ജിദ്ദ – നിയമ ലംഘനങ്ങള്‍ കാരണം ജിദ്ദയില്‍ പത്തു കഫേകള്‍ നഗരസഭ അടപ്പിച്ചു. കഫേകളും സമാന സ്ഥാപനങ്ങളും ലക്ഷ്യമിട്ട് ജിദ്ദ നഗരസഭാ സംഘങ്ങള്‍ നടത്തിയ ശക്തമായ പരിശോധകള്‍ക്കിടെ മറ്റു 23 സ്ഥാപനങ്ങളില്‍ ഒന്നിലധികം നിയമ ലംഘനങ്ങള്‍ കണ്ടെത്തുകയും ചെയ്തു. ലൈസന്‍സില്ലാതെയോ സസ്‌പെന്‍ഡ് ചെയ്ത ലൈസന്‍സുകളോടെയോ പ്രവര്‍ത്തിക്കല്‍, ജീവനക്കാര്‍ക്ക് ഹെല്‍ത്ത് കാര്‍ഡുകള്‍ ഇല്ലാതിരിക്കല്‍, ലൈസന്‍സില്ലാതെ പുകയില ഉല്‍പ്പന്നങ്ങള്‍ വിതരണം ചെയ്യല്‍, ശുചിത്വക്കുറവ്, ആരോഗ്യ-സാങ്കേതിക ആവശ്യകതകളുമായി ബന്ധപ്പെട്ട മറ്റ് നിയമ ലംഘനങ്ങള്‍ എന്നിവയാണ് കോഫി ഷോപ്പുകളില്‍ കണ്ടെത്തിയത്.

റിയാദ് – വിദ്യാര്‍ഥികളുടെയും ജീവനക്കാരുടെയും അതിരാവിലെ യാത്ര ചെയ്യേണ്ടവരുടെയും ആവശ്യങ്ങള്‍ നിറവേറ്റാനായി റിയാദ് മെട്രോയുടെ പ്രവര്‍ത്തന സമയത്തില്‍ മാറ്റം വരുത്തിയതായി റിയാദ് പബ്ലിക് ട്രാന്‍സ്പോര്‍ട്ട് അതോറിറ്റി. ഇനി മുതല്‍ ദിവസവും രാവിലെ 5.30 മുതല്‍ മെട്രോ സര്‍വീസുകളുണ്ടാകുമെന്ന് റിയാദ് പബ്ലിക് ട്രാന്‍സ്പോര്‍ട്ട് അതോറിറ്റി അറിയിച്ചു. ട്രെയിന്‍ സര്‍വീസുകള്‍ക്കുള്ള വര്‍ധിച്ചുവരുന്ന ആവശ്യകത കണക്കിലെടുത്താണ് സര്‍വീസ് സമയം ദീര്‍ഘിപ്പിക്കുന്നത്. സ്വകാര്യ വാഹനങ്ങളെ ആശ്രയിക്കുന്നത് കുറക്കാനും തലസ്ഥാനത്തെ ഗതാഗത പ്രവാഹം മെച്ചപ്പെടുത്താനും തിരക്ക് കുറക്കാനും ഇതിലൂടെ ലക്ഷ്യമിടുന്നു. സൗദി വിഷന്‍ 2030 […]

ജിദ്ദ – ഉപയോക്താക്കൾക്ക് യാത്ര എളുപ്പമാക്കാൻ പ്രധാന ചുവടുവെപ്പ് നടത്തി ജിദ്ദ ട്രാൻസ്പോർട്ട് കമ്പനി. ജിദ്ദയിലെ എല്ലാ ബസ് റൂട്ടുകളും ഗൂഗിൾമാപ്പിൽ ഉൾപ്പെടുത്തിയതായി അധികൃതർ അറിയിച്ചു. ഈ സേവനം പ്രയോജനപ്പെടുത്താൻ ഉപയോക്താക്കൾ ആപ് വഴി ലക്ഷ്യസ്ഥാനം തെരഞ്ഞെടുത്ത് ബസ് ഐക്കണിൽ ടാപ്പ് ചെയ്യുകയാണ് വേണ്ടത്. ഇതോടെ യാത്രാ വിവരങ്ങൾ മാപിൽ ദൃശ്യമാകും. എല്ലാ റൂട്ടുകളും ആപിൽ ലഭ്യമാക്കുന്നതിലൂടെ പ്രതീക്ഷിക്കുന്ന ബസ് എത്തിച്ചേരുന്ന സമയവും മറ്റ് വിവരങ്ങളും ഈ സേവത്തിലൂടെ ലഭ്യമാക്കും. പുതിയ സേവനത്തിലൂടെ യാത്രക്കാർക്ക് ബസ് ഷെഡ്യൂളുകളെ […]

