ജിദ്ദ – ഗാര്‍ഹിക തൊഴിലാളികള്‍ക്ക് ഡിജിറ്റല്‍ വാലെറ്റുകള്‍ വഴിയുള്ള വേതന വിതരണം അടുത്ത മാസാദ്യം മുതല്‍ നിര്‍ബന്ധമാക്കുമെന്ന് ഗാര്‍ഹിക തൊഴിലാളി റിക്രൂട്ട്‌മെന്റ് നടപടിക്രമങ്ങള്‍ക്കുള്ള മുസാനിദ് പ്രോഗ്രാം അറിയിച്ചു. അടുത്ത മാസാദ്യം മുതല്‍ ഗാര്‍ഹിക തൊഴിലാളികള്‍ക്ക് ഡിജിറ്റല്‍ വാലെറ്റുകള്‍ മുഖേനെയാണ് വേതനം വിതരണം ചെയ്യേണ്ടത്. വേലക്കാരുടെ വേതന വിതരണത്തിനുള്ള ഐക്കണുകള്‍ ഡിജിറ്റല്‍ വാലെറ്റുകളില്‍ ലഭ്യമാണ്. തൊഴിലുടമകള്‍ക്കു മാത്രമേ തങ്ങള്‍ക്കു കീഴിലുള്ള വേലക്കാരുടെ വേതനം ഡിജിറ്റല്‍ വാലെറ്റുകള്‍ വഴി ട്രാന്‍സ്ഫര്‍ ചെയ്യാന്‍ സാധിക്കുകയുള്ളൂ. ഗാര്‍ഹിക തൊഴിലാളി റിക്രൂട്ട്‌മെന്റ് മേഖല ക്രമീകരിക്കാനുള്ള […]

മക്ക: സൗദിയിലെ കടുത്ത ചൂടിലെ അവസാനത്തെ ഹജ്ജായിരിക്കും അടുത്ത വർഷത്തെ ഹജ്ജ് കാലമെന്ന് കാലാവസ്ഥ നിരീക്ഷണ കേന്ദ്രം. അടുത്ത വർഷം വേനൽ തുടങ്ങുന്ന ഘട്ടത്തിലാണ് ഹജ്ജ് അവസാനിക്കുക. തൊട്ടടുത്ത വർഷം മികച്ച കാലാവസ്ഥയിലായിരിക്കും ഹജ്ജ്. ഈ വർഷം കൊടും ചൂടിലാണ് ഹജ്ജ് കാലം ആരംഭിച്ചത്. മക്കയിൽ സമീപ കാല ചരിത്രത്തിൽ ആദ്യമായി അമ്പത്തി ഒന്ന് ഡിഗ്രി സെൽഷ്യസിൽ വരെ താപനില എത്തിയിരുന്നു. നിരവധി ഹാജിമാർക്ക് സൂര്യാതപം ഏൽക്കുകയും ആശുപത്രിയിലാവുകയും ചെയ്തു. പല ഹാജിമാരും മരണപ്പെട്ടു. നേരത്തെ രോഗാവസ്ഥയിലുള്ള […]

മിന – ഹജ് സംഘാടനം സമ്പൂര്‍ണ വിജയമായി മാറിയതായി മക്ക പ്രവിശ്യ ഡെപ്യൂട്ടി ഗവര്‍ണറും സെന്‍ട്രല്‍ ഹജ് കമ്മിറ്റി വൈസ് ചെയര്‍മാനുമായ സൗദ് ബിന്‍ മിശ്അല്‍ രാജകുമാരന്‍ അറിയിച്ചു. ‘എല്ലാം ഭംഗിയായി പൂര്‍ത്തിയായതില്‍ സര്‍വശക്തന് സ്തുതി, പ്രയാസരഹിതമായും സമാധാനത്തോടെയും സുരക്ഷിതമായും ഹജ് കര്‍മങ്ങള്‍ നിര്‍വഹിക്കാന്‍ തീര്‍ഥാടകര്‍ക്ക് സാധിച്ചു. അല്ലാഹുവിന്റെ അനുഗ്രഹത്താലും, സൗദി ഭരണാധികാരികള്‍ ഒരുക്കിയ വൈവിധ്യമാര്‍ന്ന സേവനങ്ങളുടെയും മുന്തിയ പരിചരണങ്ങളുടെയും ബന്ധപ്പെട്ട വകുപ്പുകള്‍ നടത്തിയ കൂട്ടായ പ്രവര്‍ത്തനത്തിന്റെയും ഫലമായാണിത്. അടുത്ത വര്‍ഷത്തെ ഹജിനുള്ള ഒരുക്കങ്ങളും ആസൂത്രണങ്ങളും ഉടനടി […]

