ജിദ്ദ : സൗത്ത് അബ്ഹുർ ബീച്ച് വാട്ടർഫ്രണ്ട് വികസന പദ്ധതി പൊതുജനങ്ങൾക്കു മുന്നിൽ തുറന്നുകൊടുത്തു. ഈ മാസം 16 മുതലാണ് (വ്യാഴം) പൂര്‍ണമായ പ്രവേശനം. വ്യാഴം രാവിലെ മുതല്‍ പൊതുജനങ്ങള്‍ക്ക് പ്രവേശനം അനുവദിക്കും. വിഷൻ 2030 ലക്ഷ്യങ്ങൾ കൈവരിക്കാൻ ശ്രമിച്ച് മുനിസിപ്പൽ സേവനങ്ങൾ വികസിപ്പിക്കാനും ജീവിത നിലവാരം മെച്ചപ്പെടുത്താനുമുള്ള പദ്ധതികളുടെ ഭാഗമായി പൂർത്തിയാക്കിയ സൗത്ത് അബ്ഹുർ ബീച്ച് വാട്ടർഫ്രണ്ട് വികസന പദ്ധതി മക്ക പ്രവിശ്യ ഡെപ്യൂട്ടി ഗവർണർ ബദ്ർ ബിൻ സുൽത്താൻ രാജകുമാരനാണ് ഉദ്ഘാടനം ചെയ്തത്. 2.7 […]

ദമാം : സൗദിയിൽ ആധുനിക സാങ്കേതികവിദ്യകൾ സ്വദേശി ജീവനക്കാരുമായി മത്സരിക്കുന്നില്ലെന്ന് വ്യവസായ, ധാതുവിഭവ മന്ത്രി ബന്ദർ അൽഖുറൈഫ് പറഞ്ഞു. കിഴക്കൻ പ്രവിശ്യയിൽ സംഘടിപ്പിച്ച ‘റാദ്’ സംരംഭകത്വ ഫോറത്തിൽ സംസാരിക്കുകയായിരുന്നു മന്ത്രി. സൗദിയിൽ വ്യവസായ മേഖലയിൽ നിക്ഷേപാവസരങ്ങളിൽ കാതലായ മാറ്റങ്ങളുണ്ടായിട്ടുണ്ട്. മഹത്തായ ദേശീയ ഇച്ഛാശക്തി കാരണം ആധുനിക നിർമാണ സാങ്കേതികവിദ്യകൾ സ്വീകരിക്കാൻ ഏറ്റവും സുസജ്ജമായ രാജ്യങ്ങളിൽ ഒന്നാണ് സൗദി അറേബ്യ. സൗദിയിൽ സാങ്കേതികവിദ്യയും സ്വദേശി ജീവനക്കാരും തമ്മിൽ മത്സരമില്ല. യുവജനങ്ങളിൽ ഭൂരിഭാഗവും ആധുനിക സാങ്കേതികവിദ്യകൾ ഉപയോഗിക്കാൻ താൽപര്യപ്പെടുന്നവരാണ്. സൗദിയിൽ […]

ജിദ്ദ : മാനവശേഷി, സാമൂഹിക വികസന മന്ത്രാലയത്തിന്റെ ലൈസൻസോടെ മാൻപവർ സപ്ലൈ കമ്പനികളെ പോലെ ഗാർഹിക തൊഴിലാളി കൈമാറ്റ മേഖലയിൽ പ്രവർത്തിക്കുന്ന കമ്പനികൾ വഴി മാത്രമേ ഇന്തോനേഷ്യയിൽ നിന്ന് ഗാർഹിക തൊഴിലാളികളെ റിക്രൂട്ട് ചെയ്യാൻ സാധിക്കുകയുള്ളൂ എന്ന് മാനവശേഷി സാമൂഹിക വികസന മന്ത്രാലയത്തിന് കീഴിലെ ഗാർഹിക തൊഴിലാളി റിക്രൂട്ട്‌മെന്റ് നടപടികൾക്കുള്ള മുസാനിദ് പ്രോഗ്രാം വ്യക്തമാക്കി. വ്യക്തികളുടെ സ്‌പോൺസർഷിപ്പിൽ ഇന്തോനേഷ്യയിൽ നിന്ന് ഗാർഹിക തൊഴിലാളികളെ റിക്രൂട്ട് ചെയ്യാൻ നിലവിൽ സാധിക്കില്ല. ഇന്തോനേഷ്യക്കാരായ വേലക്കാരെ ആവശ്യമുള്ളവർ ഇത്തരം തൊഴിലാളികളുടെ സേവനം […]

