ജിദ്ദ – അഞ്ചു വിസകളില്‍ സൗദിയില്‍ പ്രവേശിക്കുന്നവര്‍ക്ക് ഉംറ കര്‍മം നിര്‍വഹിക്കാവുന്നതാണെന്ന് ഹജ്, ഉംറ മന്ത്രാലയം വ്യക്തമാക്കി. ഉംറ കര്‍മം നിര്‍വഹിക്കാന്‍ സാധിക്കുന്നതിന് നിയമാനുസൃത വിസയില്‍ രാജ്യത്ത് പ്രവേശിക്കല്‍ നിര്‍ബന്ധമാണ്. ഇ-ടൂറിസ്റ്റ് വിസ, പേഴ്‌സണല്‍-ഫാമിലി വിസിറ്റ് വിസ, ട്രാന്‍സിറ്റ് വിസ, തൊഴില്‍ വിസ, ഉംറ വിസ എന്നിവയില്‍ സൗദിയില്‍ പ്രവേശിക്കുന്നവര്‍ക്ക് ഉംറ കര്‍മം നിര്‍വഹിക്കാവുന്നതാണ്. ഇതിന് നുസുക് ആപ്പ് വഴി ഉംറ പെര്‍മിറ്റ് നേടുകയും പെര്‍മിറ്റില്‍ നിര്‍ണയിച്ച തീയതിയില്‍ കൃത്യസമയത്ത് വിശുദ്ധ ഹറമില്‍ എത്തുകയും വേണം. മലയാളം […]

റിയാദ് – റിയാദിലെ എക്‌സ്പ്രസ്‌വേയിലൂടെ സഞ്ചരിക്കുന്നതിനിടെ കത്തിനശിച്ച കാറിന് പകരം സൗദി യുവാവിന് അല്‍ദഫ കമ്പനി പുതിയ മോഡല്‍ കാര്‍ സമ്മാനിച്ചു. പ്രാദേശിക വിപണിയില്‍ 1,30,000 ലേറെ റിയാല്‍ വില വരുന്ന ഫോര്‍ഡ് ടോറസ് 2024 ഇനത്തില്‍ കാര്‍ യുവാവ് പരീക്ഷിച്ചുനോക്കുന്നതിന്റെ ദൃശ്യങ്ങളും പുതിയ കാര്‍ ലഭിച്ചതിലുള്ള യുവാവിന്റെ സന്തോഷ പ്രകടനവും അടങ്ങിയ വീഡിയോ സാമൂഹികമാധ്യമങ്ങളിലൂടെ പുറത്തുവന്നു. എക്‌സ്പ്രസ്‌വേയിലൂടെ സഞ്ചരിക്കുന്നതിനിടെ യുവാവിന്റെ കാറില്‍ തീ പടര്‍ന്നുപിടിക്കുന്നതിന്റെ ദൃശ്യങ്ങള്‍ അടങ്ങിയ വീഡിയോ കഴിഞ്ഞ ദിവസം പുറത്തുവന്നിരുന്നു. https://twitter.com/AhmedSa56024281/status/1815812350793875557?ref_src=twsrc%5Etfw%7Ctwcamp%5Etweetembed%7Ctwterm%5E1815812350793875557%7Ctwgr%5E1033b0674f92504ed1552ffbaf622c610441643e%7Ctwcon%5Es1_c10&ref_url=https%3A%2F%2Fthemalayalamnews.com%2Fgulf%2Fsaudi%2Fa-young-man-is-gifted-with-a-new-car-in-exchange-for-his-burnt-car%2F പിറകില്‍ […]

