മദീന : കിംഗ് അബ്ദുല്ല ബിൻ അബ്ദുൽ അസീസ് റോഡുമായി ബന്ധിക്കുന്ന കിംഗ് അബ്ദുൽ അസീസ് പാലം പൊതുജനങ്ങൾക്ക് മദീന മുനിസിപ്പാലിറ്റി തുറന്നുകൊടുത്തു. ഗതാഗതം സുഗമമാക്കുന്നതിനും റോഡുകളുടെ കാര്യക്ഷമത വർധിപ്പിക്കുന്നതിനുമാണ് പ്രധാന ജംഗ്ഷനുകളിലൊന്നായ ഇവിടെ നവീകരണം നടത്തിയത്.കിംഗ് അബ്ദുല്ല റോഡിന് മുകളിൽ രണ്ട് പാലങ്ങൾ ഉൾപ്പെടുന്നതാണ് പദ്ധതി. ഓരോ ദിശയിലേക്കും മൂന്നുവരിപ്പാതയും ഒരു ബസ് പാതയും ഉണ്ട്. പാലത്തിന്റെ നിർമാണത്തിന് 30,000 ക്യുബിക് മീറ്റർ റെഡിമിക്‌സ്, 9000 ടൺ റീബാർ, 450 ടണ്ണിലധികം പ്രെസ്‌ട്രെസ്ഡ് ഇരുമ്പ്, 3000 […]

ജിദ്ദ : സൗദിയിൽ അടുത്ത ബുധനാഴ്ച വരെ വിവിധ ഭാഗങ്ങളിൽ ഇടിമിന്നലോട് കൂടിയ മഴക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. ശക്തിയേറിയ കാറ്റും പ്രതീക്ഷിക്കുന്നതായി കാലാവസ്ഥ നിരീക്ഷണ കേന്ദ്രം അറിയിച്ചു. മണിക്കൂറിൽ 50 കിലോമീറ്ററിലധികം വേഗതയിൽ കാറ്റ് വീശുമെന്ന് പ്രതീക്ഷിക്കുന്നതായി കേന്ദ്രം വിശദീകരിച്ചു. തീരങ്ങളിൽ പേമാരി, ആലിപ്പഴം, ഉയർന്ന തിരമാലകൾ എന്നിവയും പ്രതീക്ഷിക്കുന്നു. തബൂക്ക്, അൽജൗഫ്, വടക്കൻ അതിർത്തികൾ, മദീന, ഹായിൽ, അൽഖസിം, റിയാദ്, അൽഷർഖിയ, മക്കഎന്നിവിടങ്ങളിൽ ഇടത്തരം മുതൽ കനത്ത മഴ പെയ്‌തേക്കും. അൽബഹയും […]

റിയാദ് : സൗദിയിൽ തൊഴിൽ സംബന്ധമായ നിയമ ലംഘനങ്ങൾ സ്ഥാപനങ്ങളുടെ വലിപ്പവും തൊഴിലാളികളുടെ എണ്ണവും നിയമംഘനത്തിന്റെ തോതുമനുസരിച്ച് നിർണയിക്കുന്ന പുതിയ രീതി പ്രഖ്യാപിച്ച് സൗദി മാനവശേഷി വികസന മന്ത്രാലയം. പുതുക്കിയ നിയമമനുസരിച്ച് സ്ഥാപങ്ങളെ മൂന്നു കാറ്റഗറികളാക്കി തരം തിരിച്ചു. 50 തൊഴിലാളികളിൽ അധികമുള്ള സ്ഥാപനങ്ങളെ എ വിഭാഗത്തിലും 50 ൽ താഴെ 21 വരെ തൊഴിലാളികളുള്ള സ്ഥാപനങ്ങളെ ബി വിഭാഗത്തിലും 20 മുതൽ താഴെ തൊഴിലാളികളുള്ള സ്ഥാപനങ്ങളെ സി കാറ്റഗറിയുമായാണ് തരം തിരിച്ചിരിക്കുന്നത്. നിയമ ലംഘനത്തിന്റെ ഗൗരവം […]

ജിദ്ദ : സൗദിയിൽ പുതുതായി എട്ടു ഡ്രൈവിംഗ് സ്‌കൂളുകൾ കൂടി സ്ഥാപിക്കാൻ തീരുമാനം. ജനറൽ ട്രാഫിക് ഡിപ്പാർട്ട്‌മെന്റാണ് ഇക്കാര്യം അറിയിച്ചത്. റിയാദിൽ രണ്ടും ജിദ്ദ, ദമാം, അൽ ഖഫ്ജി, ജിസാൻ, ഹനാകിയ, ഖുൻഫുദ എന്നിവടങ്ങളിൽ ഓരോ സ്‌കൂളുകളുമാണ് സ്ഥാപിക്കുകയെന്ന് അധികൃതർ അറിയിച്ചു. ഡ്രൈവിംഗ് സ്‌കൂൾ സ്ഥാപിക്കുന്നതിനുള്ള പ്രോജക്ടിൽ അപേക്ഷിക്കാൻ ആഗ്രഹിക്കുന്നവർ ട്രാഫിക് ലൈസൻസ് വകുപ്പിന്റെ ഇ-മെയിൽ വഴി ബന്ധപ്പെടണമെന്ന് അധികൃതർ അറിയിച്ചു. വിജ്ഞാപനം വന്ന് ഒരു മാസത്തിനകം പുതിയ സ്‌കൂളുകൾ പ്രവർത്തനം തുടങ്ങും.

