യാംബു: സൗദിയുടെ വിവിധ ഭാഗങ്ങളിൽ തിങ്കളാഴ്ച വരെ മഴക്കും ഇടിമിന്നലിലും സാധ്യതയുള്ളതായി ദേശീയ കാലാവസ്ഥ നിരീക്ഷണ കേന്ദ്രം മുന്നറിയിപ്പ് നൽകി. ഇടത്തരം മുതൽ കനത്ത മഴ, പെട്ടെന്നുള്ള വെള്ളപ്പൊക്കം, ആലിപ്പഴം, പൊടിക്കാറ്റ്, മൂടൽ മഞ്ഞ് എന്നിവ ചില പ്രദേശങ്ങളിൽ ഉണ്ടാകുമെന്നും കേന്ദ്രം പ്രവചിച്ചു. ചില പ്രദേശങ്ങളിൽ പൊടിയും മണലും ഇളക്കിവിടുന്ന ചൂടുള്ള കാറ്റിനൊപ്പമായിരിക്കും ഇടിമിന്നലുണ്ടാവുക. മഴയും ഇടിമിന്നലും ഉണ്ടാകുന്ന പ്രദേശങ്ങളിൽ സുരക്ഷ മുന്നൊരുക്കങ്ങൾ എടുക്കാനും അധികൃതർ നൽകുന്ന സുരക്ഷ നിർദേശങ്ങൾ പാലിക്കാനും ജാഗ്രത കാണിക്കണമെന്ന് സിവിൽ ഡിഫൻസ് […]

റിയാദ്: സഊദി എന്റർടൈൻമെന്റ് അതോറിറ്റി തലവൻ ഉപദേഷ്ടാവ് തുർക്കി അൽ ഷെയ്കിന് കോവിഡ് ബാധിച്ചു. അദ്ദേഹം തന്നെയാണ് തനിക്ക് കോവിഡ് ബാധിച്ചതായി വെളിപ്പെടുത്തിയത്. ജനറൽ എന്റർടൈൻമെന്റ് അതോറിറ്റി തലവനായ ഉപദേഷ്ടാവ് തുർക്കി അൽ-ഷെയ്ഖ്, സോഷ്യൽ നെറ്റ്‌വർക്കിംഗ് സൈറ്റായ “എക്സ്” ലെ തന്റെ സ്വകാര്യ പേജിലാണ് “കൊറോണ” വൈറസ് ബാധിച്ചതായി അറിയിച്ചത്. തനിക്ക് ബാധിച്ച കൊറോണ വൈറസ് ബാധയെ കുറിച്ചുള്ള വിവരണങ്ങളും അൽ-ഷെയ്ഖ് പങ്ക് വെച്ചു.  അണുബാധ വളരെ ഗുരുതരമാണെന്നായിരുന്നു അദ്ദേഹം വിശേഷിപ്പിച്ചത്. “നിർഭാഗ്യവശാൽ, എനിക്ക് കടുത്ത കൊറോണ […]

റിയാദ്: വേനൽക്കാലം ജിദ്ദയിൽ ചെലവഴിച്ച ശേഷം തിരുഗേഹങ്ങളുടെ സേവകൻ സൽമാൻ രാജാവ് തലസ്ഥാന നഗരിയായ റിയാദിൽ തിരിച്ചെത്തി. റിയാദ് കിംഗ് ഖാലിദ് അന്താരാഷ്ട്ര വിമാനത്താവളത്തിൽ എത്തിയ രാജാവിനെ റിയാദ് ഡെപ്യൂട്ടി ഗവർണർ മുഹമ്മദ് ബിൻ അബ്ദുറഹ്മാൻ രാജകുമാരന്റെ നേതൃത്വത്തിൽ ഊഷ്മളമായി സ്വീകരിച്ചു. നേരത്തെ, ജിദ്ദ വിമാനത്താവളത്തിൽ നിന്ന് റിയാദിലേക്ക് പുറപ്പെട്ട രാജാവിനെ മക്ക പ്രവിശ്യ ഡെപ്യൂട്ടി ഗവർണർ സൗദ് ബിൻ മിശ്അൽ രാജകുമാരന്റെ നേതൃത്വത്തില്‍ യാത്രയാക്കി.