ജിദ്ദ – മധ്യജിദ്ദയിലെ ഫൈസലിയ ഡിസ്ട്രിക്ടില്‍ പ്രവര്‍ത്തിക്കുന്ന ജനകീയ ഓപ്പണ്‍ സൂഖ് ആയ മഹ്മൂദ് സഈദ് സൂഖ് പൊളിച്ചുനീക്കാന്‍ നീക്കമില്ലെന്നും ഇതുമായി ബന്ധപ്പെട്ട് സാമൂഹികമാധ്യമങ്ങളില്‍ പ്രചരിക്കുന്ന റിപ്പോര്‍ട്ടുകള്‍ ശരിയല്ലെന്നും നഗരസഭാ വക്താവ് മുഹമ്മദ് അല്‍ബഖമി പറഞ്ഞു. ആവശ്യമായ മുഴുവന്‍ ലൈസന്‍സുകളും നേടിയും നിയമ ലംഘനങ്ങള്‍ അവസാനിപ്പിച്ചും സൂഖ് വികസിപ്പിക്കുക മാത്രമാണ് ചെയ്യുന്നതെന്നും ജിദ്ദ നഗരസഭാ വക്താവ് പറഞ്ഞു. ഫര്‍ണിച്ചറും വീട്ടുപകരണങ്ങളും പാത്രങ്ങളും വസ്ത്രങ്ങളും മറ്റു ഉല്‍പന്നങ്ങളും വില്‍പന നടത്തുന്ന, ദശകങ്ങള്‍ പഴക്കമുള്ള മഹ്മൂദ് സഈദ് സൂഖ് പൊളിച്ചുനീക്കാന്‍ […]

ജിദ്ദ – അഴിമതി കേസുകളിൽ അന്തിമ നടപടി സ്വീകരിക്കാൻ ഓവര്‍സൈറ്റ് ആന്റ് ആന്റി-കറപ്ഷന്‍ അതോറിറ്റിക്ക് അധികാരം നല്‍കുന്ന പുതിയ നിയമത്തിന് സൗദി മന്ത്രിസഭാ അംഗീകാരം. തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ അധ്യക്ഷതയില്‍ ജിദ്ദയില്‍ ചേര്‍ന്ന പ്രതിവാര മന്ത്രിസഭാ യോഗമാണ് പുതിയ ഓവര്‍സൈറ്റ് ആന്റ് ആന്റി-കറപ്ഷന്‍ അതോറിറ്റി നിയമം അംഗീകരിച്ചത്. അഴിമതി കേസുകളില്‍ കുറ്റക്കാരാണെന്ന് തെളിയുന്ന സര്‍ക്കാര്‍ ഉദ്യോഗസ്ഥരെ സര്‍വീസില്‍ നിന്ന് പിരിച്ചുവിടാന്‍ നിയമം അനുശാസിക്കുന്നു. അനധികൃത സമ്പാദ്യം, അഴിമതി കേസ് പ്രതികള്‍ വിദേശത്തേക്ക് രക്ഷപ്പെടല്‍ എന്നിവയുമായി ബന്ധപ്പെട്ട […]

ജിദ്ദ – എജ്യുക്കേഷനല്‍ ട്രാന്‍സ്‌പോര്‍ട്ടേഷന്‍ സേവനം ക്രമീകരിക്കുകയും വ്യവസ്ഥാപിതമാക്കുകയും ചെയ്യുന്ന നിയമാവലി സ്വകാര്യ സ്‌കൂളുകളും ഇന്റര്‍നാഷണല്‍ സ്‌കൂളുകളും പാലിക്കുന്നില്ലെന്ന് ശ്രദ്ധയില്‍ പെട്ടതായി സൗദി ട്രാന്‍സ്‌പോര്‍ട്ട് ജനറല്‍ അതോറിറ്റി പറഞ്ഞു. മുഴുവന്‍ സ്വകാര്യ, ഇന്റര്‍നാഷണല്‍ വിദ്യാഭ്യാസ സ്ഥാപനങ്ങളും എത്രയും വേഗം എജ്യുക്കേഷനല്‍ ട്രാന്‍സ്‌പോര്‍ട്ടേഷന്‍ സേവനം നല്‍കാന്‍ ആവശ്യമായ ലൈസന്‍സ് നേടുകയും ബന്ധപ്പെട്ട എല്ലാ വ്യവസ്ഥകളും പാലിക്കുകയും വേണം. പുതിയ നിയമാവലി പ്രകാരം എജ്യുക്കേഷനല്‍ ട്രാന്‍സ്‌പോര്‍ട്ടേഷന് ഉപയോഗിക്കുന്ന ബസുകളുടെയും വാനുകളുടെയും രജിസ്‌ട്രേഷന്‍ തരം പബ്ലിക് ട്രാന്‍സ്‌പോര്‍ട്ടേഷന്‍, പബ്ലിക് ബസ് എന്നിവയില്‍ […]

