ജിദ്ദ – വേനല്‍ച്ചൂടില്‍ കാറുകള്‍ക്കുള്ളില്‍ പത്തു വസ്തുക്കള്‍ വയ്ക്കാന്‍ പാടില്ലെന്ന് ആരോഗ്യ മന്ത്രാലയം പറഞ്ഞു. സ്‌പ്രേകുപ്പി, മൊബൈല്‍ ഫോണ്‍ ബാറ്ററി, മിനറല്‍ വാട്ടര്‍ കുപ്പികള്‍, ഹാന്‍ഡ് സാനിറ്റൈസര്‍, സിഗരറ്റ് ലൈറ്റര്‍, മേക്കപ്പ് വസ്തുക്കള്‍, സണ്‍ക്രീം, പവര്‍ ബാങ്കുകള്‍, ഗ്യാസ് സിലിണ്ടര്‍, മരുന്നുകള്‍ എന്നിവയാണ് ഉടമകള്‍ പുറത്തിറങ്ങിപ്പോകുന്ന സമയങ്ങളില്‍ കാറുകളില്‍ വെക്കാൻ പാടില്ലാത്തതെന്ന് ആരോഗ്യ മന്ത്രാലയം പറഞ്ഞു.

മക്ക – സഅ്‌യ് കര്‍മം പൂര്‍ത്തിയായ ശേഷം വിശുദ്ധ ഹറമിനകത്തോ മുറ്റങ്ങളിലോ വെച്ച് ശിരസ്സ് മുണ്ഡനം ചെയ്യുകയോ മുടി വെട്ടുകയോ ചെയ്യരുതെന്ന് ഹറംകാര്യ വകുപ്പ് തീര്‍ഥാടകരോട് ആവശ്യപ്പെട്ടു. സഅ്‌യ് പൂര്‍ത്തിയായ ശേഷം മുണ്ഡനം ചെയ്യാനും മുടിമുറിക്കാനുമുള്ള മര്യാദകള്‍ പാലിച്ചുകൊണ്ട് വിശുദ്ധ ഹറമിന്റെ പരിസരം വൃത്തിയായി സൂക്ഷിക്കാനും ശുചിത്വം നിലനിര്‍ത്താനും പ്രത്യേകം ശ്രദ്ധിക്കണം. സ്ഥലത്തിന്റെ വിശുദ്ധിയും വൃത്തിയും കാത്തുസൂക്ഷിക്കുന്നതിന്, സഅ്‌യ് പൂര്‍ത്തിയായ ശേഷം വിശുദ്ധ ഹറമിലും മുറ്റങ്ങളിലും ശിരസ്സ് മുണ്ഡനം ചെയ്യാതിരിക്കാനും മുടിമുറിക്കാതിരിക്കാനും തീര്‍ഥാടകര്‍ പ്രത്യേകം ശ്രദ്ധിക്കണമെന്ന് ഹറംകാര്യ […]

ജിദ്ദ – സൂര്യാഘാതമേല്‍ക്കുന്നവരിലുണ്ടാകുന്ന എട്ടു ലക്ഷണങ്ങള്‍ സൗദി ഹെല്‍ത്ത് കൗണ്‍സില്‍ വ്യക്തമാക്കി. കടുത്ത ചൂട് മൂലമുള്ള ക്ഷീണത്തെക്കാള്‍ കൂടുതല്‍ അപകരടമാണ് സൂര്യാഘാതം. ഇത് ചില സന്ദര്‍ഭങ്ങളില്‍ മരണത്തിലേക്കു വരെ നയിച്ചേക്കും. ബോധക്ഷയം, ചര്‍മം ചൂടാകല്‍-ചുവപ്പാകല്‍-വരണ്ടതാകല്‍-ഈര്‍പ്പമുള്ളതാകല്‍, ഹൃദയമിടിപ്പിന്റെ വേഗതയും ശക്തിയും, തലവേദന, തലകറക്കം, ഓക്കാനം, ശരീര ഊഷ്മാവ് 40 ഡിഗ്രിയും അതില്‍ കൂടുതലും ആയി ഉയരല്‍, മനോവിഭ്രാന്തി-ആശയക്കുഴപ്പം എന്നിവയാണ് സൂര്യാഘാതത്തിന്റെ ലക്ഷണങ്ങള്‍. ഇതിലേതെങ്കിലും ലക്ഷണങ്ങളോടെ രോഗിയെ കണ്ടാല്‍ ഉടന്‍ ആംബുലന്‍സില്‍ ബന്ധപ്പെടുകയും പ്രാഥമികശുശ്രൂഷകള്‍ നല്‍കുകയും വേണമെന്ന് സൗദി ഹെല്‍ത്ത് […]

