ജിദ്ദ : ജിദ്ദയിൽ മാസപ്പിറവി ദൃശ്യമായതിനെ തുടർന്ന് നാളെ ശഅബാൻ ഒന്നായിരിക്കുമെന്ന് അധികൃതർ അറിയിച്ചു. വിശ്വാസികൾ കാത്തിരിക്കുന്ന റമദാനിലേക്ക് ഇനി ഒരു മാസത്തെ ഇടവേള മാത്രം. ഗോളശാസ്ത്രപരമായി കുവൈത്തിൽ റമദാൻ ഒന്ന് മാർച്ച് 11 ന് തിങ്കളാഴ്ചയായിരിക്കുമെന്ന് അൽഉജൈരി സെന്റർ അറിയിച്ചു. ഫെബ്രുവരി 11 (ഇന്ന്) ശഅബാൻ ഒന്ന് ആയിരിക്കും. ശഅ്ബാനിൽ 29 ദിവസമാണുണ്ടാവുക. മാർച്ച് 10 ന് വൈകീട്ട് റമദാൻ മാസപ്പിറവി കാണുക ദുഷ്‌കരമായിരിക്കും. സൂര്യാസ്തമനം നടന്ന് 12 മിനിറ്റു മാത്രമേ ചാന്ദ്രമാസപ്പിറവി മാനത്തുണ്ടാവുകയുള്ളൂ. റമദാൻ […]

കുവൈത്ത് സിറ്റി : ഗോളശാസ്ത്രപരമായി കുവൈത്തിൽ റമദാൻ ഒന്ന് മാർച്ച് 11 ന് തിങ്കളാഴ്ചയായിരിക്കുമെന്ന് അൽഉജൈരി സെന്റർ അറിയിച്ചു. ഫെബ്രുവരി 11 (ഇന്ന്) ശഅബാൻ ഒന്ന് ആയിരിക്കും. ശഅ്ബാനിൽ 29 ദിവസമാണുണ്ടാവുക. മാർച്ച് 10 ന് വൈകീട്ട് റമദാൻ മാസപ്പിറവി കാണുക ദുഷ്‌കരമായിരിക്കും. സൂര്യാസ്തമനം നടന്ന് 12 മിനിറ്റു മാത്രമേ ചാന്ദ്രമാസപ്പിറവി മാനത്തുണ്ടാവുകയുള്ളൂ. റമദാൻ ഒന്നിന് സുബ്ഹി ബാങ്ക് സമയം രാവിലെ 5.45 നും മഗ്‌രിബ് ബാങ്ക് സമയം വൈകീട്ട് 5.53 നും ആയിരിക്കുമെന്നും സെന്റർ പറഞ്ഞു.

ദുബായ് : വിമാന യാത്രാ നിരക്കിനെ ചൊല്ലിയുള്ള ടെന്‍ഷന്‍ അങ്ങ് മാറ്റി വെക്കാം. ഗള്‍ഫ് പ്രവാസികള്‍ക്ക് കോളടിച്ചിരിക്കുകയാണ്. എമിറേറ്റിസിലെ ഈ ഗള്‍ഫ് നഗരത്തില്‍ നിന്ന് ചുരുങ്ങിയ ചെലവില്‍ അങ്ങ് അമേരിക്ക വരെ പറക്കാം അബുദാബി അന്താരാഷ്ട്ര വിമാനത്താവളത്തിന്റെ പേര് മാറ്റല്‍ പ്രാബല്യത്തില്‍ വന്നതോടെയാണ് പ്രവാസികള്‍ അടക്കമുള്ള യാത്രക്കാര്‍ക്ക് വമ്പന്‍ ഓഫറുകള്‍ പ്രമുഖ കമ്പനികള്‍ പ്രഖ്യാപിച്ചത്. 60 ദിര്‍ഹത്തിന് താഴെയുള്ള വിമാനടിക്കറ്റുകള്‍ അടക്കം പേര് മാറ്റല്‍ തീരുമാനത്തിന് പിന്നാലെ കമ്പനികള്‍ പ്രഖ്യാപിച്ചു.ചരിത്രപരമായ തീരുമാനം എന്ന് വിശേഷിപ്പിച്ചുകൊണ്ടാണ് ഇത്തിഹാദ് എയര്‍വേയ്‌സ് […]

