ജിദ്ദ:വിവിധ പ്രവിശ്യകളിൽ പ്രവർത്തിക്കുന്ന പതിമൂന്നു കാർ ഏജൻസികൾക്ക് വാണിജ്യ മന്ത്രാലയം പിഴകൾ ചുമത്തി. കൊമേഴ്‌സ്യൽ ഏജൻസി നിയമം ലംഘിച്ചതിനും റിപ്പയർ സേവനം നൽകുന്നതുമായും സ്‌പെയർ പാർട്‌സ് ലഭ്യമാക്കുന്നതുമായും ബന്ധപ്പെട്ട നിയമാവലി പാലിക്കാത്തതിനും ഉപയോക്താക്കൾക്ക് വിൽപനാനന്തര സേവനം നൽകാത്തതിനുമാണ് ഈ സ്ഥാപനങ്ങൾക്ക് പിഴകൾ ചുമത്തിയത്. ബ്രിട്ടീഷ്, ഇറ്റാലിയൻ, അമേരിക്കൻ, ദക്ഷിണ കൊറിയൻ, ചൈനീസ് കാറുകളുടെ ഏജൻസികൾക്ക് പിഴ ചുമത്തിയിട്ടുണ്ട്. റിപ്പയർ കാലത്ത് കാർ പ്രയോജനപ്പെടുത്താൻ സാധിക്കാത്തതിന് ബദൽ കാറോ നഷ്ടപരിഹാരമോ നൽകാതിരിക്കൽ, സാങ്കേതിക മാനദണ്ഡങ്ങൾ പൂർണമായ സ്‌പെയർ പാർട്‌സ് […]

ജിദ്ദ:സാമ്പത്തിക വൈവിധ്യവൽക്കരണം ലക്ഷ്യമിടുന്ന വിഷൻ 2030 പദ്ധതി വിജയകരമായതിന്റെ സൂചനയെന്നോണം ഈ വർഷം രണ്ടാം പാദത്തിൽ ബജറ്റ് വരുമാനത്തിന്റെ 43 ശതമാനമായി പെട്രോളിതര വരുമാനം ഉയർന്നു. കഴിഞ്ഞ കൊല്ലം രണ്ടാം പാദത്തിൽ ബജറ്റ് വരുമാനത്തിന്റെ 32 ശതമാനമായിരുന്നു പെട്രോളിതര വരുമാനം. ഇക്കഴിഞ്ഞ പാദത്തിൽ പെട്രോളിതര വരുമാനം 12.6 ശതമാനം തോതിൽ വർധിച്ച് 135.1 ബില്യൺ റിയാലായി. കഴിഞ്ഞ വർഷം രണ്ടാം പാദത്തിൽ പെട്രോളിതര വരുമാനം 120 ബില്യൺ റിയാലായിരുന്നു. 2020 നാലാം പാദത്തിനു ശേഷം കൈവരിക്കുന്ന ഏറ്റവും […]

ജിദ്ദ:നമ്പർ പ്ലേറ്റുകൾ വ്യക്തമല്ലാത്ത വാഹനങ്ങൾ ഓടിക്കുന്നത് ഗതാഗത നിയമ ലംഘനമാണെന്ന് സൗദി ട്രാഫിക് ഡയറക്ടറേറ്റ് പറഞ്ഞു. കേടായ നമ്പർ പ്ലേറ്റുകളോടെ വാഹനങ്ങൾ ഓടിക്കുന്നതും നിയമ ലംഘനമാണ്. ഇത്തരം നിയമ ലംഘനങ്ങൾക്ക് ആയിരം റിയാൽ മുതൽ രണ്ടായിരം റിയാൽ വരെ പിഴ ലഭിക്കും. നമ്പർ പ്ലേറ്റുകൾ വ്യക്തമാണെന്ന് ഡ്രൈവർമാർ ഉറപ്പുവരുത്തണം. കേടായ നമ്പർ പ്ലേറ്റുകൾ മാറ്റിസ്ഥാപിക്കണമെന്നും സൗദി ട്രാഫിക് ഡയറക്ടറേറ്റ് ആവശ്യപ്പെട്ടു. വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക

മക്ക:വിശുദ്ധ കഅ്ബാലയത്തിനു മുന്നിൽ ഫോട്ടോകളെടുക്കുന്നതിൽ മുഴുകരുതെന്ന് ഹജ്, ഉംറ മന്ത്രാലയം തീർഥാടകരും സന്ദർശകരും അടക്കമുള്ള വിശ്വാസികളോട് ആവശ്യപ്പെട്ടു. കഅ്ബാലയത്തിനു മുന്നിലെത്തുക എന്നത് അസുലഭ നിമിഷങ്ങളാണ്. പ്രാർഥനകൾക്കും ദൈവീക കീർത്തനങ്ങൾക്കും ഈ സമയം പരമാവധി പ്രയോജനപ്പെടുത്തണം. ഈ സമയം മൊബൈൽ ഫോൺ ഉയോഗത്തിൽ മുഴുകരുത്. വിശുദ്ധ ഹറമിൽ വെച്ച് ഫോട്ടോകളെടുക്കുമ്പോൾ തീർഥാടകരും വിശ്വാസികളും മര്യാദകൾ പാലിക്കണം. ഫോട്ടോകളെടുക്കുമ്പോൾ മറ്റുള്ളവരുടെ സഞ്ചാരം തടസ്സപ്പെടാതെ നോക്കാൻ പ്രത്യേകം ശ്രദ്ധിക്കണമെന്നും മറ്റുള്ളവരുടെ സ്വകാര്യത മാനിക്കണമെന്നും ഹജ്, ഉംറ മന്ത്രാലയം ആവശ്യപ്പെട്ടു. വാർത്തകൾ വാട്സപ്പിൽ […]

