ജവാസാത്ത് ഡയറക്ടറേറ്റ് പുതുതായി ആരംഭിച്ച വിസിറ്റേഴ്‌സ് ഡിജിറ്റൽ ഐ.ഡി കാർഡ് സേവനം സന്ദർശന വിസയിൽ സൗദിയിലെത്തുന്നവർ പാസ്‌പോർട്ട് കൈവശം വെക്കേണ്ട ആവശ്യം ഇല്ലാതാക്കുന്നതായി ജവാസാത്ത് വക്താവ് മേജർ നാസിർ അൽഉതൈബി പറഞ്ഞു. സൗദി പൗരന്മാർക്കും സൗദിയിൽ നിയമാനുസൃതം കഴിയുന്ന വിദേശികൾക്കും സന്ദർശകർക്കും ജവാസാത്ത് നൽകുന്ന ഡിജിറ്റൽ, സാങ്കേതിക പരിഹാരങ്ങളിൽ ഒന്ന് എന്നോണമാണ് വിസിറ്റേഴ്‌സ് ഡിജിറ്റൽ ഐ.ഡി സേവനം ആരംഭിച്ചത്. സന്ദർശന വിസയിൽ സൗദിയിലെത്തുന്നവരുടെ രാജ്യത്തിനകത്തെ യാത്രകളും ഇടപാടുകളും എളുപ്പമാക്കാനാണ് വിസിറ്റേഴ്‌സ് ഡിജിറ്റൽ ഐ.ഡിയിലൂടെ ലക്ഷ്യമിടുന്നത്. സന്ദർശന വിസയിൽ […]

റിയാദ് – തലസ്ഥാന നഗരിയിലെ ചില ഡിസ്ട്രിക്ടുകളില്‍ റിയാദ് നഗരസഭ നീക്കിവെച്ച പേ പാര്‍ക്കിംഗുകള്‍ പ്രവര്‍ത്തനം തുടങ്ങി. അല്‍വുറൂദ് ഡിസ്ട്രിക്ടിലെ പാര്‍ക്കിംഗില്‍ മണിക്കൂറിന് 3.45 റിയാലാണ് ഫീസ് ഈടാക്കുന്നത്. അര്‍ധരാത്രി 12 മുതല്‍ രാവിലെ ഏഴു വരെയുള്ള സമയത്ത് പാര്‍ക്കിംഗ് സൗജന്യമാണ്. റിയാദ് പബ്ലിക് പാര്‍ക്കിംഗ് മാസ്റ്റര്‍ പ്ലാനിന്റെ ഭാഗമായ പേ പാര്‍ക്കിംഗ് പദ്ധതി ആദ്യ ഘട്ടത്തിന് സമാരംഭം കുറിച്ചതായി നഗരസഭ നേരത്തെ അറിയിച്ചിരുന്നു. അല്‍വുറൂദ്, അല്‍റഹ്മാനിയ, ഉലയ്യ, അല്‍മുറൂജ്, കിംഗ് ഫഹദ്, സുലൈമാനിയ ഡിസ്ട്രിക്ടുകളിലും ദക്ഷിണ […]

ജിദ്ദ – ജിദ്ദയിലും മക്കയിലും ജനജീവിതം നിശ്ചലമാക്കി കനത്ത മഴ. സമീപകാലത്തെ ഏറ്റവും വലിയ മഴക്കാണ് ഇന്നലെ രാത്രി ജിദ്ദ സാക്ഷ്യം വഹിച്ചത്. ജിദ്ദയില്‍ നിരവധി റോഡുകള്‍ വെള്ളത്തിലായി. സബ്ഈന്‍ സ്ട്രീറ്റിലെ അടിപ്പാത വെള്ളത്തില്‍ മുങ്ങി. പ്രിന്‍സ് മാജിദ് റോഡും ഫലസ്തീന്‍ സ്ട്രീറ്റും സന്ധിക്കുന്ന ഇന്റര്‍സെക്ഷനിലെ അടിപ്പാത വെള്ളം കയറിയതിനെ തുടര്‍ന്ന് ബന്ധപ്പെട്ട വകുപ്പുകളുമായി സഹകരിച്ച് താല്‍ക്കാലികമായി പൂര്‍ണമായും അടച്ചതായി സൗദി ട്രാഫിക് ഡയറക്ടറേറ്റ് അറിയിച്ചു. നഗരത്തിലെ പല റോഡുകളിലും ഗതാഗതം തടസ്സപ്പെട്ടു. ഏതു സാഹചര്യവും നേരിടാനുള്ള […]