ജിദ്ദ – ഇക്കഴിഞ്ഞ ജൂണ്‍ അവസാനത്തെ കണക്കുകള്‍ പ്രകാരം സൗദി കൗണ്‍സില്‍ ഓഫ് എന്‍ജിനീയേഴ്‌സില്‍ രജിസ്റ്റര്‍ ചെയ്തിരിക്കുന്നത് നാലര ലക്ഷത്തിലേറെ എന്‍ജിനീയര്‍മാരും ടെക്‌നീഷ്യന്മാരും. ഇക്കൂട്ടത്തില്‍ 35 ശതമാനം സ്വദേശികളും 65 ശതമാനം പേര്‍ വിദേശികളുമാണെന്ന് കൗണ്‍സില്‍ വക്താവ് സ്വാലിഹ് അല്‍ഉമര്‍ പറഞ്ഞു. എന്‍ജിനീയറിംഗ് മേഖലയില്‍ 25 ശതമാനം സൗദിവല്‍ക്കരണം നിര്‍ബന്ധമാക്കാനുള്ള തീരുമാനം ഞായറാഴ്ച മുതല്‍ പ്രാബല്യത്തില്‍ വന്നിട്ടുണ്ട്. എന്‍ജിനീയറിംഗ് പ്രൊഫഷനില്‍ അഞ്ചും അതില്‍ കൂടുതലും പേര്‍ ജോലി ചെയ്യുന്ന സ്വകാര്യ സ്ഥാപനങ്ങള്‍ക്കെല്ലാം തീരുമാനം ബാധകമാണ്. മുനിസിപ്പല്‍, പാര്‍പ്പിട […]

മദീന – സൗദിയ വഴി എത്തിയ ഈ വര്‍ഷത്തെ അവസാനത്തെ ഹജ് സംഘം മദീന പ്രിന്‍സ് മുഹമ്മദ് ബിന്‍ അബ്ദുല്‍ അസീസ് അന്താരാഷ്ട്ര വിമാനത്താവളം വഴി സ്വദേശത്തേക്ക് മടങ്ങി. ഉപഹാരങ്ങള്‍ വിതരണം ചെയ്ത് അവസാന സംഘത്തെ ഗ്രൗണ്ട് ഓപ്പറേഷന്‍സ് കാര്യങ്ങള്‍ക്കുള്ള സൗദിയ വൈസ് പ്രസിഡന്റ് മുഹമ്മദ് ബാഅക്ദയുടെ നേതൃത്വത്തില്‍ സൗദിയ അധികൃതര്‍ യാത്രയാക്കി. ഇന്തോനേഷ്യയിലെ കെര്‍തജാതി ഇന്റര്‍നാഷണല്‍ എയര്‍പോര്‍ട്ടിലേക്കുള്ള ഫ്‌ളൈറ്റില്‍ 320 തീര്‍ഥാടകരാണുണ്ടായിരുന്നത്. ഇതോടെ ഈ വര്‍ഷത്തെ സൗദിയ ഹജ് ഓപ്പറേഷന്‍ പൂര്‍ത്തിയായി. ഹജ് സീസണ്‍ കാലയളവും […]

