മദീന- മദീന മേഖല കഴിഞ്ഞ ദിവസം മുതൽ കനത്ത മഴക്ക് സാക്ഷ്യം വഹിക്കുകയാണ്. വരും മണിക്കൂറുകളിൽ തുടർച്ചയായി മഴ പെയ്യുമെന്ന് ദേശീയ കാലാവസ്ഥാ കേന്ദ്രം മുന്നറിയിപ്പ് നൽകി. മദീനയിൽ അനുഭവപ്പെട്ട മഴയുള്ള കാലാവസ്ഥയുടെ വിവിധ ദൃശ്യങ്ങൾ സൗദി പ്രസ് ഏജൻസി പുറത്തുവിട്ടു. മഴയെ തുടർന്ന് വിവിധ പ്രദേശങ്ങളിൽ കെട്ടിക്കിടക്കുന്ന വെള്ളം മാറ്റാനും ഗതാഗത തടസ്സം നീക്കാനും ബന്ധപ്പെട്ട വകുപ്പുകൾ ക്രിയാത്മകമായി പ്രവർത്തിച്ചു.

ജിദ്ദ: ജിദ്ദ കിങ് അബ്ദുല്‍ അസീസ് ഇന്റര്‍നാഷണല്‍ എയര്‍പോര്‍ട്ടിലെത്തിയ യാത്രക്കാരുടെ എണ്ണം 4.91 കോടി കവിഞ്ഞു. സര്‍വകാല റെക്കോര്‍ഡാണിത്. 2023നെ അപേക്ഷിച്ച് 14 ശതമാനമാണ് 2024ൽ യാത്രക്കാരുടെ വർധന. വിമാന സർവീസുകളിലും 11 ശതമാനം വർധനവ് രേഖപ്പെടുത്തി. 2.78 ലക്ഷത്തിലേറെ വിമാന സർവീസുകളാണ് ജിദ്ദ രാജ്യാന്തര വിമാനത്താവളത്തിൽ നടന്നത്. കൈകാര്യം ചെയ്ത ബാഗേജുകളുടെ എണ്ണ 4.71 കോടി കവിഞ്ഞു. ബാഗേജുകളുടെ എണ്ണം 21 ശതമാനം തോതില്‍ വര്‍ധിച്ചു. യാത്രക്കാരുടെ എണ്ണത്തില്‍ റെക്കോര്‍ഡ് രേഖപ്പെടുത്തിയ ദിവസം ഡിസംബര്‍ 31 […]

ജിദ്ദ : ട്രെയിന്‍ യാത്രക്കിടെ ബാഗേജ് നഷ്ടപ്പെട്ടാല്‍ 4,000 റിയാല്‍ തോതില്‍ നഷ്ടപരിഹാരം നല്‍കാന്‍ റെയില്‍വെ കമ്പനി (സൗദി അറേബ്യന്‍ റെയില്‍വെയ്സ്) ബാധ്യസ്ഥമാണെന്ന് ട്രെയിന്‍ യാത്രക്കാരുടെ അവകാശങ്ങളും ബാധ്യതകളുമായും ബന്ധപ്പെട്ട് ട്രാന്‍സ്പോര്‍ട്ട് ജനറല്‍ അതോറിറ്റി തയാറാക്കിയ കരടു നിയമം വ്യക്തമാക്കുന്നു. യാത്രക്കാരുടെ ബാഗേജുകള്‍ നഷ്ടപ്പെടുന്നതിന്റെയും കേടുവരുന്നതിന്റെയും ഉത്തരവാദിത്തം റെയില്‍വെ കമ്പനിക്കാണ്. ട്രെയിന്‍ യാത്രക്കിടെ രജിസ്റ്റര്‍ ചെയ്യുന്ന ബാഗേജുകള്‍ നഷ്ടപ്പെട്ടാല്‍ ഓരോ ബാഗേജിനും 4,000 റിയാല്‍ തോതില്‍ നഷ്ടപരിഹാരം നല്‍കാന്‍ റെയില്‍വെ കമ്പനി ബാധ്യസ്ഥമാണ്. ബാഗേജുകള്‍ക്ക് സംഭവിക്കുന്ന കേടുപാടുകള്‍ക്കും […]