റിയാദ്: മക്കള്‍ക്ക് ആറ് വയസ്സ് തികയുമ്പോള്‍ അവരുടെ വിരലടയാളം രേഖപ്പെടുത്തണമെന്ന കാര്യം കുടുംബ സമേതം സൗദി അറേബ്യയില്‍ താമസിക്കുന്ന പ്രവാസികളെ ഓര്‍മപ്പെടുത്തി ജനറല്‍ ഡയറക്ടറേറ്റ് ഓഫ് പാസ്പോര്‍ട്ട് അഥവാ ജവാസത്ത്. എക്സിറ്റ്/റീ-എന്‍ട്രി വിസ ഉള്‍പ്പെടെയുള്ള സേവനങ്ങള്‍ ആക്സസ് ചെയ്യുന്നതിന് ജവാസാത്തില്‍ കുട്ടിയുടെയും മറ്റ് കുടുംബാംഗങ്ങളുടെയും വിരലടയാളം രജിസ്റ്റര്‍ ചെയ്യല്‍ നിര്‍ബന്ധമാണെന്ന് അതോറിറ്റി അതിന്‍റെ ഔദ്യോഗിക എക്സ് അക്കൗണ്ടില്‍ നല്‍കിയ പോസ്റ്റില്‍ ഓര്‍മിപ്പിച്ചു.ആറ് വയസ്സ് തികഞ്ഞ കുട്ടിക്കായാലും മുതിര്‍ന്ന കുടുംബാംഗത്തിനായാലും ബയോമെട്രിക്‌സ് രജിസ്‌ട്രേഷന്‍ നടത്തേണ്ടത് മന്ത്രാലയത്തിന്‍റെ ഔദ്യോഗിക പ്ലാറ്റ്‌ഫോമായ […]

ജിദ്ദ- കനത്ത മഴയുണ്ടാകുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പിനെ തുടര്‍ന്ന് ജിദ്ദ, മക്ക, അൽ ജുമൂം, ബഹ്റ, അൽ കാമിൽ, റാബിഗ്, ഖുലൈസ്, എന്നിവിടങ്ങളില്‍ സ്‌കൂളുകള്‍ക്ക് അവധിയായിരിക്കുമെന്ന് ജിദ്ദ വിദ്യാഭ്യാസ ഓഫീസ് അറിയിച്ചു.

റിയാദ് – സൗദിയില്‍ ശൂറാ കൗണ്‍സിലും ഉന്നത പണ്ഡിതസഭയും പുനഃസംഘടിപ്പിച്ച് തിരുഗേഹങ്ങളുടെ സേവകന്‍ സല്‍മാന്‍ രാജാവ് ഉത്തരവുകളിറക്കി. ശൈഖ് ഡോ. അബ്ദുല്ല ബിന്‍ മുഹമ്മദ് ബിന്‍ ഇബ്രാഹിം ആലുശൈഖ് ആണ് ശൂറാ കൗണ്‍സിലിന്റെ പുതിയ സ്പീക്കര്‍. ഡോ. മിശ്അല്‍ ബിന്‍ ഫഹം അല്‍സലമി ഡെപ്യൂട്ടി സ്പീക്കറും ഡോ. ഹനാന്‍ ബിന്‍ത് അബ്ദുറഹീം ബിന്‍ മുത്‌ലഖ് അല്‍അഹ്മദി അസിസ്റ്റന്റ് സ്പീക്കറുമാണ്. സ്പീക്കറെ കൂടാതെ 150 അംഗങ്ങളാണ് ശൂറാ കൗണ്‍സിലിലുള്ളത്. അസിസ്റ്റന്റ് സ്പീക്കര്‍ അടക്കം 29 വനിതകളാണ് പുതിയ ശൂറാ […]

