ദുബായ് : ശക്തമായ സമ്മർദമുണ്ടെങ്കിലും ഇസ്രായിലുമായുള്ള നയതന്ത്ര ബന്ധം തുടരുമെന്ന് വ്യക്തമാക്കി യു.എ.ഇ. ദുബായിൽ നടക്കുന്ന വേൾഡ് ഗവൺമെന്റ്‌സ് ഉച്ചകോടിയിൽ സംസാരിക്കവേ യു.എന്നിലെ യു.എ.ഇ അംബാസഡർ ലന നുസൈബിയാണ് ഇക്കാര്യം വ്യക്തമാക്കിയത്. ‘ഈ ബന്ധം ഉള്ളതുകൊണ്ടാണ് ഗാസയിൽ നമുക്കൊരു ഫീൽഡ് ആശുപത്രി ആരംഭിക്കാൻ കഴിഞ്ഞത്… അൽഅരീഷ് തുറമുഖത്ത് മാരിടൈം ഹോസ്പിറ്റൽ തുറക്കാൻ കഴിഞ്ഞത്. പക്ഷെ ഗാസയിലെ ജനങ്ങൾക്ക് ഇത് മാത്രം പോര. അവിടെ മാനുഷിക വെടിനിർത്തലും, ദ്വിരാഷ്ട്ര പരിഹാരവുമാണ് ആവശ്യം. നമ്മളുമായി യോജിപ്പിലുള്ള ആളുകളുമായി മാത്രം സംസാരിച്ചാൽ […]

റിയാദ് : സര്‍ക്കാര്‍ വകുപ്പുകളുടെ പദ്ധതികള്‍ക്കുള്ള കരാറുകള്‍ നേടിയെടുക്കാന്‍ പരസ്പരം ഒത്തുകളിച്ച് ടെണ്ടറുകള്‍ സമര്‍പ്പിച്ചതിന് രണ്ടു സ്വകാര്യ കമ്പനികള്‍ക്ക് 31 ലക്ഷത്തിലേറെ റിയാല്‍ പിഴ ചുമത്താനുള്ള ജനറല്‍ അതോറിറ്റി ഫോര്‍ കോംപറ്റീഷനു കീഴിലെ പ്രത്യേക കമ്മിറ്റിയുടെ തീരുമാനം റിയാദ് അപ്പീല്‍ കോടതി ശരിവെച്ചു. സ്വകാര്യ കമ്പനികള്‍ക്കും സ്ഥാപനങ്ങള്‍ക്കുമിടയില്‍ ആരോഗ്യകരമായ മത്സരം ഉറപ്പുവരുത്തുകയും കുത്തകവല്‍ക്കരണം അടക്കമുള്ള നിഷേധാത്മക പ്രവണതകള്‍ തടയുകയും ചെയ്യുന്ന കോംപറ്റീഷന്‍ നിയമം ലംഘിച്ച സ്ഥാപനങ്ങള്‍ക്കെതിരെ ജനറല്‍ അതോറിറ്റി ഫോര്‍ കോംപറ്റീഷന്‍ വിശദമായ അന്വേഷണം നടത്തുകയും നിയമ […]

അബുദാബി : നാട്ടിലേക്ക് പണമയക്കുന്നതിനുള്ള ഫീസ് വര്‍ധിപ്പിക്കാനൊരുങ്ങി യു.എ.ഇയിലെ മണി എക്‌സ്‌ചേഞ്ച് സ്ഥാപനങ്ങള്‍. 15 ശതമാനം വരെ നിരക്ക് കൂട്ടുമെന്നാണ് വിവരം, പ്രവാസികള്‍ക്ക് ഇതൊരു അധികച്ചെലവാകും.യു.എ.ഇ സര്‍ക്കാരിന്റെ അധികാരപരിധിയിലുള്ള മണി എക്‌സ്‌ചേഞ്ച് സ്ഥാപനങ്ങള്‍ക്ക് ഓപ്ഷണല്‍ സ്ട്രാറ്റജിക് ഫീസ് ക്രമീകരണം നടപ്പാക്കാന്‍ അനുമതി ലഭിച്ചതായി ഇന്ന് ഫോറിന്‍ എക്‌സ്‌ചേഞ്ച് ആന്‍ഡ് റെമിറ്റന്‍സ് ഗ്രൂപ്പ് (എഫ്ഇആര്‍ജി) പ്രഖ്യാപിച്ചു. കുറഞ്ഞത് 15 ശതമാനം വര്‍ധനവാണ് അനുവദിച്ചിട്ടുള്ളത്. 2.50 ദിര്‍ഹം വരെ കൂടിയേക്കാം.ബ്രാഞ്ചുകളില്‍ നേരിട്ട് പോയുള്ള റെമിറ്റന്‍സ് സേവനങ്ങള്‍ക്ക് ഫീസ് വര്‍ദ്ധിപ്പിക്കുമെന്ന് പ്രതീക്ഷിക്കുന്നതായി […]

