റിയാദ്- വയനാട്ടിലുണ്ടായ മണ്ണിടിച്ചിലിലും വെള്ളപ്പൊക്കത്തിലും ഇരയായവര്ക്ക് വേണ്ടി സൗദി രാജാവ് തിരുഗേഹങ്ങളുടെ സേവകന് സല്മാന് രാജാവും കിരീടാവകാശി മുഹമ്മദ് ബിന് സല്മാന് രാജകുമാരനും അനുശോചന സന്ദേശമയച്ചു. ഇന്ത്യന് രാഷ്ട്രപതി ദ്രൗപതി മുര്മുവിന് അയച്ച സന്ദേശത്തിലാണ് ഇരുവരും അനുശോചനമറിയിച്ചത്.
ഇന്ത്യയുടെ തെക്ക് കേരള സംസ്ഥാനത്തുണ്ടായ വെള്ളപ്പൊക്കത്തിന്റെയും മണ്ണിടിച്ചിലിന്റെയും ഫലമായുണ്ടായ മരണങ്ങളുടെയും പരിക്കുകളുടെയും കാണാതായവരുടെയും വാര്ത്തകള് ഞങ്ങള് അറിഞ്ഞു. ഈ അപകടത്തിന്റെ വേദന ഞങ്ങള് അങ്ങയോട് പങ്കിടുന്നു. കാണാതായവര് സുരക്ഷിതമായി അവരുടെ കുടുംബങ്ങളിലേക്ക് മടങ്ങിവരട്ടെ. പരിക്കേറ്റവര് വേഗം സുഖം പ്രാപിക്കട്ടെ. മരിച്ചവരുടെ കുടുംബങ്ങള്ക്കും ഇന്ത്യയിലെ ജനങ്ങള്ക്കും ഞങ്ങളുടെ അഗാധമായ അനുശോചനവും ആത്മാര്ത്ഥമായ ദുഃഖവും ഞങ്ങള് പങ്കുവെയ്ക്കുന്നു. ഇരുവരും പ്രസ്താവനയില് വ്യക്തമാക്കി.
Leave a Reply