റിയാദ് : ചാറ്റല്‍ മഴക്കിടയില്‍ മൂന്നാമത് റിയാദ് മാരത്തോണ്‍ പുരോഗമിക്കുന്നു. വിദേശികളടക്കം നിരവധി പേരാണ് മാരത്തോണില്‍ പങ്കെടുക്കുന്നത്. സൗദി സ്‌പോര്‍ട്‌സ് ഫെഡറേഷനും സ്‌പോര്‍ട്‌സ് മന്ത്രാലയം നേരിട്ട് സംഘടിപ്പിക്കുന്ന മാരത്തോണിന് സൗകര്യമൊരുക്കാന്‍ റിയാദ് ട്രാഫിക് വിഭാഗം ഒമ്പത് റോഡുകള്‍ അടച്ചിട്ടിരിക്കുകയാണ്.കിംഗ് ഫൈസല്‍, ദര്‍ഇയ, ഇമാം സൗദ് ബിന്‍ അബ്ദുല്‍ അസീസ്, പ്രിന്‍സ് സുല്‍ത്താന്‍, ഇമാം സൗദ് ബിന്‍ ഫൈസല്‍, വാദി ഹനീഫ, ഇമാം തുര്‍ക്കി അല്‍അവ്വല്‍, അല്‍ബര്‍ജാന്‍, അല്‍ശഖ്‌റാന്‍ എന്നീ റോഡുകളാണ് അടച്ചിട്ടിരിക്കുന്നത്.വിവിധ പോയന്റുകളിലെത്തി രജിസ്റ്റര്‍ ചെയ്താണ് മത്സരം. […]

ജിദ്ദ : നിലവിലെ തൊഴിലുടമയുടെയോ പുതിയ തൊഴിലുടമയുടെയോ പേരില്‍ ഗതാഗത നിയമ ലംഘനങ്ങള്‍ക്ക് ചുമത്തിയ പിഴകള്‍ ഒടുക്കാതെ ശേഷിക്കുന്നതിനിടെ സ്‌പോണ്‍സര്‍ഷിപ്പ് മാറ്റത്തിനുള്ള അപേക്ഷകള്‍ സമര്‍പ്പിക്കാന്‍ കഴിയില്ലെന്ന് റിക്രൂട്ട്‌മെന്റ് നടപടിക്രമങ്ങള്‍ക്കുള്ള മാനവശേഷി, സാമൂഹിക വികസന മന്ത്രാലയത്തിനു കീഴിലെ മുസാനിദ് പ്ലാറ്റ്‌ഫോം വ്യക്തമാക്കി. ഇതുമായി ബന്ധപ്പെട്ട് ലഭിച്ച അന്വേഷണത്തിന് മറുപടിയായാണ് മുസാനിദ് ഇക്കാര്യം വ്യക്തമാക്കിയത്.ഗാര്‍ഹിക തൊഴിലാളി റിക്രൂട്ട്‌മെന്റ് കരാറുകള്‍ക്കുള്ള നിര്‍ബന്ധിത ഇന്‍ഷുറന്‍സ് ഈ മാസാദ്യം മുതല്‍ നിലവില്‍ വന്നിട്ടുണ്ട്. വേലക്കാരുടെയും തൊഴിലുടമകളുടെയും അവകാശങ്ങള്‍ സംരക്ഷിക്കാന്‍ ശ്രമിച്ച്, പുതിയ വിസയില്‍ സൗദിയിലെത്തുന്ന […]

മക്ക : സംസം വെള്ളം ശേഖരിക്കാനുള്ള കന്നാസുകളും ബാഗേജുകളും ഭക്ഷണങ്ങളും ഹറമില്‍ പ്രവേശിപ്പിക്കുന്നത് വിലക്കിയതായി ഹറം ഗെയ്റ്റ് ഡിപ്പാര്‍ട്ട്‌മെന്റ് സൂപ്പര്‍വൈസര്‍ സൈഫ് അല്‍സല്‍മി വ്യക്തമാക്കി. തീര്‍ഥാടകരുടെ സുഗമമായ സഞ്ചാരത്തെയും ആരാധനാ കര്‍മങ്ങളെയും പ്രതികൂലമായി ബാധിക്കുന്ന എല്ലാ കാര്യങ്ങളും ഹറമില്‍ വിലക്കിയിട്ടുണ്ട്. ത്വവാഫ് കര്‍മത്തിനിടെയും സഫാ, മര്‍വ കുന്നുകള്‍ക്കിടയിലെ സഅ്‌യ് കര്‍മത്തിനിടെയും ഉംറ തീര്‍ഥാടകരുടെ സുരക്ഷ കാത്തുസൂക്ഷിക്കാന്‍ വേണ്ടിയാണ് ഇത്തരം വസ്തുക്കള്‍ ഹറമില്‍ വിലക്കാന്‍ തീരുമാനിച്ചതെന്നും സൈഫ് അല്‍സല്‍മി പറഞ്ഞു.

