ജിദ്ദ:പെരുന്നാൾ ദിവസം മഴക്കു സാധ്യതയുള്ള പ്രദേശങ്ങളിൽ തുറസ്സായ ഈദ് ഗാഹുകൾ ഇസ്‌ലാമികകാര്യ മന്ത്രാലയം വിലക്കി. ഇത്തരം പ്രദേശങ്ങളിൽ ജുമാമസ്ജിദുകളിൽ മാത്രമേ പെരുന്നാൾ നമസ്‌കാരം സംഘടിപ്പിക്കാൻ പാടുള്ളൂ എന്നാണ് നിർദേശം. പെരുന്നാൾ ദിവസം സൗദിയിലെ ഭൂരിഭാഗം പ്രവിശ്യകളിലും മഴക്കു സാധ്യതയുള്ളതായി ദേശീയ കാലാവസ്ഥാ നിരീക്ഷണ കേന്ദ്രം അറിയിച്ച പശ്ചാത്തലത്തിലാണിത്. മദീനയിൽ അടക്കം സൗദിയിലെ വിവിധ പ്രവിശ്യകളിൽ ദിവസങ്ങളായി കനത്ത മഴ തുടരുകയാണ്. റമദാൻ 29-ാം രാവിൽ ഖത്മുൽ ഖുർആൻ പ്രാർഥനക്കിടെയും പ്രവാചക പള്ളിയിൽ അനുഗ്രഹത്തിന്റെ വർഷപാതമുണ്ടായിരുന്നു. അതേസമയം, ജിദ്ദയിൽ […]

റിയാദ്:ഇന്ന് (ഏപ്രിൽ 20) വൈകിട്ട് മാസപ്പിറവി ദൃശ്യമാകില്ലെന്ന വീക്ഷണം ശരിയല്ലെന്നും രാവിലെ 7.12ഓടെ പിറന്ന ന്യൂമൂൺ 11 മണിക്കൂർ പിന്നിട്ട് സൂര്യാസ്തമയമാകുമ്പോഴേക്കും സൂര്യനിൽ നിന്ന് 5.4 ഡിഗ്രി അകലത്തിൽ 6.35 ഡിഗ്രി നീളത്തിൽ ചക്രവാളത്തിലുണ്ടാകുന്നതിനാൽ തെളിഞ്ഞ കാലാവസ്ഥയെങ്കിൽ തുമൈറിലും സുദൈറിലും മാസപ്പിറവി കാണാൻ സാധ്യതയുണ്ടെന്നും യുനൈറ്റഡ് അറേബ്യൻ ഗോളശാസ്ത്ര സമിതി അംഗം മുഹമ്മദ് അൽ ഥഖഫി പറഞ്ഞു. വ്യാഴാഴ്ച പിറവി സംഭവിക്കുന്നതിനാൽ തന്നെ ഗോള ശാസ്ത്രകണക്കനുസരിച്ച് നാളെ ശവ്വാൽ ഒന്നായിരിക്കുമെന്നും അൽഥഖഫി പറഞ്ഞു. ഗോളശാസ്ത്ര ഗവേഷകരുടെ നിഗമനമനുസരിച്ച് […]

തായിഫ്:ഉത്തര തായിഫിലെ ഡിസ്ട്രിക്ടുകളിലും തായിഫ്, റിയാദ് റോഡിലും ഇന്നലെ ഉച്ചക്ക് കനത്ത മഞ്ഞുവീഴ്ചയുണ്ടായി. ഷെവലുകളും ബുള്‍ഡോസറുകളും ഉപയോഗിച്ച് മഞ്ഞുകൂനകള്‍ നീക്കം ചെയ്ത് നഗരസഭാ സംഘങ്ങള്‍ റോഡുകള്‍ ഗതാഗത യോഗ്യമാക്കി. ഉത്തര തായിഫിലുണ്ടായ ശക്തമായ മഴക്കൊപ്പമാണ് വന്‍ ആലിപ്പഴ വര്‍ഷവുമുണ്ടായത്. ഇതേ തുടര്‍ന്ന് ഗതാഗതം തടസ്സപ്പെടുന്ന നിലക്ക് റോഡുകളില്‍ മഞ്ഞുകൂനകള്‍ രൂപപ്പെടുകയായിരുന്നു. അല്‍ഹല്‍ഖ അല്‍ശര്‍ഖിയ ഡിസ്ട്രിക്ടിലാണ് ഏറ്റവും ശക്തമായ ആലിപ്പഴവര്‍ഷമുണ്ടായത്. റോഡുകളില്‍ കുമിഞ്ഞുകൂടിയ ഐസ്‌കൂനകള്‍ ഷെവലുകളും മറ്റും ഉപയോഗിച്ച് നീക്കം ചെയ്യുന്നതിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളില്‍ പ്രചരിക്കുന്നുണ്ട്. […]

