ജിദ്ദ: രണ്ട് ട്രാക്ക് ഉള്ള റോഡിൽ ഓവർടേക്ക് ചെയ്യുമ്പോൾ ഇടത് ഭാഗത്ത് കൂടെ മാത്രമേ ഓവർടേക്ക് ചെയ്യാൻ പാടുള്ളു എന്ന് സൗദി ട്രാഫിക് വിഭാഗം ഓർമ്മപ്പെടുത്തി. അതേ സമയം ഒരേ ദിശയിൽ തന്നെ ‘രണ്ടിലധികം’ ട്രാക്കുകൾ ഉള്ള റോഡ് ആണെങ്കിൽ വലത് ഭാഗത്തു കൂടെ ഓവർടേക്കിംഗ് അനുവദിനീയമാണെന്നും ട്രാഫിക് വിഭാഗം വ്യക്തമാക്കി. മഴ പെയ്യുമ്പോൾ വാഹനം സ്ലോ ആക്കേണ്ടതിന്റെയും വൈപ്പറുകൾ ഉപയോഗിക്കേണ്ടതിന്റെയും മുന്നിലുള്ള വാഹനവുമായി മതിയായ അകലം പാലിക്കേണ്ടതിന്റെയും കാഴ്ച വ്യക്തമാകാതിരിക്കുമ്പോൾ വാണിംഗ് ലൈറ്റുകൾ ഉപയോഗിക്കേണ്ടതിന്റെയും പ്രാധാന്യം […]

റിയാദ് : ജീവകാരുണ്യ പ്രവർത്തനങ്ങൾക്കുള്ള ഇഹ്‌സാൻ പ്ലാറ്റോഫോം വഴി ഇതുവരെ 467,44,48,967 റിയാൽ സംഭാവനകളായി ലഭിച്ചതായി പ്ലാറ്റ്‌ഫോം അറിയിച്ചു. ഇതുവരെ ആകെ 49,08,675 പേർക്ക് സംഭാവനകൾ പ്രയോജനപ്പെട്ടു. ആകെ 8,87,77,241 സംഭാവന നൽകൽ പ്രക്രിയകളാണ് പ്ലാറ്റ്‌ഫോമിൽ നടന്നത്.ധനസഹായത്തിനുള്ള വ്യക്തികളുടെ അപേക്ഷകൾ പ്ലാറ്റ്‌ഫോം നേരിട്ട് സ്വീകരിക്കില്ല. ഔദ്യോഗിക വകുപ്പുകളുമായും സന്നദ്ധ സംഘടനകളുമായും സഹകരിച്ചാണ് പ്ലാറ്റ്‌ഫോം ധനസഹായ വിതരണം നടത്തുന്നത്. ധനസഹായം ആവശ്യമുള്ളവരെ ഗുണഭോക്താക്കളുടെ പട്ടികയിൽ ഉൾപ്പെടുത്താൻ ആഗ്രഹിക്കുന്ന പക്ഷം സന്നദ്ധ സംഘടനകളുമായോ ബന്ധപ്പെട്ട ഔദ്യോഗിക വകുപ്പുകളുമായോ ആശയവിനിമയം നടത്തുകയാണ് […]

റിയാദ് : ഇസ്രായേല്‍ ആക്രമണത്തിനിരയായി കൊണ്ടിരിക്കുന്ന ഗാസ മുനമ്പിലെ ഫലസ്തീന്‍ ജനതയ്ക്ക് ആശ്വാസം പകരാന്‍ സൗദി അറേബ്യ ആരംഭിച്ച ജനകീയ സംഭാവന കാമ്പയിന്‍ രണ്ടാം ദിവസത്തിൽ 278 മില്യൺ റിയാൽ കവിഞ്ഞു. 459000 പേരാണ് ഇതുവരെ സംഭാവന നൽകിയത്. ഇന്നലെ ജുമുഅ ഖുതുബയിൽ കാമ്പയിനിൽ പങ്കാളികളാവാൻ സൗദികളോടും വിദേശികളോടും ഖതീബുമാർ ആവശ്യപ്പെട്ടിരുന്നു. തിരുഗേഹങ്ങളുടെ സേവകന്‍ സല്‍മാന്‍ രാജാവ് 30 മില്യന്‍ റിയാലും കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരന്‍ 20 മില്യന്‍ റിയാലും സംഭാവന നല്‍കിയാണ് സാഹം […]

