ജിദ്ദ – ഈ വർഷം ആദ്യ പകുതിയിൽ സൗദിയിലെ പ്രധാന തുറമുഖങ്ങളെ ബന്ധിപ്പിച്ച് സൗദി പോർട്ട്‌സ് അതോറിറ്റി 20 ഷിപ്പിംഗ് ലൈനുകൾ പുതുതായി ഏർപ്പെടുത്തി. വിദേശ വ്യാപാരവും കയറ്റുമതിയും വർധിപ്പിക്കാനും ലോക വിപണികളുമായുള്ള സൗദി അറേബ്യയുടെ ബന്ധം ശക്തമാക്കാനുമാണ് ജിദ്ദ, ദമാം, ജുബൈൽ തുറമുഖങ്ങളെ പാശ്ചാത്യ, പൗരസ്ത്യ രാജ്യങ്ങളിലെ തുറമുഖങ്ങളുമായി ബന്ധിപ്പിച്ച് പുതുതായി 20 ഷിപ്പിംഗ് ലൈനുകൾ ആരംഭിച്ചിരിക്കുന്നത്. ഈ കൊല്ലം ആദ്യ പകുതിയിൽ സൗദി തുറമുഖങ്ങളിൽ കണ്ടെയ്‌നർ നീക്കം 15.12 ശതമാനം തോതിൽ വർധിച്ചു. ആറു […]

റിയാദ്:തൊഴില്‍ മേഖലയിലെ സുരക്ഷയും ആരോഗ്യവും സംബന്ധിച്ച് സര്‍വേ ഇന്ന് ഞായറാഴ്ച മുതല്‍ തുടങ്ങിയതായി ജനറല്‍ അതോറിറ്റി ഫോര്‍ സ്റ്റാറ്റിക്‌സ് അറിയിച്ചു. ഒരു മാസം നീണ്ടുനില്‍ക്കുന്ന സര്‍വേ സെപ്തംബര്‍ 14ന് അവസാനിക്കും.തൊഴില്‍ സ്ഥലങ്ങളിലെ സുരക്ഷ, തൊഴിലാളികളുടെ ആരോഗ്യം, ജോലി സംബന്ധമായ അപകട സാധ്യതകളും പരിക്കുകളും, ആരോഗ്യ പരിപാലനവുമായി ബന്ധ വിഷയങ്ങളും തുടങ്ങിയവ സംബന്ധിച്ച് വിവര ശേഖരണമാണ് സര്‍വെയുടെ ലക്ഷ്യം. ദേശീയ അന്തര്‍ദേശീയ പ്രാദേശിക സംഘടനകള്‍ക്ക് ആരോഗ്യസ്ഥിതി വിവരണക്കണക്കുകളും ബന്ധപ്പെട്ട സൂചകങ്ങളും നല്‍കുന്നതിന് വിശ്വസനീയ ഡാറ്റാബാങ്കും അതോറിറ്റി ഇതുവഴി ലക്ഷ്യമടുന്നു. […]

റിയാദ്:ഗുണനിലവാരമില്ലാത്ത ടയറുകൾ വിപണിയിൽനിന്നു നീക്കാൻ വാണിജ്യ മന്ത്രാലയം നിർദേശം നൽകി.ഊർജ മന്ത്രാലയത്തിനു കീഴിലുള്ള പ്രത്യേക വിദഗ്ധ സമിതി നിർദേശിച്ച മാനദണ്ഡങ്ങൾ പാലിക്കാത്തവയാണ് പിൻവലിച്ച കാർ ടയറുകളെല്ലാം. 2012, 2013 വർഷങ്ങളിൽ കമ്പനി ഇറക്കിയവയാണിതെല്ലാം. കമ്പനിയുമായി ബന്ധപ്പെട്ട് ടയറുകൾ മാറ്റിയെടുക്കാനും പണം ക്യാഷായി നൽകുവാനും സൗദി ട്രാഫിക് വകുപ്പ് ഉപഭോക്താക്കളോട് അഭ്യർഥിച്ചു. വാർത്തകൾ വാട്സപ്പിൽ ലഭിക്കുവാൻ ഇവിടെ ക്ലിക്ക് ചെയ്യുക

