റിയാദ് – ആറ് വ്യത്യസ്ത ഭാഗങ്ങളായി 1,600ലേറെ മൃഗങ്ങളെ ഉൾക്കൊള്ളുന്ന റിയാദ് മൃഗശാല പുതുമോടിയോടെ വീണ്ടും തുറക്കുന്നതായി ജനറൽ എന്റർടൈൻമെന്റ് അതോറിറ്റി ഡയറക്ടർ ബോർഡ് ചെയർമാൻ തുർക്കി ആലുശൈഖ് അറിയിച്ചു. റിയാദ് സീസൺ 2025 പരിപാടികളുടെ ഭാഗമായി നവംബർ 20 മുതലാണ് മൃഗശാല തുറക്കുന്നതെന്നും അദ്ദേഹം വ്യക്തമാക്കി. ടിക്കറ്റ് ബുക്കിംഗിനുള്ള ലിങ്കും ഏർപ്പെടുത്തിയിട്ടുണ്ട്. നവീകരണ ജോലികൾക്കും അറ്റകുറ്റപ്പണികൾക്കും വേണ്ടി മൃഗശാല നേരത്തെ അടക്കുകയായിരുന്നു. വംശനാശഭീഷണി നേരിടുന്ന ജീവികളെ വളർത്താനും വന്യജീവികളുമായി ബന്ധപ്പെട്ട പഠനങ്ങളും ഗവേഷണങ്ങളും പ്രോത്സാഹിപ്പിക്കാനും പ്രവർത്തിക്കുന്ന […]

റിയാദ് – പത്തു വർഷത്തിനുള്ളിൽ സൗദിയിൽ നിന്ന് ബഹിരാകാശത്തേക്ക് വിനോദസഞ്ചാര യാത്രകൾ ആരംഭിക്കുമെന്ന് ഹലോ സ്‌പേസ് കമ്പനി. റിയാദിൽ ടൂറൈസ് ഫോറത്തിലാണ് ഹലോ സ്‌പേസ് ചരിത്ര പ്രഖ്യാപനം നടത്തിയത്. മിഡാന സൗദി അറേബ്യ അടക്കമുള്ള പങ്കാളികളുമായി ചേർന്നാണ് കമ്പനി സൗദിയിൽ നിന്ന് വാണിജ്യാടിസ്ഥാനത്തിൽ നിയർ-സ്പേസ് ടൂറുകൾ സംഘടിപ്പിക്കുക. ഇതിനുള്ള റോഡ്മാപ്പ് ഹലോ സ്പേസ് പുറത്തിറക്കി. യാത്രക്കാർക്ക് നിയർ-സ്പേസിലേക്ക് കയറാനും 30 കിലോമീറ്ററിൽ കൂടുതൽ ഉയരത്തിൽ നിന്ന് ഭൂമിയുടെയും ഇരുണ്ട ആകാശത്തിന്റെയും കാഴ്ച ആസ്വദിക്കാനും അവസരമൊരുക്കും. ടൂറുകൾ സൗദിയിൽ […]

തബൂക്ക് – തബൂക്കിലെ മസാജ് സെന്ററില്‍ പൊതുധാര്‍മികതക്ക് വിരുദ്ധമായ പ്രവൃത്തികള്‍ ചെയ്തതിന് പ്രവാസിയെ തബൂക്ക് പോലീസ് അറസ്റ്റ് ചെയ്തു. സാമൂഹിക സുരക്ഷാ, മനുഷ്യക്കടത്ത് വിരുദ്ധ വിഭാഗവുമായി സഹകരിച്ചാണ് പ്രതിയെ അറസ്റ്റ് ചെയ്തത്. നിയമാനുസൃത നടപടികള്‍ പൂര്‍ത്തിയാക്കി പ്രതിയെ പബ്ലിക് പ്രോസിക്യൂഷന് കൈമാറി. മസാജ് സെന്ററിനെതിരെ തബൂക്ക് നഗരസഭ നിയമാനുസൃത ശിക്ഷാ നടപടികള്‍ സ്വീകരിച്ചതായും തബൂക്ക് പോലീസ് അറിയിച്ചു.

