അൽബാഹ : സൗദിയിലെ വിനോദ സഞ്ചാര കേന്ദ്രങ്ങളിൽ പ്രധാനപ്പെട്ടതാണ് ഉഷ്ണ കാലത്തും മൂടൽ മഞ്ഞും തണുപ്പുമുണ്ടാകുന്ന അബഹ നഗരവും സമീപ പ്രദേശങ്ങളും. തണുപ്പു കാലമാകുന്നതോടെ സന്ദർശകരുടെ മനം കവരുന്ന പ്രകൃതി ഭംഗിയാണ് അൽ ബഹയിലുണ്ടാകാറുള്ളത്. മലമുകളിലെ വിവിധയിനം ചെടികളും പൂക്കളും മണ്ണിനെ സുന്ദരമാക്കുമ്പോൾ മൂടൽ മഞ്ഞ് ആകാശത്തെയും സുന്ദരമാക്കുകയാണ്. സസ്യവൈവിധ്യമാണ് അൽ ബഹയുടെ ഏറ്റവും വലിയ പ്രത്യേകതകളിലൊന്ന്. കൈതപ്പൂ, കാശിത്തുമ്പ,തുളസി, മറ്റനേകം സുഗന്ധ ചെടികൾ എന്നിവ അൽബഹയിലെ മലമടക്കുകളിലുണ്ട്. മൂടൽ മഞ്ഞിൽ പൂത്തുലയുന്ന ഇവ കാണാൻ സന്ദർശകരുടെ […]

ജിദ്ദ : പ്രവാസം തുടങ്ങിയതുമുതല്‍ ഓരോ പവന്‍ വാങ്ങിവെച്ചിരുന്നുവെങ്കില്‍ ഇപ്പോള്‍ കോടീശ്വരനാകാമായിരുന്നുവെന്ന് പരിതപിക്കുന്നവരുണ്ട്. അവര്‍ കടല്‍ കടന്ന സമയത്തെ സ്വര്‍ണവിലയും ഇപ്പോഴത്തെ സ്വര്‍ണവിലയും താരതമ്യം ചെയ്തു കൊണ്ടാണ് ഈ നിരാശ കലര്‍ന്ന പ്രതികരണം.നിരാശയില്‍ കാര്യമില്ലെന്നും പല നിക്ഷേപ മാര്‍ഗങ്ങളും മുന്നിലുണ്ടെങ്കിലും പ്രവാസികള്‍ സ്വര്‍ണം കൈവിടരുതെന്നാണ് സാമ്പത്തിക വിദഗ്ധര്‍ നല്‍കുന്ന ഉപദേശം. ലോകത്തിന്റെ എല്ലാ ഭാഗങ്ങളിലും സ്വര്‍ണം സുരക്ഷിത നിക്ഷേപമായി മാറുന്നുമുണ്ട്. ഓഹരി വിപണിയല്‍ ചാഞ്ചാട്ടമുട്ടാകുമ്പോള്‍ ആളുകള്‍ ധാരാളമായി സ്വര്‍ണത്തിലേക്ക് തിരിയുന്നതും കാണാം.ലോകത്ത് നിലനില്‍ക്കുന്ന രാഷ്ട്രീയ സാമ്പത്തിക കാലാവസ്ഥ […]

ജിദ്ദ : സൗദിയിലെ റോഡുകളിലൂടെ ബൈക്കുകൾ ഓടിക്കുന്നവർ അഞ്ചു നിയമ, നിർദേശങ്ങൾ നിർബന്ധമായും പാലിക്കണമെന്ന് സൗദി ട്രാഫിക് ഡയറക്ടറേറ്റ് ആവശ്യപ്പെട്ടു. സുരക്ഷാ മാനദണ്ഡങ്ങൾക്ക് നിരക്കുന്ന ഹെൽമെറ്റ് ധരിക്കണമെന്നതാണ് ഇതിൽ ആദ്യത്തെത്. നമ്പർ പ്ലേറ്റുകൾ പ്രത്യേകം നിശ്ചയിച്ച സ്ഥലങ്ങളിൽ തന്നെ സ്ഥാപിക്കണം. ബൈക്കുകൾ ഓടിക്കുന്നവർ പ്രത്യേക ട്രാക്ക് പാലിക്കണം. ട്രാക്കുകൾക്കിടയിൽ മാറിമാറി സഞ്ചരിക്കാൻ പാടില്ല. നിശ്ചിത വേഗപരിധിയും മുന്നിലുള്ള വാഹനവുമായി സുരക്ഷിത അകലവും പാലിക്കണമെന്നും ട്രാഫിക് ഡയറക്ടറേറ്റ് ആവശ്യപ്പെട്ടു.