റിയാദ് : നിയമം ലംഘിച്ച് യുവതിക്ക് സേവനം നല്‍കിയ ജെന്റ്‌സ് സലൂണ്‍ റിയാദ് നഗരസഭ അടപ്പിച്ചു. പുരുഷ ബാര്‍ബര്‍ ഷോപ്പിനകത്തു വെച്ച് യുവതിയുടെ മുടിവെട്ടുന്നതിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളില്‍ പ്രചരിച്ചിരുന്നു. ഇതേ കുറിച്ച് നഗരസഭക്ക് പരാതിയും ലഭിച്ചു. തുടര്‍ന്ന് നഗരസഭക്കു കീഴിലെ ഫീല്‍ഡ് സംഘം സലൂണില്‍ നടത്തിയ പരിശോധനയില്‍ നിയമ ലംഘനങ്ങള്‍ കണ്ടെത്തി. നിയമാനുസൃത ശിക്ഷാ നടപടികള്‍ സ്വീകരിക്കുന്നതിനു മുന്നോടിയായി ചോദ്യം ചെയ്യാന്‍ സ്ഥാപന ഉടമയെ വിളിപ്പിച്ചതായി റിയാദ് നഗരസഭ അറിയിച്ചു.

ജിദ്ദ: സൗദിയിലെ വിവിധ ഇടങ്ങളിൽ കനത്ത മഴക്ക് സാധ്യതയെന്ന് കാലാവസ്ഥാ മുന്നറിയിപ്പ്. നാളെ മുതൽ ബുധനാഴ്ച വരെ രാജ്യത്തിന്റെ വിവിധ പ്രദേശങ്ങളിൽ മഴയെത്തുമെന്നാണ് കാലാവസ്ഥാകേന്ദ്രം മുന്നറിയിപ്പ്. മക്ക, മദീന, തബൂക്ക് എന്നിവിടങ്ങളിലാണ് കനത്ത മഴക്ക് സാധ്യത. ഇവിടെ 50 കിലോമീറ്ററിന് മുകളിൽ വേഗമുള്ള കാറ്റിനും സാധ്യതയുണ്ടെന്നും കാലാവസ്ഥാ കേന്ദ്രം അറിയിച്ചു. റിയാദ്, കിഴക്കൻ പ്രവിശ്യ, അസീർ എന്നിവങ്ങളിലും മഴയെത്തുമെങ്കിലും ശക്തമാകില്ല. മക്ക, കിഴക്കൻ പ്രവിശ്യ എന്നിവിടങ്ങളിൽ പൊടിക്കാറ്റിനും സാധ്യതയുണ്ട്. റിയാദ്, വടക്കുകിഴക്കൻ അതിർത്തി പ്രദേശങ്ങൾ ഉൾപ്പെടെ രാജ്യത്തിന്റെ […]

റിയാദ് – റിയാദ് മെട്രോ ഓറഞ്ച് ലൈനില്‍ (മദീന റോഡ്) നാളെ മുതല്‍ സര്‍വീസുകള്‍ക്ക് തുടക്കമാകും. ഇതോടെ മെട്രോയിലെ ആറു ലൈനുകളിലും പൂര്‍ണ തോതില്‍ സര്‍വീസുകള്‍ നിലവില്‍വരും. ഒന്നാം ട്രാക്ക് ആയ ഉലയ്യ-ബത്ഹ (ബ്ലൂ ലൈന്‍), നാലാം ട്രാക്ക് ആയ കിംഗ് ഖാലിദ് എയര്‍പോര്‍ട്ട് (യെല്ലോ ലൈന്‍), ആറാം ട്രാക്ക് ആയ അബ്ദുറഹ്മാന്‍ ബിന്‍ ഔഫ് ജംഗ്ഷന്‍-ശൈഖ് ഹസന്‍ ബിന്‍ ഹുസൈന്‍ (വയലറ്റ് ലൈന്‍) എന്നീ മൂന്നു റൂട്ടുകളില്‍ ഡിസംബര്‍ ഒന്നിനും രണ്ടാം ട്രാക്ക് ആയ കിംഗ് […]