മക്ക – വിശുദ്ധ കഅ്ബാലയത്തെ അണിയിക്കാനുള്ള പുതിയ കിസ്‌വ തിരുഗേഹങ്ങളുടെ സേവകന്‍ സല്‍മാന്‍ രാജാവിനെ പ്രതിനിധീകരിച്ച് മക്ക പ്രവിശ്യ ഡെപ്യൂട്ടി ഗവര്‍ണറും സെന്‍ട്രല്‍ ഹജ് കമ്മിറ്റി വൈസ് ചെയര്‍മാനുമായ സൗദ് ബിന്‍ മിശ്അല്‍ രാജകുമാരന്‍ കഅ്‌ലായത്തിന്റെ താക്കോല്‍ സൂക്ഷിപ്പ് ചുമതലയുള്ള അല്‍ശൈബി കുടുംബത്തിന് കൈമാറി. അല്‍ശൈബി കുടുംബത്തിലെ കാരണവരുടെ ഡെപ്യൂട്ടിയായ അബ്ദുല്‍മലിക് ബിന്‍ ത്വാഹാ അല്‍ശൈബി ഔപചാരികമായി പുതിയ കിസ്‌വ സ്വീകരിച്ചു. കിസ്‌വ കൈമാറ്റ റെക്കോര്‍ഡില്‍ ഹജ്, ഉംറ മന്ത്രിയും ഹറംകാര്യ വകുപ്പ് ഡയറക്ടര്‍ ബോര്‍ഡ് ചെയര്‍മാനുമായ […]

മിന – ഗാസയില്‍ ഉടനടി വെടിനിര്‍ത്തല്‍ നടപ്പാക്കണമെന്നും അന്താരാഷ്ട്ര സമൂഹം 1967 ലെ അതിര്‍ത്തിയില്‍ കിഴക്കന്‍ ജറൂസലം തലസ്ഥാനമായി സ്വതന്ത്ര ഫലസ്തീന്‍ രാഷ്ട്രത്തെ അംഗീകരിക്കണമെന്നും സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ ആവശ്യപ്പെട്ടു. ഈ വര്‍ഷം ഹജ് കര്‍മം നിര്‍വഹിക്കുന്ന രാഷ്ട്ര നേതാക്കളെയും വിശിഷ്ട വ്യക്തികളെയും നേതാക്കളെയും രാജാവിന്റെ അതിഥികളെയും ഹജ് സംഘം മേധാവികളെയും ഹജ് മിഷന്‍ മേധാവികളെയും മിനാ കൊട്ടാരത്തില്‍ തിരുഗേഹങ്ങളുടെ സേവകന്‍ സല്‍മാന്‍ രാജാവിനെ പ്രതിനിധീകരിച്ച്, സംസാരിക്കുകയായിരുന്നു കിരീടാവകാശി. ഇരു ഹറമുകളുടെയും […]

മിന – അറഫ ദിനത്തില്‍ മക്കയിലും പുണ്യസ്ഥലങ്ങളിലും പൊതുപൈപ്പ്‌ലൈന്‍ ശൃംഖല വഴി നൂറു കോടി ലിറ്റര്‍ വെള്ളം വിതരണം ചെയ്തതായി ദേശീയ ജലകമ്പനി അറിയിച്ചു. ഇതില്‍ 28.6 കോടി ലിറ്റര്‍ വെള്ളം പുണ്യസ്ഥലങ്ങളിലും 70.4 കോടി ലിറ്റര്‍ മക്കയിലുമാണ് വിതരണം ചെയ്തത്. മലയാളം ന്യൂസ് വാട്സാപ്പ് ചാനലിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുകദേശീയ ജലകമ്പനി എന്‍ജിനീയര്‍മാരുടെ മേല്‍നോട്ടത്തില്‍ പൊതുപൈപ്പ്‌ലൈന്‍ ശൃംഖല വഴി പുണ്യസ്ഥലങ്ങളില്‍ ഇരുപത്തിനാലു മണിക്കൂറും വെള്ളം വിതരണം ചെയ്യുന്നു. മക്കയിലെ ജനവാസ കേന്ദ്രങ്ങളില്‍ പൊതുപൈപ്പ്‌ലൈന്‍ […]