ജിദ്ദ : ഉപയോക്താക്കൾക്ക് ജവാസാത്ത് സേവനങ്ങൾ നൽകാൻ വാട്‌സ് ആപ്പിൽ ഔദ്യോഗിക അക്കൗണ്ട് ഇല്ലെന്ന് ജവാസാത്ത് ഡയറക്ടറേറ്റ് വ്യക്തമാക്കി. സാമൂഹികമാധ്യമങ്ങളിലൂടെ സേവനങ്ങൾ നൽകുമെന്ന് അവകാശപ്പെടുന്ന അനൗദ്യോഗിക അക്കൗണ്ടുകളുമായി ഇടപാടുകൾ നടത്തുന്നതിനെതിരെ ജവാസാത്ത് മുന്നറിയിപ്പ് നൽകി. വാർത്തകളും വിവരങ്ങളും ഔദ്യോഗിക ഉറവിടങ്ങളിൽ നിന്ന് തേടണമെന്നും ജവാസാത്ത് ഡയറക്ടറേറ്റ് പറഞ്ഞു.

റിയാദ് : സുഹൃത്തിന്റെ കാർ ശ്രീലങ്കൻ സ്വദേശികൾക്ക് മേൽവാടകക്ക് നൽകി റിയാദിൽ തിരുവനന്തപുരം സ്വദേശി വെട്ടിലായി. നാട്ടിൽ അവധിക്ക് പോയ സുഹൃത്തിന്റെ കാർ തിരുവനന്തപുരം സ്വദേശിയായ യുവാവ് ശ്രീലങ്കൻ സ്വദേശികൾക്ക് മേൽവാടകക്ക് നൽകുകയായിരുന്നു. ഈ കാറിൽ സൗദിയിലെ പ്രമുഖ സ്ഥാപനത്തിന്റെ ഇലക്ട്രിക് കേബിളുകൾ ശ്രീലങ്കൻ സ്വദേശികൾ മോഷണം നടത്തുകയായിരുന്നു. കാർ അടക്കം പിടികൂടിയതോടെ വെട്ടിലായത് മലയാളിയും. നിർധന കുടുംബത്തിൽനിന്നുള്ള മലയാളി മൂന്നര വർഷത്തോളമായി തടവിലാണ്. രണ്ടു വർഷം ജയിലിൽ കഴിഞ്ഞ ഇദ്ദേഹം നിലവിൽ സ്‌റ്റേഷൻ തടവിലാണ്. മോഷണത്തിന് […]

റിയാദ് : ഗാസയിലേക്കുള്ള റിലീഫ് വസ്തുക്കളുമായി സൗദിയിൽനിന്നുള്ള നാലാമത്തെ വിമാനം ഈജിപ്തിലെ അൽ അരീഷ് വിമാനത്താവളത്തിലെത്തി. ഇവിടെനിന്ന് ട്രക്കുകളിലാവും സാധനങ്ങൾ ഗാസയിൽ എത്തിക്കുക. ഭക്ഷണവും ബ്ലാങ്കറ്റുകളും തമ്പുകൾ ഉണ്ടാക്കാനുള്ള സാമഗ്രികളുമാണ് സൗദിയിൽനിന്ന് അയച്ചത്. കഴിഞ്ഞ ദിവസം അൽ അരീഷ് വിമാനത്താവളത്തിലെത്തിയ മൂന്നാമത്തെ വിമാനത്തിൽ 35 ടൺ റിലീഫ് വസ്തുക്കളാണുണ്ടായിരുന്നത്.യുദ്ധക്കെടുതി നേരിടുന്ന ഫലസ്തീനിലെ സഹോദരങ്ങൾക്ക് പരമാവധി സഹായം എത്തിക്കണമെന്ന തിരുഗേഹങ്ങളുടെ സേവകൻ സൽമാൻ രാജാവിന്റെയും കിരീടാവകാശി മുഹമ്മദ് ബിൻ സൽമാൻ രാജകുമാരന്റെയും നിർദേശ പ്രകാരമാണ് റിലീഫ് വസ്തുക്കൾ അയക്കുന്നത്.

