കുവൈറ്റ് സിറ്റി: കുവൈറ്റില് പ്രവാസികളുടെ ഡ്രൈവിങ് ലൈസന്സ് കാലാവധി വീണ്ടും മൂന്ന് വര്ഷമാക്കാന് തീരുമാനം. ഇതുമായി ബന്ധപ്പെട്ട് ട്രാഫിക് നിയമത്തില് ഭേദഗതി വരുത്താന് ഉപപ്രധാനമന്ത്രിയും പ്രതിരോധ, ആഭ്യന്തര മന്ത്രിയുമായ ശെയ്ഖ് ഫഹദ് യൂസുഫ് അസ്സബാഹ് ഉത്തരവിട്ടു. പ്രാദേശിക മാധ്യമങ്ങളാണ് ഇക്കാര്യം റിപ്പോര്ട്ട് ചെയ്തത്.
ആവശ്യമായ രേഖകള് സഹിതം ആഭ്യന്തര വകുപ്പിന്റെ ഓണ്ലൈന് ഏകജാലക സംവിധാനം വഴിയാണ് ഡ്രൈവിങ് ലൈസന്സിനുള്ള അപേക്ഷ സമര്പ്പിക്കേണ്ടത്. പുതിയ ലൈസന്സുകള് ‘മൈ കുവൈത്ത് ഐഡന്റിറ്റി’ മൊബൈല് ആപ്ലിക്കേഷന് വഴിയായിരിക്കും നല്കുകയെന്നും അധികൃതര് അറിയിച്ചു.
നേരത്തെ പ്രവാസികളുടെ ഡ്രൈവിങ് ലൈസന്സ് കാലാവധി മൂന്ന് വര്ഷമായിരുന്നു. എന്നാല് അനധികൃതര് ലൈസന്സുകളുടെ വ്യാപനവും തൊഴില് മാറ്റം പോലെയുള്ള കാരണങ്ങളാല് ലൈസന്സിനുള്ള യോഗ്യത നഷ്ടമായവര് അവ സറണ്ടര് ചെയ്യാതെ അനധികൃതമായി ഉപയോഗിക്കുകയും ചെയ്യുന്നത് ഉള്പ്പെടെയുള്ള പ്രശ്നങ്ങള്ക്ക് പരിഹാരമെന്ന നിലയില് കഴിഞ്ഞ വര്ഷം ലൈസന്സ് കാലാവധി ഒരു വര്ഷമായി ചുരുക്കിയിരുന്നു.
ഇതുപ്രകാരം ഓരോ വര്ഷവും ലൈസന്സ് പുതുക്കുമ്പോള് നിലവിലെ ജോലി, വിസ, ശമ്പളം തുടങ്ങിയവയുമായി ബന്ധപ്പെട്ട രേഖകള് സമര്പ്പിക്കേണ്ടിവരും. ഇതുവഴി തട്ടിപ്പുകള് കണ്ടെത്താനുള്ള ശ്രമത്തിന്റെ ഭാഗമായിട്ടായിരുന്നു നടപടി. പുതിയ ഉത്തരവ് നിലവില് വന്നതോടെ പുതിയ ലൈസന്സുകള് ലഭിക്കുമ്പോഴും പുതുക്കുമ്പോഴും മൂന്ന് വര്ഷത്തേക്കായിരിക്കും ലൈസന്സ് ലഭിക്കുകയെന്ന് അധികൃതര് വ്യക്തമാക്കി.
ഖത്തറിലെ സര്ക്കാര് മേഖലയിൽ വര്ക്ക് ഫ്രം ഹോം സൗകര്യം ലഭിക്കും; ചെയ്യേണ്ടത് ഇക്കാര്യം
കുവൈറ്റില് ഡ്രൈവിങ് ലൈസന്സ് പുതുക്കല് പൂര്ണമായും ഓണ്ലൈനാക്കിക്കൊണ്ട് ഈയിടെ അധികൃതര് തീരുമാനം പ്രഖ്യാപിച്ചിരുന്നു. കുവൈറ്റ് മൊബൈല് ഐഡി ആപ്പ് വഴി ആവശ്യമായ നടപടിക്രമങ്ങള് പൂര്ത്തിയാക്കാനും പുതുക്കിയ ലൈസന്സ് ഡിജിറ്റലായി ആക്സസ് ചെയ്യാനും എളുപ്പത്തില് സാധിക്കുന്നതാണ് പുതിയ സംവിധാനം. ഇതുവഴി ഡ്രൈവിങ് ലൈസന്സിന്റെ ഡിജിറ്റല് കോപ്പിയാണ് ലഭിക്കുക. ഡ്രൈവിങ് ലൈസന്സ് കാലാവധി തീരുന്നതിന് നാലുമാസം മുമ്പുവരെ പുതുക്കാവുന്നതാണെങ്കിലും പുതുക്കിയ തീയതി മുതല് ഒരു വര്ഷത്തേക്ക് മാത്രമേ കാലാവധിയുണ്ടാവൂ എന്നായിരുന്നു നേരത്തേ അറിയിച്ചിരുന്നത്.
എന്നാല് പുതിയ തീരുമാനം നിലവില് വന്ന സ്ഥിതിക്ക് മൊബൈല് ആപ്പിലും മാറ്റം വരും. അതിനിടെ, കുവൈറ്റിലെ ഗാര്ഹിക ജോലിക്കാരായ ഡ്രൈവര്മാര്ക്ക് ഇനി മുതല് സഹ്ല് ആപ്പ് വഴി ഡ്രൈവിങ് ലൈസന്സ് ആക്സസ് ചെയ്യാന് അധികൃതര് സൗകര്യമൊരുക്കിയിരുന്നു. ഇതോടെ പുതിയ ഡ്രൈവിങ് ലൈസന്സ് അപേക്ഷകള് പുതുക്കുവാനും അപേക്ഷയുടെ നില ട്രാക്ക് ചെയ്യാനും സഹൽ ആപ്പ് വഴി കഴിയും.
Leave a Reply