അബുദാബി:സാധാരണ തൊഴിലാളികള്‍ക്ക് കുറഞ്ഞ ചെലവില്‍ ഇന്റര്‍നെറ്റ് പ്രാപ്യമാക്കാന്‍ യു.എ.ഇ ഹ്യൂമന്‍ റിസോഴ്സ് ആന്‍ഡ് എമിറേറ്റൈസേഷന്‍ മന്ത്രാലയം. എമിറേറ്റ്സ് ഇന്റഗ്രേറ്റഡ് ടെലികമ്മ്യൂണിക്കേഷന്‍സ് കമ്പനിയുമായി സഹകരിച്ച് ബ്ലൂ കോളര്‍ തൊഴിലാളികള്‍ക്ക് നാമമാത്രമായ നിരക്കില്‍ പ്രത്യേക ആനുകൂല്യങ്ങള്‍ വാഗ്ദാനം ചെയ്യുന്ന ഹാപ്പിനസ് സിം ഇതിനായി അവതരിപ്പിക്കും. ബിസിനസ് സര്‍വീസ് സെന്ററുകളും ഗൈഡന്‍സ് സെന്ററുകളും സന്ദര്‍ശിച്ചോ തൊഴില്‍ കരാറുകള്‍ ഇഷ്യൂ ചെയ്യുന്നതിനോ പുതുക്കുന്നതിനോ ഹ്യൂമന്‍ റിസോഴ്സ് ആന്‍ഡ് എമിറേറ്റൈസേഷന്‍ മന്ത്രാലയത്തിന്റെ ഓണ്‍ലൈന്‍ സേവനങ്ങള്‍ ഉപയോഗിച്ചോ സിം ലഭിക്കും. ഇത് ആറ് മാസത്തെ സൗജന്യ […]

ദുബായ്:യാത്രക്കാരുടെ ക്ലിയറന്‍സ് കൂടുതല്‍ സുഗമമാക്കുന്നതിന് ചെക്ക്-ഇന്‍, ഇമിഗ്രേഷന്‍, വിമാനത്തില്‍ കയറല്‍ എന്നിവക്കായി ഒരൊറ്റ ബയോമെട്രിക് ഉപയോഗിക്കുന്ന പദ്ധതി ദുബായ് ആലോചിക്കുന്നു.ഭാവിയില്‍ വ്യക്തികളുടെ ശാരീരിക സവിശേഷതകളെ അടിസ്ഥാനമാക്കി തിരിച്ചറിയാന്‍ ദുബായ് അന്താരാഷ്ട്ര വിമാനത്താവളം ബയോമെട്രിക് സാങ്കേതികവിദ്യ പൂര്‍ണ്ണമായും വിന്യസിക്കുമെന്ന് ചൊവ്വാഴ്ച പത്രസമ്മേളനത്തില്‍ സംസാരിക്കവെ ജനറല്‍ ഡയറക്ടറേറ്റ് ഓഫ് റെസിഡന്‍സി ആന്‍ഡ് ഫോറിനേഴ്സ് അഫയേഴ്സ് (ജിഡിആര്‍എഫ്എ) ഉദ്യോഗസ്ഥര്‍ പറഞ്ഞു,ഈ ഒറ്റ ബയോമെട്രിക് ഉപയോഗം എയര്‍പോര്‍ട്ട് യാത്രക്കാരുടെ എണ്ണം വര്‍ധിപ്പിക്കുകയും ഇമിഗ്രേഷന്‍ കൗണ്ടറുകളുടെ ആവശ്യം ഇല്ലാതാക്കുകയും യാത്രക്കാര്‍ക്ക് സുഗമവും തടസ്സമില്ലാത്തതുമായ യാത്രാനുഭവം […]

ദുബായ്:ദുബായില്‍ വന്‍ ജലഗതാഗത വികസന പദ്ധതി പ്രഖ്യാപിച്ച് കിരീടാവകാശി ശൈഖ് ഹംദാന്‍ ബിന്‍ മുഹമ്മദ് ബിന്‍ റാഷിദ് അല്‍ മക്തൂം. സമുദ്ര ഗതാഗത ശൃംഖലയുടെ 188 ശതമാനം വികസിപ്പിക്കുന്ന പദ്ധതിക്ക് അദ്ദേഹം അംഗീകാരം നല്‍കി. നിലവിലെ 1.4 കോടിയില്‍നിന്ന് യാത്രക്കാരുടെ എണ്ണത്തില്‍ 50 ശതമാനം വര്‍ധനയാണ് പ്രതീക്ഷിക്കുന്നത്. ലോകത്തിലെ ആദ്യത്തെ ത്രീ ഡി പ്രിന്റഡ് ഇലക്ട്രിക് അബ്ര നിര്‍മിക്കുന്നതിന് സ്വകാര്യ മേഖലയുമായി സഹകരിക്കുമെന്ന് ദുബായിലെ റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റി (ആര്‍.ടി.എ) അറിയിച്ചു. കൂടാതെ ഡ്രൈവറില്ലാ ഇലക്ട്രിക് […]

അബുദാബി:യു.എ.ഇയിൽ ജോലിസ്ഥലങ്ങളിൽ സ്ത്രീകളോട് മോശമായി പെരുമാറുന്നവർക്ക് 10,000 ദിർഹം പിഴയും ഒരു വർഷം വരെ തടവും ലഭിക്കും.തൊഴിൽ നിയമപ്രകാരം ജീവനക്കാർക്ക് അനുയോജ്യമായ തൊഴിലന്തരീക്ഷം ഉറപ്പാക്കാൻ തൊഴിലുടമക്ക് ഉത്തരവാദിത്വമുണ്ടെന്നും തൊഴിൽ വകുപ്പിന്റ ഉത്തരവിൽ ചൂണ്ടിക്കാട്ടി.സത്രീകളെ വാക്കുകൊണ്ടോ പ്രവൃത്തി കൊണ്ടോ അപമാനിക്കുക, അശ്ലീല പദപ്രയോഗങ്ങൾ നടത്തുക,ശാരീരികമായും മാനസികമായും ഉപദ്രവിക്കുക,ഭീഷണിപ്പെടുത്തുക തുടങ്ങിയവ ശിക്ഷാർഹമാണ്.തൊഴിലിടങ്ങളിൽ ഏതെങ്കിലും വിധമുള്ള അനുചിത പെരുമാറ്റങ്ങൾ നേരിട്ടാൽ കുറ്റക്കാരനായ സഹപ്രവർത്തകനെതിരേ നടപടിയെടുക്കാൻ ആവശ്യപ്പെട്ടുകൊണ്ട് തൊഴിലുടമക്കോ പോലീസിനോ രേഖാമൂലം പരാതി നൽകണമെന്നും നിർദേശമുണ്ട്.