടുത്തി. റിയാദില്‍ നാഷണല്‍ ഗാര്‍ഡിനു കീഴിലെ കിംഗ് അബ്ദുല്‍ അസീസ് മെഡിക്കല്‍ സിറ്റിയിലെ കിംഗ് അബ്ദുല്ല ചില്‍ഡ്രന്‍സ് സ്‌പെഷ്യലിസ്റ്റ് ഹോസ്പിറ്റലില്‍ വെച്ചാണ് മെഡിക്കല്‍ സംഘം കുട്ടികള്‍ക്ക് ഓപ്പറേഷന്‍ നടത്തിയത്. തിരുഗേഹങ്ങളുടെ സേവകന്‍ […]

റിയാദ്: ലോകത്തെ ഏറ്റവും വലിയ സംയോജിത ഊർജ, രാസവസ്തു കമ്പനിയായ സൗദി അറാംകൊ വിവിധ മേഖലകളിൽ പ്രവർത്തിക്കുന്ന പ്രമുഖ അമേരിക്കൻ കമ്പനികളുമായി 90 ബില്യൺ ഡോളറിന്റെ 34 ധാരണാപത്രങ്ങളും കരാറുകളും ഒപ്പുവെച്ചു. ദ്രവീകൃത പ്രകൃതിവാതകം, ഇന്ധനങ്ങൾ, രാസവസ്തുക്കൾ, ഉദ്വമനം കുറക്കാനുള്ള സാങ്കേതികവിദ്യകൾ, കൃത്രിമബുദ്ധി, മറ്റു ഡിജിറ്റൽ പരിഹാരങ്ങൾ, നിർമാണം, സാമ്പത്തിക ആസ്തി മാനേജ്‌മെന്റ്, ഹ്രസ്വകാല പണ നിക്ഷേപങ്ങൾ, മെറ്റീരിയലുകൾ, ഉപകരണങ്ങൾ, സേവനങ്ങൾ എന്നിവയുടെ പർച്ചേയ്‌സിംഗ് എന്നിവയുൾപ്പെടെ സൗദി അറാംകൊയുടെ ബിസിനസ്സുമായി ബന്ധപ്പെട്ട സഹകരണവും പങ്കാളിത്തവും സൗദിയു.എസ് നിക്ഷേപ […]

സർവീസ് റോഡിൽ നിന്ന് മെയിൻ റോഡിലേക്ക് പ്രവേശിക്കുന്നതിന് മുമ്പ് വേഗത കുറക്കണമെന്ന് സൗദി ജനറൽ ട്രാഫിക് ഡിപ്പാർട്ട്‌മെന്റ് ഡ്രൈവർമാരെ ഓർമ്മിപ്പിച്ചു. മെയിൻ റോഡുകളിൽ സുരക്ഷിതമായി പ്രവേശിക്കുന്നതിന്, ഉചിതമായ മുന്നറിയിപ്പ് സിഗ്നൽ നൽകണം. അതോടൊപ്പം മെയിൻ റോഡിലേക്ക് കയറും മുമ്പ് ട്രാക്ക് കാലിയാണെന്ന് ഉറപ്പ് വരുത്തുകയും അതോടൊപ്പം മെയിൻ റോഡിലെ വാഹനങ്ങൾക്ക് മുൻഗണന കൊടുക്കുകയും ചെയ്യണമെന്നും മുറൂർ ഓർമ്മിപ്പിച്ചു.

ജിദ്ദ: ഈ വര്‍ഷത്തെ ഹജ് സീസണ്‍ ആരംഭിച്ച ശേഷം കപ്പല്‍ മാര്‍ഗമുള്ള ആദ്യ തീര്‍ഥാടക സംഘം ജിദ്ദ തുറമുഖം വഴി പുണ്യഭൂമിയിലെത്തി. സുഡാനില്‍ നിന്നുള്ള കപ്പലില്‍ 1,407 ഹാജിമാരാണുണ്ടായിരുന്നത്. ഗതാഗത, ലോജിസ്റ്റിക്‌സ് സര്‍വീസ് സഹമന്ത്രി അഹ്മദ് അല്‍ഹസന്‍, സൗദി പോര്‍ട്ട്‌സ് അതോറിറ്റി ആക്ടിംഗ് പ്രസിഡന്റ് മാസിന്‍ അല്‍തുര്‍ക്കി എന്നിവരും ജിദ്ദ തുറമുഖത്ത് പ്രവര്‍ത്തിക്കുന്ന വിവിധ സര്‍ക്കാര്‍ വകുപ്പുകളിലെ മുതിര്‍ന്ന ഉദ്യോഗസ്ഥരും ചേര്‍ന്ന് തീര്‍ഥാടകരെ ജിദ്ദ തുറമുഖത്ത് സ്വീകരിച്ചു.

