ജിദ്ദ : ഒരാഴ്ചക്കിടെ പതിനായിരത്തിലേറെ നിയമ ലംഘകരെ സൗദിയിൽ നിന്ന് നാടുകടത്തിയതായി ആഭ്യന്തര മന്ത്രാലയം അറിയിച്ചു. ജനുവരി 25 മുതൽ 31 വരെയുള്ള ദിവസങ്ങളിൽ 10,096 പേരെയാണ് നാടുകടത്തിയത്. ഇക്കാലയളവിൽ വിവിധ പ്രവിശ്യകളിൽ സുരക്ഷാ വകുപ്പുകൾ നടത്തിയ റെയ്ഡുകളിൽ 10,874 ഇഖാമ നിയമ ലംഘകരും 4,123 നുഴഞ്ഞുകയറ്റക്കാരും 2,899 തൊഴിൽ നിയമ ലംഘകരും അടക്കം ആകെ 17,896 നിയമ ലംഘകർ അറസ്റ്റിലായി. ഒരാഴ്ചക്കിടെ അതിർത്തികൾ വഴി രാജ്യത്ത് നുഴഞ്ഞുകയറാൻ ശ്രമിച്ച 937 പേരും അതിർത്തികൾ വഴി അനധികൃത […]

ജിദ്ദ : സൗദി അറേബ്യയിൽ സൗദി ഡ്രഗ് ആന്റ് ഫുഡ് അഥോറിറ്റി അംഗീകരിക്കാത്ത മരുന്ന് കൈവശം വെക്കുന്നവർ പിടിയിലാകുകയും നിയമനടപടികൾ നേരിടേണ്ടി വരികയും ചെയ്യുന്ന സഹചര്യത്തിൽ നാട്ടിൽനിന്ന് വരുന്നവരും ജാഗ്രത പുലർത്തണമെന്ന് സാമൂഹ്യപ്രവർത്തകർ അഭിപ്രായപ്പെടുന്നു. നിലവിൽ സ്വന്തം ഉപയോഗത്തിനുള്ളതും കൂട്ടുകാരുടെയും ബന്ധുക്കളുടെയും ഉപയോഗത്തിന് വേണ്ടിയും കെട്ടുകണക്കിന് മരുന്നുകളാണ് ഓരോ പ്രവാസിയുടെയും പെട്ടിയിലുണ്ടാകാറുള്ളത്. അപൂർവ്വമായി മാത്രമേ ഇത്തരത്തിൽ മരുന്നുകളുമായി വരുന്നവരെ വിമാനതാവളങ്ങളിൽ ചോദ്യം ചെയ്യാറുള്ളൂ. എന്നാൽ നിലവിലെ സഹചര്യത്തിൽ ഇതിന് മാറ്റമുണ്ടായേക്കാം. അതിനാൽ, വളരെ അത്യാവശ്യമുള്ള മരുന്നുകൾ മാത്രം […]

ബുറൈദ : വ്യവസായ മേഖലയില്‍ മികച്ച സാങ്കേതിക തൊഴിലുകള്‍ സൗദിവല്‍ക്കരിക്കാന്‍ ലക്ഷ്യമിടുന്നതായി ഡെപ്യൂട്ടി വ്യവസായ, ധാതുവിഭവ മന്ത്രി എന്‍ജിനീയര്‍ ഖലീല്‍ ബിന്‍ സലമ പറഞ്ഞു. അല്‍ഖസീമില്‍ യുവാക്കളെ പങ്കെടുപ്പിച്ചുള്ള സംവാദ സെഷനില്‍ സംസാരിക്കുകയായിരുന്നു മന്ത്രി. സൗദിവല്‍ക്കരണ ശ്രമങ്ങളുടെ ഭാഗമായി ഫുഡ് ഇന്‍ഡസ്ട്രീസ് പോളിടെക്‌നിക്കുമായി വ്യവസായ, ധാതുവിഭവ മന്ത്രാലയം തന്ത്രപരമായ പങ്കാളിത്ത കരാര്‍ ഒപ്പുവെച്ചിട്ടുണ്ട്. സ്വദേശികളുടെ ശേഷികള്‍ പരിപോഷിപ്പിച്ച് ഏതാനും വര്‍ഷങ്ങള്‍ക്കിടെ 3,000 ലേറെ തൊഴിലുകള്‍ സൗദിവല്‍ക്കരിക്കുന്നതില്‍ ഫുഡ് ഇന്‍ഡസ്ട്രീസ് പോളിടെക്‌നിക്ക് വിജയിച്ചു.നൂതന സാങ്കേതികവിദ്യകളിലും നാലാം വ്യാവസായിക വിപ്ലവത്തിന്റെ […]