ജിദ്ദ : എൻജിനീയറിംഗ് പ്രൊഫഷനുകളിൽ 25 ശതമാനം സൗദിവത്കരണം നടപ്പാക്കാന്‍ സൗദി മാനവ വിഭവശേഷി, സാമൂഹിക വികസന മന്ത്രാലയം തീരുമാനം. മുനിസിപ്പൽ, റൂറൽ അഫയേഴ്‌സ് ആന്റ് ഹൗസിംഗ് മന്ത്രാലയവുമായി സഹകരിച്ചാണ് എൻജിനീയറിംഗ് തൊഴിലുകളിൽ അഞ്ചോ അതിലധികമോ തൊഴിലാളികളെ നിയമിക്കുന്ന സ്വകാര്യ മേഖലാ സ്ഥാപനങ്ങളിൽ 25 ശതമാനം സൗദിവത്കരിക്കാൻ തീരുമാനിച്ചത്. പുതിയ നിയമം അടുത്ത ജൂലൈ 21 മുതൽ നിലവിൽ വരും. സിവിൽ, ആർക്കിടെക്ചറൽ, മെക്കാനിക്കൽ, സർവേയിംഗ് എഞ്ചിനീയർ തൊഴിലുകളാണ് സൗദിവത്കരിക്കുന്നത്. രാജ്യത്തിന്റെ വിവിധ പ്രദേശങ്ങളിലെ പൗരന്മാർക്കും സ്ത്രീകൾക്കും […]

റിയാദ് : വെട്ടുകിളിയെന്ന ജറാദിന്റെ സീസണ്‍ ആരംഭിച്ചതോടെ സൗദിയിലെ ചില മാര്‍ക്കറ്റുകളില്‍ ഇവയുടെ വില്‍പനക്ക് തുടക്കമായി. 150 റിയാല്‍ 500 റിയാല്‍ വരെയാണ് കിലോക്ക് വില. അതേസമയം വിവിധ വെട്ടുകിളി വിഭവങ്ങളും സാമൂഹിക മാധ്യമങ്ങളില്‍ നിറഞ്ഞുതുടങ്ങി. അല്‍ഖസീമിലെ ഫഹദ് അല്‍അനസിയാണ് വെട്ടുകിളി ബര്‍ഗര്‍ തയ്യാറാക്കുന്ന രീതി വിശദീകരിക്കുന്നത്. വെട്ടുകിളി കഴിക്കുന്നത് വഴി ശരീരത്തിന് വലിയ ഗുണങ്ങളുണ്ടെന്നാണ് അദ്ദേഹം പറയുന്നത്. ജീവനുള്ള വെട്ടുകളികളെ ആദ്യം വെള്ളം നിറച്ച പാത്രത്തിലേക്ക് ഇടും. തുടര്‍ന്ന് ഉള്ളി, എണ്ണയടക്കം ചില ചേരുവകള്‍ ചേര്‍ക്കും. […]

മദീന : ഒരാഴ്ചക്കിടെ മസ്ജിദുന്നബവിയിൽ 58 ലക്ഷത്തിലേറെ സന്ദർശകരെ സ്വീകരിച്ചതായി ഹറം പരിചരണ വകുപ്പ് അറിയിച്ചു. ഒരാഴ്ചക്കിടെ 58,32,384 വിശ്വാസികളാണ് പ്രവാചക പള്ളിയിലെത്തിയത്. ഇക്കാലയളവിൽ 5,50,911 പേർ പ്രവാചകന്റെയും അനുചരന്മാരുടെയും ഖബറിടങ്ങളിൽ സിയാറാത്ത് നടത്തി സലാം ചൊല്ലി. 1,30,401 പുരുഷന്മാരും 1,15,551 വനിതകളും റൗദ ശരീഫിൽ നമസ്‌കാരം നിർവഹിച്ചു. വയോജനങ്ങൾക്കും വികലാംഗർക്കും നീക്കിവെച്ച സ്ഥലങ്ങളിലെ പ്രത്യേക സേവനങ്ങൾ 12,110 പേർ പ്രയോജനപ്പെടുത്തി. 1,48,858 പേർക്ക് മാർഗനിർദേശ സേവനങ്ങൾ പ്രയോജനപ്പെട്ടു. ഒരാഴ്ചക്കിടെ മസ്ജിദുന്നബവി ലൈബ്രറി 10,887 പേർ പ്രയോജനപ്പെടുത്തി. […]