മദീന:റമദാൻ ഒന്നു മുതൽ 27 വരെയുള്ള കാലത്ത് മദീനയിൽ വിവിധ ഭാഗങ്ങളിൽ നിന്ന് മസ്ജിദുന്നബവിയിലേക്കും തിരിച്ചുമുള്ള ബസ് ഷട്ടിൽ സർവീസുകൾ 12.6 ലക്ഷത്തിലേറെ പേർ പ്രയോജനപ്പെടുത്തിയതായി മദീന വികസന അതോറിറ്റി പറഞ്ഞു. മദീനയിൽ ആറു പ്രധാന റൂട്ടുകളിലാണ് ബസ് ഷട്ടിൽ സർവീസുകളുള്ളത്. മസ്ജിദുന്നബവിയിലേക്കുള്ള യാത്ര എളുപ്പമാക്കാനും മസ്ജിദുന്നബവിക്കു സമീപ പ്രദേശങ്ങളിൽ ഗതാഗതം സുഗമമാക്കാനും ലക്ഷ്യമിട്ട് അവസാന പത്തിൽ ബസ് സർവീസ് കൂടുതൽ ഊർജിതമാക്കുകയും പ്രവൃത്തി സമയം ദീർഘിപ്പിക്കുകയും ചെയ്തിട്ടുണ്ട്. പാതിരാ നമസ്‌കാരം പൂർത്തിയായി അര മണിക്കൂർ വരെ […]

റിയാദ്- ഈദുല്‍ ഫിത്വറിന്റെ മൂന്നാം ദിനം വരെ സൗദി അറേബ്യയിലെ വിവിധ പ്രവിശ്യകളില്‍ മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ വിഭാഗം വക്താവ് അഖീല്‍ അല്‍അഖീല്‍ അറിയിച്ചു. തെക്ക്, തെക്ക് പടിഞ്ഞാര്‍ ഭാഗത്തെ ഉയര്‍ന്ന പ്രദേശങ്ങളിലാണ് മഴയുടെ കേന്ദ്രീകരണമുണ്ടാകുക. തലസ്ഥാനമായ റിയാദ്, അല്‍ഖസീം, ഹായില്‍, കിഴക്കന്‍ പ്രവിശ്യയിലെ തീര പ്രദേശങ്ങള്‍ എന്നിവിടങ്ങളിലും മഴയുണ്ടാകും. അദ്ദേഹം പറഞ്ഞു. ബുധനാഴ്ച വൈകുന്നേരം മൂന്നു മുതല്‍ വ്യാഴാഴ്ച വൈകുന്നേരം മുന്നുവരെ മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രവും അറിയിച്ചു. വാർത്തകൾ വാട്സപ്പിൽ ലഭിക്കുവാൻ […]

ജിദ്ദ:സൗദിയിലെ വിവിധ പ്രവിശ്യകളിൽ 20,714 ജുമാമസ്ജിദുകളും ഈദ് ഗാഹുകളും പെരുന്നാൾ നമസ്‌കാരത്തിന് സജ്ജീകരിച്ചതായി ഇസ്‌ലാമികകാര്യ മന്ത്രാലയം അറിയിച്ചു. പെരുന്നാൾ നമസ്‌കാരങ്ങൾ നടക്കുന്ന ജുമാമസ്ജിദുകളിൽ ആവശ്യമായ അറ്റകുറ്റപ്പണികളും ശുചീകരണ ജോലികളും പൂർത്തിയാക്കുകയും സുരക്ഷാ സംവിധാനങ്ങൾ ഏർപ്പെടുത്തുകയും ചെയ്തിട്ടുണ്ട്. പെരുന്നാൾ നമസ്‌കാരം നടക്കുന്ന ജുമാമസ്ജിദുകളുടെയും ഈദ് ഗാഹുകളുടെയും സുസജ്ജത ഉറപ്പുവരുത്താൻ 6,000 ലേറെ നിരീക്ഷകരെ ചുമതലപ്പെടുത്തിയിട്ടുണ്ടെന്നും മന്ത്രാലയം പറഞ്ഞു. മുൻ വർഷങ്ങളിൽ നിന്ന് വിഭിന്നമായി ഇത്തവണ തീർഥാടകരുടെയും വിശ്വാസികളുടെയും കടുത്ത തിരക്ക് അനുഭവപ്പെടുന്ന കാര്യം കണക്കിലെടുത്ത് മക്കയിൽ വിശുദ്ധ ഹറമിനു […]