റിയാദ്:സൗദിയില് ഈ വര്ഷം ശൈത്യം നേരത്തെ എത്തും. കഠിന ശൈത്യം പ്രതീക്ഷിക്കാമെന്നും
പ്രവചനം. സൗദി കാലാവാസ്ഥ വിദഗ്ധന് അബ്ദുല്ല അല് ഉസൈമിയാണ് ഇതു സംബന്ധിച്ച തന്റെ നിരീക്ഷണം എക്സ പ്ലാറ്റ്ഫോം വഴി പങ്കു വെച്ചത്. പതിവിലും നേരത്തെ നവംബര് പകുതിയോടെ ഈ വര്ഷത്തെ ശൈത്യം കടന്നു വരുമെന്നാണ് പ്രതീക്ഷിക്കുന്നത്. സൈബീരിയയില്നിന്നുള്ള ശീത കാറ്റ് കടന്നു വരുന്നതോടെയാണ് സൗദിയില് ശൈത്യകാലത്തിന് ആരംഭമാകുന്നത്, ഇടവിട്ടുള്ള സമയങ്ങളില് താരതമ്യേന മിതവും കഠിനവുമായ തണുപ്പ് ഈ വര്ഷം സൗദിയുടെ വടക്കന് അതിര്ത്തി പ്രദേശങ്ങളിലും കിഴക്കന് മേഖലകളിലും മദ്ധ്യ പ്രവിശ്യയിലും പ്രതീക്ഷിക്കാം. കിഴക്കന് എല്നിനോ പ്രതിഭാസവും ഇന്ത്യന് മഹാസമുദ്രത്തിലെ അനുകൂല കാലാവസ്ഥയും തണുപ്പിന്റെ ദൈര്ഘ്യം വര്ധിപ്പിക്കുമെന്നാണ് പ്രതിക്ഷിക്കുന്നതെന്നും അബ്ദുല്ല അല് ഉസൈമി അഭിപ്രായപ്പെട്ടു.
സൗദിയിൽ ഈ വർഷം ശൈത്യം കഠിനമായേക്കാം
Leave a Reply