മക്ക : ജിദ്ദ അടക്കം മക്ക മേഖലയിൽ ശക്തമായ മഴക്ക് സാധ്യതയുണ്ടെന്ന് മുന്നറിയിപ്പ്. മേഖലയിൽ യെല്ലോ അലർട്ട് പ്രഖ്യാപിച്ചു. രാത്രി 11 വരെയാണ് അലർട്ട് പ്രഖ്യാപിച്ചത്. പൊതുജനങ്ങൾ ജാഗ്രത പാലിക്കണമെന്നും അപകടത്തിന് സാധ്യതയുള്ള പ്രദേശങ്ങളിൽനിന്ന് മാറി നിൽക്കണമെന്നും സിവിൽ ഡിഫൻസ് അറിയിച്ചു. മഴക്ക് പുറമെ ഇടിയും മിന്നലും ഉണ്ടാകും.

ജിദ്ദ : ഈ വർഷാദ്യം മുതൽ രാജ്യത്തെ ലേബർ കോടതികളിൽ 1,00,200 ഓളം തൊഴിൽ കേസുകൾ എത്തിയതായി ഇതുമായി ബന്ധപ്പെട്ട ഔദ്യോഗിക കണക്കുകൾ വ്യക്തമാക്കുന്നു. പ്രതിദിനം ശരാശരി 426 തൊഴിൽ കേസുകൾ തോതിൽ ലേബർ കോടതികളിലെത്തി. റിയാദ് പ്രവിശ്യയിലെ ലേബർ കോടതികളിലും ബെഞ്ചുകളിലുമാണ് ഏറ്റവുമധികം തൊഴിൽ കേസുകൾ എത്തിയത്. റിയാദ് കോടതികളിൽ 30,530 കേസുകൾ എത്തി. ഈ വർഷം ലേബർ കോടതികളിലെത്തിയ തൊഴിൽ കേസുകളിൽ 30.5 ശതമാനവും റിയാദ് കോടതികളാണ് സ്വീകരിച്ചത്. രണ്ടാം സ്ഥാനത്തുള്ള മക്ക പ്രവിശ്യയിൽ […]

തായിഫ് : നഗരത്തിൽ പ്രവർത്തിക്കുന്ന റെസ്റ്റോറന്റിൽ നിന്ന് ഉറവിടമറിയാത്ത വൻ ഇറച്ചി ശേഖരം നഗരസഭാധികൃതർ പിടികൂടി. തായിഫ് നഗരസഭക്കു കീഴിലെ വെസ്റ്റ് ബലദിയ പരിധിയിൽ പ്രവർത്തിക്കുന്ന സ്ഥാപനത്തിൽ റെഫ്രിജറേറ്ററുകളിൽ നൈലോൺ കീസുകളിൽ സൂക്ഷിച്ച നിലയിലാണ് ഇറച്ചി ശേഖരം കണ്ടെത്തിയത്. ആരോഗ്യ വ്യവസ്ഥകളുമായി ബന്ധപ്പെട്ട നിയമ ലംഘനങ്ങളും റെസ്റ്റോറന്റിൽ കണ്ടെത്തി. സ്ഥാപനത്തിൽ ശുചീകരണ നിലവാരം മോശമാണെന്നും വ്യക്തമായി. നിയമം അനുശാസിക്കുന്ന ഏറ്റവും ഉയർന്ന പിഴകൾ റെസ്റ്റോറന്റിന് ചുമത്തി. മറ്റു ശിക്ഷാ നടപടികളും സ്ഥാപനത്തിനെതിരെ സ്വീകരിച്ചുവരികയാണെന്ന് തായിഫ് നഗരസഭ അറിയിച്ചു.

റിയാദ് : ലോകത്തെ ഏറ്റവും വലിയ വിനോദ, സാംസ്‌കാരിക, സ്‌പോർട്‌സ് കേന്ദ്രങ്ങളിൽ ഒന്നായി ആസൂത്രണം ചെയ്ത ഖിദിയ സിറ്റി മൂന്നേകാൽ ലക്ഷം തൊഴിലവസരങ്ങൾ സൃഷ്ടിക്കുമെന്ന് ഖിദിയ സിറ്റി അർബൻ പ്ലാൻ വ്യക്തമാക്കുന്നു. 360 ചതുരശ്രകിലോമീറ്റർ വിസ്തൃതിയുള്ള ഖിദിയ സിറ്റിയിൽ 60,000 കെട്ടിടങ്ങൾ നിർമിക്കും. ഇവിടെ ആറു ലക്ഷത്തിലേറെ പേർക്ക് താമസസൗകര്യം ലഭിക്കും. സൗദി അറേബ്യയുടെ മൊത്തം ആഭ്യന്തരോൽപാദനത്തിലേക്ക് ഖിദിയ സിറ്റി പ്രതിവർഷം 135 ബില്യൺ റിയാൽ സംഭാവന ചെയ്യും. ആഗോള നിലവാരത്തിലുള്ള നിരവധി വിനോദ സഞ്ചാര കേന്ദ്രങ്ങളും […]