ദോഹ- കഴിഞ്ഞ വർഷം ഖത്തറിൽ നടന്ന ഫിഫ 2022 ലോകകപ്പുമായി ബന്ധപ്പെട്ട് കുതിച്ചുയർന്ന ഖത്തറിലെ അപ്പാർട്ട്മെന്റ് വാടക ഗണ്യമായി കുറയുന്നു. ഈ വർഷത്തെ രണ്ടാം പാദത്തിൽ ഭൂരിഭാഗം അപ്പാർട്ട്മെന്റ് വാടകയിലും നല്ല കുറവുണ്ടായതായും ഫിഫ ലോകകപ്പ് സൃഷ്ടിച്ച വാടകയിൽ വർധനവിന് മുമ്പ് കണ്ട നിലവാരത്തിലേക്ക് മടങ്ങിയതായും കുഷ്മാൻ ആന്റ് വേക്ക്ഫീൽഡ് അതിന്റെ 2023 ക്യു-2 റിയൽ എസ്റ്റേറ്റിൽ പറഞ്ഞു.
മിക്കവാറും എല്ലാ ഭാഗത്തും വാടക കുറയുന്നതായാണ് കഴിഞ്ഞ ദിവസം ഹിൽട്ടൺ ദോഹയിൽ നടന്ന സെമിനാറിൽ പുറത്തുവിട്ട മാർക്കറ്റ് റിവ്യൂ വ്യക്തമാക്കുന്നത്. ലാ പ്ലേജ് സൗത്ത്, പേൾ ഐലൻഡിലെ ജിയാർഡിനോ വില്ലേജ് എന്നിവയിലെ സംഭവവികാസങ്ങൾ ഉൾപ്പെടെ അടുത്ത മാസങ്ങളിൽ പുതിയ അപ്പാർട്ട്മെന്റ് വിതരണത്തിൽ കൂടുതൽ യൂണിറ്റുകൾ ലഭ്യമാകും. ലുസൈലിലെ പ്രധാന അപ്പാർട്ട്മെന്റുകളുടെ ലഭ്യത വർധിക്കുന്നതോടെ വാടക കുറയാൻ സമ്മർദം ചെലുത്തുന്നു. രണ്ടാം ത്രൈമാസ റിയൽ എസ്റ്റേറ്റ് മാർക്കറ്റ് സെമിനാറിൽ സംസാരിച്ച കുഷ്മാൻ ആൻഡ് വേക്ക്ഫീൽഡിലെ കൺസൾട്ടിംഗ് ആൻഡ് റിസർച്ച് ഡയറക്ടർ ജോണി ആർച്ചർ പറഞ്ഞു.
അൽ വക്രയിലെ മദീനത്ന വികസനത്തിൽ ഏകദേശം 7,000 അപ്പാർട്ട്മെന്റുകൾ പുറത്തിറക്കിയത് ആധുനികവും ബഡ്ജറ്റ് താമസ സൗകര്യങ്ങളുടെ വിതരണവും ഗണ്യമായി വർധിപ്പിച്ചു. ഇത് അൽ വക്രയിലെയും മെസൈമീറിലെയും സ്ഥാപിതമായ റെസിഡൻഷ്യൽ അയൽപക്കങ്ങൾക്ക് നേരിട്ടുള്ള മത്സരം നൽകുന്നു.
രാജ്യത്തിന്റെ വിവിധ ഭാഗങ്ങളിൽ സജ്ജമാകുന്ന പുതിയ പാർപ്പിട സമുച്ചയങ്ങളും അപ്പാർട്ട്മെന്റ് കോംപ്ലക്സുകളും വാടക കുറയുവാൻ കാരണമാക്കുമെന്ന് ആർച്ചർ പറഞ്ഞു
ലോകകപ്പിന് കുതിച്ചുയർന്ന ഖത്തറിലെ അപ്പാർട്ട്മെൻറ് വാടക നിരക്ക് ഗണ്യമായി കുറയുന്നു
Leave a Reply