ജിദ്ദ: സൗദി ഗതാഗത മന്ത്രാലയവും സൗദിയിലെ നഗര വ്യോമ ഗതാഗത കമ്പനിയായ ഫ്‌ളൈ നൗ അറേബ്യയും ചേര്‍ന്ന് ചരക്ക്, യാത്രാ ഗതാഗതത്തിനായുള്ള ആദ്യ ആപ്പ് പുറത്തിറക്കാന്‍ ശ്രമിക്കുകയാണെന്ന് കമ്പനി സി.ഇ.ഒ യോവോണ്‍ വിന്റര്‍ വെളിപ്പെടുത്തി. ഗതാഗത മന്ത്രാലയവുമായി സഹകരിച്ച്, പൈലറ്റ് പ്രോജക്റ്റായി റാബിഗ് കിംഗ് അബ്ദുല്ല ശാസ്ത്ര, സാങ്കേതിക സര്‍വകലാശാലയില്‍ ഈ വര്‍ഷം പദ്ധതി നടപ്പാക്കാന്‍ കമ്പനി ഉദ്ദേശിക്കുന്നു. ജനസാന്ദ്രതയുള്ള പ്രദേശങ്ങളിലൂടെ യാത്രക്കാരെ കൊണ്ടുപോകുന്നതിന് മുമ്പ് പത്തു ലക്ഷം മൈല്‍ വരെ ദൂരം സാധനങ്ങള്‍ കൊണ്ടുപോകുക എന്നതാണ് […]

മക്ക: ഹജ് സീസണില്‍ കടുത്ത ചൂടില്‍ നിന്ന് തീര്‍ഥാടക ലക്ഷങ്ങള്‍ക്ക് ആശ്വാസമായി ജംറയുടെ കിഴക്കു ഭാഗത്തെ മുറ്റങ്ങള്‍ തണുപ്പിക്കാനായി പുതുതായി 200 മിസ്റ്റിംഗ് ഫാനുകള്‍ സ്ഥാപിച്ചു. ശക്തമായ പ്രൊപ്പല്‍ഷന്‍ പവറുള്ള ഈ ഫാനുകളില്‍ താപനില കുറക്കുന്നതിന് പുറത്തെ വായുവില്‍ നിന്നുള്ള താപോര്‍ജം ആഗിരണം ചെയ്യുന്ന മിസ്റ്റ് എയര്‍ കൂളിംഗ് സാങ്കേതികവിദ്യ ഉപയോഗിക്കുന്നു. ജംറ കോംപ്ലക്‌സില്‍ തുറസ്സായ സ്ഥലങ്ങളില്‍ വായു തണുപ്പിക്കാന്‍ മിസ്റ്റ് ഫാനുകള്‍ക്കു പുറമെ വാട്ടര്‍ മിസ്റ്റ് തൂണുകളും ഉപയോഗിക്കുന്നു. ഉയര്‍ന്ന മര്‍ദത്തിലുള്ള പമ്പ് ഉപയോഗിച്ച് വെള്ളം […]

മക്ക: ഹാജിമാര്‍ക്ക് ഏറ്റവും നൂതനമായ ചികിത്സാ സേവനങ്ങള്‍ നല്‍കാനുള്ള ശ്രമങ്ങളുടെ ഭാഗമായി ഹജ് സീസണില്‍ തീര്‍ഥാടകര്‍ക്ക് ശസ്ത്രക്രിയകള്‍ നടത്താന്‍ ഇത്തവണ ആദ്യമായി മെഡിക്കല്‍ റോബോട്ടും ഉപയോഗിക്കുന്നു. മക്ക ഹെല്‍ത്ത് ക്ലസ്റ്ററിനു കീഴിലെ കിംഗ് അബ്ദുല്ല മെഡിക്കല്‍ സിറ്റിയിലാണ് ഡാവിഞ്ചി സി ഉപകരണം ഉപയോഗിച്ച് നൂതന റോബോട്ടിക് ശസ്ത്രക്രിയ ആരംഭിച്ചത്. ശസ്ത്രക്രിയാ സേവനങ്ങളുടെ ഗുണനിലവാരത്തിലെ ഗുണപരമായ കുതിച്ചുചാട്ടമാണിത്. നൂതനാശയങ്ങളെയും ആധുനിക സാങ്കേതികവിദ്യകളെയും അടിസ്ഥാനമാക്കിയുള്ള പ്രത്യേക പരിചരണത്തിനുള്ള മുന്‍നിര റഫറല്‍ കേന്ദ്രമെന്ന നിലയില്‍ കിംഗ് അബ്ദുല്ല മെഡിക്കല്‍ സിറ്റിയുടെ സ്ഥാനം […]

