റിയാദ്- ജിദ്ദയില് നിന്ന് ട്രക്കുകളിലായി റിയാദിലേക്ക് കൊണ്ടുവരുന്ന സൗദി എയര്ലൈന്സ് വിമാനങ്ങളുടെ ഏറ്റവും നല്ല ഫോട്ടോയെടുക്കുന്ന വ്യക്തിക്ക് മുന്തിയ കാര് സമ്മാനം നല്കുമെന്ന് സൗദി എന്റര്ടൈന്മെന്റ് അതോറിറ്റി ചെയര്മാന് തുര്ക്കി ആലു ശൈഖ് പ്രഖ്യാപിച്ചു.
റിയാദിലെ ബൊളിവാഡിലെ വിനോദപദ്ധതിക്കായാണ് പഴയ അഞ്ചുവിമാനങ്ങള് ജിദ്ദയില് നിന്ന് റോഡ് മാര്ഗം കൊണ്ടുവരുന്നത്. സൗദി പൗരന്മാര്ക്ക് ഫോട്ടോഗ്രാഫിയിലെ സര്ഗാത്മകത പ്രകടിപ്പിക്കാനുള്ള അവസരമാണിത്. വീഡിയോകളും ഫോട്ടോകളും മത്സരത്തിന് പരിഗണിക്കും. സൗദി പൗരന്മാര് മാത്രമാണ് മത്സരത്തില് പങ്കെടുക്കേണ്ടത്.
റിയാദിലെ ബൊളിവാഡിന് സമീപം നിര്മിക്കുന്ന റണ്വേ ഏരിയയിലേക്കാണ് അഞ്ചു പഴയ വിമാനങ്ങളുമായി ട്രക്കുകള് റിയാദിലേക്ക് പുറപ്പെട്ടിരിക്കുന്നത്. റെസ്റ്റോറന്റുകളടക്കമുള്ള സൗകര്യങ്ങള്ക്ക് ഈ വിമാനങ്ങള് ഉപയോഗിക്കും.
Leave a Reply