മദീന – ദുല്‍ഖഅ്ദ ഒന്നു മുതല്‍ ദുല്‍ഹജ് 14 വരെയുള്ള ഒന്നര മാസക്കാലത്ത് 14,03,640 പേര്‍ പ്രവാചക മസ്ജിദിലെ റൗദ ശരീഫില്‍ സന്ദര്‍ശനം നടത്തി നമസ്‌കാരം നിര്‍വഹിച്ചതായി ഹറംകാര്യ വകുപ്പ് അറിയിച്ചു. ഇതില്‍ 7,62,101 പേര്‍ പുരുഷന്മാരും 6,41,539 പേര്‍ വനിതകളുമാണ്. മസ്ജിദുന്നബവിയില്‍ റൗദ ശരീഫ് സന്ദര്‍ശനത്തിനു മാത്രമാണ് മുന്‍കൂട്ടി ബുക്ക് ചെയ്ത് പെര്‍മിറ്റ് നേടേണ്ടത്. പ്രവാചക പള്ളിയില്‍ നമസ്‌കാരം നിര്‍വഹിക്കാനും പ്രവാചകന്റെയും അനുചരന്മാരുടെയും ഖബറിടങ്ങളില്‍ സിയാറത്ത് നടത്തി സലാം ചൊല്ലാനും പെര്‍മിറ്റ് ആവശ്യമില്ല. റൗദ ശരീഫിന്റെ […]

ജിദ്ദ – ഗുരുതരമായ നിയമ ലംഘനങ്ങള്‍ക്ക് ജിദ്ദയിലെ 350 വ്യാപാര സ്ഥാപനങ്ങള്‍ നഗരസഭ കഴിഞ്ഞ മാസം അടപ്പിച്ചു. നിയമ, വ്യവസ്ഥകള്‍ പാലിക്കുന്നുണ്ടെന്ന് ഉറപ്പുവരുത്താന്‍ ജിദ്ദ നഗരസഭക്കു കീഴിലെ 11 ശാഖാ ബലദിയ പരിധികളില്‍ പ്രവര്‍ത്തിക്കുന്ന 14,000 ലേറെ സ്ഥാപനങ്ങളില്‍ കഴിഞ്ഞ മാസം പരിശോധനകള്‍ നടത്തി. റെസ്റ്റോറന്റുകളും സലൂണുകളും ഭക്ഷ്യവസ്തുക്കള്‍ വില്‍ക്കുന്ന സ്ഥാപനങ്ങളും അടക്കം പൊതുജനാരോഗ്യവുമായി ബന്ധപ്പെട്ട 11,701 സ്ഥാപനങ്ങളിലും 2,930 മറ്റു വ്യാപാര സ്ഥാപനങ്ങളിലുമാണ് കഴിഞ്ഞ മാസം പരിശോധനകള്‍ നടത്തിയതെന്ന് ജിദ്ദ നഗരസഭ വക്താവ് മുഹമ്മദ് അല്‍ബഖമി […]

ജിദ്ദ – കഴിഞ്ഞ വര്‍ഷം സൗദിയിലേക്ക് 61,200 ബൈക്കുകള്‍ ഇറക്കുമതി ചെയ്തതായി ജനറല്‍ അതോറിറ്റി ഫോര്‍ സ്റ്റാറ്റിസ്റ്റിക്‌സ് കണക്കുകള്‍ വ്യക്തമാക്കുന്നു. 2022 നെ അപേക്ഷിച്ച് 2023 ല്‍ ബൈക്ക് ഇറക്കുമതിയില്‍ 95.5 ശതമാനം വളര്‍ച്ച രേഖപ്പെടുത്തി. കഴിഞ്ഞ കൊല്ലം 25.8 കോടി റിയാല്‍ വില വരുന്ന ബൈക്കുകളാണ് ഇറക്കുമതി ചെയ്തത്. 2022 ല്‍ 18.9 കോടി റിയാലിന്റെ ബൈക്കുകള്‍ ഇറക്കുമതി ചെയ്തിരുന്നു. കഴിഞ്ഞ വര്‍ഷം ഇറക്കുമതി ചെയ്ത ബൈക്കുകളില്‍ ഏറ്റവും വില കൂടിയ ബൈക്ക് ഫ്രാന്‍സില്‍ നിന്ന് […]