ജിദ്ദ – ജിദ്ദയില്‍ ഇന്ന് ശക്തമായ കാറ്റോട് കൂടിയ കനത്ത മഴയുണ്ടാകുമെന്ന് ദേശീയ കാലാവസ്ഥാ കേന്ദ്രം. ഇന്ന് രാവിലെ പത്തു മുതല്‍ രാത്രി പത്തു വരെ മഴക്ക് സാധ്യതയുണ്ട്. ഇതോടൊപ്പം ദൃശ്യപരത കുറയുകയും ആലിപ്പഴ വര്‍ഷം, മലവെള്ളപ്പാച്ചില്‍, ഉയര്‍ന്ന തിരമാലകള്‍, ഇടിമിന്നല്‍ എന്നിവയും ഉണ്ടാകും. ജിദ്ദയില്‍ റെഡ് അലേര്‍ട്ട് പ്രഖ്യാപിച്ചിട്ടുണ്ട്. മുന്‍കരുതലുകള്‍ എടുക്കാനും സുരക്ഷിതമായ സ്ഥലങ്ങളില്‍ തുടരാനും മലവെള്ളപ്പാച്ചില്‍ സാധ്യതയുള്ള പ്രദേശങ്ങളും താഴ് വരകളും ഒഴിവാക്കാനും സിവില്‍ ഡിഫന്‍സ് ആവശ്യപ്പെട്ടു. അത്തരം ഇടങ്ങളിൽ നീന്തുന്നത് ഒഴിവാക്കാനും വിവിധ […]

ജിദ്ദ– വിദേശികൾക്ക് ആദ്യമായി പൂർണ സ്വതന്ത്ര ഉടമസ്ഥാവകാശം അനുവദിക്കുന്ന പുതിയ നിയമങ്ങളുടെ ഭാഗമായി സൗദിയിൽ 40 ലക്ഷം റിയാലിൽ (ഏകദേശം പത്തു ലക്ഷം അമേരിക്കൻ ഡോളർ) കുറയാത്ത വിലയുള്ള ഭവനയൂനിറ്റ് വാങ്ങുന്ന വിദേശികൾക്ക് സൗദി അറേബ്യ സ്ഥിര ഇഖാമ (ആജീവനാന്ത താമസാനുമതി) നൽകുമെന്ന് ദാർ ഗ്ലോബൽ റിയൽ എസ്‌റ്റേറ്റ് കമ്പനി സി.ഇ.ഒ സിയാദ് അൽശആർ പറഞ്ഞു. വിദേശ നിക്ഷേപം ആകർഷിക്കാനും എണ്ണയിൽ നിന്ന് അകന്ന് സമ്പദ്വ്യവസ്ഥയെ വൈവിധ്യവൽക്കരിക്കാനും ലക്ഷ്യമിടുന്ന സൗദി വിഷൻ 2030 മായി പുതിയ നിയമങ്ങൾ […]

ജിദ്ദ: ഉംറ വിസയുടെ കാലാവധി സംബന്ധിച്ച് വിശ്വാസികൾക്കിടയിലുള്ള സംശയങ്ങൾക്ക് മറുപടിയുമായി സൗദി ഹജ്ജ് ഉംറ മന്ത്രാലയം വിശദീകരണം നൽകി. ഉംറ വിസക്കാർ സൗദിയിൽ പ്രവേശിക്കേണ്ടതും രാജ്യം വിടേണ്ടതുമായ തീയതികൾ മന്ത്രാലയം വ്യക്തമാക്കി. ഹിജ്റ 1447 ശവ്വാൽ 15 ആയിരിക്കും ഉംറ വിസയിൽ സൗദിയിലേക്ക് പ്രവേശിക്കാനുള്ള അവസാന തീയതി. സാധുവായ ഉംറ വിസയിൽ സൗദിയിൽ പ്രവേശിച്ചവർ രാജ്യം വിടാനുള്ള അവസാന തീയതി 1447 ദുൽ-ഖഅദ് 15 ആയിരിക്കും. ഉംറ വിസയുടെ സാധാരണ കാലാവധി 3 മാസമാണ്. എന്നാൽ, ദുൽഖഅദ് […]