റിയാദ് – റിയാദില്‍ വാഹന ഭാഗങ്ങള്‍ കവര്‍ന്ന 2 പേരെ പോലീസ് അറസ്റ്റ് ചെയ്തു. നിര്‍ത്തിയിട്ട വാഹനങ്ങളുടെ ഭാഗങ്ങള്‍ പ്രതികള്‍ കവരുന്നതിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളില്‍ പ്രചരിച്ചിരുന്നു. ഇത് ശ്രദ്ധയില്‍ പെട്ട് അന്വേഷണം നടത്തിയാണ് സംഘത്തെ തിരിച്ചറിഞ്ഞ് അറസ്റ്റ് ചെയ്തത്. നിയമാനുസൃത ഇഖാമയില്‍ രാജ്യത്ത് കഴിയുന്ന ഒരാളും അനധികൃതമായി രാജ്യത്ത് പ്രവേശിച്ച വ്യക്തിയുമാണ് അറസ്റ്റിലായത്. ഇരുവരും സുഡാനിൽ നിന്നും ഉള്ളവരാണ്. ചോദ്യം ചെയ്യലും തെളിവ് ശേഖരിക്കലും അടക്കമുള്ള നടപടികള്‍ പൂര്‍ത്തിയാക്കി ഇരുവരെയും പബ്ലിക് പ്രോസിക്യൂഷന് കൈമാറിയതായി […]

ജിദ്ദ – രാജ്യത്തെ വിമാന കമ്പനികള്‍ക്കെതിരെ ജൂലൈ മാസം യാത്രക്കാരില്‍ നിന്ന് 1,974 പരാതികള്‍ ലഭിച്ചതായി ജനറല്‍ അതോറിറ്റി ഓഫ് സിവില്‍ ഏവിയേഷന്‍. ഏറ്റവും കുറവ് പരാതികള്‍ ലഭിച്ചത് ദേശീയ വിമാന കമ്പനിയായ സൗദിയക്കെതിരെയാണ്. ഒരു ലക്ഷം യാത്രക്കാര്‍ക്ക് 31 പരാതികള്‍ എന്ന തോതിലാണ് ജൂലൈയില്‍ സൗദിയക്കെതിരെ യാത്രക്കാരില്‍ നിന്നും പരാതി ലഭിച്ചത്. ഇതില്‍ 98 ശതമാനം പരാതികളിലും നിശ്ചിത സമയത്തിനകം കമ്പനി പരിഹാര നടപടികള്‍ സ്വീകരിച്ചു. രണ്ടാം സ്ഥാനത്തുള്ള ഫ്‌ളൈ നാസിനെതിരെ ഒരു ലക്ഷം യാത്രക്കാര്‍ക്ക് […]

ജിദ്ദ – സൗദിയില്‍ വിവിധ പ്രവിശ്യകളിലും പ്രദേശങ്ങളിലും ആകാശത്ത് വിചിത്ര വസ്തു പൊട്ടിത്തെറിക്കുന്ന രൂപത്തിലുള്ള ദൃശ്യം പ്രത്യക്ഷപ്പെട്ടു. മദീന, ഹായില്‍, ഹഫര്‍ അല്‍ബാത്തിന്‍ തുടങ്ങിയ സ്ഥലങ്ങളില്‍ ആകാശത്ത് വിചിത്ര വസ്തു പ്രത്യക്ഷപ്പെടുന്നതിന്റെയും പൊട്ടിത്തെറിക്കുന്നതിന്റെയും വീഡിയോകള്‍ ട്വിറ്ററിൽ വൻ തോതിൽ പ്രചരിക്കുന്നുണ്ട്. ബുധനാഴ്ച സൂര്യാസ്തമയത്തിനു ശേഷമാണ് വിചിത്ര വസ്തു പ്രത്യക്ഷപ്പെട്ടത്. വൈകാതെ ഇത് പൊട്ടിത്തെറിക്കുന്നതു പോലെ തോന്നിച്ചു. സംഭവത്തില്‍ ബന്ധപ്പെട്ട വകുപ്പുകള്‍ ഔദ്യോഗിക പ്രസ്താവനയോ വിശദീകരണമോ ഇതുവരെ പുറപ്പെടുവിച്ചിട്ടില്ല.