കൃത്യമായ ടേക്ക് ഓഫ്, ലാൻഡിംഗ് സമയങ്ങൾ പാലിക്കുന്നതിൽ റിയാദിലെ കിംഗ് ഖാലിദ് ഇൻ്റർനാഷണൽ എയർപോർട്ട് ലോകത്ത് ഒന്നാമതെത്തി. 2024 ലെ സിറിയം റിപ്പോർട്ടിലാണ് ലോകത്താകമാനമുള്ള 17678 എയർപോർട്ടുകളിൽ ഒന്നാമതായി റിയാദ് എയർപോർട്ട് തിരഞ്ഞെടുത്തത്. പെറുവിലെ ലിമ ജോർജ് ഷാവേസ് അന്താരാഷ്ട്ര വിമാനത്താവളവും മെക്സിക്കോ സിറ്റിയിലെ ബെനിറ്റോ ജുവാരസ് അന്താരാഷ്ട്ര വിമാനത്താവളവുമാണ് രണ്ടും മൂന്നും സ്ഥാനങ്ങളിൽ. സൗദി തലസ്ഥാനത്തെ വിമാനത്താവളത്തിൽ 86.65 ശതമാനം വിമാനങ്ങളും കൃത്യമായ സമയത്ത് ടേക്ക് ഓഫ് ചെയ്തപ്പോൾ, 81.79 ശതമാനവും കൃത്യസമയത്ത് എത്തിച്ചേരുന്നു. 60 […]

ജിദ്ദ – വിവിധ അതിര്‍ത്തി പ്രവേശന കവാടങ്ങള്‍ വഴി സൗദിയിലേക്ക് മയക്കുമരുന്ന് കടത്താനുള്ള മൂന്നു ശ്രമങ്ങള്‍ സകാത്ത്, ടാക്‌സ് ആന്റ് കസ്റ്റംസ് അതോറിറ്റി വിഫലമാക്കി. 2,20,000 ലേറെ ലഹരി ഗുളികകള്‍ കടത്താനുള്ള ശ്രമങ്ങളാണ് വിഫലമാക്കിയത്. സൗദി അറേബ്യയെയും ബഹ്‌റൈനെയും ബന്ധിപ്പിക്കുന്ന കിംഗ് ഫഹദ് കോസ്‌വേ വഴി കാറിന്റെ ഡോറുകള്‍ക്കകത്ത് ഒളിപ്പിച്ച് കടത്താന്‍ ശ്രമിച്ച വ്യത്യസ്ത ഇനങ്ങളില്‍ പെട്ട 1,66,345 ലഹരി ഗുളികകള്‍ അതോറിറ്റി ഉദ്യോഗസ്ഥര്‍ പിടികൂടി. ഉത്തര സൗദിയിലെ അല്‍ഹദീസ അതിര്‍ത്തി പോസ്റ്റ് വഴി യാത്രക്കാരന്‍ ബാഗില്‍ […]

ജിദ്ദ – ദേശീയ എണ്ണ കമ്പനിയായ സൗദി അറാംകൊ 2025 ജനുവരി ഒന്നു മുതല്‍ ഡീസല്‍ വില 44 ശതമാനം ഉയര്‍ത്തിയതിന്റെ ഫലമായി ഈ വര്‍ഷം 20 കോടി റിയാലിന്റെ അധിക ചെലവ് വരുമെന്ന് കണക്കാക്കുന്നതായി സൗദിയിലെ ഏറ്റവും വലിയ ഡയറി കമ്പനിയായ അല്‍മറാഇ പറഞ്ഞു. ഇതിനു പുറമെ, ഡീസല്‍ വില വര്‍ധന കമ്പനിയുടെ വിതരണ ശൃംഖലകളില്‍ ചില ഭാഗങ്ങളില്‍ പരോക്ഷമായ സ്വാധീനവും ചെലുത്തും. ഡീസല്‍ വില വര്‍ധനയുടെ ആഘാതം ലഘൂകരിക്കാന്‍ ബിസിനസ് കാര്യക്ഷമത, ചെലവ് ചുരുക്കൽ, […]