ജിദ്ദ : ദേശീയ വിമാന കമ്പനിയായ സൗദിയ ഗ്രൂപ്പിനു കീഴിലെ വിമാനത്തില്‍ പ്രത്യേകം സജ്ജീകരിച്ച നമസ്‌കാര സ്ഥലം പ്രദര്‍ശിപ്പിക്കുന്ന വീഡിയോ പുറത്ത്. സൗദിയ സ്റ്റ്യുവാര്‍ഡ് നമസ്‌കാര സ്ഥലത്തെ കുറിച്ച് വിശദീകരിച്ചു നല്‍കുന്ന വീഡിയോ ആണ് സാമൂഹികമാധ്യമങ്ങളില്‍ പ്രചരിക്കുന്നത്. സൗദിയ എംബ്ലം അടങ്ങിയ പ്രത്യേക കാര്‍പെറ്റ് വിരിച്ച സ്ഥലത്ത് ഒരേസമയം എട്ടു പേര്‍ക്ക് നമസ്‌കാരം നിര്‍വഹിക്കാന്‍ സാധിക്കും.യാത്രക്കിടയില്‍ തങ്ങളുടെ സൗകര്യം പോലെ സ്ത്രീപുരുഷന്മാര്‍ക്ക് സംഘമായും വെവ്വേറെയായും ഇവിടെ നമസ്‌കാരം നിര്‍വഹിക്കാവുന്നതാണ്. ഖിബ്‌ലയുടെ ദിശ നിര്‍ണയിക്കുന്ന സേവനവും വ്യത്യസ്ത രാജ്യങ്ങളിലെ […]

ജിദ്ദ : വാഹന ഇന്‍ഷുറന്‍സ് മേഖലയില്‍ ഉപയോക്താക്കള്‍ നടത്തുന്ന തട്ടിപ്പുകള്‍ പോളിസി നിരക്ക് ഉയരാന്‍ ഇടയാക്കുകയാണെന്ന് ഇന്‍ഷുറന്‍സ് മേഖലാ വക്താവ് ആദില്‍ അല്‍ഈസ പറഞ്ഞു. ഇത്തരം തട്ടിപ്പുകള്‍ പുതിയ ഉല്‍പന്നങ്ങളും സേവനങ്ങളും പുറത്തിറക്കുന്നതില്‍ നിന്ന് ഇന്‍ഷുറന്‍സ് കമ്പനികളെ തടയുകയാണ്. വാഹന ഇന്‍ഷുറന്‍സുമായി ബന്ധപ്പെട്ട് ഉപയോക്താക്കള്‍ നടത്തുന്ന തട്ടിപ്പുകളും ക്ലെയിമുകളും, പോളിസി നിരക്കും കമ്പനികളുടെ പ്രവര്‍ത്തന ചെലവും ഉയരാരാന്‍ ഇടയാക്കുകയാണ്. ഇത്തരം തട്ടിപ്പുകള്‍ സാമ്പത്തിക മേഖലകള്‍ക്ക് പിന്തുണ നല്‍കുന്നതിലുള്ള അടിസ്ഥാന പങ്ക് വഹിക്കാനുള്ള ഇന്‍ഷുറന്‍സ് കമ്പനികളുടെ ശേഷി തടസപ്പെടുത്തും.സാമ്പത്തിക […]

റിയാദ് : കടകളിലും വ്യാപാര സ്ഥാപനങ്ങളിലും മറ്റും സ്ഥാപിക്കുന്ന സുരക്ഷാ നിരീക്ഷണ ക്യാമറകള്‍ നിബന്ധനകള്‍ പാലിച്ചില്ലെങ്കില്‍ ഓരോ ക്യാമറക്കും 500 റിയാല്‍ വീതം പിഴ നല്‍കേണ്ടിവരുമെന്ന് ആഭ്യന്തര മന്ത്രാലയം മുന്നറിയിപ്പ് നല്‍കി. നിരീക്ഷണ ക്യാമറകള്‍ സ്ഥാപിക്കുമ്പോള്‍ സ്വീകരിക്കേണ്ട മാനദണ്ഡങ്ങള്‍ ആഭ്യന്തര മന്ത്രാലയത്തിന്റെ വെബ് സൈറ്റില്‍ പ്രസിദ്ധീകരിച്ചിട്ടുണ്ട്. നിയമലംഘനം പിടികൂടിയാല്‍ അപ്പീല്‍ നല്‍കാന്‍ 60 ദിവസം അനുവദിച്ചിട്ടുണ്ട്. സൗദി മന്ത്രിസഭ പാസാക്കിയ സുരക്ഷ നിരീക്ഷണ ക്യാമറ വ്യവസ്ഥകൾ വാണിജ്യ വെയർഹൗസുകൾ, ധനകാര്യ സ്ഥാപനങ്ങൾ, ബാങ്കുകൾ, എക്‌സ്‌ചേഞ്ച്, മണി ട്രാൻസ്ഫർ […]