ജിദ്ദ – പൊതുസുരക്ഷയെ അപകടപ്പെടുത്തുന്ന ഗുരുതരമായ ഗതാഗത നിയമ ലംഘനങ്ങളില്‍ ശിക്ഷിക്കപ്പെടുന്ന പ്രവാസികളെ നാടുകടത്താന്‍ ഒരുങ്ങി സൗദി അറേബ്യ. നാടുകടത്തലിന് അനുശാസിക്കുന്ന നിലക്ക് ഗതാഗത നിയമത്തില്‍ വരുത്തിയ പുതിയ ഭേദഗതികള്‍ക്ക് സൗദിയിലെ ബന്ധപ്പെട്ട വകുപ്പുകള്‍ അംഗീകാരം നല്‍കി. പുതിയ ഭേദഗതികള്‍ പ്രകാരം, പൊതുസുരക്ഷയെ അപകടപ്പെടുത്തുന്ന ഗതാഗത നിയമ ലംഘനങ്ങളില്‍ കോടതി അന്തിമ വിധി പുറപ്പെടുവിച്ച ഏതൊരു പ്രവാസിയെയും രാജ്യത്ത് നിന്ന് നാടുകടത്തുകയും വീണ്ടും രാജ്യത്ത് പ്രവേശിക്കുന്നതില്‍ നിന്ന് ശാശ്വതമായി വിലക്കുകയും ചെയ്യും. ആഭ്യന്തര മന്ത്രാലയം, വിദേശ മന്ത്രാലയം, […]

ജിദ്ദ – ബിനാമി ബിസിനസുകളാണെന്ന് സംശയിക്കുന്ന 73 സ്ഥാപനങ്ങള്‍ കണ്ടെത്തിയതായി വിവരം. ബിനാമി വിരുദ്ധ ദേശീയ പ്രോഗ്രാം കഴിഞ്ഞ മാസം നടത്തിയ പരിശോധനകളിലും അന്വേഷണങ്ങളിലുമാണ് കണ്ടെത്തൽ. അന്വേഷണം പൂര്‍ത്തിയാക്കി ശിക്ഷാ നടപടികള്‍ സ്വീകരിക്കുന്നതിന് നിയമ ലംഘകരെ ബന്ധപ്പെട്ട വകുപ്പുകള്‍ക്ക് കൈമാറി. ബിനാമി ബിസിനസുകളാണെന്ന സൂചനകളുടെ അടിസ്ഥാനത്തില്‍ വിവിധ പ്രവിശ്യകളിലെ 1,519 സ്ഥാപനങ്ങളിലാണ് ബിനാമി വിരുദ്ധ ദേശീയ പ്രോഗ്രാം കഴിഞ്ഞ മാസം പരിശോധനകള്‍ നടത്തിയത്. വാണിജ്യ സ്ഥാപനങ്ങള്‍ നിയമ വ്യവസ്ഥകള്‍ പാലിക്കുന്നുണ്ടെന്ന് ഉറപ്പുവരുത്താനും ബിനാമി ബിസിനസ് കുറ്റകൃത്യങ്ങളും നിയമ […]

ജിദ്ദ – മരുഭൂകാലാവസ്ഥയിലും മത്സ്യകൃഷി മേഖലയില്‍ മറ്റു രാജ്യങ്ങളെ അതിശയിപ്പിക്കുന്ന വിധത്തിൽ നേട്ടങ്ങൾ കൈവരിച്ച് സൗദി അറേബ്യ. സമുദ്ര തീരങ്ങളില്ലാതെ, കരയാല്‍ ചുറ്റപ്പെട്ട സ്ഥലവും ഭൂഖണ്ഡാന്തര കാലാവസ്ഥയും ഉണ്ടായിരുന്നിട്ടും സൗദി തലസ്ഥാനമായ റിയാദിലാണ് രാജ്യത്ത് ഏറ്റവുമധികം മത്സ്യകൃഷി പദ്ധതികളുള്ളത് . രണ്ടാമത് കിഴക്കന്‍ പ്രവിശ്യയും, മൂന്നാമത് അല്‍ഖസീമും മുന്നിട്ട് നിൽക്കുമ്പോൾ തൊട്ടു പിന്നിലായി മക്ക പ്രവിശ്യയും സമുദ്ര മത്സ്യകൃഷിയുടെ കാര്യത്തില്‍ വേറിട്ടുനില്‍ക്കുന്നു. ഏകദേശം 35 വര്‍ഷമായി സൗദി അറേബ്യ മത്സ്യകൃഷി രംഗത്ത് തുടരുന്നുണ്ട്. രാജ്യത്തെ മത്സ്യബന്ധനത്തിന്റെ പഠനത്തിന്റെ […]