റിയാദ്: സഊദി അറേബ്യയില്‍ ഈദുല്‍ ഫിത്വര്‍ നിസ്‌കാരസമയം പ്രഖ്യാപിച്ചു. മതകാര്യമന്ത്രി ഡോ: അബ്ദുല്ലത്തീഫ് ആലു ശൈഖ് ആണ് സമയം അറിയിച്ചത്. സൂര്യോദയത്തിന് ശേഷം 15 മിനുട്ട് കഴിഞ്ഞാണ് ഈദുല്‍ ഫിത്വര്‍ നിസ്കാരം നടക്കുക. ഓരോ പ്രദേശത്തെയും സൂര്യോദയം കഴിഞ്ഞ് 15 മിനുട്ട് പിന്നിട്ടാൽ നിസ്കാര സമയം ആയിരിക്കുമെന്ന് നേരത്തെ തന്നെ ഇസ്‌ലാമിക കാര്യ മന്ത്രാലയം അറിയിച്ചിരുന്നു.
സൗദിയിലെ വിവിധ സ്ഥലങ്ങളിലെ സൂര്യോദയ സമയം :
മക്ക: 6:07
ജിദ്ദ : 6:10
മദീന : 6:06
യാമ്പു: 6:13
റിയാദ് : 5:38
ബുറൈദ : 15:47
ഹാഇൽ : 5:5ള്ള
ജൗഫ്/സകാ : 6:00
അൽ ബഹ : 6:02
അറാർ : 15:56
തബൂക്ക് : 6:16
ദമ്മാം : 5:22
ജീസാൻ : 5:59
നിസ്‌കാരത്തിന് എല്ലാ പള്ളികളും ഈദുഗാഹുകളും സജ്ജീകരിക്കണമെന്ന് എല്ലാ മന്ത്രാലയ ശാഖകളോടും അദ്ദേഹം ആവശ്യപ്പെട്ടു.
മന്ത്രാലയ ശാഖകൾക്ക് അയച്ച സർക്കുലറിൽ പ്രാർത്ഥനകൾ തുറന്ന മൈതാനങ്ങളിലും മൈതാനത്തോട് ചേർന്നുള്ള പള്ളികൾ ഒഴികെയുള്ള എല്ലാ പള്ളികളിലും നമസ്ക്കാരം നടത്തണമെന്ന് ഷെയ്ഖ് അബ്ദുല്ലത്തീഫ് അൽ-ഷൈഖ് നിർദ്ദേശിച്ചു. കൂടാതെ, ഈദ് പ്രാർത്ഥനകൾക്ക് സാധാരണയായി ഉപയോഗിക്കാത്ത ചില പട്ടണങ്ങളിലെയും ഗ്രാമ കേന്ദ്രങ്ങളിലെയും പള്ളികളിലും പ്രത്യേക പ്രാർത്ഥനകൾ നടത്തണം.
നിയുക്ത പ്രാർത്ഥനാ മൈതാനങ്ങളിലും പള്ളികളിലും പെരുന്നാൾ നമസ്‌കാരങ്ങൾ നടത്തുന്നതിനുള്ള തയ്യാറെടുപ്പുകൾ നടത്തേണ്ടതിൻ്റെ പ്രാധാന്യം അൽ ഷൈഖ് എടുത്തുപറഞ്ഞു. അറ്റകുറ്റപ്പണികൾ, ശുചീകരണം എന്നിവ ഉൾപ്പെടെ ആവശ്യമായ എല്ലാ സേവനങ്ങളും നിലവിലുണ്ടെന്ന് ഉറപ്പുവരുത്തുന്നതിലൂടെ
എളുപ്പവും ആശ്വാസവുമായ ആചാരങ്ങൾ പൂർണ്ണമായി നിർവഹിക്കാൻ കഴിയും.
ഈ വർഷം റമളാൻ 30 ദിവസം ഉണ്ടായിരിക്കും എന്നാണ്‌ ഗോളശാസ്ത്ര നിരീക്ഷണം. അത് പ്രകാരം സഊദിയിൽ ഈ വർഷം ചെറിയ പെരുന്നാൾ ഏപ്രിൽ 10 ന് ബുധനാഴ്ചയായിരുക്കുമെന്നാണ് നിരീക്ഷകർ വിലയിരുത്തുന്നത്. എങ്കിലും ഇന്ന് (തിങ്കളാഴ്ച) മാസപ്പിറവി ദർശനത്തിനായി നിരീക്ഷകർ നിലയുറപ്പിച്ചിട്ടുണ്ട്.
