റിയാദ്- പണം നല്കിയാല് നിയമപ്രശ്നങ്ങളിലും മറ്റും അകപ്പെട്ടവര്ക്ക് നാട്ടിലേക്ക് പോകാന് വഴിയൊരുക്കാമെന്ന് വിശ്വസിപ്പിച്ച് വ്യാജ ഇമെയില്, ട്വിറ്റര് എകൗണ്ടുകള് വഴി നടക്കുന്ന പ്രചാരണങ്ങളില് വഞ്ചിതരാകരുതെന്ന് റിയാദ് ഇന്ത്യന് എംബസി ഇന്ത്യന് സമൂഹത്തോട് അഭ്യര്ഥിച്ചു.നിശ്ചിത പണം നല്കിയാല് നാട്ടിലേക്ക് കയറ്റി അയക്കാന് വഴിയൊരുക്കാമെന്ന് ഇന്ത്യന് എംബസിയുടെ പേരില് ചിലര്ക്ക് ട്വിറ്റര്, ഇമെയില് സന്ദേശങ്ങള് ലഭിച്ചിരുന്നു. ഇതേ തുടര്ന്നാണ് ഇന്ത്യന് എംബസി അറിയിപ്പ് പുറത്തിറക്കിയത്.
ഇത്തരം സാമൂഹിക മാധ്യമ എകൗണ്ടുകളുമായി ഇന്ത്യന് എംബസിക്ക് യാതൊരു ബന്ധവുമില്ല. എംബസിയുമായി ബന്ധപ്പെട്ട സാമൂഹിക മാധ്യമ എകൗണ്ടുകളുടെ വിവരങ്ങള് www.eoiriyadh.gov.in വെബ്സൈറ്റില് ലഭ്യമാണ്. എംബസിയുടെ ഇമെയില് @mea.gov.in എന്ന ഡൊമൈനില് നിന്നാണ്.
സംശയാസ്പദ സാഹചര്യങ്ങളില് വെബ്സൈറ്റ് പരിശോധിക്കുകയോ ബന്ധപ്പെട്ട വകുപ്പുകളില് പരിശോധിക്കുകയോ ചെയ്യണമെന്നും എംബസി ആവശ്യപ്പെട്ടു. 8002471234 ആണ് ടോള് ഫ്രീ നമ്പര്.
Leave a Reply