റിയാദ്- മക്ക, മദീന, ജിസാന്‍, അസീര്‍, അല്‍ബാഹ പ്രവിശ്യകളില്‍ ഇടിമിന്നലും കാറ്റും ശക്തമായ മഴയും ഇന്നും തുടരുമെന്ന് കാലാവസ്ഥ നിരീക്ഷണ കേന്ദ്രം വ്യക്തമാക്കി. നജ്‌റാന്‍, ഹായില്‍, തബൂക്കിന്റെ തെക്ക് ഭാഗങ്ങള്‍ എന്നിവിടങ്ങളില്‍ നേരിയ തോതില്‍ മഴയുണ്ടാകും. കടല്‍ ഉപരിതലത്തില്‍ പടിഞ്ഞാര്‍ നിന്ന് വടക്ക് പടിഞ്ഞാര്‍ ഭാഗത്തേക്ക് മണിക്കൂറില്‍ 20 മുതല്‍ 40 വരെ കിലോമീറ്റര്‍ വേഗത്തില്‍ കാറ്റ് വീശും. തിരമാല മൂന്ന് മീറ്റര്‍ വരെ ഉയരാനും സാധ്യതയുണ്ട്. അതേസമയം ഉഷ്ണകാലത്തിന് വിരമമിട്ട് ഇന്ന് മുതല്‍ സൗദിയില്‍ ശരത് […]

ജിദ്ദ: ഇഖാമയിൽ തെറ്റായി രേഖപ്പെടുത്തിയിരിക്കുന്ന ട്രാൻസ്‌ലേറ്റഡ് പേരുകളിലെ അബദ്ധങ്ങൾ തൊഴിലുടമക്കു ശരിയാക്കാമെന്ന് പാസ്‌പോർട്ട് ഡയറക്റ്ററേറ്റ് അറിയിച്ചു. പ്രവാസികളിൽ പലരുടെയും ഇംഗ്ലീഷിലുള്ള യഥാർഥ പേരുകൾ ജവാസാത്ത് സിസ്റ്റം വഴി അറബിയിലേക്കു വിവർത്തനം ചെയ്തു ചേർത്തിരിക്കുന്നതിൽ വന്നിട്ടുള്ള അപാകതകളാണ് ഇത്തരത്തിൽ പരിഹരിക്കാൻ തൊഴിലുടമകൾക്ക് സാധിക്കുക. ഇംഗ്ലീഷിൽ പാസ്‌പോർട്ടിൽ രേഖപ്പെടുത്തിയിരിക്കുന്ന പേരുകൾ പലതും യാതൊരു സാമ്യവുമില്ലാത്ത രൂപത്തിലാണ് ഇഖാമയിൽ അറബിയിൽ രേഖപ്പെടുത്തിയിട്ടുണ്ടാകുക. ഇതു തിരുത്താൻ ചെയ്യേണ്ടത് : 1-മുഖീം പോർട്ടലിൽ ലോഗിൻ ചെയ്തു പ്രവേശിക്കുക. 2-സ്ഥാപനത്തിലെ വിദേശത്തൊഴിലാളികളുടെ ഭാഗത്തേക്കു പോകുക. 3-തിരുത്തൽ […]