മക്ക– മക്കയിലെ ചേരിപ്രദേശങ്ങളിലെ വികസനത്തിന്റെ ഭാഗമായി18,000ലേറെ കെട്ടിടങ്ങൾ പൊളിച്ചുമാറ്റിയതായി മക്ക മേയർ എൻജിനീയർ മുസാഅദ് അൽദാവൂദ് പറഞ്ഞു. ഹജ് കോൺഫറൻസ്, എക്‌സിബിഷനിൽ പങ്കെടുത്ത് സംസാരിക്കുകയായിരുന്നു അദ്ദേഹം. നഗരവാസികൾക്കും വിദേശത്തു നിന്നുളള സന്ദർശകർക്കും സേവനം നൽകുന്നതിനായി ആധുനിക നഗര പദ്ധതികൾ ഉപയോഗിച്ച് ചേരിപ്രദശങ്ങൾ മാറ്റിസ്ഥാപിക്കാനുള്ള പദ്ധതിയുടെ ഭാഗമായാണ് ഈ നടപടിയെന്നും അദ്ദേഹം വ്യക്തമാക്കി. നഗരവികസനത്തിനും മക്കയുടെ യഥാർഥ സ്വത്വം സംരക്ഷിക്കുന്നതിനും ഇടയിൽ ഒരു സന്തുലിതാവസ്ഥ കൈവരിക്കാൻ നഗരസഭ പ്രവർത്തിക്കുന്നുണ്ട്. മക്കയുടെ പുതിയ നഗരത്തിന്റെ രൂപം ഈ വർഷം പ്രഖ്യാപിച്ചു. […]

ജിദ്ദ – സൗദിയിലെ മിക്ക പ്രവിശ്യകളിലും നാളെ മുതല്‍ അടുത്ത തിങ്കളാഴ്ച വരെ മഴക്ക് സാധ്യതയുള്ളതായി ദേശീയ കാലാവസ്ഥാ കേന്ദ്രം വക്താവ് ഹുസൈന്‍ അല്‍ഖഹ്താനി. ബന്ധപ്പെട്ട വകുപ്പുകളുടെ നിര്‍ദേശങ്ങള്‍ എല്ലാവരും പാലിക്കണമെന്നും വരും ദിവസങ്ങളിലെ കാലാവസ്ഥയുമായി ബന്ധപ്പെട്ട് ദേശീയ കാലാവസ്ഥാ കേന്ദ്രം വിശദമായ റിപ്പോര്‍ട്ട് പുറത്തിറക്കുമെന്നും ഹുസൈന്‍ അല്‍ഖഹ്താനി എക്‌സ് പ്ലാറ്റ്ഫോമില്‍ പറഞ്ഞു.

ജിദ്ദ – നഗരത്തില്‍ പൊതുസ്ഥലത്തു വെച്ച് മറ്റൊരാളെ ആക്രമിക്കുകയും വഴിയാത്രക്കാരെ ശല്യപ്പെടുത്തുകയും ചെയ്ത യുവാവിനെ ജിദ്ദ പോലീസ് അറസ്റ്റ് ചെയ്തു. പ്രതി മറ്റൊരാളെ ആക്രമിക്കുകയും വഴിയാത്രക്കാരെ ശല്യപ്പെടുത്തുകയും ചെയ്യുന്നതിന്റെ ദൃശ്യങ്ങള്‍ അടങ്ങിയ വീഡിയോ സാമൂഹികമാധ്യമങ്ങളില്‍ പ്രചരിച്ചിരുന്നു. റോഡിലൂടെ നടന്നുപോവുകയായിരുന്ന മധ്യവയസ്‌കന്റെ പിന്നിലൂടെ എത്തിയ യുവാവ് ഇയാളുടെ ശിരസ്സിന് ആഞ്ഞടിച്ച് നിലത്ത് തള്ളിയിടുകയായിരുന്നു. നിയമാനുസൃത നടപടികള്‍ സ്വീകരിച്ച് പ്രതിയെ പബ്ലിക് പ്രോസിക്യൂഷന് കൈമാറിയതായി പൊതുസുരക്ഷാ വകുപ്പ് അറിയിച്ചു.

റിയാദ് – പബ്ലിക് ബസുകള്‍ക്ക് നീക്കിവെച്ച ട്രാക്കിലൂടെ കാറോടിക്കുകയും ട്രാഫിക് സുരക്ഷാ നിയമം ലംഘിക്കുകയും ചെയ്ത സൗദി യുവാവിനെ റിയാദ് പോലീസ് അറസ്റ്റ് ചെയ്തു. ഇതിന്റെ ദൃശ്യങ്ങള്‍ ചിത്രീകരിച്ച് യുവാവ് സാമൂഹികമാധ്യമങ്ങളിലൂടെ പ്രചരിപ്പിക്കുകയും ചെയ്തിരുന്നു. നിയമ നടപടികള്‍ക്കായി യുവാവിനെ പബ്ലിക് പ്രോസിക്യൂഷന് കൈമാറിയതായി പോലീസ് അറിയിച്ചു. ഇത്തരം സംഭവങ്ങൾ ശ്രദ്ധയിൽപ്പെട്ടാൽ മക്ക, മദീന, റിയാദ്, കിഴക്കന്‍ പ്രവിശ്യകളില്‍ 911 എന്ന നമ്പറിലും മറ്റു പ്രവിശ്യകളില്‍ 999 എന്ന നമ്പറിലും ബന്ധപ്പെട്ട് അറിയിക്കണമെന്ന് സ്വദേശികളോടും വിദേശികളോടും പൊതുസുരക്ഷാ വകുപ്പ് […]