ജിദ്ദ : സൗദിയിൽ ടൂറിസം മേഖല പൂർണ വീണ്ടെടുപ്പ് കൈവരിച്ചതായി ടൂറിസം മന്ത്രാലയ വൃത്തങ്ങൾ പറഞ്ഞു. കോവിഡ്-19 മഹാമാരിക്കു മുമ്പുള്ള കാലത്തെ അപേക്ഷിച്ച് സൗദിയിൽ വിദേശ ടൂറിസ്റ്റുകളുടെ എണ്ണം 156 ശതമാനമായി ഉയർന്നിട്ടുണ്ട്. രാജ്യത്ത് ടൂറിസം മേഖലയിലെ വീണ്ടെടുപ്പ് 150 ശതമാനമായിട്ടുണ്ട്. ആഗോള തലത്തിൽ ഇത് 88 ശതമാനമാണ്. സൗദിയിലെ വ്യത്യസ്ത ടൂറിസം കേന്ദ്രങ്ങളിൽ ആഭ്യന്തര, വിദേശ ടൂറിസ്റ്റുകളുടെ എണ്ണം വർധിച്ചുവരികയാണ്. 2023 ൽ ജി-20 രാജ്യങ്ങളിൽ വിദേശ ടൂറിസ്റ്റുകളുടെ എണ്ണത്തിൽ ഏറ്റവും വലിയ വളർച്ച രേഖപ്പെടുത്തിയത് […]

ജിദ്ദ : നവംബറിൽ സൗദി അറേബ്യ അമേരിക്കൻ ബോണ്ടുകളിൽ 10.6 ബില്യൺ ഡോളറിന്റെ നിക്ഷേപങ്ങൾ നടത്തിയതായി കണക്ക്. നവംബർ അവസാനത്തോടെ അമേരിക്കൻ ബോണ്ടുകളിലെ സൗദി നിക്ഷേപങ്ങൾ 128.1 ബില്യൺ ഡോളറായി ഉയർന്നു. ഒക്‌ടോബർ അവസാനത്തിൽ ഇത് 117.5 ബില്യൺ ഡോളറായിരുന്നു. ഒരു മാസത്തിനിടെ ഒമ്പതു ശതമാനം വർധന.അമേരിക്കൻ ബോണ്ടുകളിലെ സൗദി നിക്ഷേപങ്ങളിൽ 82 ശതമാനം ദീർഘകാല നിക്ഷേപങ്ങളാണ്. ഈ ഗണത്തിൽ 105.2 ബില്യൺ ഡോളറിന്റെ നിക്ഷേപങ്ങളുണ്ട്. അമേരിക്കൻ ബോണ്ടുകളിൽ 22.9 ബില്യൺ ഡോളറിന്റെ ഹ്രസ്വകാല നിക്ഷേപങ്ങളും സൗദി […]

ജിദ്ദ : ഡിസംബറിൽ രാജ്യത്തെ വിമാന കമ്പനികൾക്കെതിരെ യാത്രക്കാരിൽ നിന്ന് 1,308 പരാതികൾ ലഭിച്ചതായി ജനറൽ അതോറിറ്റി ഓഫ് സിവിൽ ഏവിയേഷൻ അറിയിച്ചു. ഏറ്റവും കുറവ് പരാതികൾ ഉയർന്നുവന്നത് സ്വകാര്യ ബജറ്റ് വിമാന കമ്പനിയായ ഫ്‌ളൈ നാസിനെതിരെ ആണ്. ഒരു ലക്ഷം യാത്രക്കാർക്ക് 42 പരാതികൾ തോതിൽ ഫ്‌ളൈ നാസിനെതിരെ കഴിഞ്ഞ മാസം ലഭിച്ചു. ഇവക്കു മുഴുവൻ നിശ്ചിത സമയത്തിനകം കമ്പനി പരിഹാരം കണ്ടു. രണ്ടാം സ്ഥാനത്തുള്ള സൗദിയക്കെതിരെ ഒരു ലക്ഷം യാത്രക്കാർക്ക് 61 പരാതികൾ തോതിൽ […]

