റിയാദ് : സൗദി പൗരന്മാർ വിദേശ യാത്രക്കു മുമ്പായി തങ്ങളുടെയും കൂടെ യാത്ര ചെയ്യുന്ന ആശ്രിതരുടെയും പാസ്പോർട്ടുകളുടെ കാലാവധി ഉറപ്പു വരുത്തണമെന്ന് പാസ്പോർട്ട് വിഭാഗം ഉണർത്തി. സൗദി പൗരന്മാർ അറബി രാജ്യങ്ങളിലേക്കു യാത്ര ചെയ്യുന്നതിന് മൂന്നു മാസവും മറ്റു രാജ്യങ്ങളിലേക്കു യാത്ര ചെയ്യാൻ ആറു മാസവും കാലാവധിയുള്ള പാസ്പോർട്ടുകളുണ്ടായിരിക്കണം.
കാലാവധി ഇല്ലാത്തവർ പാസ്പോർട്ട് വിഭാഗത്തിന്റെ ഓൺലൈൻ പോർട്ടലായ അബ്ശിർ വഴി യാത്രക്കു മുമ്പായി പാസ്പോർട്ടുകൾ പുതുക്കിയിരിക്കണം. തങ്ങൾ യാത്ര ചെയ്യുന്ന രാജ്യങ്ങളിലെ എമിഗ്രേഷൻ നിയമങ്ങളെ കുറിച്ചും മറ്റും യാത്രക്കു മുമ്പായി തന്നെ മനസിലാക്കിയിരിക്കണം. ജി.സി.സി അംഗ രാജ്യങ്ങളിലേക്കുള്ള സൗദി പൗരന്മാരുടെ യാത്രക്ക് സൗദി നാഷണൽ ഐഡന്റിറ്റി കാർഡോ പാസ്പോർട്ടോ നിർബന്ധമായും കൂടെ കരുതിയിക്കണം. ഐ.ഡിയുടെയും പാസ്പോർട്ടുകളുടെയും തവക്കൽനയിലെയോ അബ്ശിറിലെയോ ഡിജിറ്റൽ കോപ്പികളുപയോഗിച്ച് യാത്ര ചെയ്യാൻ സാധിക്കുകയില്ലെന്നും പാസ്പോർട്ട് വിഭാഗം പുറത്തിറക്കിയ പ്രസ്താവനയിൽ വ്യക്തമാക്കി.
വിദേശ യാത്ര; പാസ്പോർട്ട് കാലാവധി ഉറപ്പുവരുത്തണമെന്ന് സൗദി ജവാസാത്ത്
Leave a Reply