റിയാദ് : മഴ പെയ്യുന്ന സമയത്ത് വാഹനമോടിക്കുന്നവർ ലൈറ്റ് ഓണാക്കുകയും വാഹനങ്ങൾ തമ്മിൽ സുരക്ഷിത അകലം പാലിക്കുകയും വേണമെന്ന് ട്രാഫിക് ഡയറക്ടറേറ്റ് ആവശ്യപ്പെട്ടു. പുറപ്പെടുന്നതിന് മുമ്പ് ലക്ഷ്യസ്ഥാനത്തേക്കുള്ള ഏറ്റവും ഹ്രസ്വവും സുരക്ഷിതവുമായ റൂട്ട് തെരഞ്ഞെടുത്ത് വേഗം നിർണയിക്കുക, വേഗം കൂടുന്നതിനനുസരിച്ച് നിയന്ത്രണം കുറയുമെന്നതിനാൽ വേഗതം കുറച്ച് ഡ്രൈവ് ചെയ്യുക, നനവുള്ള പ്രതലങ്ങളിൽ ശാന്തമായി ഡ്രൈവ് ചെയ്യുക, മുന്നിലുള്ള വാഹനം പെട്ടെന്ന് ബ്രേക്കിടാൻ സാധ്യതയുള്ളതിനാൽ സുരക്ഷിത അകലം പാലിക്കുക, വിൻഡോ ഗ്ലാസ് അൽപം താഴ്ത്തിയാൽ ഉള്ളിലുണ്ടാകുന്ന ഫോഗ് ഒഴിവാക്കാമെന്നും […]

ജിദ്ദ : സൗദി അറേബ്യയിൽ ഉടനീളം അയ്യായിരം ഇലക്ട്രിക് ചാർജിംഗ് സ്റ്റേഷനുകൾ സ്ഥാപിക്കാൻ ഇ.വി.ഐ.ക്യു തീരുമാനം. രാജ്യത്തുടനീളം ഇലക്ട്രിക് വാഹനങ്ങളുടെ ഉപയോഗം വർധിപ്പിക്കാൻ വേണ്ടിയാണ് അതിവേഗ ചാർജിംഗ് സ്റ്റേഷനുകൾ അടക്കം ഒരുക്കുന്നത്. അതിവേഗ ചാർജിംഗ് സ്റ്റേഷനുകളുടെ ശൃംഖല രാജ്യത്തുടനീളം സ്ഥാപിക്കും. രാജ്യത്തെ ഇലക്ട്രിക് വാഹന മേഖലയുടെ വളർച്ച വർധിപ്പിക്കുകയാണ് ഇ.വി.ഐ.ക്യു ലക്ഷ്യമിടുന്നത്ഇൻസ്റ്റലേഷൻ, മെയിന്റനൻസ് മേഖലയിലെ പ്രാദേശിക പങ്കാളികളുമായുള്ള ക്രിയാത്മക സഹകരണത്തിലൂടെ, ഈ മേഖലയ്ക്ക് ശക്തമായ അടിത്തറ കെട്ടിപ്പടുക്കുക എന്ന ലക്ഷ്യത്തോടെ, രാജ്യത്തെ ഇലക്ട്രിക് വാഹന മേഖലയുടെ വളർച്ച […]

ദുബായ് : സൗദി അറേബ്യയുടെ പുതിയ വിമാനക്കമ്പനിയായ റിയാദ് എയറില്‍ വന്‍ തോതില്‍ തൊഴിലവസരം. ക്യാബിന്‍ ക്രൂ, പൈലറ്റുമാര്‍, എന്‍ജിനീയര്‍മാര്‍, മെയിന്റനന്‍സ് വര്‍ക്ക്‌സ്, വിവിധ കോര്‍പ്പറേറ്റ് തസ്തികകള്‍ എന്നിവയില്‍ ഒഴിവുകളുണ്ട്. ഇതിനായി ദുബായില്‍ റിക്രൂട്ട്‌മെന്റ് ഡ്രൈവ് നടത്തും. പാരിസ്, സൗദി അറേബ്യ എന്നിവിടങ്ങളിലും ഇക്കൊല്ലം തന്നെ റിക്രൂട്ട്‌മെന്റ് നടത്തും.2024 അവസാനത്തോടെ 300 ക്യാബിന്‍ ക്രൂവിനെ റിക്രൂട്ട് ചെയ്യാനാണ് ലക്ഷ്യമിടുന്നത്. 2024 ആദ്യ പാദത്തില്‍ ആദ്യഘട്ട ജീവനക്കാര്‍ ജോലിയില്‍ പ്രവേശിക്കുമെന്ന് റിയാദ് എയറിന്റെ ചീഫ് ഓപ്പറേറ്റിംഗ് ഓഫിസര്‍ പീറ്റര്‍ […]