ജിദ്ദ : സൗദിയില്‍ ജോലി ചെയ്യുന്ന പ്രവാസികളും അവരുടെ ആശ്രിതരും ഡിജിറ്റല്‍ ഇഖാമ മൊബൈലിലേക്ക് ഡൗണ്‍ലോഡ് ചെയ്യുന്നത് നന്നായിരിക്കും. ദൗര്‍ഭാഗ്യവശാല്‍ ഇഖാമ കൈയില്‍ ഇല്ലാത്ത സമയത്ത് വന്‍തുകയുടെ പിഴ ഒഴിവാക്കാന്‍ ഇത് സഹായകമാകും.അബ്ശിറില്‍നിന്നും ഇപ്പോള്‍ കൂടുതല്‍ സേവനങ്ങള്‍ ഉള്‍പ്പെടുത്തി ദേശീയ ആപ്പായി പരിഷ്‌കരിച്ചിരിക്കുന്ന തവക്കല്‍നാ ആപ്പില്‍നിന്നും ഡിജിറ്റല്‍ ഇഖാമ ഡൗണ്‍ലോഡ് ചെയ്യാം.ഏതെങ്കിലും കാരണവശാല്‍ ഇഖാമ പേഴ്‌സില്‍ കരുതിയിട്ടില്ലെങ്കില്‍ പരിശോധിക്കുന്ന ഉദ്യോഗസ്ഥര്‍ മുമ്പാകെ ഡിജിറ്റല്‍ ഐഡി കാണിക്കാം. ഇഖാമ ഇല്ലാത്തതിനുള്ള പിഴശിക്ഷയില്‍നിന്ന് ഇതുവഴി രക്ഷപ്പെടാം. സൗദിയിലെ എല്ലാ പ്രവിശ്യകളിലും […]

ജിദ്ദ- കനത്ത മഴ പ്രതീക്ഷിക്കുന്നതിനാൽ നാളെ(ശനി) ജിദ്ദ യൂണിവേഴ്‌സിറ്റി ക്ലാസുകൾ റദ്ദാക്കി. ബിരുദ വിദ്യാർത്ഥികൾക്കും എക്‌സിക്യൂട്ടീവ് പ്രോഗ്രാമുകൾക്കുമായുള്ള ക്ലാസുകളാണ് നിർത്തിവെച്ചത്. നാഷണൽ സെന്റർ ഓഫ് മെറ്റീരിയോളജിയിൽനിന്ന് ലഭിച്ച റിപ്പോർട്ടുകളുടെ അടിസ്ഥാനത്തിലാണ് പഠനം നിർത്തിവെക്കാനുള്ള സർവകലാശാലയുടെ തീരുമാനം. വെള്ളിയാഴ്ച മുതൽ അടുത്ത ചൊവ്വാഴ്ച വരെ രാജ്യത്തിന്റെ മിക്ക പ്രദേശങ്ങളിലും ഇടിമിന്നലിനും മഴക്കും സാധ്യതയുണ്ടെന്ന് നാഷണൽ സെന്റർ ഓഫ് മെറ്റീരിയോളജി മുന്നറിയിപ്പ് നൽകിയിരുന്നു.

ജിദ്ദ – ലോക രാജ്യങ്ങളിൽ നിന്നെത്തുന്ന വിനോദസഞ്ചാരികളെ സ്വീകരിച്ച് ഏറ്റവും മികച്ച സേവനങ്ങൾ നൽകാൻ കിംഗ് അബ്ദുൽ അസീസ് അന്താരാഷ്ട്ര വിമാനത്താവളത്തിൽ ഓൺഅറൈവൽ ടൂറിസ്റ്റ് വിസ ലോഞ്ച് ഉദ്ഘാടനം ചെയ്തു. ജിദ്ദ എയർപോർട്ട്‌സ് കമ്പനിയും ജവാസാത്ത് ഡയറക്ടറേറ്റും സഹകരിച്ചാണ് ഓൺഅറൈവൽ വിസ ലോഞ്ച് സജ്ജീകരിച്ചിരിക്കുന്നത്. ഓൺഅറൈവൽ വിസ സേവനം പ്രയോജനപ്പെടുത്തി സൗദിയിലെത്തുന്ന ടൂറിസ്റ്റുകളുടെ വിസാ നടപടിക്രമങ്ങൾ എളുപ്പമാക്കാനും മികച്ച സേവനങ്ങൾ നൽകാനുമാണ് ഓൺഅറൈവൽ ടൂറിസ്റ്റ് വിസാ ലോഞ്ച് ഏരിയ ഉദ്ഘാടനം ചെയ്തതിലൂടെ ലക്ഷ്യമിടുന്നത്. സൗദി ജവാസാത്ത് മേധാവി […]