ബ്രസ്സൽസ് – (ബെൽജിയം)- സിറിയക്ക് മേലുള്ള സാമ്പത്തിക ഉപരോധം പിൻവലിക്കാൻ യൂറോപ്യൻ യൂണിയൻ തീരുമാനിച്ചു. സൗദി അറേബ്യക്കും കിരീടാവകാശി മുഹമ്മദ് ബിൻ സൽമാൻ രാജകുമാരനുമുള്ള മറ്റൊരു നയതന്ത്ര വിജയമാണിത്. സിറിയക്ക് മേലുള്ള മുഴുവൻ സാമ്പത്തിക ഉപരോധങ്ങളും പിൻവലിക്കാൻ യൂറോപ്യൻ യൂണിയൻ തീരുമാനിച്ചു. സിറിയൻ ബാങ്കുകൾക്ക് മേലുള്ള ഉപരോധങ്ങൾ പിൻവലിക്കാൻ യൂറോപ്യൻ യൂണിയൻ അനുമതി നൽകിയതായി നയതന്ത്രജ്ഞർ പറഞ്ഞു. യൂറോപ്യൻ യൂണിയനിലെ 27 അംഗരാജ്യങ്ങളിൽ നിന്നുള്ള അംബാസഡർമാർ ഈ നീക്കത്തിനായി പ്രാഥമിക കരാറിൽ ഒപ്പുവച്ചു, ഇത് പിന്നീട് ബ്രസ്സൽസിൽ […]

റിയാദ്: വിസിറ്റ് വിസ സ്റ്റാമ്പ് ചെയ്ത ശേഷം ഇതുവരെ സൗദി അറേബ്യയിലേക്ക് പ്രവേശിക്കാത്തവര്‍ ജൂണ്‍ ആറിന് ശേഷം വന്നാല്‍ മതിയെന്ന് ജവാസാത്ത്. ഹജിനോടനുബന്ധിച്ച് സൗദി വിമാനത്താവളങ്ങളില്‍ ഹാജിമാര്‍ക്ക് മികച്ച സൗകര്യങ്ങള്‍ ഉറപ്പുവരുത്തുന്നതിനാണിത്. എന്നാല്‍ മള്‍ട്ടിപ്ള്‍ വിസിറ്റ് വിസ സ്റ്റാമ്പ് ചെയ്ത ശേഷം ഒരിക്കലെങ്കിലും സൗദിയില്‍ പ്രവേശിച്ചവര്‍ക്ക് വിലക്കുണ്ടാവില്ല. മള്‍ട്ടിപ്ള്‍ വിസിറ്റ് വിസ സ്റ്റാമ്പ് ചെയ്ത് സൗദിയിലേക്ക് ഇതുവരെ പ്രവേശിക്കാത്തവരുടെ വിസകളെല്ലാം സൗദി വിദേശകാര്യമന്ത്രാലയം കാന്‍സല്‍ ചെയ്തിരിക്കുകയാണ്. മുഖീം പോര്‍ട്ടലില്‍ വിസ വിഭാഗത്തില്‍ പരിശോധിച്ചാല്‍ ഇക്കാര്യം വ്യക്തമാവും. കാന്‍സല്‍ […]