ജിദ്ദ : സൗദി അറേബ്യയുടെ വിവിധ ഭാഗങ്ങളിൽ മഴ. മക്ക, റിയാദിന്റെ ഉത്തരഭാഗങ്ങൾ എന്നിവടങ്ങളിലാണ് മഴ പെയ്തത്. മക്കയിൽ ഇന്നലെ സാമാന്യം ഭേദപ്പെട്ട രീതിയിൽ മഴ പെയ്തിരുന്നു. ഇന്ന് രാവിലെ നേരിയ മഴ പെയ്തു. ഇന്നലെ രാത്രി ജിദ്ദയിലും മഴ പെയ്തിരുന്നു. ഇന്ന് രാവിലെയാണ് രാജ്യ തലസ്ഥാനമായ റിയാദിൽ മഴ പെയ്തത്. ഇടിമിന്നലിന്റെ അകമ്പടിയോടെയാണ് മഴ പെയ്തത്. തലസ്ഥാന നഗരിയില്‍ ഇന്ന് പുലര്‍ച്ചെ മുതല്‍ ഇടവിട്ട് മഴ തുടങ്ങി. ചിലയിടങ്ങളില്‍ ശക്തമായ മഴ ലഭിച്ചു. മറ്റു ചിലസ്ഥലങ്ങളില്‍ […]

ജിദ്ദ : രണ്ടു ദിവസമായി ശൈത്യം കുറഞ്ഞുതുടങ്ങിയ ജിദ്ദയിലും പരിസര പ്രദേശങ്ങളിലും വെള്ളിയാഴ്ച രാത്രി നേരിയ തോതില്‍ മഴ പെയ്തു. ശനിയാഴ്ച വരെ മിതമായും ചില സ്ഥലങ്ങളില്‍ ശക്തമായും മഴ പെയ്യുമെന്ന് കാലാവസ്ഥാ വിഭാഗത്തെ ഉദ്ധരിച്ച് നേരത്തെ സിവില്‍ ഡിഫന്‍സ് അറിയിച്ചിരുന്നു. ബുധനാഴ്ച മുതല്‍ പല സ്ഥലങ്ങളിലും മഴ പെയ്യുന്നുണ്ട്. മഴ ശക്തിപ്പെടാനുള്ള സാധ്യത നിലനിൽക്കുന്നതിനാൽ സിവിൽ ഡിഫൻസ് നിർദേശങ്ങൾക്കനുസൃതമായി മുൻകരുതലുകളെടുക്കണം. എസ്.എം.എസ് വഴി സിവിൽ ഡിഫൻസ് ജാഗ്രതാ നിർദേശം നൽകിയിട്ടുണ്ട്. ജിദ്ദക്കു പുറമെ, മക്ക, അല്ലൈത്ത്, […]

ദോഹ : സമകാലിക സംഭവ വികാസങ്ങളില്‍ ആര്‍ജവമുള്ള നിലപാടുകളും നടപടികളുമായി മുന്നോട്ടുപോകുന്ന ഖത്തറിനെതിരെയുള്ള പാശ്ചാത്യന്‍ പ്രചാരവേലകള്‍ ഫലം കാണുന്നു. ഖത്തര്‍ ഫൗണ്ടേഷനുമായുള്ള രണ്ട് പതിറ്റാണ്ടിന്റെ കരാര്‍ അവസാനിപ്പിച്ച് പ്രശസ്ത അമേരിക്കന്‍ സര്‍വകലാശാലയായ ടെക്‌സസ് എ ആന്‍ഡ് എം സര്‍വകലാശാലയുടെ തീരുമാനത്തെ ഇതിന്റെ ഭാഗമായാണ് കാണുന്നത്.ഖത്തര്‍ ഫൗണ്ടേഷന്റെ ടെക്‌സസ് എ ആന്‍ഡ് എം സര്‍വകലാശാല കാമ്പസില്‍ നിന്ന് കഴിഞ്ഞ 20 വര്‍ഷത്തിനുള്ളില്‍ 1,500ലധികം എഞ്ചിനീയര്‍മാരെ ബിരുദം നേടുകയും പ്രൊഫഷണല്‍ രംഗത്ത് പ്രവേശിക്കുകയും ചെയ്തിട്ടുണ്ട്. എന്നാല്‍ ലോക വിഷയങ്ങളിലെ ഖത്തറിന്റെ […]