ദുബായ് : യു.എ.ഇ ഇന്ന് കണ്ണു തുറന്നത് ആലിപ്പഴ വർഷത്തിലേക്ക്. കൂടെ ഇടിയും മിന്നലും. രാത്രി മുഴുവൻ രാജ്യത്തിന്റെ ചില ഭാഗങ്ങളിൽ പെയ്ത കനത്ത മഴയുടെ തുടർച്ചയായാണ് ആലിപ്പഴ വർഷവും ഇടിയും മിന്നലുമുണ്ടായത്. പുലർച്ചെയാണ് ആലിപ്പഴ വർഷമുണ്ടായത്. ചിലയിടങ്ങളിൽ വീണ ആലിപ്പഴങ്ങൾക്ക് ഒരു ടെന്നീസ് ബോളിനോളം വലുപ്പമുണ്ടെന്ന് ഖലീജ് ടൈംസ് റിപ്പോർട്ട് ചെയ്യുന്നു. അൽ ഐൻ, അൽ വോത്ബ മേഖല, അബുദാബിയിലെ ബനി യാസ് എന്നിവടങ്ങളിലാണ് കനത്ത മഴ പെയ്തതെന്ന് നാഷണൽ സെന്റർ ഓഫ് മെറ്റീരിയോളജി (എൻ.സി.എം) […]

അൽബാഹ : അൽബാഹയിൽ നാളെ രാവിലെ ഒൻപത് വരെ കനത്ത മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ വിഭാഗം അറിയിച്ചു. ഇതിന്റെ അടിസ്ഥാനത്തിൽ അൽബാഹയിൽ റെഡ് അലർട്ട് പ്രഖ്യാപിച്ചു. നാളെ (തിങ്കൾ)രാവിലെ ഒൻപത് വരെയാണ് അലർട്ട്. അൽ മന്ദഖ്, ബൽജുർഷി, ബനീ ഹസൻ എന്നിവടങ്ങളിലും അലർട്ടുണ്ട്.

ജിദ്ദ : ജിദ്ദ പഴം പച്ചക്കറി മാർക്കറ്റിലെ സ്വദേശിവൽക്കരണ നിയമം ലംഘിച്ചതിന്റെയും ബിനാമി സംശയത്തിന്റെയും പേരിൽ നിരവധി കേസുകൾ രജിസ്റ്റർ ചെയ്തതായും ജിദ്ദ ഗവർണറേറ്റിനു കീഴിലെ സൂപ്പർവൈസറി സമിതി പറഞ്ഞു. ബിനാമി കേസുകൾ കണ്ടെത്തി ശിക്ഷിക്കുന്നതിനുള്ള ദേശീയ സമിതിയാണ് പരിശോധന നടത്തിയത്. ഇത്തരത്തിൽ ജിദ്ദയിലെ വിവിധ ഭാഗങ്ങളിൽ നടത്തിയ പരിശോധനകളിൽ പതിനഞ്ചോളം ബിനാമി കേസുകൾ കണ്ടെത്തി. വിവിധ വാണിജ്യ കേന്ദ്രങ്ങളിലും സ്ഥാപനങ്ങളിലും തുടർച്ചയായി നിരീക്ഷണം നടത്തിയാണ് ടീമുകൾ ബിനാമി കേസുകളിലേക്കെത്തിയത്.നിയമലംഘനം ശ്രദ്ധയിൽപ്പെട്ട സ്ഥാപനത്തിലെ തൊഴിലാളികളെയും ഉടമകളെയും കസ്റ്റഡിയിലെടുത്ത് […]

റിയാദ് : യു.എ 7, എൻ 60, ഇസെഡ് കെ-100 എന്നീ നമ്പറുകൾ ചൊവ്വാഴ്ച ലേലത്തിൽ വെക്കുമെന്ന് സൗദി ട്രാഫിക് വകുപ്പിന്റെ അറിയിപ്പ്. ചൊവ്വാഴ്ച രാവിലെ എട്ടു മുതൽ രാത്രി പത്തുവരെയാണ് ഈ നമ്പറുകൾ ലേലത്തിൽ വെക്കുന്നത്. താൽപര്യമുള്ളവർക്ക് ലേലത്തിൽ പങ്കെടുക്കാം. കൂടുതൽ പണം വാഗ്ദാനം ചെയ്യുന്നവർക്ക് ഈ നമ്പർ ലഭിക്കും. അബ്ഷിറിലൂടെയാണ് ലേലത്തിൽ പങ്കെടുക്കേണ്ടത്.