മനാമ : ബഹ്‌റൈനിലെ തുറമുഖത്ത് നങ്കൂരമിടുന്നതിനിടെ ബ്രിട്ടീഷ് യുദ്ധക്കപ്പലുകള്‍ കൂട്ടിയിടിച്ചു. ഉയര്‍ന്ന സാങ്കേതികവിദ്യകളുള്ള പടക്കപ്പലായ എച്ച്.എം.എസ് ചിഡിംഗ്‌ഫോള്‍ഡും എച്ച്.എം.എസ് ബാന്‍ഗൊറുമാണ് കൂട്ടിയിടിച്ചത്. അപകടത്തില്‍ കപ്പല്‍ ജീവനക്കാര്‍ക്ക് ആര്‍ക്കും പരിക്കില്ല. കേടുപാടുകള്‍ സംഭവിച്ചിട്ടുണ്ടോയെന്ന് അറിയുന്നതിന് കപ്പലുകള്‍ പരിശോധിച്ചുവരികയാണെന്ന് അധികൃതര്‍ പറഞ്ഞു.എച്ച്.എം.എസ് ചിഡിംഗ് ഫോള്‍ഡ് പിന്നോട്ടെടുക്കുന്നതിനിടെ എച്ച്.എം.എസ് ബാന്‍ഗൊറില്‍ ഇടിക്കുകയായിരുന്നു. അപകടത്തിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളിലൂടെ പുറത്തുവന്നു. ഇടിയുടെ ആഘാതത്തില്‍ എച്ച്.എം.എസ് ബാന്‍ഗൊറിന് കേടുപാടുകള്‍ സംഭവിച്ചിട്ടുണ്ട്. സമുദ്ര മൈനുകള്‍ക്കു വേണ്ടി തിരച്ചില്‍ നടത്തുന്ന, ബ്രിട്ടീഷ് റോയല്‍ നാവിക സേനക്കു […]

വ്യക്തികള്‍ക്ക് ആദായനികുതി ഏര്‍പ്പെടുത്താന്‍ സൗദി അറേബ്യ ആലോചിക്കുന്നില്ലെന്ന് ധനമന്ത്രി മുഹമ്മദ് അല്‍ ജദ്ആന്‍വ്യക്തമാക്കി. വ്യാപാര മേഖലയിലും കമ്പനികള്‍ക്കും പുതിയ നികുതികള്‍ ഏര്‍പ്പെടുത്താനും ആലോചനയില്ലെന്ന് അദ്ദേഹം പറഞ്ഞു.ബ്ലൂംബെര്‍ഗിന് നല്‍കിയ അഭിമുഖത്തിലാണ് മന്ത്രി ഇക്കാര്യം വ്യക്തമാക്കിയത്.

ജിദ്ദ : സൗദിയിലെ വിവിധ പ്രവിശ്യകളില്‍ അഞ്ചു വര്‍ഷത്തിനിടെ 3,47,646 വിദേശികള്‍ ഇസ്‌ലാം ആശ്ലേഷിച്ചതായി ഇസ്‌ലാമികകാര്യ മന്ത്രാലയം അറിയിച്ചു. വിവിധ പ്രവിശ്യകളില്‍ പ്രവര്‍ത്തിക്കുന്ന 457 കോള്‍ ആന്റ് ഗൈഡന്‍സ് സെന്ററുകള്‍ വഴി 423 വിദേശ പ്രബോധകര്‍ നടത്തിയ പ്രബോധന പ്രവര്‍ത്തനങ്ങളിലൂടെയാണ് ഇത്രയും പേര്‍ ഇസ്‌ലാം സ്വീകരിച്ചത്.2019 ല്‍ 21,654 പേരും 2020 ല്‍ 41,441 പേരും 2021 ല്‍ 27,333 പേരും 2022 ല്‍ 93,899 പേരും 2023 ല്‍ 1,63,319 പേരുമാണ് ഇസ്‌ലാം ആശ്ലേഷിച്ചതെന്ന് ഇസ്‌ലാമികകാര്യ […]