മിന – വിശുദ്ധ ഹറമിനടുത്ത പ്രദേശങ്ങളിലും പുണ്യസ്ഥലങ്ങളിലും മക്കയിലുമായി സ്ഥാപിച്ച 8,000 ഓളം ക്യാമറകള്‍ വഴി നിര്‍മിതബുദ്ധി സാങ്കേതികവിദ്യകള്‍ ഹജ് സുരക്ഷാ സേനക്കു കീഴിലെ കമാന്‍ഡ് ആന്റ് കണ്‍ട്രോള്‍ സെന്റര്‍ പ്രയോജനപ്പെടുത്തുന്നു. ഹജിനിടെ സുരക്ഷ കാത്തുസൂക്ഷിക്കല്‍, ആള്‍ക്കൂട്ട നിയന്ത്രണം, ഗതാഗത പദ്ധതി, അടിയന്തിര സാഹചര്യങ്ങള്‍ കൈകാര്യം ചെയ്യല്‍ എന്നിവ ലക്ഷ്യമിട്ട് തത്സമയ നിരീക്ഷണത്തിന് 500 ലേറെ സ്ഥലങ്ങളില്‍ ക്യാമറകള്‍ സ്ഥാപിച്ചിട്ടുണ്ട്. ഹജ് സുരക്ഷാ സേനാ പദ്ധതികള്‍ നടപ്പാക്കുന്ന സ്പന്ദിക്കുന്ന ഹൃദയമാണ് കമാന്‍ഡ് ആന്റ് കണ്‍ട്രോള്‍ സെന്റര്‍ എന്ന് […]

ജിദ്ദ- ഹജ് പെർമിറ്റില്ലാതെ ഒരു കാരണവശാലും മക്കയിലേക്ക് യാത്രക്ക് ശ്രമിക്കരുതെന്ന് ഇന്ത്യൻ ഹജ് മിഷൻ മുന്നറിയിപ്പ് നൽകി. ഹജ് പെർമിറ്റില്ലാതെ മക്കയിലേക്ക് പ്രവേശിക്കുന്നവർക്ക് എതിരെ കർശന നടപടിയാണ് അധികൃതർ സ്വീകരിക്കുന്നത്. ഹജ് വളണ്ടിയർ സേവനത്തിന് തയ്യാറായി നിൽക്കുന്നവർ ഇക്കാര്യം ശ്രദ്ധിക്കണം. ജിദ്ദയിലെ ഇന്ത്യൻ കോൺസുലേറ്റിന്റെയോ, ഹജ് മിഷന്റെയോ ഔദ്യോഗിക അനുമതി ലഭിക്കാതെ ഒരാളും മക്കയിലേക്ക് വളണ്ടിയർ സേവനത്തിന് പോകാൻ പാടില്ലെന്ന് ഹജ് മിഷൻ ദ മലയാളം ന്യൂസിനോട് പറഞ്ഞു. ഇതുമായി ബന്ധപ്പെട്ട് എന്ത് നിയമനടപടികളുണ്ടായാലും അത് വ്യക്തിപരമായി […]

ജിദ്ദ – സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ ഇറ്റലിയില്‍ നാളെ നടക്കുന്ന ജി-7 ഉച്ചകോടിയില്‍ പങ്കെടുക്കില്ല. ഉച്ചകോടിയില്‍ പങ്കെടുക്കാന്‍ കഴിയാത്തതില്‍ ക്ഷമാപണം നടത്തി ഇറ്റാലിയന്‍ പ്രധാനന്ത്രി ജോര്‍ജിയ മെലോനിക്ക് കിരീടാവകാശി കമ്പി സന്ദേശമയച്ചു. ഉച്ചകോടിയില്‍ പങ്കെടുക്കാന്‍ ക്ഷണിച്ചതിന് ഇറ്റാലിയന്‍ പ്രധാനമന്ത്രിക്ക് മുഹമ്മദ് ബിന്‍ സല്‍മാന്‍ രാജകുമാരന്‍ നന്ദി പറഞ്ഞു. ഹജ് സീസണ്‍ പ്രവര്‍ത്തനങ്ങള്‍ക്ക് മേല്‍നോട്ടം വഹിക്കുന്നതുമായി ബന്ധപ്പെട്ട തിരക്കുകള്‍ കാരണം ജി-7 ഉച്ചകോടിയില്‍ സംബന്ധിക്കാന്‍ കഴിയാത്തതില്‍ കമ്പി സന്ദേശത്തില്‍ കിരീടാവകാശി ക്ഷമാപണം നടത്തി. […]