ജിദ്ദ: കിംഗ് സല്‍മാന്‍ ഹജ്, ഉംറ, സിയാറത്ത് പ്രോഗ്രാമിന്റെ ഭാഗമായി തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ ആതിഥേയത്വത്തില്‍ ഫലസ്തീനില്‍ നിന്ന് ആയിരം പേര്‍ക്ക് ഇത്തവണ പരിശുദ്ധ ഹജ് കര്‍മം നിര്‍വഹിക്കാന്‍ അവസരം. ഇസ്രായില്‍ ആക്രമണത്തില്‍ വീരമൃത്യുവരിച്ചവരുടെയും ഗുരുതരമായി പരിക്കേറ്റവരുടെയും ഇസ്രായില്‍ ജയിലുകളില്‍ തടങ്കലില്‍ കഴിയുന്നവരുടെയും ബന്ധുക്കള്‍ക്കാണ് രാജാവിന്റെ ആതിഥേയത്വത്തില്‍ ഹജ് കര്‍മം നിര്‍വഹിക്കാന്‍ അവസരമൊരുക്കുന്നത്. ഇസ്‌ലാമികകാര്യ മന്ത്രാലയമാണ് കിംഗ് സല്‍മാന്‍ ഹജ്, ഉംറ, സിയാറത്ത് പ്രോഗ്രാം നടപ്പാക്കുന്നത്. മുപ്പതു വര്‍ഷം മുമ്പ് ഹിജ്‌റ 1417 ല്‍ ആരംഭിച്ച […]

റിയാദ്: സഊദിയിൽ റസ്റ്റോറന്റുകൾ ഉൾപ്പെടെ എട്ടു വിഭാഗം സ്ഥാപനങ്ങളില്‍ പ്രവൃത്തി സമയത്ത് സിവില്‍ സെക്യൂരിറ്റി ഗാര്‍ഡുകളെ നിയമിക്കല്‍ നിര്‍ബന്ധമാക്കി. സഊദി ആഭ്യന്തര മന്ത്രാലയമാണ് ഈ വിഭാഗം സ്ഥാപനങ്ങളിൽ സെക്യൂരിറ്റി ഗാർഡുകളെ നിയമിക്കണം എന്ന പുതിയ തീരുമാനം പ്രഖ്യാപിച്ചത്. ഈ സ്ഥാപങ്ങളിൽ പ്രവൃത്തി സമയത്ത് സിവില്‍ സെക്യൂരിറ്റി ഗാര്‍ഡുകളെ നിയമിക്കല്‍ നിർബന്ധമാകുന്നതിന്റെ ഭാഗമായി സ്വകാര്യ സിവില്‍ സെക്യൂരിറ്റി ഗാര്‍ഡ് നിയമത്തിന്റെ എക്‌സിക്യൂട്ടീവ് റെഗുലേഷനുകളിലെ ആര്‍ട്ടിക്കിള്‍ രണ്ട് ഭേദഗതി ചെയ്തു. ലൈസന്‍സ് അനുസരിച്ച് 1,000 ചതുരശ്ര മീറ്ററില്‍ കൂടുതല്‍ വിസ്തീര്‍ണമുള്ള […]

ജിദ്ദ: ഇരുപത്തിനാലു മണിക്കൂറും തുറന്ന് പ്രവര്‍ത്തിപ്പിക്കാന്‍ പ്രത്യേക പെര്‍മിറ്റ് നേടാതെ അര്‍ധരാത്രി പന്ത്രണ്ടു മണിക്കു ശേഷം ഫുഡ്ട്രക്കുകള്‍ പ്രവര്‍ത്തിക്കുന്നത് മുനിസിപ്പല്‍, പാര്‍പ്പിടകാര്യ മന്ത്രാലയം വിലക്കി. വാഹനത്തിനുള്ളില്‍ പുകവലിക്കുന്നതും ഉച്ചഭാഷിണികളും സ്പീക്കറുകളും ഉപയോഗിക്കുന്നതും നിരോധിച്ചിട്ടുണ്ട്. ഭക്ഷണത്തില്‍ വീഴാനോ ഇടകലരാനോ സാധ്യതയുള്ള ആഭരണങ്ങള്‍ ധരിക്കുന്നതും സൗന്ദര്യവര്‍ധക വസ്തുക്കള്‍ ഉപയോഗിക്കുന്നതും നിരോധിച്ചിട്ടുണ്ട്. കൂടാതെ ഉയര്‍ന്ന തലത്തിലുള്ള സുരക്ഷ ഉറപ്പാക്കാന്‍ ഭക്ഷണം തയാറാക്കുന്ന സ്ഥലത്ത് മുടി നന്നായി മൂടണമെന്നും കൈയുറകള്‍ ധരിക്കണമെന്നും വ്യവസ്ഥയുണ്ട്.