ജിദ്ദ – സൗദിയില്‍ മുന്‍കൂട്ടി അപ്പോയിന്റ്‌മെന്റ് എടുക്കാതെ രക്ഷിതാക്കള്‍ സ്‌കൂളുകളില്‍ പ്രവേശിക്കുന്നത് വിദ്യാഭ്യാസ മന്ത്രാലയം വിലക്കുന്നു. അടുത്ത ഞായറാഴ്ച മുതല്‍ ഇത് പ്രാബല്യത്തില്‍വരും. സ്‌കൂള്‍ സന്ദര്‍ശനങ്ങള്‍ നിയന്ത്രിക്കാനും വിദ്യാഭ്യാസ പ്രക്രിയയുടെ സുഗമവും സുരക്ഷിതവുമായ പ്രവര്‍ത്തനം ഉറപ്പാക്കാനുമുള്ള മന്ത്രാലയത്തിന്റെ ശ്രമങ്ങളുടെ ഭാഗമായാണിത്. മദ്‌റസത്തീ പ്ലാറ്റ്ഫോം വഴി മുന്‍കൂട്ടി അപ്പോയിന്റ്‌മെന്റ് ബുക്ക് ചെയ്തതിനുശേഷം മാത്രമേ രക്ഷിതാക്കളെ സ്‌കൂളുകളില്‍ പ്രവേശിക്കാന്‍ അനുവദിക്കുകയുള്ളൂവെന്ന് മന്ത്രാലയം വ്യക്തമാക്കി. അധ്യയന ദിവസങ്ങളില്‍ സ്‌കൂളുകളില്‍ നിന്ന് വിദ്യാര്‍ഥികള്‍ക്ക് പുറത്തുപോകാനുള്ള അനുമതിക്കായുള്ള അപേക്ഷകളും പ്ലാറ്റ്ഫോം വഴി മാത്രമായി പരിമിതപ്പെടുത്തും. […]

ജിദ്ദ – സൗദിയിലെ മുഴുവന്‍ പ്രവിശ്യകളിലെയും ജുമാമസ്ജിദുകളില്‍ നാളെ നിര്‍വഹിക്കാന്‍ തീരുമാനിച്ച മഴക്കു വേണ്ടിയുള്ള പ്രത്യേക നമസ്‌കാരത്തിന്റെ സമയം നിശ്ചയിച്ച് ഇസ്‌ലാമികകാര്യ മന്ത്രാലയം. സൂര്യോദയം നടന്ന് 15 മിനിറ്റിനു ശേഷമാണ് നമസ്‌കാരം നിര്‍വഹിക്കേണ്ടതെന്ന് മന്ത്രാലയം സര്‍ക്കുലറില്‍ പറഞ്ഞു. മഴക്കു വേണ്ടിയുള്ള നമസ്‌കാരം നടക്കുന്ന സ്ഥലങ്ങളിലെല്ലാം ആവശ്യമായ എല്ലാ ക്രമീകരണങ്ങളും തയാറെടുപ്പുകളും ഇസ്‌ലാമികകാര്യ മന്ത്രാലയം പൂര്‍ത്തിയാക്കിയിട്ടുണ്ട്. സൗദിയിലെങ്ങും നാളെ മഴക്കു വേണ്ടിയുള്ള പ്രത്യേക നമസ്‌കാരം നിര്‍വഹിക്കാന്‍ തിരുഗേഹങ്ങളുടെ സേവകന്‍ സല്‍മാന്‍ രാജാവ് കഴിഞ്ഞ ദിവസം ആഹ്വാനം ചെയ്തിരുന്നു. സൂര്യോദയ […]