മക്ക – ഹജ് പെര്‍മിറ്റില്ലാത്തവര്‍ പുണ്യസ്ഥലങ്ങളില്‍ നുഴഞ്ഞുകയറുന്നത് തടയാന്‍ മക്കക്കു ചുറ്റും സുരക്ഷാ വകുപ്പുകള്‍ കനത്ത സുരക്ഷാ വലയം തീര്‍ത്തു. മക്കയിലേക്കുള്ള റോഡുകളിലും ചെക്ക് പോസ്റ്റുകളിലും മരുഭൂ റോഡുകളിലും മരുഭൂപ്രദേശങ്ങളിലും പഴുതടച്ച നിരീക്ഷണമാണ് സുരക്ഷാ സൈനികര്‍ നടത്തുന്നത്. മരുഭൂറോഡുകളിലൂടെയും മറ്റും നുഴഞ്ഞുകയറാന്‍ ശ്രമിക്കുന്നവരെ കണ്ടെത്തി പിടികൂടാന്‍ ഡ്രോണ്‍, ഹെലികോപ്റ്റര്‍ നിരീക്ഷണവും നടത്തുന്നുണ്ട്. പെര്‍മിറ്റില്ലാതെ ഹജ് നിര്‍വഹിക്കാന്‍ ശ്രമിച്ച് പിടിയിലാകുന്ന സ്വദേശികള്‍ക്കും വിദേശികള്‍ക്കും 10,000 റിയാല്‍ തോതില്‍ പിഴ ചുമത്തുന്നുണ്ട്. മക്കയിലേക്ക് പോകുന്നവരുടെ പെര്‍മിറ്റുകള്‍ സുരക്ഷാ സൈനികര്‍ പരിശോധിക്കുന്നു.വിദേശികളെ […]

ജിദ്ദ- സൗദി അറേബ്യയിൽനിന്ന് റീ എൻട്രിയിൽ പോകുന്ന പ്രവാസികൾ ശ്രദ്ധിക്കുക. തിരിച്ചുവരുമ്പോൾ അതാത് വിമാനതാവളത്തിൽ കാണിക്കേണ്ട റീ എൻട്രി പേപ്പർ സൗദിയിൽനിന്ന് യാത്ര പുറപ്പെടുന്ന സമയത്ത് തന്നെ കൈവശം വെക്കാൻ മറക്കാതിരിക്കുക. നേരത്തെ റീ എൻട്രി പേപ്പർ സൗദി അറേബ്യയുടെ വിസ സേവനങ്ങൾ നൽകുന്ന മുഖീം സൈറ്റിൽനിന്ന് എളുപ്പത്തിൽ ലഭ്യമായിരുന്നു. പുതിയ അപ്ഡേറ്റ് അനുസരിച്ച് റീ എൻട്രി പേപ്പർ മുഖീം വെബ്സൈറ്റിൽനിന്ന് ലഭ്യമാകുന്നതിനുള്ള നടപടിക്രമങ്ങളിൽ ഏറെ സങ്കീർണ്ണമായി. മുഖീമിന്റെ പുതിയ ലിങ്ക്. ഇതിൽ പ്രവേശിച്ചു വേണം ലോഗിൻ […]

റിയാദ് – തലസ്ഥാന നഗരിയിലെ ഗതാഗതത്തിരക്ക് ലഘൂകരിക്കാന്‍ ശ്രമിച്ച് തെക്കു, പടിഞ്ഞാറന്‍ റിയാദിലെ തൂക്കുപാലം വികസിപ്പിക്കാന്‍ തീരുമാനിച്ചതായി സര്‍ക്കാര്‍ വൃത്തങ്ങള്‍ വെളിപ്പെടുത്തി. വൈകാതെ വികസന പദ്ധതി ആരംഭിക്കും. പാലത്തില്‍ ഇരു ദിശകളിലേക്കുമുള്ള ഭാഗങ്ങള്‍ വികസിപ്പിക്കും. വികസന പദ്ധതിയുമായി ബന്ധപ്പെട്ട നടപടികള്‍ പ്രാരംഭഘട്ടത്തിലാണ്. പദ്ധതി പൂര്‍ത്തിയാക്കാന്‍ നാലു മുതല്‍ ആറു വര്‍ഷം വരെ എടുത്തേക്കും. പദ്ധതിയുടെ പ്രാരംഭ ആശയങ്ങള്‍ വികസിപ്പിച്ചിട്ടുണ്ടെന്നും അഭിജ്ഞ വൃത്തങ്ങള്‍ പറഞ്ഞു.