റിയാദ്- വെള്ളി, ശനി ദിവസങ്ങളില്‍ തലസ്ഥാന നഗരിയായ റിയാദില്‍ താപനില രണ്ടു ഡിഗ്രി വരെയെത്താന്‍ സാധ്യതയെന്ന് കാലാവസ്ഥ നിരീക്ഷകന്‍ അഖീല്‍ അല്‍അഖീല്‍ പറഞ്ഞു. സൗദിയിലെ ചില ഭാഗങ്ങളില്‍ താപനില പൂജ്യത്തിന് താഴെയെത്തും. മദീനയിലെയും റിയാദിലെയും പ്രാന്തപ്രദേശങ്ങളിലാണ് താപനില രണ്ടുഡിഗ്രിവരെയെത്തുക. തബൂക്കിലെ ഹൈറേഞ്ചുകളില്‍ മഞ്ഞുവീഴ്ചയുണ്ടാകും. അടുത്താഴ്ച ചില ഭാഗങ്ങളില്‍ കനത്ത മഴക്കും സാധ്യതയുണ്ട്. അദ്ദേഹം പറഞ്ഞു. വടക്കന്‍ കാറ്റാണ് ഇപ്പോള്‍ അടിച്ചുവീശുന്നതെന്നും ശനിയാഴ്ച വരെ ശീതക്കാറ്റ് തുടരുമെന്നും മറ്റൊരു കാലാവസ്ഥ നിരീക്ഷകനായ അലി ഇശ്ഖി അറിയിച്ചു. ഈ കാറ്റ് […]

ദമാം- മലയാളികളടക്കം 168 ഉംറ തീർത്ഥാടകർ നാട്ടിലേക്ക് മടങ്ങാനാവാതെ ദമാമിൽ കുടുങ്ങി. മംഗലാപുരം കേന്ദ്രീകരിച്ചു പ്രവർത്തിക്കുന്ന മുഹമ്മദീയ ഉംറ സർവീസിന് കീഴിൽ ഡിസംബർ 15 നു ജിദ്ദയിൽ എത്തിയ ഇവരെ പരിശുദ്ധ ഉംറ നിർവഹിച്ച ശേഷം മദീന സന്ദർശനത്തിന് വേണ്ടി എത്തിക്കുകയായിരുന്നു. ഇവരുടെ പരിചരണത്തിനും ഉംറ നിർവഹണത്തിനും നേതൃത്വം നൽകിയ അമീർ മദീനയിൽ ഇവർക്ക് വിവിധ ഹോട്ടലുകളിൽ താമസത്തിനു സജ്ജമാക്കി അപ്രത്യക്ഷമാകുകയായിരുന്നു. നാട്ടിലേക്ക് മടങ്ങുന്നതിനു വേണ്ടി തയ്യാറായ ഇവർ അമീറിനെ അന്വേഷിച്ചു നടന്നെങ്കിലും കണ്ടുകിട്ടിയില്ല. തിരിച്ചുപോകാനുള്ള ടിക്കറ്റിന്റെ […]

ജിദ്ദ – ആഭ്യന്തര മന്ത്രാലയത്തിനു കീഴിലെ ഓണ്‍ലൈന്‍ സേവന പ്ലാറ്റ്‌ഫോം ആയ അബ്ശിറിന്റെ ഭാഗമായ അബ്ശിര്‍ ബിസിനസില്‍ സ്വകാര്യ സ്ഥാപനങ്ങള്‍ക്ക് നല്‍കുന്ന സേവനങ്ങള്‍ക്ക് ഏഴു പുതിയ ഫീസുകള്‍ ഏര്‍പ്പെടുത്തി. ഇഖാമ ഇഷ്യു ചെയ്യല്‍ സേവനത്തിന് 51.75 അബ്ശിര്‍ ബിസിനസില്‍ സ്വകാര്യ സ്ഥാപനങ്ങള്‍ക്ക് നല്‍കുന്ന സേവനങ്ങള്‍ക്ക് ഏഴു പുതിയ ഫീസുകള്‍ ഏര്‍പ്പെടുത്തി തൊഴിലാളിയെ കുറിച്ച റിപ്പോര്‍ട്ടിന് 28.75 റിയാലും വിദേശികളുടെ പാസ്‌പോര്‍ട്ടുമായി ബന്ധപ്പെട്ട വിവരങ്ങള്‍ അപ്‌ഡേറ്റ് ചെയ്യാന്‍ 69 റിയാലുമാണ് പുതിയ ഫീസുകള്‍. റീ-എന്‍ട്രി ദീര്‍ഘിപ്പിക്കാന്‍ 103.5 റിയാലും […]