റിയാദ്: വ്യാഴാഴ്ച രാത്രി മുതൽ അടുത്ത ചൊവ്വാഴ്ച വരെ സഊദി അറേബ്യയിലെ മിക്ക പ്രദേശങ്ങളിലും ആലിപ്പഴ വർഷവും ഇടിമിന്നലോടും മഴയും കൂടി പെയ്യുമെന്ന് നാഷണൽ സെന്റർ ഓഫ് മെറ്റീരിയോളജി (എൻസിഎം) അറിയിച്ചു.
മക്ക, അൽ ബാഹ, അസീർ മേഖലകളിലെ വിവിധ ഗവർണറേറ്റുകളിൽ വ്യാഴാഴ്ച ശക്തമായതോ മിതമായതോ ആയ മഴയ്ക്ക് സാക്ഷ്യം വഹിക്കുമെന്നും വെള്ളി, ശനി ദിവസങ്ങളിൽ മഴയുടെ തീവ്രത വർദ്ധിക്കുമെന്നും എൻസിഎം അറിയിച്ചു.
വെള്ളി, ശനി ദിവസങ്ങളിൽ മദീന, ഖാസിം, റിയാദ് മേഖലകളിലെ വിവിധ ഗവർണറേറ്റുകളിൽ ഇടത്തരം മുതൽ ശക്തമായ കാറ്റു വീശും. കിഴക്കൻ മേഖല (അൽ-ഷർഖിയ), ജിസാൻ, നജ്റാൻ മേഖലകളിലും വെള്ളി, ശനി ദിവസങ്ങളിൽ സാമാന്യം ശക്തമായ മഴയുണ്ടാകും.
കൂടാതെ, ഞായറാഴ്ച മുതൽ ചൊവ്വാഴ്ച വരെ മദീന, അൽ-ഷർഖിയ, വടക്കൻ അതിർത്തികൾ, അൽ-ജൗഫ്, ഹായിൽ, തബൂക്ക് മേഖലകളിലെ നിരവധി ഗവർണറേറ്റുകളിൽ മിതമായതോ കനത്തതോ ആയ മഴ പെയ്യുമെന്ന് പ്രതീക്ഷിക്കുന്നു
Leave a Reply