ജിദ്ദ – സൗദിയില്‍ കാര്‍ പാര്‍ക്കിംഗുകള്‍ക്ക് പുതിയ വ്യവസ്ഥകള്‍ ബാധകമാക്കാന്‍ മുനിസിപ്പല്‍, ഗ്രാമ, പാര്‍പ്പിടകാര്യ മന്ത്രാലയത്തിന് നീക്കം. ഇതുമായി ബന്ധപ്പെട്ട കരടു നിയമാവലി പൊതുസമൂഹത്തിന്റെയും വിദഗ്ധരുടെയും അഭിപ്രായ നിര്‍ദേശങ്ങള്‍ക്കായി പബ്ലിക് കണ്‍സള്‍ട്ടേഷന്‍ പ്ലാറ്റ്‌ഫോമില്‍ മന്ത്രാലയം പരസ്യപ്പെടുത്തി. ഉപയോഗയോഗ്യമായ ഇ-പെയ്‌മെന്റ് സംവിധാനം ഉണ്ടായിരിക്കല്‍, വാഹന ഗതാഗതത്തെ ബാധിക്കാതിരിക്കല്‍, നിരീക്ഷണ ക്യാമറകള്‍ സ്ഥാപിക്കല്‍, മോഷണം, മറ്റു നാശനഷ്ടങ്ങള്‍ പോലുള്ളവയുടെ ഉത്തരവാദിത്തം വഹിക്കല്‍ എന്നിവയാണ് കരടു നിയമാവലിയിലെ പ്രധാന വ്യവസ്ഥകള്‍. വ്യാപാര സ്ഥാപനങ്ങള്‍ക്കും മറ്റു സ്ഥാപനങ്ങള്‍ക്കും മുന്നിലും പബ്ലിക് പാര്‍ക്കിംഗുകളിലും വാഹനങ്ങള്‍ […]

മക്ക- വിശുദ്ധ ഹറമിൽ കഅ്ബ കഴുകൽ ചടങ്ങ് പൂർത്തിയായി. തിരുഗേഹങ്ങളുടെ സേവകൻ സൽമാൻ രാജാവിന് വേണ്ടി മക്ക മേഖലയിലെ ഡെപ്യൂട്ടി അമീർ, പ്രിൻസ് സൗദ് ബിൻ മിഷാൽ ബിൻ അബ്ദുൽ അസീസ് കഴുകൽ ചടങ്ങിന് നേതൃത്വം വഹിച്ചു. കഅബ കഴുകൽ ചടങ്ങിൽ ഹജ്, ഉംറ മന്ത്രി ഡോ. തൗഫീഖ് അൽ റബീഅയും നിരവധി ഉദ്യോഗസ്ഥരും ഭാഗഭാക്കായി. മക്ക – വിശുദ്ധ കഅ്ബാലയം കഴുകൽ ചടങ്ങ് ഇന്ന് രാവിലെ ഭക്തിനിർഭരമായ അന്തരീഷത്തിൽ അവസാനിച്ചു. കഴുകൽ ചടങ്ങിന്റെ വിശദാംശങ്ങൾ ഇങ്ങിനെയാണ്. […]

റിയാദ് – തലസ്ഥാന നഗരയിലെ മെയിന്‍ റോഡില്‍ ഗതാഗതം തടസ്സപ്പെടുത്തുകയും വഴിപോക്കരെ ശല്യപ്പെടുത്തുകയും ഇതിന്റെ ദൃശ്യങ്ങള്‍ അടങ്ങിയ വീഡിയോ ചിത്രീകരിച്ച് സാമൂഹികമാധ്യമങ്ങളിലൂടെ പ്രചരിപ്പിക്കുകയും ചെയ്ത 11 ബംഗ്ലാദേശുകാരെ അറസ്റ്റ് ചെയ്തതായി റിയാദ് പോലീസ് അറിയിച്ചു. റോഡില്‍ ഗതാഗതം തടസ്സപ്പെടുത്തിയ പത്തു പേരും സൈബര്‍ ക്രൈം നിയമം ലംഘിച്ച് ഇതിന്റെ വീഡിയോ ചിത്രീകരിച്ച് പ്രചരിപ്പിച്ച യുവാവുമാണ് അറസ്റ്റിലായത്. പ്രതികളെല്ലാവരും നിയമാനുസൃത ഇഖാമയില്‍ സൗദിയില്‍ കഴിയുന്നവരാണ്. പ്രതികളെ പബ്ലിക് പ്രോസിക്യൂഷന് കൈമാറിയതായി പൊതുസുരക്ഷാ വകുപ്പ് അറിയിച്ചു.