മസ്‌കത്ത് : ലക്ഷക്കണക്കിന് ഫലസ്തീന്‍ പൗരന്മാര്‍ക്ക് അഭയം നല്‍കുന്ന റഫാ നഗരം ആക്രമിക്കാനുള്ള ഇസ്രായിലിന്റെ ഉദ്ദേശ്യത്തെ അപലപിക്കുന്നുവെന്ന് ഒമാന്‍. ‘ഗാസ മുനമ്പിലെ വിവേചനരഹിതമായ ആക്രമണത്തിലും റഫയെ ആക്രമിക്കാനുള്ള പദ്ധതിയിലും അധിനിവേശം തുടരുന്നതിന്റെ ഗുരുതരമായ പ്രത്യാഘാതങ്ങളെക്കുറിച്ച് ഞങ്ങള്‍ മുന്നറിയിപ്പ് നല്‍കുന്നു- ഒമാന്‍ വിദേശകാര്യ മന്ത്രാലയം പ്രസ്താവനയില്‍ പറഞ്ഞു. ‘ഇസ്രായേലിനെ അതിന്റെ അഹങ്കാരത്തില്‍നിന്ന് പിന്തിരിപ്പിക്കാനും ആക്രമണം അവസാനിപ്പിക്കാനും ശക്തമായ നടപടികള്‍ കൈക്കൊള്ളാന്‍ ഞങ്ങള്‍ അന്താരാഷ്ട്ര സമൂഹത്തോട് അഭ്യര്‍ത്ഥിക്കുന്നതായും പ്രസ്താവനയില്‍ പറഞ്ഞു. അതിനിടെ, ഒക്‌ടോബര്‍ 7 മുതല്‍ ഏകദേശം 7,000 ഫലസ്തീനികള്‍ […]

അൽബാഹ : കനത്ത മഴ മുന്നറിയിപ്പിനെ തുടർന്ന് അൽബാഹയിലെ വിദ്യാലയങ്ങൾക്ക് നാളെ(ഞായർ)അവധിയായിരിക്കുമെന്ന് വിദ്യാഭ്യാസ വകുപ്പ് അറിയിച്ചു. സ്‌കൂൾ ജീവനക്കാർക്കും അവദിയാണ്. അൽമന്ദാഖ്, ബനി ഹസ്സൻ, അൽഖ, അൽഅഖിഖ്, ബൽജുരാഷി, സെൻട്രൽ അൽബാഹ എന്നിവടങ്ങളിലാണ് അവധി. മൈ സ്‌കൂൾ പ്ലാറ്റ്‌ഫോം വഴി പഠനം തുടരണം. അൽബഹ ഉൾപ്പെടെയുള്ള പ്രദേശങ്ങളിൽ അടുത്ത ഏതാനും മണിക്കൂറുകളിൽ കനത്ത മഴ പെയ്യുമെന്ന് ദേശീയ കാലാവസ്ഥാ കേന്ദ്രത്തിൽ നിന്ന് ലഭിച്ച റിപ്പോർട്ടുകളുടെ അടിസ്ഥാനത്തിലാണ് പ്രഖ്യാപനം.

ജിദ്ദ : ജിദ്ദയിൽ മാസപ്പിറവി ദൃശ്യമായതിനെ തുടർന്ന് നാളെ ശഅബാൻ ഒന്നായിരിക്കുമെന്ന് അധികൃതർ അറിയിച്ചു. വിശ്വാസികൾ കാത്തിരിക്കുന്ന റമദാനിലേക്ക് ഇനി ഒരു മാസത്തെ ഇടവേള മാത്രം. ഗോളശാസ്ത്രപരമായി കുവൈത്തിൽ റമദാൻ ഒന്ന് മാർച്ച് 11 ന് തിങ്കളാഴ്ചയായിരിക്കുമെന്ന് അൽഉജൈരി സെന്റർ അറിയിച്ചു. ഫെബ്രുവരി 11 (ഇന്ന്) ശഅബാൻ ഒന്ന് ആയിരിക്കും. ശഅ്ബാനിൽ 29 ദിവസമാണുണ്ടാവുക. മാർച്ച് 10 ന് വൈകീട്ട് റമദാൻ മാസപ്പിറവി കാണുക ദുഷ്‌കരമായിരിക്കും. സൂര്യാസ്തമനം നടന്ന് 12 മിനിറ്റു മാത്രമേ ചാന്ദ്രമാസപ്പിറവി മാനത്തുണ്ടാവുകയുള്ളൂ. റമദാൻ […]