റിയാദ്:റിയാദിൽ രണ്ടാം സീസൺ ഈത്തപ്പഴ പ്രദർശനത്തിന് തുടക്കമായി. റിയാദ് ഗവർണറേറ്റ്, നാഷണൽ സെന്റർ ഫോർ പാംസ് ആന്റ് ഡെയ്റ്റ്‌സ് എന്നിവയുടെയും വിവിധ സഹകരണ സംഘങ്ങളുടെയും സഹകരണത്തോടെ പരിസ്ഥിതി, ജലം, കൃഷി മന്ത്രാലയമാണ് 60 ദിവസം നീളുന്ന പ്രദർശനം അൽറവാബിയിൽ സംഘടിപ്പിച്ചിരിക്കുന്നത്. വൈകുന്നേരം നാലു മുതൽ രാത്രി 11 വരെ നീളുന്ന മേളയിൽ അമ്പതിലധികം ഈത്തപ്പഴ ഫാമുകൾ പങ്കെടുക്കുന്നുണ്ട്.റിയാദിലെ ഈത്തപ്പഴ വിൽപനയെ സജീവമാക്കുകയും കർഷകർക്ക് അവരുടെ ഉൽപന്നങ്ങൾ നേരിട്ട് മാർക്കറ്റിൽ വിൽപന നടത്താനുള്ള സൗകര്യമൊരുക്കുകയുമാണ് മേള കൊണ്ട് ലക്ഷ്യമിടുന്നതെന്ന് […]

ജിദ്ദ:മധ്യവർത്തിയായ റിയൽ എസ്റ്റേറ്റ് ബ്രോക്കർക്കോ, കെട്ടിട ഉടമക്കോ പണമായോ ബാങ്ക് ട്രാൻസ്ഫർ ആയോ വാടകക്കാരൻ വാടക അടക്കുന്നപക്ഷം ഇലക്‌ട്രോണിക് രസീത് വൗച്ചർ ഇഷ്യു ചെയ്യണമെന്ന് വാടക സേവനങ്ങൾക്കുള്ള ഈജാർ പ്ലാറ്റ്‌ഫോം വ്യക്തമാക്കി. സദ്ദാദ് സേവനം, മദ പെയ്‌മെന്റ്, ബാങ്ക് ട്രാൻസ്ഫർ, പണമായി നൽകൽ പോലെ വ്യത്യസ്ത പെയ്‌മെന്റ് ഓപ്ഷനുകൾ ഈജാർ പ്ലാറ്റ്‌ഫോം നൽകുന്നു. പണമായോ ബാങ്ക് ട്രാൻസ്ഫർ ആയോ ആണ് വാടക അടക്കുന്നതെങ്കിൽ രസീത് വൗച്ചർ ഇഷ്യു ചെയ്യാൻ വാടകക്കാരന് അപേക്ഷ നൽകാൻ സാധിക്കും. ഈജാർ പ്ലാറ്റ്‌ഫോമിലെ […]

ജിദ്ദ:ചൂട് കൂടുന്ന വേനൽക്കാലത്ത് എളുപ്പത്തിൽ തീപിടിക്കുന്ന സാധനങ്ങൾ വാഹനങ്ങളിൽ സൂക്ഷിക്കുന്നതിനെതിരെ സൗദി ട്രാഫിക് ഡയറക്ടറേറ്റ് മുന്നറിയിപ്പ് നൽകി. ഇത്തരം സാധനങ്ങൾ വാഹനങ്ങളിൽ സൂക്ഷിക്കുന്നത് അഗ്നിബാധകൾ സംഭവിക്കാൻ ഇടയാക്കിയേക്കും. വേനൽക്കാലത്ത് ഹീറ്റ്-റിയാക്ടീവ് വസ്തുക്കൾ വാഹനത്തിൽ ഇല്ലെന്ന് ഉറപ്പാക്കണം. ചൂട് കൂടുന്നതോടെ കംപ്രസ് ചെയ്ത ബോട്ടിലുകൾ, സ്േ്രപ കുപ്പികൾ, ഗ്യാസ് സിലിണ്ടറുകൾ, പവർ ബാങ്ക്, ബാറ്ററികൾ, മൊബൈൽ ഫോണുകൾ, സ്മാർട്ട് ഉപകരണങ്ങൾ, സിഗരറ്റ് ലൈറ്ററുകൾ എന്നിവ വാഹനത്തിൽ ഇല്ലെന്ന് ഉറപ്പുവരുത്തണമെന്ന് സൗദി ട്രാഫിക് ഡയറക്ടറേറ്റ് പറഞ്ഞു.