ജിദ്ദ : രണ്ടു വർഷത്തിനുള്ളിൽ ഗതാഗത, ലോജിസ്റ്റിക്‌സ് മേഖലയിൽ കൂടുതൽ തൊഴിലുകൾ സൗദിവൽക്കരിക്കുമെന്ന് സൗദി ട്രാൻസ്‌പോർട്ട് ജനറൽ അതോറിറ്റി വക്താവ് സ്വാലിഹ് അൽ സുവൈദ് പറഞ്ഞു. സമീപ കാലത്ത് ഈ മേഖലയിൽ പത്തു തൊഴിലുകൾ പൂർണമായും സൗദിവൽക്കരിച്ചിട്ടുണ്ട്. എയർ ട്രാഫിക് കൺട്രോളർ, കോ-പൈലറ്റ്, ഫ്‌ളൈറ്റ് ഡിസ്പാച്ചർ, റോഡ് മോണിട്ടർ, മറൈൻ ഇൻസ്‌പെക്ടർ, റെന്റ് എ കാർ ഓഫീസ്, റോഡ് സെക്യൂരിറ്റി എൻജിനീയർ, കാർഗോ ബ്രോക്കർ, തപാൽ-പാഴ്‌സൽ ഓഫീസ്, കാർഗോ സേവനം എന്നീ മേഖലകളും തൊഴിലുകളുമാണ് സൗദിവൽക്കരിച്ചത്. ബസ് […]

ജിദ്ദ : സൗദിയില്‍ ജീവിതത്തിന്റെ സര്‍വ മേഖലകളെയും സ്വാധീനിക്കാന്‍ തുടങ്ങിയ ഡിജിറ്റൈസേഷന്‍ പ്രക്രിയയുടെ ഫലമായി രാജ്യത്ത് ബാങ്ക് ശാഖകളും എ.ടി.എമ്മുകളും അടച്ചുപൂട്ടുന്നത് തുടരുന്നു. ഡിജിറ്റല്‍ സേവനങ്ങള്‍ക്കുള്ള സ്വീകാര്യത വര്‍ധിച്ചതിന്റെ ഫലമായി തുടര്‍ച്ചയായി നാലാം വര്‍ഷമാണ് സൗദിയില്‍ ബാങ്ക് ശാഖകളുടെയും എ.ടി.എമ്മുകളുടെയും എണ്ണം കുറയുന്നത്. ബാങ്കിംഗ് മേഖലയിലെ ലയനങ്ങളും സ്ത്രീപുരുഷന്മാര്‍ക്ക് പ്രത്യേകം പ്രത്യേകമുണ്ടായിരുന്ന ചില ശാഖകള്‍ പരസ്പരം ലയിപ്പിച്ചതും ബാങ്ക് ശാഖകള്‍ കുറയാന്‍ ഇടയാക്കിയ ഘടകങ്ങളാണ്.കഴിഞ്ഞ വര്‍ഷാവസാനത്തോടെ സൗദിയില്‍ ബാങ്ക് ശാഖകളുടെ എണ്ണം 1,900 ഓളം ആയി കുറഞ്ഞു. […]

അറാര്‍ : പുരാതന കാലത്ത് യാത്രാ സംഘങ്ങളുടെ ദാഹമകറ്റിയ അല്‍അശാര്‍ കുളം ഇന്നും വിസ്മയമായി നിലനില്‍ക്കുന്നു. ഈ പുരാവസ്തുകുളം ഏറ്റവും വലതും പ്രധാനപ്പെട്ടതുമായ ചരിത്ര സ്ഥലങ്ങളില്‍ ഒന്നാണ്. പുരാതന കാലത്ത് പുണ്യഭൂമിയിലേക്കുള്ള സഞ്ചാരപഥമായി തീര്‍ഥാടകര്‍ ഉപയോഗിച്ചിരുന്ന പ്രശസ്തമായ ദര്‍ബ് സുബൈദ പാതയിലെ പ്രധാന ഇടത്താവളങ്ങളില്‍ ഒന്നാണിത്. ഉത്തര അതിര്‍ത്തി പ്രവിശ്യയിലെ ചരിത്ര ഗ്രാമമായ ലേനയില്‍ നിന്ന് 60 കിലോമീറ്റര്‍ തെക്ക് നഫൂദ് മരുഭൂമിയുടെ ഹൃദയഭാഗത്ത് മണല്‍കൂനകള്‍ക്ക് നടുവിലാണ് അല്‍അശാര്‍ കുളം സ്ഥിതി ചെയ്യുന്നത്.അല്‍അശാര്‍ കുളത്തിനോട് ചേര്‍ന്ന് മൂന്നു […]

