ദുബായ് : രാജ്യത്ത് അനധികൃത ടാക്സികള് ഓടിക്കുന്നവര്‍ക്ക് 10,000 ദിര്‍ഹം വരെ പിഴ ചുമത്തുമെന്ന് യുഎഇ അധികൃതര്‍ മുന്നറിയിപ്പ് നല്‍കി. രാജ്യത്ത് നിയമവിരുദ്ധമായി ടാക്സികള് ഓടിക്കുന്നവരുടെ എണ്ണം വര്‍ധിച്ചു വരുന്ന സാഹചര്യത്തിലാണ് അധികൃതരുടെ മുന്നറിയിപ്പ്.
വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക
അനധികൃത ടാക്സികള് കണ്ടെത്തുന്നതിനായി രാജ്യത്ത് വാഹന പരിശോധന ശക്തിപ്പെടുത്തിയിരിക്കുകയാണ് ട്രാഫിക് അധികൃതര്‍. ഈയിടെ നടത്തിയ പരിശോധനയില്‍ റാസല്‍ ഖൈം, ദുബായ്, അബൂദാബി എന്നിവിടങ്ങളില്‍ നൂറുകണക്കിന് വ്യാജ ടാക്സികള് പിടിച്ചെടുത്തതായി അധികൃതര്‍ അറിയിച്ചു.
2022-ല്‍ മാത്രം 1,813 അനധികൃത ടാക്സികള് പരിശോധനയില്‍ കണ്ടെത്തിയതായി റാസല്‍ ഖൈമ ട്രാന്‍സ്പോര്‍ട്ട് അതോറിറ്റി അറിയിച്ചു. ഇതുമായി ബന്ധപ്പെട്ട് അതോറിറ്റി നടത്തിയ പരിശോധനയിലാണ് ഇത്രയേറെ നിയമ ലംഘനങ്ങള്‍ കണ്ടെത്തിയത്. നിയമലംഘകരെ പിടികൂടുകയും അവര്‍ക്ക് പിഴ ചുമത്തുകയും ചെയ്തതയാും അതോറിറ്റി അറിയിച്ചു. യാത്രക്കാരുടെ സുരക്ഷിതത്വത്തിന് ഇത് വലിയ ഭീഷണിയാണ് എന്നതിനാലാണ് നടപടി. റാസല്‍ഖൈമ പോലീസുമായി സഹകരിച്ച്, നിയമ ലംഘകര്‍ക്ക് 5,000 ദിര്‍ഹം പിഴയാണ് ചുമത്തുന്നത്. നിയമ ലംഘനങ്ങള്‍ ആവര്‍ത്തിച്ചാല്‍ 10,000 ദിര്‍ഹമായി പിഴ ഇരട്ടിയാകുമെന്നും അധികൃതര്‍ മുന്നറിയിപ്പ് നല്‍കി. അംഗീകൃത സുരക്ഷാ മാനദണ്ഡങ്ങള്‍ ഇല്ലാത്തതിനാല്‍ സ്വകാര്യ വാഹനങ്ങളില്‍ യാത്രക്കാരെ കയറ്റുന്നത് നിയമവിരുദ്ധമാണ്. ഇത്തരം വാഹനങ്ങള്‍ക്ക് പലപ്പോഴും ഇന്‍ഷുറന്‍സ് ഉണ്ടാവാറില്ലെന്നും അധികൃതര്‍ വ്യക്തമാക്കി. അതിനാല്‍ അംഗീകൃത പൊതുഗതാഗത മാര്‍ഗങ്ങള്‍ മാത്രമേ ഉപയോഗിക്കാവൂ എന്ന് അതോറിറ്റി ജനങ്ങളോട് ആവശ്യപ്പെട്ടു.
ദുബായിലും ലൈസന്‍സില്ലാതെ യാത്രക്കാരെ കയറ്റിയ ആറ് വാഹനങ്ങള്‍ പോലിസ് പിടികൂടി. ദുബായ് പോലീസിന്റെയും ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്സ് അഫയേഴ്സിന്റെയും സഹകരണത്തോടെ റോഡ്സ് ആന്‍ഡ് ട്രാന്‍സ്പോര്‍ട്ട് അതോറിറ്റി നടത്തിയ പരിശോധനയിലായിരുന്നു വ്യാജ ടാക്സികള് പിടികൂടിയത്. ഈ വര്‍ഷം തുടക്കത്തില്‍ അല്‍ ഗുബൈബയില്‍ നടത്തിയ പരിശോധനയില്‍ ഇത്തരം 39 നിയമലംഘനങ്ങള്‍ രജിസ്റ്റര്‍ ചെയ്തതായും പോലിസ് അറിയിച്ചു. ഇവയില്‍ 22 എണ്ണം പാസഞ്ചര്‍ ഗതാഗതത്തിന് ലൈസന്‍സില്ലാത്ത വാഹനങ്ങള്‍ ഉപയോഗിച്ചതുമായി ബന്ധപ്പെട്ടവയായിരുന്നു. വ്യാജ ടാക്‌സികള്‍ക്ക് ഒത്താശ ചെയ്തതിനാണ് 17 കേസുകള്‍ രജിസ്റ്റര്‍ ചെയ്തത്.