ദുബായ് : വാഹനമോടിക്കുന്നവര്‍ക്ക് വീണ്ടും മുന്നറിയിപ്പ് നല്‍കി ദുബായ് പോലീസ്. തല വാഹനത്തിനു മുകളിലൂടെ പുറത്തേക്കിടുകയോ ശരീരത്തിന്റെ ഏതെങ്കിലും ഭാഗം ഡോറിലൂടെ പുറത്തു കാണിക്കുകയോ ചെയ്യുന്നതിന് പിഴ വിധിക്കുമെന്നാണ് മുന്നറിയിപ്പ്. വാഹനം നീങ്ങുമ്പോള്‍ സണ്‍റൂഫിന് പുറത്ത് നില്‍ക്കുകയും മുകളില്‍ ഇരിക്കുകയും ചെയ്യുന്നത് വാഹനം പിടിച്ചെടുക്കാനും പിഴ ഈടാക്കാനും ബ്ലാക്ക് പോയിന്റുകള്‍ക്കും കാരണമാകും. സഞ്ചരിക്കുന്ന കാറിന്റെ മേല്‍ക്കൂരയില്‍ കുട്ടികള്‍ ഇരിക്കുന്നതും ഡോറുകളിലൂടെ പൂറത്തേക്ക് കൈയിടുന്നതും ഉള്‍പ്പെടെയുള്ള വീഡിയോ തൂങ്ങിക്കിടക്കുന്നതുമായ വീഡിയോ അതോറിറ്റി വെള്ളിയാഴ്ച പങ്കിട്ടു. ഓടുന്ന വാഹനങ്ങളില്‍ നിന്ന് […]

ജിദ്ദ : തിരുഗേഹങ്ങളുടെ സേവകൻ സൽമാൻ രാജാവിന്റെ ആഹ്വാന പ്രകാരം മഴക്ക് വേണ്ടിയുള്ള പ്രത്യേക നമസ്‌കാരം നിർവഹിച്ച് ഒരാഴ്ച പിന്നിടും മുമ്പ് മക്കയിൽ മഴ. ഇന്ന് ഉച്ചയോടെയാണ് മക്കയിൽ മഴ പെയ്തത്. കഴിഞ്ഞ ഏതാനും ദിവസത്തെ തണുപ്പിന് ശേഷം രാജ്യത്തിന്റെ വിവിധ ഭാഗങ്ങൾ പതുക്കെ ചൂടിലേക്ക് പ്രവേശിക്കുന്നതിനിടെയാണ് ഇന്ന് തീർത്ഥാടകരെ അടക്കം കുളിരണയിച്ച് മക്കയിലും പരിസരത്തും മഴ പെയ്തത്. മക്കയിൽ മഴ പെയ്യുന്നതിന്റെ വീഡിയോ നിരവധി പേർ സമൂഹമാധ്യമങ്ങളിലൂടെ പുറത്തുവിട്ടു

റിയാദ് : അറ്റകുറ്റപ്പണികൾ നടത്തിയും മോടിപിടിപ്പക്കൽ ജോലികൾ പൂർത്തിയാക്കിയും റിയാദ് മൃഗശാല ഇന്ന് വീണ്ടും തുറന്നതായി നാഷണൽ സെന്റർ ഫോർ വൈൽഡ്‌ലൈഫ് അറിയിച്ചു. സൗദിയിലെ പ്രധാന വിനോദസഞ്ചാര കേന്ദ്രങ്ങളിൽ ഒന്നാണ് റിയാദ് മൃഗശാല. വംശനാശ ഭീഷണി നേരിടുന്നവ അടക്കം 190 വ്യത്യസ്ത ഇനങ്ങളിൽ പെട്ട 1,300 ലേറെ മൃഗങ്ങൾ ഇവിടെയുണ്ട്. 55 ഏക്കർ വിസ്തൃതിയുള്ള റിയാദ് മൃഗശാല സൗദിയിലെ ഏറ്റവും പഴയതും വലുതുമായ മൃഗശാലയാണ്. പതിവായി സന്ദർശകരുടെ നല്ല തിരക്കാണ് ഇവിടെ അനുഭവപ്പെടുന്നത്.