റിയാദ്: സ്‌പോണ്‍സര്‍മാരില്‍നിന്ന് ഒളിച്ചോടിയെന്ന് രജിസ്റ്റര്‍ ചെയ്യപ്പെട്ട് ഹുറൂബ് ആയ ഹൗസ് ഡ്രൈവര്‍മാര്‍ അടക്കമുള്ള വ്യക്തിഗത വിസയിലുള്ളവര്‍ക്ക് ഹുറൂബ് മാറ്റാനുള്ള സാവകാശം ആറു മാസത്തേക്ക് കൂടി ദീര്‍ഘിപ്പിച്ചതായി സൗദി മാനവ ശേഷി സാമൂഹിക വികസന മന്ത്രാലയം അറിയിച്ചു. മന്ത്രാലയത്തിന്റെ മുസാനിദ് പ്ലാറ്റ്‌ഫോം വഴിയാണ് ഇതിനുള്ള നടപടിക്രമങ്ങള്‍ പൂര്‍ത്തിയാക്കേണ്ടത്. ഈ നടപടികള്‍ പൂര്‍ത്തിയാക്കാനുള്ള സമയപരിധി ഇന്ന് അവസാനിക്കാനിരിക്കെയാണ് വീണ്ടും ആറു മാസത്തേക്ക് കൂടി ദീര്‍ഘിപ്പിച്ചത്. പുതിയ സ്‌പോണ്‍സര്‍ മുസാനിദ് പ്ലാറ്റ്‌ഫോം വഴി തൊഴിലാളിയെ സ്വീകരിക്കുന്നതിനുള്ള അപേക്ഷ മന്ത്രാലയത്തിലേക്ക് അയക്കണം. ഇഖാമ […]

ജിദ്ദ – സൗദിയില്‍ ആരോഗ്യ മേഖലയിലെ ഏഴു ജോലികളില്‍ ഓവര്‍ടൈം വേതനം നിര്‍ത്തിവെക്കാന്‍ തീരുമാനിച്ചതായി ഹെല്‍ത്ത് ക്ലസ്റ്ററുകള്‍. അലവന്‍സുകളുടെയും സാമ്പത്തിക ആനുകൂല്യങ്ങളുടെയും പുനഃസംഘടന സംബന്ധിച്ച മന്ത്രിസഭാ തീരുമാനം നടപ്പാക്കുന്നതുമായി ബന്ധപ്പെട്ട റോയല്‍ കോര്‍ട്ട് സര്‍ക്കുലര്‍ അടിസ്ഥാനമാക്കിയാണ് തീരുമാനം. മെഡിക്കല്‍ സ്റ്റാറ്റിസ്റ്റിക്‌സ് ടെക്‌നീഷ്യന്‍, ഹോം ഹെല്‍ത്ത്‌കെയര്‍ അസിസ്റ്റന്റ്, അഡ്മിനിസ്‌ട്രേറ്റീവ് അസിസ്റ്റന്റ്, ഡ്രൈവര്‍, സെക്യൂരിറ്റി ഗാര്‍ഡ്, മെസഞ്ചര്‍, കരാര്‍ തൊഴിലാളി എന്നീ എഴു വിഭാഗക്കാര്‍ക്ക് ഓവര്‍ടൈം ആനുകൂല്യം വിതരണം ചെയ്യുന്നത് നിര്‍ത്തിവെക്കണമെന്ന് ആശുപത്രികളുടെയും സ്‌പെഷ്യലിസ്റ്റ് സെന്ററുകളുടെയും ഡയറക്ടര്‍മാര്‍ക്ക് അയച്ച സര്‍ക്കുലര്‍ […]

ജിദ്ദ – വിമാന കമ്പനിയായ ഫ്‌ളൈ നാസിന് ഈ വര്‍ഷം മൂന്നാം പാദത്തില്‍ 15 ശതമാനം ലാഭ വളര്‍ച്ച. മൂന്നാം പാദത്തില്‍ 12 കോടിയിലേറെ റിയാല്‍ ലാഭം നേടി. വരുമാനം 6.2 ശതമാനം തോതില്‍ വര്‍ധിച്ചതും മെച്ചപ്പെട്ട പ്രവര്‍ത്തന കാര്യക്ഷമതയും വിപുലീകരണ തന്ത്രത്തിന്റെ തുടര്‍ച്ചയും ഉയര്‍ന്ന ലാഭം കൈവരിക്കാന്‍ സഹായിച്ചു. മൂന്നാം പാദാവസാനത്തോടെ വിമാനങ്ങളുടെ എണ്ണം 68 ആയി വര്‍ധിപ്പിച്ചു. കഴിഞ്ഞ വര്‍ഷം ഇതേ കാലയളവിൽ 59 വിമാനങ്ങളാണ് ഉണ്ടായിരുന്നത്. 2025ന്റെ തുടക്കത്തിൽ 19 പുതിയ റൂട്ടുകളും […]