ജിദ്ദ – സ്വകാര്യ മേഖലാ ജീവനക്കാരുടെ ഓവര്‍ടൈം ഡ്യൂട്ടി വര്‍ഷത്തില്‍ 720 മണിക്കൂറില്‍ കവിയാന്‍ പാടില്ലെന്ന് മാനവശേഷി, സാമൂഹിക വികസന മന്ത്രാലയം വ്യക്തമാക്കി. എന്നാല്‍ തൊഴിലാളിയുടെ സമ്മതത്തോടെ ഓവര്‍ടൈം ഡ്യൂട്ടി ഇതിലധികമായി വര്‍ധിപ്പിക്കാവുന്നതാണ്. ഓവര്‍ടൈം ഡ്യൂട്ടിക്ക് തൊഴിലുടമ അധിക വേതനം നല്‍കിയിരിക്കണം. അധികമായി ചെയ്യുന്ന ഓരോ മണിക്കൂര്‍ ജോലിക്കും ഒരു മണിക്കൂറിന് തുല്യമായ വേതനവും അടിസ്ഥാന വേതനത്തിന്റെ 50 ശതമാനവുമാണ് നല്‍കേണ്ടത്. പ്രതിവാര അടിസ്ഥാനത്തില്‍ തൊഴില്‍ സമയം കണക്കാക്കുന്ന സ്ഥാപനങ്ങളില്‍ പ്രതിവാര തൊഴില്‍ സമയത്തില്‍ കൂടുതല്‍ നിര്‍വഹിക്കുന്ന […]

മക്ക – വിശുദ്ധ കഅ്ബാലയത്തിന്റെ താക്കോല്‍ സൂക്ഷിപ്പുകാരന്‍ ശൈഖ് ഡോ. സ്വാലിഹ് ബിന്‍ സൈനുല്‍ആബിദീന്‍ അല്‍ശൈബി അന്തരിച്ചതോടെ ആരാകും കഅ്ബാലയത്തിന്റെ അടുത്ത താക്കോല്‍ സൂക്ഷിപ്പുകാരനും പുതിയ പദവിക്ക് തെരഞ്ഞെടുക്കപ്പെടുന്ന വ്യക്തിയെ ഏതു രീതിയിലാണ് പുറംലോകത്തെ അറിയിക്കുക എന്നുമുള്ള കാര്യത്തില്‍ ജിജ്ഞാസ നിറഞ്ഞ സംശയങ്ങളും ചോദ്യങ്ങളും ഉയരുന്നു. അല്‍ശൈബ കുടുംബത്തില്‍ ഏറ്റവും പ്രായമായ വ്യക്തിയാണ് കഅ്ബാലയത്തിന്റെ താക്കോല്‍സൂക്ഷിപ്പുകാരനായി മാറുകയെന്ന് അല്‍ശൈബ കുടുംബത്തിലെ പ്രമുഖനായ നിസാര്‍ അല്‍ശൈബി പറഞ്ഞു. ആരാകും അടുത്ത താക്കോല്‍സൂക്ഷിപ്പുകാരന്‍ എന്ന കാര്യം ഇതുവരെ പരസ്യപ്പെടുത്തിയിട്ടില്ല. റോയല്‍ […]