അനധികൃതമായി യാത്രക്കാരെ കൊണ്ടുപോകുന്ന സ്വകാര്യ വാഹനങ്ങളെ യാത്രക്കായി ആശ്രയിക്കുന്നതിനെതിരെ അബൂദാബി പോലീസും പ്രദേശവാസികള്‍ക്ക് മുന്നറിയിപ്പ് നല്‍കി. അവ യാത്രക്കാരുടെ സുരക്ഷിതത്വത്തിനും സുരക്ഷയ്ക്കും അപകടമുണ്ടാക്കാന്‍ ഇടയുണ്ട് എന്നതിനാലാണിത്. സ്വകാര്യ വാഹനങ്ങളില്‍ അനധികൃതമായി യാത്രക്കാരെ കൊണ്ടുപോകുന്നത് മാന്യന്‍മാര്‍ക്ക് ചേര്‍ന്ന നടപടിയല്ല. ഇത് സാമൂഹികവും സാമ്പത്തികവും സുരക്ഷാപരവുമായ പ്രത്യാഘാതങ്ങള്‍ സൃഷ്ടിക്കുമെന്നും അധികൃതര്‍ മുന്നറിയിപ്പ് നല്‍കി. അനധികൃത ടാക്സികളായി ഓടുന്ന സ്വകാര്യ വാഹനങ്ങളില്‍ കയറരുതെന്ന് ജനങ്ങളോട് പോലിസ് ആഹ്വാനം ചെയ്തു.അന്താരാഷ്ട്ര സുരക്ഷാ ആവശ്യകതകളും മാനദണ്ഡങ്ങളും പാലിക്കുന്ന അംഗീകൃതവും ലൈസന്‍സുള്ളതുമായ ടാക്സികള് മാത്രമേ താമസക്കാര്‍ ഉപയോഗിക്കാവൂ എന്ന് അബൂദാബിയിലെ ഗതാഗത സുരക്ഷാ ഇന്‍വെസ്റ്റിഗേഷന്‍സ് ഡയറക്ടര്‍ മേജര്‍ താലിബ് സാലിം
അബുദാബിയിലെ ഇന്റഗ്രേറ്റഡ് ട്രാന്‍സ്പോര്‍ട്ട് സെന്ററുമായി അബുദാബി പോലീസ് ഏകോപിപ്പിച്ച് അനധികൃത ടാക്സികള് തടയുന്നതിനും നിയമലംഘകരെ പിടികൂടുന്നതിനുമായി പരിശോധന കാമ്പെയ്നുകള്‍ ശക്തമാക്കിയിട്ടുണ്ട്. അനധികൃതമായി യാത്രക്കാരെ കയറ്റിയാല്‍ 3,000 ദിര്‍ഹം പിഴയു ഈടാക്കും. വാഹനം 30 ദിവസത്തേക്ക് പിടിച്ചെടുക്കുകയും ചെയ്യും. 24 ട്രാഫിക് പോയിന്റുകള്‍ ഇവര്‍ക്ക് നഷ്ടമാവും. നിയമവിരുദ്ധമായി യാത്രക്കാരെ കൊണ്ടുപോകുന്നത് ഗുരുതരമായ പ്രത്യാഘാതങ്ങള്‍ ഉണ്ടാക്കുമെന്ന് പോലീസ് പറഞ്ഞു. അനധികൃത വാഹനങ്ങളില്‍ കയറി യാത്രക്കാര്‍ അപകടത്തില്‍പ്പെട്ട നിരവധി സംഭവങ്ങള്‍ ഉണ്ടായിട്ടുണ്ടെന്നും പോലിസ്
ചൂണ്ടിക്കാട്ടി. ഒരു അപകടം നടന്നാല്‍, ഡ്രൈവര്‍ ആരെന്ന് അറിയാതിരിക്കുകയോ അയാള്‍ക്ക് ടാക്‌സി പെര്‍മിറ്റ് ഇല്ലാതിരിക്കുകയോ ചെയ്താല്‍ നിയമപരമായ നടപടികള്‍ക്ക് തടസ്സമാവുമെന്നും അധികൃതര്‍ വ്യക്തമാക്കി. അബൂദാബിയില്‍ അനധികൃതമായി യാത്രക്കാരെ കടത്തിക്കൊണ്ടു പോകുന്ന ആയിരക്കണക്കിന് സ്വകാര്യ കാറുകള്‍ പോലീസ് പിടിച്ചെടുത്തിരുന്നു.