ദമാം : കനത്ത മഴയില്‍ തോടുകളായി മാറി ദമാമിലെയും അല്‍കോബാറിലെയും റോഡുകള്‍. വെള്ളം കയറിയതിനെ തുടര്‍ന്ന് ചില അടിപ്പാതകളും റോഡുകളും അടച്ചു. മഴക്കിടെയുണ്ടായ ശക്തമായ ആലിപ്പഴ വര്‍ഷത്തില്‍ ഏതാനും വാഹനങ്ങളുടെ ചില്ലുകള്‍ തകര്‍ന്നു. ആലിപ്പഴ വര്‍ഷത്തിന്റെയും വലിയ മഞ്ഞുകട്ടകള്‍ പതിച്ച് കാറുകളുടെ ചില്ലുകള്‍ തകര്‍ന്നതിന്റെയും റോഡുകള്‍ വെള്ളത്തില്‍ മുങ്ങിയതിന്റെയും ദൃശ്യങ്ങള്‍ അടങ്ങിയ വീഡിയോകള്‍ സാമൂഹികമാധ്യമങ്ങളില്‍ പ്രചരിക്കുന്നുണ്ട്. ശക്തമായ മഴ കണക്കിലെടുത്ത് അത്യാവശ്യ കാര്യങ്ങള്‍ക്കല്ലാതെ നഗരവാസികള്‍ വീടുകളില്‍

ജിദ്ദ : ജിദ്ദ-മക്ക എക്‌സ്പ്രസ് വേയിലുണ്ടായ അപകടത്തിൽ 11 പേർക്ക് പരിക്ക്. അടിയന്തര രക്ഷക്കായി എയർ ആംബുലൻസും ആറു ആംബുലൻസുകളും എത്തി. ജിദ്ദ, മക്ക എക്‌സ്പ്രസ് വേയിൽ ജിദ്ദ ദിശയിലുള്ള റോഡിൽ മുസ്ഹഫ് ശിൽപത്തിനു സമീപമാണ് വാഹനാപകടം ഉണ്ടായത്. ഇന്നലെ രാവിലെ 10.37 ന് ആണ് അപകടത്തെ കുറിച്ച് റെഡ് ക്രസന്റ് കൺട്രോൾ റൂമിൽ വിവരം ലഭിച്ചത്. ഉടൻ തന്നെ ആറു ആംബുലൻസുകളും ഒരു എയർ ആംബുലൻസും സ്ഥലത്തേക്ക് അയച്ചെന്ന് റെഡ് ക്രസന്റ് അറിയിച്ചു. പരിക്കേറ്റവരിൽ ഒരാളുടെ […]

ജിദ്ദ : നിയമാനുസൃത നടപടികൾ സ്വീകരിക്കാതെ വാഹനങ്ങളുടെ അടിസ്ഥാന അടയാളങ്ങളിൽ മാറ്റം വരുത്തുന്നത് ഗതാഗത നിയമ ലംഘനമാണെന്ന് സൗദി ട്രാഫിക് ഡയറക്ടറേറ്റ് പറഞ്ഞു. അടിസ്ഥാന അടയാളങ്ങളോ സജ്ജീകരണങ്ങളോ മാറ്റുന്ന നിലക്ക് വാഹനത്തിന്റെ ബോഡിയിലോ ഘടനയിലോ മാറ്റങ്ങൾ വരുത്തുന്നത് ഗതാഗത നിയമ ലംഘനമാണ്. ഇതിന് ആയിരം റിയാൽ മുതൽ രണ്ടായിരം റിയാൽ വരെ പിഴ ലഭിക്കുമെന്ന് സൗദി ട്രാഫിക് ഡയറക്ടറേറ്റ് പറഞ്ഞു.

ജിദ്ദ : ഈ വർഷം മൂന്നാം പാദത്തിൽ സൗദി ഗവൺമെന്റിന്റെ പെട്രോളിതര വരുമാനത്തിൽ 53 ശതമാനം വളർച്ച രേഖപ്പെടുത്തി. മൂന്നാം പാദത്തിൽ പെട്രോളിതര വരുമാനം 111.5 ബില്യൺ റിയാലായി ഉയർന്നു. കഴിഞ്ഞ കൊല്ലം മൂന്നാം പാദത്തിൽ ഇത് 72.84 ബില്യൺ റിയാലായിരുന്നു. മൂന്നാം പാദത്തിൽ ആകെ പൊതുവരുമാനം 258.5 ബില്യൺ റിയാലും പൊതുധനവിനിയോഗം 294.3 ബില്യൺ റിയാലും കമ്മി 35.8 ബില്യൺ റിയാലുമാണ്. ആഗോള വിപണിയിൽ എണ്ണ വില കുറയുകയും സൗദി അറേബ്യ എണ്ണയുൽപാദനത്തിൽ സ്വമേധയാ അധിക […]