ഒമാൻ : ഒമാൻ ദേശീയ ദിനം പ്രമാണിച്ച് ഒമാനിൽ പൊതു അവധി പ്രഖ്യാപിച്ചു. രണ്ട് ദിവസത്തെ അവധിയാണ് പ്രഖ്യാപിച്ചിരിക്കുന്നത്. നവംബർ 30, ഡിസംബർ ഒന്ന് എന്നീ രണ്ട് ദിവസങ്ങളിൽ ആണ് അവധി പ്രഖ്യാപിച്ചിരിക്കുന്നത്.
വെള്ളി, ശനി ദിവസത്തെ അവധി കൂടി കണക്കിലെടുക്കുമ്പോൾ ആകെ നാല് ദിവസത്തെ അവധി ലഭിക്കും. പിന്നീട് ഡിസംബര് നാലാം തിയതി എല്ലാ ഓഫീസുകളും തുറന്നു പ്രവർത്തിക്കും. കഴിഞ്ഞ ദിവസം ആണ് ഇതുമായി ബന്ധപ്പെട്ട അറിയിപ്പ് പുറത്തിറങ്ങിയത്. ഒമാന്റെ അൻപത്തി രണ്ടാമത് ദേശീയ ദിനം ആണ് ഇപ്പോൾ ആഘോഷിക്കാൻ പോകുന്നത്.
ഒമാൻ ദേശീയ ദിനത്തിൽ നടക്കുന്ന പരേഡ് ഈപ്രാവിശ്യം സലാലയിൽ ആയിരിക്കും നടക്കുക. നവംബർ 18 വെള്ളിയാഴ്ച പരേഡ് നടക്കും. സലാല അൽ നാസർ സ്ക്വയറിൽ നടക്കുന്ന പരേഡില് സായുധ സേനയുടെ പരമോന്നത കമാൻഡർ സുൽത്താൻ ഹൈതം ബിൻ താരിക് അഭിവാദ്യം നൽകും. റോയൽ ഒമാൻ എയർഫോഴ്സ്, റോയൽ ഗാർഡ് ഓഫ് ഒമാൻ, റോയൽ നേവി ഓഫ് ഒമാൻ, റോയൽ ഒമാൻ പൊലീസ്, റോയൽ കോർട്ട് അഫയേഴ്സ്, സുൽത്താന് സ്പെഷ്യല് ഫോഴ്സസ്, റോയൽ കാവൽറി, റോയൽ ഗാർഡ് കാവൽറി ഓഫ് ഒമാൻ തുടങ്ങിയ രാജ്യത്തെ എല്ലാ വിഭാഗങ്ങളും ചടങ്ങിൽ പങ്കെടുക്കാൻ എത്തും.
ദേശീയ ദിനാഘോഷം ഒമാനിൽ ഇപ്പോൾ തന്നെ തുടങ്ങി കഴിഞ്ഞു. ഭരണാധികാരിക്ക് അഭിവാദ്യം നേർന്ന് ഇപ്പോൾ തന്നെ പലരും എത്തിയിട്ടുണ്ട്. കൊവിഡ് നിയന്ത്രണങ്ങൾ മാറിയ ശേഷമുള്ള ദേശീയ ദിനം ആണ് ഇപ്പോൾ നടക്കാൻ പോകുന്നത്. ആ പ്രത്യേകതയും ഇത്തവണ ഉണ്ട്. സ്വദേശികൾ മാത്രമല്ല, രാജ്യത്ത് ജോലിക്കായി എത്തിയ വിദേശികളും ആഘോഷ പരിപാടികളിൽ സജീവമായി പങ്കെടുക്കാറുണ്ട്.
ഒമാൻ ദേശീയ ദിനം പ്രമാണിച്ച് ഒമാനിൽ പൊതു അവധി പ്രഖ്യാപിച്ചു. രണ്ട് ദിവസത്തെ അവധിയാണ് പ്രഖ്യാപിച്ചിരിക്കുന്നത്.
Leave a Reply