ജിദ്ദ – ഏപ്രില്‍ 18 നു മുമ്പ് രേഖപ്പെടുത്തിയ ഗതാഗത നിയമ ലംഘനങ്ങള്‍ക്കുള്ള പിഴകളില്‍ 50 ശതമാനം ഇളവ് ലഭിക്കാന്‍ പ്രത്യേകം അപേക്ഷ സമര്‍പ്പിക്കുകയോ ഏതെങ്കിലും വെബ്‌സൈറ്റുകളില്‍ രജിസ്റ്റര്‍ ചെയ്യുകയോ ട്രാഫിക് ഡയറക്ടറേറ്റ് ആസ്ഥാനങ്ങള്‍ നേരിട്ട് സന്ദര്‍ശിക്കുകയോ ചെയ്യേണ്ടതില്ലെന്ന് സൗദി ട്രാഫിക് ഡയറക്ടറേറ്റ് വ്യക്തമാക്കി. ഏപ്രില്‍ 18 മുതല്‍ ഒക്‌ടോബര്‍ 18 വരെയുള്ള കാലയളവില്‍ സദ്ദാദ് പെയ്‌മെന്റ് സംവധാനവും ഈഫാ പ്ലാറ്റ്‌ഫോമും വഴി പിഴകള്‍ അടക്കുമ്പോള്‍ 50 ശതമാനം ഇളവ് ഓട്ടോമാറ്റിക് ആയി പ്രത്യക്ഷപ്പെടും. ഇളവുകളോടെ ട്രാഫിക് […]

റിയാദ്- ജനറല്‍ ഓര്‍ഗനൈസേഷന്‍ ഓഫ് സോഷ്യല്‍ ഇന്‍ഷുറന്‍സി (ഗോസി)ല്‍ സ്ഥാപനങ്ങളുടെ വരിസംഖ്യ കുടിശ്ശികകള്‍ പിഴയില്ലാതെ അടച്ചുതീര്‍ക്കാന്‍ ആറു മാസത്തെ സമയപരിധി കൂടി അനുവദിച്ചു. 2024 മാര്‍ച്ച മൂന്നിന് മുമ്പുള്ള കുടിശ്ശികകള്‍ക്കാണ് ആനുകൂല്യം. നേരത്തെ അനുവദിച്ച ആറു മാസ സമയപരിധി ഇന്നലെ അവസാനിച്ചിരിക്കെയാണ് വീണ്ടും ആറു മാസത്തേക്ക് കൂടി പിഴയിളവ് ആനുകൂല്യം നീട്ടിയത്. കഴിഞ്ഞ മാര്‍ച്ചിലാണ് ഗോസിയില്‍ പണമടക്കാതെ കുടിശ്ശിക വരുത്തിയവര്‍ക്ക് ആറു മാസത്തേക്ക് പിഴയിളവ് പ്രഖ്യാപിച്ചത്. നിരവധി സ്ഥാപനങ്ങള്‍ കുടിശ്ശികയടച്ച് ഈ ആനുകൂല്യം കൈപറ്റി. സ്ഥാപനങ്ങള്‍ക്ക് സാമ്പത്തിക […]

റിയാദ്- മക്ക, ജിസാന്‍, മദീന, അസീര്‍, നജ്‌റാന്‍, ഹായില്‍, റിയാദിന്റെ തെക്ക് ഭാഗങ്ങള്‍ എന്നിവിടങ്ങളില്‍ ഇന്ന് മഴക്ക് സാധ്യതയെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. മക്കയിലും ജിസാനിലും റെഡ് അലര്‍ട്ടും മദീനയില്‍ ഓറഞ്ച് അലര്‍ട്ടും പ്രഖ്യാപിച്ചു. മലവെള്ളപ്പാച്ചിലിനും ഇടി മിന്നലോടെയുള്ള മഴക്കും സാധ്യതയുണ്ട്. രാത്രിയും പുലര്‍ച്ചെയും മഞ്ഞ് വീഴ്ചക്കും സാധ്യതയുണ്ട്. റിയാദിന്റെ തെക്ക് ഭാഗങ്ങളില്‍ നേരിയ മഴക്കാണ് സാധ്യത.