യുഎഇ: കഴിഞ്ഞ വർഷത്തേക്കാളും ചൂട് യുഎഇയിൽ ഇത്തവണ കൂടുതൽ ആണ്. പകൽ ചൂട് കൂടുന്ന സാഹചര്യം ഉള്ളതിനാൽ എല്ലാവരും ജാഗ്രത പാലിക്കണമെന്ന് അധികൃതർ രാജ്യത്തെ ജനങ്ങൾക്ക് മുന്നറിയിപ്പ് നൽകി. ആരോഗ്യ മന്ത്രാലയം ആണ് ഇതുമായി ബന്ധപ്പെട്ട മുന്നറിയിപ്പ് നൽകിയിരിക്കുന്നത്. ചുട് വരും ദിവസങ്ങളിലും ഉയരും. പുറത്തിറങ്ങിയുള്ള നടത്തം പരമാവധി ഒഴിവാക്കണമെന്ന് ആരോഗ്യ മന്ത്രാലയം പുറത്തിറക്കിയ മുന്നറിയിപ്പിൽ പറയുന്നു. ആരോഗ്യത്തിനും സുരക്ഷയ്ക്കും മുഖ്യപരിഗണന നൽകണം. അത്യാവശ്യമെങ്കിൽ മാത്രം പുറത്തിറങ്ങുക. കഴിയുന്നതും ചൂട് കൂടുന്ന സമയത്ത് വീട്ടിനുള്ളിൽ തന്നെ ഇരിക്കണം.
പകൽ ചൂട് 50 ഡിഗ്രിക്കു മുകളിലായിട്ടുണ്ട്. ഈ ചൂടത്ത് പുറത്തിറങ്ങി നടക്കുന്നത് വലിയ ആരോഗ്യ പ്രശ്നങ്ങൾക്ക് കാരണമാകും. ചൂടിനൊപ്പം അന്തരീക്ഷത്തിൽ പൊടിയുടെ സാന്നിധ്യവും കൂടുതൽ ആണ്. പൊടിക്കാറ്റ് കൂടുതലാകും. ദൂരക്കാഴ്ച കുറയും. വാഹനങ്ങൾ ഓടിക്കുന്നവർ ശ്രദ്ധിക്കണം. പൊടിക്കാറ്റിൽ മാലിന്യങ്ങൾ അടങ്ങിയ വസ്തുക്കൾ ആകും പറക്കുന്നത്. അതിനാൽ അലർജിക്കു കാരണമാകും. ജനങ്ങൾ ജാഗ്രത പാലിക്കണം.
കളംനിറഞ്ഞ് സ്പെയിന്‍; ഇംഗ്ലണ്ടിനെ തീർത്തു
അനാവശ്യമായി പുറത്തിറങ്ങി നടക്കരുത്. പുറത്തിറങ്ങുന്ന സാഹചര്യത്തിൽ നിർബന്ധമായും സൺഗ്ലാസുകൾ ധരിക്കണം. മാസ്ക് ധരിക്കാൻ സാധിക്കുമെങ്കിൽ അതും ധരിക്കണം. ശരീരം മുഴുവനായി മൂടുന്ന വസ്ത്രങ്ങൾ ധരിക്കാൻ ശ്രമിക്കണം. അൾട്രാ വയലറ്റ് രശ്മികൾ നേരിട്ട് ശരീരത്തിൽ പതിക്കുന്നത് വലിയ പ്രശ്നങ്ങൾക്ക് കാരണമാകും. പൊടിക്കാറ്റ് ശ്വാസകോശത്തെ ബാധിക്കും. ഇതും അസുഖങ്ങൾക്ക് കാരണം. ഇത് ഒഴിവാക്കാൻ ആണ് മാസ്ക് ധരിക്കാൻ നിർദേശം നൽകിയിരിക്കുന്നത്. എൻ95 മാസ്ക് ഉപയോഗിക്കാൻ ആണ് നിർദേശം നൽകിയിരിക്കുന്നത്. തൊണ്ട വേദന, നേത്രരോഗം, ചൊറിച്ചിൽ, ചുമ, മൂക്കൊലിപ്പ് തുടങ്ങിയ രേഖങ്ങൾ അലർജി വഴി ഉണ്ടാകാൻ സാധ്യതയുണ്ട്. മാത്രമല്ല, പൊടിക്കാറ്റ് കാരണമൂലം ഉണ്ടാകുന്ന അസുഖങ്ങൾ തടയാൻ മാസ്ക ധരിക്കുന്നത് നല്ലതാണ്.
വെള്ളം കുടിക്കാൻ മടികാണിക്കരുത്. ശ്വാസകോശ രോഗമുള്ളവർ തുടങ്ങിയവർ പുറത്തേക്കു പോകുമ്പോൾ ഇൻഹെയ്‌ലർ കയ്യിൽ കരുതണം. ദാഹം ഇല്ലെങ്കിലും വെള്ളം ധാരളം കഴിക്കണം. വെള്ളം കുടിച്ചില്ലെങ്കിൽ തളർച്ച അനുഭവപ്പെടും. വെള്ളം ആവശ്യമില്ലെങ്കിലും അതിനാൽ കുടിക്കണം. തളർച്ച, ബോധക്ഷയം, സൂര്യാഘാതം എന്നിവ സംഭവിക്കാൻ സാധ്യത കൂടുതൽ ആണ്. അതിനാൽ വെള്ളം ധാരാളം കുടിക്കണം. എല്ലാ ദിവസവും കാലാവസ്ഥ സംബന്ധിച്ച മുന്നറിയിപ്പുകൾ അധികൃതർ നൽകുന്നുണ്ട്. അത് അനുസരിച്ച് മാത്രം മുന്നോട്ടു പോകുക.അധികൃതർ നൽകുന്ന നിർദേശം പാലിക്കണം.