റിയാദ് – റിയാദിലെ രണ്ട് പള്ളികളിൽ വൻതോതിൽ വൈദ്യുതി മോഷണം കണ്ടെത്തിയതായി ഇസ്‌ലാമികകാര്യ, കോള്‍ ആന്റ് ഗൈഡന്‍സ് മന്ത്രാലയം. ഒരു സൂപ്പര്‍മാര്‍ക്കറ്റും, മൂന്ന് നില സ്‌കൂളുമാണ് വൈദ്യുതി മോഷ്ട്ടിച്ചത്. അല്‍ഖുവൈഇയിലെ പള്ളിയില്‍ നിന്ന് സമീപത്തെ സൂപ്പര്‍മാര്‍ക്കറ്റാണ് വൈദ്യുതി മോഷ്ടിച്ചിരുന്നത്. ഇരുപത്തിനാലു മണിക്കൂറും പ്രവര്‍ത്തിക്കുന്ന എയര്‍ കണ്ടീഷണറുകള്‍, ഉയര്‍ന്ന വൈദ്യുതി ഉപഭോഗമുള്ള ഉപകരണങ്ങള്‍, റഫ്രിജറേറ്ററുകള്‍ എന്നിവ പ്രവര്‍ത്തിപ്പിക്കാനായി സൂപ്പര്‍മാര്‍ക്കറ്റ് പള്ളിയുടെ മീറ്ററില്‍ നിന്ന് വൈദ്യുതി മോഷ്ടിക്കുകയായിരുന്നെന്ന് മന്ത്രാലയം പറഞ്ഞു. കുറഞ്ഞ വൈദ്യുതി ഉപയോഗം വരുന്ന ലൈറ്റുകളും ബില്‍ബോര്‍ഡും സ്വന്തം […]

റിയാദ്: ജോലിസ്ഥലത്ത് നിന്ന് ഒളിച്ചോടിയ(ഹുറൂബ്) ഗാർഹിക തൊഴിലാളികളുടെ പദവി ശരിയാക്കാനുള്ള സമയപരിധിയെക്കുറിച്ച് ഓർമ്മിപ്പിച്ച് സൗദി മാനവ വിഭവശേഷി, സാമൂഹിക വികസന മന്ത്രാലയം. ഈ നവംബർ 11-ന് ആയിരിക്കും സമയപരിധി അവസാനിക്കുകയെന്നും അതിനുമുമ്പ് സാറ്റസ് ശരിയാക്കാൻ മുൻകൈയെടുക്കണമെന്നുമാണ് മന്ത്രാലയം  ആഹ്വാനം ചെയ്തത്. സ്റ്റാറ്റസ് ശരിയാക്കൽ കാമ്പെയ്‌ൻ ആരംഭിച്ച തീയതിയായ (മെയ് 11, 2025)-നു ശേഷം ഹുറൂബ്  ആയ തൊഴിലാളികളെ ഈ ആനുകൂല്യത്തിൽ ഉൾപ്പെടുത്തിയിട്ടില്ല എന്നും അധികൃതർ ഓർമ്മിപ്പിക്കുന്നു.

റിയാദ്: റിയാദ് പ്രവിശ്യയിലെ ദുർമയിൽ വിദേശ തൊഴിലാളിയെ മർദിച്ച സൗദി പൗരനെ പോലീസ് അറസ്റ്റ് ചെയ്തു. ദുർമയിലെ മരുഭൂമി പ്രദേശത്ത് നടന്ന ആക്രമണത്തിന്റെ ദൃശ്യങ്ങൾ അടങ്ങിയ വീഡിയോ സാമൂഹിക മാധ്യമങ്ങളിൽ പ്രചരിച്ചതിനെ തുടർന്നാണ് പോലീസ് അന്വേഷണം നടത്തി പ്രതിയെ തിരിച്ചറിഞ്ഞത്. നിയമാനുസൃത നടപടികൾ പൂർത്തിയാക്കി പ്രതിയെ പബ്ലിക് പ്രോസിക്യൂഷന് കൈമാറിയതായി റിയാദ് പോലീസ് അറിയിച്ചു.