ജിദ്ദ:ഫുട്‌ബോൾ ആരാധകൻ ഗ്രൗണ്ടിൽ അതിക്രമിച്ചു കയറിയാൽ ആരാധകന്റെ ക്ലബ്ബിന് ഒരു ലക്ഷം റിയാൽ പിഴ ചുമത്താൻ സൗദി അറേബ്യൻ ഫുട്‌ബോൾ ഫെഡറേഷൻ ഡയറക്ടർ ബോർഡ് തീരുമാനിച്ചു. സൗദി അറേബ്യൻ ഫുട്‌ബോൾ ഫെഡറേഷൻ ഡയറക്ടർ ബോർഡ് അംഗീകരിച്ച 2023-2024 കായിക സീസൺ അച്ചടക്ക നിയമാവലിയിലാണ് ഫുട്‌ബോൾ ആരാധകൻ ഗ്രൗണ്ടിൽ അതിക്രമിച്ചു കയറിയാൽ ക്ലബ്ബിന് ഒരു ലക്ഷം റിയാൽ പിഴ വ്യവസ്ഥ ചെയ്തിരിക്കുന്നത്. നിയമാവലി കഴിഞ്ഞ വെള്ളിയാഴ്ച മുതൽ നിലവിൽവന്നു. മാധ്യമങ്ങളിലൂടെയോ സാമൂഹികമാധ്യമങ്ങളിലൂടെയോ പൊതുജന വികാരം ഇളക്കിവിടുന്നവർക്കും അധാർമിക പദപ്രയോഗങ്ങൾ […]

അബുദാബി:അബുദാബിയുടെ ഔദ്യോഗിക വിമാന കമ്പനിയായ ഇത്തിഹാദ് എയർവെയ്‌സ് കോഴിക്കോട്ടേക്കും തിരുവനന്തപുരത്തേക്കുമുള്ള സർവീസുകൾ പുനഃസ്ഥാപിക്കുന്നു.2024 ജനുവരി മുതലാണ് സർവീസുകൾ പുനഃസ്ഥാപിക്കുമെന്നാണ് സൂചനകൾ. നിലവിൽ കൊച്ചിയിലേക്ക് മാത്രമാണ് ഇത്തിഹാദ് വിമാനങ്ങൾ സർവീസ് നടത്തുന്നത്. കഴിഞ്ഞ കുറച്ച് മാസങ്ങളായി തിരുവനന്തപുരത്തേക്കും കോഴിക്കോട്ടേക്കുമുള്ള സർവീസുകൾ ഇത്തിഹാദ് നിർത്തി വച്ചിരിക്കുകയാണ്. അബുദാബിയിലേക്ക് കൂടുതൽ വിനോദ സഞ്ചാരികളെ ആകർഷിക്കുന്നതിനുള്ള നടപടികളുടെ ഭാഗമായാണ് പുതിയ തീരുമാനം. ഇത്തിഹാദ് സർവീസുകൾ പുനരാരംഭിക്കുന്നത് വിമാന നിരക്ക് കുറക്കാൻ സഹായിക്കുമെന്നാണ് പ്രവാസികളുടെ പ്രതീക്ഷ.

ജിദ്ദ:എട്ടു വയസിൽ കുറവ് പ്രായമുള്ള കുട്ടികൾ നഗരങ്ങൾക്കത്ത് സർവീസ് നടത്തുന്ന പൊതുഗതാഗ സംവിധാനങ്ങളിൽ ഒറ്റക്ക് യാത്ര ചെയ്യുന്നത് മന്ത്രിസഭാ യോഗം അംഗീകരിച്ച, പൊതുഗതാഗത സംവിധാനം ഉപയോഗിക്കുന്നവരുടെ അവകാശങ്ങളും ബാധ്യതകളും നിർണയിക്കുന്ന നിയമാവലി വിലക്കുന്നു. നഗരങ്ങൾക്കിടയിൽ സർവീസ് നടത്തുന്ന പൊതുഗതാഗത സംവിധാനങ്ങളിൽ പതിമൂന്നിൽ കുറവ് പ്രായമുള്ള കുട്ടികൾ ഒറ്റക്ക് യാത്ര ചെയ്യുന്നതും നിയമാവലി വിലക്കുന്നു. നിയമാവലി ലംഘിക്കുന്ന യാത്രക്കാർക്ക് 500 റിയാൽ തോതിൽ പിഴ ചുമത്തും. നിയമാവലിയുമായി ബന്ധപ്പെട്ട വിശദാംശങ്ങൾ ഔദ്യോഗിക ഗസറ്റ് ആയ ഉമ്മുൽഖുറാ പത്രത്തിൽ പരസ്യപ്പെടുത്തി.