റിയാദ്: ഗാസ യുദ്ധം അവസാനിപ്പിക്കാനും മുഴുവന്‍ ബന്ദികളെയും മോചിപ്പിക്കാനും സൗദി അറേബ്യയും അമേരിക്കയും ധാരണയിലെത്തിയതായി സൗദി വിദേശ മന്ത്രി ഫൈസല്‍ ബിന്‍ ഫര്‍ഹാന്‍ രാജകുമാരന്‍ അറിയിച്ചു. എത്രയും വേഗം വെടിനിര്‍ത്തല്‍ കരാറില്‍ എത്തിച്ചേണമെന്ന് ഗള്‍ഫ്-അമേരിക്ക ഉച്ചകോടി സമാപിച്ച ശേഷം റിയാദില്‍ വിളിച്ചുചേര്‍ത്ത പത്രസമ്മേളനത്തില്‍ വിദേശ മന്ത്രി പറഞ്ഞു. വെടിനിര്‍ത്തല്‍ കരാര്‍ ഒപ്പുവെച്ചില്ലെങ്കില്‍ ഗാസയിലേക്ക് സഹായം എത്തിക്കുന്നത് ബുദ്ധിമുട്ടായിരിക്കും. അമേരിക്കന്‍ ബന്ദിയെ മോചിപ്പിച്ചത് ഗാസയില്‍ വെടിനിര്‍ത്തല്‍ കരാറിന് അടിസ്ഥാനമാകുമെന്ന് പ്രതീക്ഷിക്കുന്നു. നിയന്ത്രണങ്ങളോ വ്യവസ്ഥകളോ ഇല്ലാതെ ഗാസയിലേക്ക് മാനുഷിക സഹായം […]

റിയാദ്: ഈ വർഷാവസാനത്തോടെ സൗദിയിൽ സേവന ദാതാക്കളുമായി സഹകരിച്ച് സെൽഫ്‌ഡ്രൈവിംഗ് വാഹനങ്ങൾ പുറത്തിറക്കാനുള്ള തന്ത്രപരമായ പങ്കാളിത്ത കരാറിൽ ട്രാൻസ്‌പോർട്ട് ജനറൽ അതോറിറ്റിയും യൂബർ ടെക്‌നോളജിയും ഒപ്പുവെച്ചു. റിയാദിൽ സൗദി-യു.എസ് ഇൻവെസ്റ്റ്‌മെന്റ് ഫോറത്തോടനുബന്ധിച്ച് ബന്ധപ്പെട്ട സർക്കാർ വകുപ്പുകളുടെ പ്രതിനിധികളുടെ സാന്നിധ്യത്തിൽ ട്രാൻസ്‌പോർട്ട് ജനറൽ അതോറിറ്റി ആക്ടിംഗ് പ്രസിഡന്‌റ് ഡോ. റുമൈഹ് അൽറുമൈഹും യൂബർ സി.ഇ.ഒ ദാര ഖോസ്രോഷാഹിയുമാണ് ധാരണാപത്രത്തിൽ ഒപ്പുവെച്ചത്. സുരക്ഷ ഉറപ്പാക്കാൻ സഹായിക്കുന്നതിന് ആവശ്യമായ പിന്തുണയോടെയും വാഹനങ്ങൾക്കുള്ളിൽ ഓപ്പറേറ്റർമാരുടെ സാന്നിധ്യത്തോടെയുമാണ് പ്രാരംഭ ഘട്ടത്തിൽ പദ്ധതി നടപ്പാക്കുക. ഗതാഗത […]

മക്ക: വിശുദ്ധ കഅ്ബാലയത്തെ അണിയിച്ച കിസ്‌വ ഹജിനു മുന്നോടിയായി ഹറംകാര്യ വകുപ്പ് ഉയർത്തിക്കെട്ടി. ഇന്നലെ രാത്രി ഇശാ നമസ്‌കാരത്തിനു ശേഷമാണ് കിസ്‌വ ഉയർത്തിക്കെട്ടൽ തുടങ്ങിയത്. തറനിരപ്പിൽ നിന്ന് മൂന്ന് മീറ്റർ ഉയരത്തിലാണ് കിസ്‌വ ഉയർത്തിയത്. ഉയർത്തിക്കെട്ടിയ കിസ്‌വയുടെ ഭാഗം രണ്ടു മീറ്റർ ഉയരത്തിൽ തൂവെള്ള പട്ടുതുണി കൊണ്ട് മൂടിയിട്ടുണ്ട്. ഹറംകാര്യ വകുപ്പിനു കീഴിലെ കിംഗ് അബ്ദുൽ അസീസ് കിസ്‌വ നിർമാണ കോംപ്ലക്‌സിലെ വിദഗ്ധ സൗദി ജീവനക്കാർ കിസ്‌വ ഉയർത്തിക്കെട്ടൽ ജോലികളിൽ പങ്കെടുത്തു. ഇതിന് ഏതാനും ക്രെയിനുകളും ഉപയോഗിച്ചു. […]