റിയാദ്: ഒന്നര ലക്ഷം പേര്‍ക്ക് തൊഴിലവസരങ്ങള്‍ നല്‍കുമെന്ന് കരുതപ്പെടുന്ന ലോകത്തിലെ ഏറ്റവും വലിയ വിമാനത്താവളം ഒരുങ്ങുകയാണ് സൗദി തലസ്ഥാനമായ റിയാദില്‍. റിയാദിലെ കിംഗ് സല്‍മാന്‍ ഇന്റര്‍നാഷണല്‍ എയര്‍പോര്‍ട്ടിന്റെ നിര്‍മാണം 2030തോടെ പൂര്‍ത്തിയാവുമെന്ന് വ്യോമയാന മന്ത്രാലയം അറിയിച്ചു.ലോകത്തിലെ ഏറ്റവും വലുതും ഏറ്റവും ആധുനികവുമായി മാറുമെന്ന് കരുതപ്പെടുന്ന ഈ വിമാനത്താവളം അദ്ഭുതകരമായ അനുഭവങ്ങളായിരിക്കും യാത്രക്കാര്‍ക്ക് സമ്മാനിക്കുകയെന്ന് അധികൃതര്‍ പറഞ്ഞു. ആറ് ഭീമന്‍ റണ്‍വേകള്‍ അടങ്ങുന്നതായിരിക്കും വിമാനത്താവളം. വിമാനത്താവളം യാഥാര്‍ഥ്യമാവുന്നതോടെ വിവിധ മേഖളകളിലായി ഒന്നര ലക്ഷം തൊഴിലവസരങ്ങള്‍ ലഭിക്കുമെന്നാണ് വിലയിരുത്തപ്പെടുന്നത്. 23 […]

ജിദ്ദ – ജിദ്ദ എയര്‍പോര്‍ട്ടിനെയും മക്കയെയും നേരിട്ട് ബന്ധിപ്പിക്കുന്ന പുതിയ റോഡിന്റെ നാലാം ഘട്ട ജോലികളുടെ 24 ശതമാനം പൂര്‍ത്തിയായതായി റോഡ്‌സ് ജനറല്‍ അതോറിറ്റി അറിയിച്ചു. നാലാം ഘട്ടത്തിന് 11 കിലോമീറ്റര്‍ നീളമാണുള്ളത്. ഇരു ദിശകളിലേക്കും നാലു വീതം ട്രാക്കുകളും 16 മീറ്റര്‍ വീതിയില്‍ മധ്യത്തില്‍ ഡിവൈഡറുമുള്ള റോഡ് നാലു ഘട്ടങ്ങളായി വിഭജിച്ചാണ് നിര്‍മിക്കുന്നത്. ഇതില്‍ ആകെ 51 കിലോമീറ്റര്‍ നീളമുള്ള മൂന്നു ഘട്ടങ്ങള്‍ ഇതിനകം വാഹന ഗതാഗതത്തിന് തുറന്നുകൊടുത്തിട്ടുണ്ട്. ജിദ്ദയില്‍ നിന്ന് ഹദാ-അല്‍ജുമൂം ഇന്റര്‍സെക്ഷന്‍ വരെയുള്ള […]

ജിദ്ദ – സൗദിയില്‍ പൊതുവിദ്യാലയങ്ങളില്‍ അടുത്ത അധ്യയന വര്‍ഷത്തിലും മൂന്നു സെമസ്റ്റര്‍ സംവിധാനം തുടരുമെന്ന് വിദ്യാഭ്യാസ മന്ത്രാലയം അറിയിച്ചു. അടുത്ത അഞ്ചു വര്‍ഷത്തേക്കുള്ള അക്കാദമിക് കലണ്ടറിന്റെ പൊതുവായ സമയക്രമം മന്ത്രിസഭ അംഗീകരിച്ചു. അടുത്ത അധ്യയന വര്‍ഷത്തിനു ശേഷമുള്ള നാലു വര്‍ഷങ്ങളില്‍ രണ്ടു സെമസ്റ്റര്‍ രീതിയാണോ അതല്ല മൂന്നു സെമസ്റ്റര്‍ സംവിധാനമാണോ ഏറ്റവും അനുയോജ്യം എന്ന കാര്യം ഇതുമായി ബന്ധപ്പെട്ട പ്രത്യേക പഠനം പൂര്‍ത്തിയായ ശേഷം ഈ അധ്യയന വര്‍ഷാവസാനത്തില്‍ നിര്‍ണയിക്കും. ഏതു സംവിധാനം അംഗീകരിച്ചാലും അധ്യയന ദിവങ്ങള്‍ […]