എക്‌സിറ്റ് റീ എൻട്രി അടിച്ച ശേഷം വിദേശ തൊഴിലാളി അവധിക്കു പോയില്ലെങ്കിൽ എക്‌സിറ്റ് റീ എൻട്രിയുടെ കാലാവധി കഴിയുന്നതിനു മുമ്പ് അതു റദ്ദാക്കണം. നിശ്ചിത സമയ പരിധിക്കുള്ളിലാണ് റദ്ദാക്കുന്നതെങ്കിൽ പിഴ നൽകേണ്ടതില്ല. അതിനു ശേഷമാണെങ്കിൽ ആയിരം റിയാൽ പിഴ നൽകണം. എക്‌സിറ്റ് റീ എൻട്രി അടിച്ചശേഷവും അവധിക്കു പോകാതിരുന്നതിന് കാരണം നിങ്ങളാണെങ്കിൽ പിഴ നൽകേണ്ടത് നിങ്ങളാണ്. അതിന് സ്‌പോൺസർ ഉത്തരവാദിയല്ല. അതേസമയം സ്‌പോൺസറുടെ നിർദേശാനുസരണമാണ് എക്‌സിറ്റ് റീ എൻട്രി അടിച്ച ശേഷം പോകാതിരുന്നതെങ്കിൽ പിഴ അടക്കാനുള്ള ഉത്തരവാദിത്തം […]

ഉത്തരം: സ്‌പോൺസർക്ക് അബ്ശിർ, മുഖീം അക്കൗണ്ട് വഴി ഇതു ചെയ്യാൻ കഴിയും. അതിന് എന്തെങ്കിലും പ്രയാസം സ്‌പോൺസർക്കുണ്ടെങ്കിൽ തവസുൽ പ്ലാറ്റ്‌ഫോമിൽ പുതിയ പാസ്‌പോർട്ടിന്റെ വിവരങ്ങൾ സബ്മിറ്റ് ചെയ്യാവുന്നതാണ്

ജിദ്ദ:തൊഴിൽ നിയമ ലംഘനങ്ങൾക്കുള്ള പിഴകൾ 50 മുതൽ 90 ശതമാനം വരെ കുറക്കാൻ മാനവശേഷി, സാമൂഹിക വികസന മന്ത്രാലയം നടപടികൾ ആരംഭിച്ചു. ഇതുമായി ബന്ധപ്പെട്ട് തൊഴിൽ നിയമ ലംഘന, ശിക്ഷാ പട്ടികയിൽ വരുത്താനുദ്ദേശിക്കുന്ന ഭേദഗതികൾ പൊതുസമൂഹത്തിന്റെ അഭിപ്രായ നിർദേശങ്ങൾക്കായി പബ്ലിക് കൺസൾട്ടേഷൻ പ്ലാറ്റ്‌ഫോമിൽ (ഇസ്തിത്‌ലാഅ്) മന്ത്രാലയം പരസ്യപ്പെടുത്തി. തൊഴിൽ നിയമ ലംഘനങ്ങൾക്ക് ചുമത്തുന്ന പിഴകൾ സ്വകാര്യ സ്ഥാപനങ്ങളുടെ നടുവൊടിക്കുന്ന കാര്യം കണക്കിലെടുത്താണ് പിഴകൾ 90 ശതമാനം വരെ കുറക്കുന്നത്. വൈകാതെ ഇത് പ്രാബല്യത്തിൽവരും. തൊഴിൽ ആരോഗ്യ, സുരക്ഷാ […]