റിയാദ് : വിഷന്‍ 2030 ആരംഭിച്ച ശേഷം അമേരിക്കന്‍ നിക്ഷേപങ്ങള്‍ സൗദി അറേബ്യയിലേക്ക് പ്രവഹിക്കുന്നതായി സൗദി ധനമന്ത്രി മുഹമ്മദ് അല്‍ജദ്ആന്‍. സൗദി-യു.എസ് നിക്ഷേപ ഫോറത്തില്‍ പാനല്‍ ചര്‍ച്ചയില്‍ പങ്കെടുത്ത് സംസാരിക്കുകയായിരുന്നു ധനമന്ത്രി. അമേരിക്കയിലെ സൗദി നിക്ഷേപങ്ങളുടെ അളവ് അത്ഭുതകരമാണ്. ഇരു രാജ്യങ്ങളും തമ്മിലുള്ള സാമ്പത്തിക ബന്ധങ്ങളുടെ ശക്തിയെ ഇത് പ്രതിഫലിപ്പിക്കുന്നു. സൗദി അറേബ്യയും അമേരിക്കയും തമ്മിലുള്ള ബന്ധം 92 വര്‍ഷം മുമ്പ് ആരംഭിച്ചതാണ്. സാമ്പത്തിക ബന്ധത്തിന്റെ ശക്തി പ്രതിഫലിപ്പിക്കുന്ന ഗണ്യമായ നിക്ഷേപങ്ങളുമായി ഉഭയകക്ഷി ബന്ധം തുടരുകയാണ്. സൗദി […]

റിയാദ്: യുഎസ് പ്രസിഡന്റ് ഡോണൾഡ് ട്രംപ് സൗദിയിൽ. റിയാദിൽ സൗദി കിരീടാവകാശി നേരിട്ടെത്തി അദ്ദേഹത്തെ സ്വീകരിച്ചു. ഗസ്സയിലെ വെടിനിർത്തൽ ഉൾപ്പെടെ ചർച്ചചെയ്യാനും പ്രഖ്യാപനങ്ങൾ നടത്താനുമാണ് ട്രംപ് എത്തിയത്. ബുധനാഴ്ച ഗൾഫ് രാഷ്ട്ര നേതാക്കൾ സംബന്ധിക്കുന്ന ഉച്ചകോടിയിൽ ഗസ്സയിലെ വെടിനിർത്തലും ഭാവിഭരണവുമായും ബന്ധപ്പെട്ട തീരുമാനങ്ങളെടുത്തേക്കും. നെതന്യാഹുവുമായുള്ള ഭിന്നതകൾക്കിടെയാണ് സന്ദർശനമെന്നത് ശ്രദ്ധേയമാണ്. ഗസ്സയിലെ വെടിനിർത്തലും തുടർഭരണവും സംബന്ധിച്ച് നിർണായക തീരുമാനങ്ങൾ ട്രംപിന്റെ സൗദി സന്ദർശനത്തിലുണ്ടാകും. ഇറാൻ, സിറിയ വിഷയങ്ങളിലെ നിലപാടും സൗദിയുമായുള്ള വൻകിട ആയുധ ഇടപാടുകളും ട്രംപ് പ്രഖ്യാപിച്ചേക്കും.

ജിദ്ദ: വൈദ്യുതി സ്തംഭനം അടക്കമുള്ള പ്രശ്‌നങ്ങള്‍ക്ക് കഴിഞ്ഞ വര്‍ഷം വൈദ്യുതി വരിക്കാര്‍ക്ക് ആകെ 15.8 കോടി റിയാല്‍ നഷ്ടപരിഹാരമായി വിതരണം ചെയ്തതായി സൗദി ഇലക്ട്രിസിറ്റി റെഗുലേറ്ററി അതോറിറ്റി വെളിപ്പെടുത്തി. ആകെ 3,29,000 വരിക്കാര്‍ക്ക് നഷ്ടപരിഹാരം ലഭിച്ചു. വൈദ്യുതി സ്തംഭനത്തിനു ശേഷം വൈദ്യുതി പുനഃസ്ഥാപിക്കാന്‍ കാലതാമസം വരുത്തിയതിന് 2,18,000 ലേറെ വരിക്കാര്‍ക്ക് ആകെ 12,22,10,325 റിയാല്‍ നഷ്ടപരിഹാരമായി വിതരണം ചെയ്തു. ആവര്‍ത്തിച്ചുള്ള വൈദ്യുതി സ്തംഭനത്തിന് 54,747 വരിക്കാര്‍ക്ക് ആകെ 2,20,26,975 റിയാല്‍ നഷ്ടപരിഹാരമായി നല്‍കി. പുതിയ വൈദ്യുതി കണക്ഷന്‍ […]