തിരുവനന്തപുരം- സംസ്ഥാനത്ത് പൊതുസ്ഥലങ്ങളിലും കൂടിച്ചേരലുകളിലും മാസ്ക് നിര്ബന്ധമാക്കി. പൊതു സ്ഥലങ്ങളിലും ജോലി സ്ഥലങ്ങളിലും പൊതുജനങ്ങള്ക്ക് പ്രവേശനമുള്ള സ്ഥലങ്ങളിലും സാമൂഹിക കൂടിച്ചേരലുകളിലും എല്ലാത്തരം വാഹനങ്ങളിലും ഗതാഗത സമയത്തും മാസ്കോ മുഖാവരണം കൊണ്ടോ വായും മൂക്കും മുടണമെന്ന് സര്ക്കാര് വിജ്ഞാപനത്തില് വ്യക്തമാക്കുന്നു. ഒരു മാസത്തേക്കാണ് ഉത്തരവ് പുറപ്പെടുവിച്ചിരിക്കുന്നത്. വിവിധ സ്ഥലങ്ങളില് കോവിഡ് കേസുകള് കൂടുതലായി റിപ്പോര്ട്ട് ചെയ്ത് പശ്ചാത്തലത്തിലാണ് നടപടി.
സ്ഥാപനങ്ങള്, കടകള്, തിയറ്ററുകള് എന്നിവയുടെ നടത്തിപ്പുകാര് ഉപഭോക്താക്കള്ക്ക് കൈ ശുചിയാക്കാനായി സോപ്പോ സാനിറ്റൈസറോ നല്കണം. പൊതു സ്ഥലങ്ങളിലും ചടങ്ങുകളിലും സാമൂഹിക അകലം പാലിക്കണമെന്നും വിജ്ഞാപനത്തില് നിര്ദേശിക്കുന്നു.
കേരളത്തിൽ മാസ്ക് നിർബന്ധമാക്കി
Leave a Reply