റിയാദ്:ഹൗസ് ഡ്രൈവര്‍മാര്‍ ഉള്‍പ്പെടെയുള്ള ഗാര്‍ഹിക ജോലിക്കാരെ ഒളിച്ചോടി (ഹുറൂബ്)യതായി സ്‌പോണ്‍സര്‍മാര്‍ രജിസ്റ്റര്‍ ചെയ്താല്‍ സ്‌പോണ്‍സര്‍ഷിപ്പ് മാറ്റം നടക്കില്ലെന്ന് മുസാനിദ് പ്ലാറ്റ്‌ഫോം വ്യക്തമാക്കി. പുതിയ തൊഴിലുടമയുടെ അടുത്തേക്ക് സ്‌പോണ്‍സര്‍ഷിപ്പ് മാറ്റത്തിന് തൊഴിലാളിയുടെ സ്റ്റാറ്റസ് വാലിഡ് ഗണത്തില്‍പെട്ടതായിരിക്കണം. പഴയ സ്‌പോണ്‍സറുടെ സമ്മതവും ആവശ്യമാണ്. മുസാനിദ് വഴി സ്‌പോണ്‍സര്‍ഷിപ്പ് മാറ്റം ഓഗസ്റ്റ് ഒന്നു മുതല്‍ പ്രാബല്യത്തിലായതായി മാനവ വിഭവ ശേഷി സാമൂഹിക വികസന മന്ത്രാലയം അറിയിച്ചിരുന്നു.രജിസ്റ്റര്‍ ചെയ്ത് 15 ദിവസത്തിനുള്ളില്‍ ജവാസാത്ത് ഡയറക്ടറേറ്റ് വഴി ഹുറൂബ് നീക്കാവുന്നതാണ്. ഹുറൂബ് നീക്കിയാല്‍ സ്‌പോണ്‍സര്‍ഷിപ്പ് […]

റിയാദ്:സൗദിയില്‍ വിതരണത്തിനല്ലാതെ ഉപയോഗത്തിനു വേണ്ടി മയക്കുമരുന്നു കൈവശം വെച്ചാല്‍ വിദേശികളെ കാത്തിരിക്കുന്ന ശിക്ഷയെന്തായിരിക്കും? സര്‍ക്കാര്‍ വകുപ്പുകള്‍ മയക്കുമരുന്നു വേട്ട ശക്തമാക്കിയ സാഹചര്യത്തില്‍ സൗദിയിലെ പ്രമുഖ നിയമജ്ഞനായ സിയാദ് അല്‍ ശഅലാനോട് ചോദിച്ചപ്പോള്‍ നല്‍കിയ മറുപടി ഇങ്ങനെയായിരുന്നു: സ്വയം ഉപയോഗത്തിനുള്ള മയക്കുമരുന്നുകളുമായി പിടിയിലാകുന്ന വിദേശികള്‍ക്ക് ആറു മാസത്തില്‍ കുറയാത്ത തടവു ശിക്ഷയും ശിക്ഷാകാലവധി പൂര്‍ത്തിയാക്കിയ ശേഷം രാജ്യത്തുനിന്നു കയറ്റിയയക്കലും ആജീവനാന്ത പ്രവേശന വിലക്കുമായിരിക്കും ശിക്ഷ. അല്‍ ശഅ്‌ലാനിന്റെ മറുപടി ടിക് ടോക് വഴി പ്രചരിക്കുന്നുണ്ട്. വാർത്തകൾ വാട്സപ്പിൽ ലഭിക്കുവാൻ […]

ജിദ്ദ:ബബൂൺ ഇനത്തിൽ പെട്ട കുരങ്ങുകൾക്ക് തീറ്റ നൽകിയ സൗദി പൗരന് 500 റിയാൽ പിഴ ചുമത്തിയതായി നാഷണൽ സെന്റർ ഫോർ വൈൽഡ്‌ലൈഫ് അറിയിച്ചു. പരിസ്ഥിതി നിയമം ലംഘിച്ച് സൗദി പൗരൻ കുരങ്ങുകൾക്ക് ഭക്ഷണം നൽകുന്നതിന്റെ ദൃശ്യങ്ങൾ നാഷണൽ സെന്റർ ഫോർ വൈൽഡ്‌ലൈഫ് സ്ഥാപിച്ച നിരീക്ഷണ ക്യാമറകൾ പകർത്തുകയായിരുന്നു. കാർ നമ്പർ വഴി തിരിച്ചറിഞ്ഞാണ് സൗദി പൗരന് സെന്റർ പിഴ ചുമത്തിയത്. കറുത്ത നിറത്തിലുള്ള ലെക്‌സസ് ജീപ്പിലെത്തിയ സൗദി പൗരൻ ചുരം റോഡിൽ കുരങ്ങുകൾക്ക് ഭക്ഷണം എറിഞ്ഞുനൽകുകയായിരുന്നു. ഇത് […]