റിയാദ്: സഊദിയിലേക്ക് പുതിയ തരത്തിലുള്ള വിസ വരുന്നു. 2030 ൽ റിയാദിൽ നടക്കുന്ന എക്സ്പോയുടെ ഭാഗമായാണ് പുതിയ എക്സ്പോ വിസ വരുന്നത്. അമേരിക്കയിലെ സഊദി അറേബ്യൻ അംബാസിഡർ പിൻസസ് റീമ ബിൻത് ബന്ദർ രാജകുമാരിയാണ് ഇക്കാര്യം വെളിപ്പെടുത്തിയത്. പാരീസിൽ നടന്ന ചടങ്ങിൽ പങ്കെടുക്കുകയായിരുന്നു അവർ. എക്സ്പോ 2030 റിയാദിൽ പങ്കെടുക്കാൻ വിദേശികൾക്ക് അവസരം നൽകുന്ന വിസക്ക് മറ്റു ചില സൗകര്യങ്ങൾ കൂടി ലഭ്യമാകും. റിയാദ് എക്സ്പോ 2030″ ഫയൽ പാരീസിലെ ഇന്റർനാഷണൽ ബ്യൂറോ ഓഫ് എക്സിബിഷൻസിന് സമർപ്പിച്ചു.
വാർത്തകൾ നേരിട്ട് വാട്ട്സാപ്പിൽ ഉടൻ ലഭിക്കാൻ ഇവിടെ ക്ലിക്ക് ചെയ്യുക
എക്സ്പോയുടെ ഭാഗമായി പ്രത്യേക വിസ നൽകുമെന്നും എല്ലാ സംസ്‌കാരങ്ങളുമായും ആശയവിനിമയം നടത്തുന്നതിനും ഉൾക്കൊള്ളിക്കുന്നതിനും ഊന്നൽ നൽകുമെന്നും പിൻസസ് റീമ ബിൻത് ബന്ദർ രാജകുമാരി വിശദീകരിച്ചു. സഊദി ചരിത്രത്തിലെ എക്സ്പോ കോൺഫറൻസിന്റെ ഏറ്റവും മികച്ച പതിപ്പ് സംഘടിപ്പിക്കാൻ സഊദി അറേബ്യ പ്രതിജ്ഞാബദ്ധമാണെന്നും റിമ ബിന്റ് ബന്ദർ പറഞ്ഞു. അതേസമയം, എക്സ്പോയോടെ അസാധാരണമായ ആഗോള വിനോദസഞ്ചാര കേന്ദ്രമായി സഊദി അറേബ്യ മാറുമെന്നാണ് കണക്കാക്കുന്നത്.
സഊദി അറേബ്യ അതിന്റെ “റിയാദ് എക്സ്പോ 2030” ഫയൽ പാരീസിലെ ഇന്റർനാഷണൽ ബ്യൂറോ ഓഫ് എക്സിബിഷൻസിന് സമർപ്പിച്ചു. 7.8 ബില്യൺ ഡോളർ ആണ് എക്സ്പോ 2030 റിയാദിൽ ഹോസ്റ്റ് ചെയ്യാൻ അനുവദിക്കുക. 2030-ൽ 120 ദശലക്ഷത്തിലധികം സന്ദർശകരെ ആതിഥേയരാക്കാൻ സഊദി അറേബ്യ പദ്ധതിയിടുന്നുണ്ട്.
നിശ്ചിത സമയപരിധിക്ക് മുമ്പ് എക്സ്പോ 2030 ഹോസ്റ്റിംഗ് സൈറ്റ് പൂർത്തിയാക്കാനാണ് സഊദി അറേബ്യ പദ്ധതിയിടുന്നത്. 2028-ഓടെ എക്സ്പോ 2030 ആതിഥേയത്വം വഹിക്കുന്നതിനുള്ള എല്ലാ തയ്യാറെടുപ്പുകളും തയ്യാറാകും, 2030-ൽ 120 ദശലക്ഷത്തിലധികം സന്ദർശകരെ ആതിഥേയരാക്കാൻ പദ്ധതിയിടുന്നതായും റിയാദ് സിറ്റി റോയൽ കമ്മീഷൻ സിഇഒ ഇബ്രാഹിം ബിൻ മുഹമ്മദ് അൽ സുൽത്താൻ പറഞ്ഞു.
സൗദിയിൽ ടൂറിസത്തിലേക്ക് വൻ കുതിച്ചുചാട്ടത്തിന് വഴിയൊരുക്കി പുതിയ “എക്സ്പോവിസ”