റിയാദ്: നഗരത്തെ വരിഞ്ഞുമുറുക്കിയ ഗതാഗതക്കുരുക്കിന് പരിഹാരമായി സൗദി തലസ്ഥാനമായ റിയാദില്‍ നിർമിക്കുന്ന മെഗാ മെട്രോ റെയില്‍ പദ്ധതി ഈ വര്‍ഷം അവസാനത്തോടെ പ്രവര്‍ത്തനക്ഷമമാകുമെന്ന് പ്രതീക്ഷിക്കുന്നതായി അധികൃതരെ ഉദ്ധരിച്ച് സൗദി പ്രാദേശിക ചാനല്‍ റിപ്പോര്‍ട്ട് ചെയ്തു. ലോകത്തിലെ ഏറ്റവും വലിയ ഗതാഗത പദ്ധതികളിലൊന്നായ റിയാദ് മെട്രോയില്‍ 176 കിലോമീറ്റര്‍ ദൈര്‍ഘ്യമുള്ള ആറ് ലൈനുകളും വിശാലമായ നഗരത്തിലുടനീളം വ്യാപിച്ചു കിടക്കുന്ന 84 റെയില്‍വേ സ്റ്റേഷനുകളും ഉള്‍പ്പെടുന്നുണ്ടെന്ന് സൗദി വാര്‍ത്താ പോര്‍ട്ടല്‍ അഖ്ബര്‍ 24 റിപ്പോര്‍ട്ട് ചെയ്തു. പരിസ്ഥിതി സൗഹൃദ നയത്തിന്‍റെ […]

ജിദ്ദ – ലോകത്താകമാനം എയര്‍പോര്‍ട്ടുകളും ആശുപത്രികളും അടക്കമുള്ള തന്ത്രപ്രധാന സ്ഥാപനങ്ങളുടെ പ്രവര്‍ത്തനം മണിക്കൂറുകളോളം നിശ്ചലമാക്കിയ മൈക്രോസോഫ്റ്റ് വിന്‍ഡോസ് തകരാറ് സൗദിയിലെ പ്രധാന എയര്‍പോര്‍ട്ടുകളിലും വിമാന സര്‍വീസുകളെ ബാധിച്ചു. അതേസമയം ലോകത്ത് ഏറ്റവും കുറവ് പ്രതിസന്ധി ബാധിച്ച രാജ്യങ്ങളിലൊന്നാണ് സൗദി. റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തില്‍ സര്‍വീസ് നടത്തുന്ന ഏതാനും വിമാന കമ്പനികളെ തകരാറ് ബാധിച്ചതായി എയര്‍പോര്‍ട്ട് അഡ്മിനിസ്‌ട്രേഷന്‍ അറിയിച്ചു. വിമാന കമ്പനികളുമായി സഹകരിച്ച് ബദല്‍ സംവിധാനങ്ങള്‍ ഉപയോഗിച്ച് പ്രവര്‍ത്തന തുടര്‍ച്ചാ പദ്ധതി പ്രവര്‍ത്തനക്ഷമമാക്കി. എയര്‍പോര്‍ട്ടിലേക്ക് പുറപ്പെടുന്നതിനു […]