മക്ക – ഹജ് തീര്‍ഥാടനത്തിനായി പ്രതിവര്‍ഷം ദശലക്ഷക്കണക്കിന് തീര്‍ഥാടകര്‍ ഒത്തുകൂടുന്ന പുണ്യസ്ഥലങ്ങളിലെ താപനില തണുപ്പിക്കാന്‍ നൂതന സാങ്കേതികവിദ്യയുടെ ഉപയോഗിക്കും. ഈ ഗവേഷണം വിജയകരമായതായി സൗദി സര്‍ക്കാരിന്റെ ക്ലൗഡ് സീഡിംഗ് ഏജന്‍സി അറിയിച്ചു. ജിദ്ദയില്‍ നടന്ന കാലാവസ്ഥാ ശില്‍പശാലയില്‍ ക്ലൗഡ് സീഡിംഗ് പ്രോഗ്രാം പുതിയ കണ്ടെത്തലുകള്‍ അവതരിപ്പിച്ചു. മക്ക പ്രവിശ്യയുടെ ഭാഗമായ പടിഞ്ഞാറന്‍ നഗരമായ തായിഫിലാണ് ഗവേഷണം നടത്തിയത്. ഈ ഗവേഷണത്തില്‍ മേഘ രൂപീകരണം വര്‍ധിപ്പിക്കുന്നതിലും പുണ്യസ്ഥലങ്ങളിലെ കാലാവസ്ഥ മെച്ചപ്പെടുത്തുന്നതിന് മഴയുടെ സാധ്യത കൂട്ടുന്നതിനുമാണ് ശ്രദ്ധ കേന്ദ്രീകരിച്ചത്. തായിഫിലെ […]

മദീന: ദുൽഖഅ്ദ ഒന്നിന് ഈ വർഷത്തെ ഹജ് സീസൺ ആരംഭിച്ച ശേഷം കഴിഞ്ഞ 18 ദിവസത്തിനിടെ മദീനയിൽ വിദേശ ഹജ് തീർത്ഥാടകർക്ക് 71 ശസ്ത്രക്രിയകളും ആഞ്ചിയോപ്ലാസ്റ്റികളും നടത്തിയതായി മദീന ഹെൽത്ത് ക്ലസ്റ്റർ അറിയിച്ചു. ചികിത്സയും ആരോഗ്യ പരിചരണങ്ങളും തേടി മദീനയിലെ ഹെൽത്ത് സെന്ററുകളിൽ 9,945 തീർത്ഥാടകർ എത്തി. ആശുപത്രികളിലെ എമർജൻസി വിഭാഗങ്ങളിൽ 5,717 എമർജൻസി കേസുകൾ സ്വീകരിച്ചു. 34 തീർത്ഥാടകർക്ക് ശസ്ത്രക്രിയകൾ നടത്തി. 37 ഹാജിമാർക്ക് രോഗനിർണയത്തിനുള്ള ആഞ്ചിയോഗ്രാമും ചികിത്സാർത്ഥമുള്ള ആഞ്ചിയോപ്ലാസ്റ്റിയും നടത്തി. വൃക്ക രോഗികളായ തീർത്ഥാടകർക്ക് […]

തായിഫ്: ഹജ് ദിവസങ്ങളില്‍ മിനായില്‍ നിന്ന് ബലിമാംസം കടത്തുന്നത് തടയാന്‍ തായിഫ് നഗരസഭ പുതിയ സംവിധാനത്തിന് തുടക്കം കുറിച്ചു. റാസിദ് പ്ലസ് എന്ന് പേരിട്ട സംരംഭം തായിഫ് മേയര്‍ അബ്ദുല്ല ബിന്‍ ഖമീസ് അല്‍സായിദി ഉദ്ഘാടനം ചെയ്തു. പുണ്യസ്ഥലങ്ങളില്‍ നിന്ന് ബലിമാംസം റെസ്റ്റോറന്റുകളിലേക്കും മറ്റും കടത്തുന്നത് തടയാന്‍ തായിഫിന്റെ പ്രവേശന കവാടങ്ങളില്‍ ശക്തമായ പരിശോധാ പദ്ധതി നടപ്പാക്കും. നിയമ ലംഘകര്‍ക്കെതിരെ നിയമാനുസൃത ശിക്ഷാ നടപടികള്‍ സ്വീകരിക്കും. നഗരസഭക്കു കീഴിലെ ഫീല്‍ഡ് പരിശോധനാ സംഘങ്ങള്‍ നഗരത്തിന്റെ പ്രവേശന കവാടങ്ങളായ […]