മദീന : മദീന പ്രവിശ്യയിൽ പെട്ട അൽഅയ്‌സിലും ഇന്നലെ രാവിലെ മഞ്ഞു വീഴ്ചയുണ്ടായി. ഇതോടൊപ്പം പ്രദേശത്ത് കുറഞ്ഞ താപനില മൈനസ് നാലു ഡിഗ്രിയായി താഴുകയും ചെയ്തു. പ്രദേശം മഞ്ഞു പുതച്ചു കിടക്കുന്നതിന്റെയും അതിശൈത്യം മൂലം പാറകളിൽ നിന്ന് പുക ഉയരുന്നതിന്റെയും ദൃശ്യങ്ങൾ അടങ്ങിയ വീഡിയോ സൗദി പൗരന്മാരിൽ ഒരാൾ ചിത്രീകരിച്ച് സാമൂഹിക മാധ്യമങ്ങളിലൂടെ പുറത്തുവിട്ടു. പ്രദേശത്തെ താപനില മൈനസ് നാലു ഡിഗ്രിയായി കാറിലെ ടെമ്പറേച്ചർ റീഡറിൽ കാണിക്കുന്നതിന്റെ ദൃശ്യം മറ്റൊരു സൗദി പൗരനും പുറത്തുവിട്ടു.

ജിദ്ദ : സൗദിയ ഗ്രൂപ്പില്‍ പൈലറ്റ് തസ്തികകള്‍ പൂര്‍ണമായും സൗദിവല്‍ക്കരിക്കാന്‍ ആലോചിക്കുന്നതായി സൗദിയ ഗ്രൂപ്പ് കോര്‍പറേറ്റ് കമ്മ്യൂണിക്കേഷന്‍സ് ഡയറക്ടര്‍ ജനറലും ഗ്രൂപ്പ് വക്താവുമായ എന്‍ജിനീയര്‍ അബ്ദുല്ല അല്‍ശഹ്‌റാനി പറഞ്ഞു. ഗ്രൂപ്പിനു കീഴിലെ കോ-പൈലറ്റ് തസ്തികകള്‍ ഇതിനകം പൂര്‍ണമായും സൗദിവല്‍ക്കരിച്ചിട്ടുണ്ട്. വരുന്ന ഏതാനും വര്‍ഷങ്ങള്‍ക്കുള്ളില്‍ സ്വദേശികള്‍ക്ക് പതിനായിരത്തിലേറെ തൊഴിലവസരങ്ങള്‍ ലഭ്യമാക്കാന്‍ ഗ്രൂപ്പ് സ്ട്രാറ്റജി ലക്ഷ്യമിടുന്നു. പൈലറ്റുമാര്‍, ക്യാബിന്‍ ജീവനക്കാര്‍, മെയിന്റനന്‍സ് ടെക്‌നീഷ്യന്മാര്‍, കാര്‍ഗോ, ലോജിസ്റ്റിക്‌സ് സേവന മേഖലാ വിദഗ്ധര്‍ എന്നിയുള്‍പ്പെടെ വ്യോമയാന മേഖലയില്‍ ഗുണനിലവാരമുള്ള ജോലികള്‍ സ്വദേശികള്‍ക്ക് ലഭ്യമാക്കാനാണ് […]

ജിദ്ദ : അഞ്ചു വര്‍ഷത്തിനിടെ സൗദിയില്‍ നേരിട്ടുള്ള വിദേശ നിക്ഷേപങ്ങള്‍ 2667 ശതമാനം തോതില്‍ വര്‍ധിച്ചതായി കണക്ക്. 2017 ല്‍ രാജ്യത്തെത്തിയ നേരിട്ടുള്ള വിദേശ നിക്ഷേപങ്ങള്‍ 4 ബില്യണ്‍ റിയാലായിരുന്നു. 2022 ല്‍ ഇത് 105 ബില്യണ്‍ റിയാലായി ഉയര്‍ന്നു. 2021 നെ അപേക്ഷിച്ച് 2022 ല്‍ നേരിട്ടുള്ള വിദേശ നിക്ഷേപങ്ങള്‍ 21.4 ശതമാനം തോതില്‍ വര്‍ധിച്ചു. 2022 ല്‍ ആഗോള തലത്തില്‍ നേരിട്ടുള്ള വിദേശ നിക്ഷേപങ്ങള്‍ 12 ശതമാനം തോതില്‍ കുറഞ്ഞെങ്കിലും സൗദിയില്‍ വലിയ വളര്‍ച്ച […]