ജിദ്ദ : നഗത്തിന്റെ വിവിധ ഭാഗങ്ങളില് രാവിലെ മുതല് ആരംഭിച്ച കനത്ത മഴ വിമാനസര്വീസുകളെയും ബാധിച്ചു.
പല വിമാനങ്ങളും സമീപ വിമാനത്താവളങ്ങളിലേക്ക് തിരിച്ചുവിടുകയാണ്. പുറപ്പെടേണ്ട വിമാനങ്ങളും സമയം പുനഃക്രമീകരിക്കുകയാണ്. യാത്രക്കാര് പുതിയ സമയക്രമമറിയാന് അതത് എയര്ലൈനുകളുമായി ബന്ധപ്പെടണമെന്ന് ജിദ്ദ കിംഗ് അബ്ദുല് അസീസ് എയര്പോര്ട്ട് അതോറിറ്റി അറിയിച്ചു.
അതേസമയം റോഡില് കുടുങ്ങിക്കിടക്കുന്നവരെ രക്ഷപ്പെടുത്താന് ചെറിയ ബോട്ടുകളുമായി സിവില്ഡിഫന്സ് ഉദ്യോഗസ്ഥര് രംഗത്തുണ്ട്. പെട്ടെന്ന് റോഡുകളില് വെള്ളക്കെട്ട് രൂപപ്പെട്ടത് കാരണം നിരവധി വാഹനങ്ങള് റോഡില് കുടുങ്ങിക്കിടക്കുകയാണ്.
രാത്രി എട്ട്മണിവരെ മഴ തുടരുമെന്ന് കാലാവസ്ഥാവിഭാഗം അറിയിച്ചു. ജിദ്ദ, ബഹ്റ, മക്ക പ്രവിശ്യയുടെ തീരപ്രദേശങ്ങള് എന്നിവിടങ്ങളിലാണ് കനത്ത മഴ തുടരുന്നത്. കാറ്റും മഞ്ഞുവീഴ്ചയും ഇടിമിന്നലും ചില പ്രദേശങ്ങളിലുണ്ട്. കടലും പ്രക്ഷുബ്ധമാണ്.
മഴ- ജിദ്ദയിലേക്കുള്ള വിമാനങ്ങള് വൈകുന്നു,പല വിമാനങ്ങളും സമീപ വിമാനത്താവളങ്ങളിലേക്ക് തിരിച്ചുവിടുകയാണ്
Leave a Reply