ജിദ്ദ : വിവിധ പ്രവിശ്യകളിലെ ഡീപോർട്ടേഷൻ സെന്ററുകളിൽ നിന്ന് ഒരാഴ്ചക്കിടെ 9,500 ലേറെ നിയമ ലംഘകരെ നാടുകടത്തിയതായി ആഭ്യന്തര മന്ത്രാലയം അറിയിച്ചു. ഈ മാസം 21 മുതൽ 27 വരെയുള്ള ദിവസങ്ങളിൽ 9,542 നിയമ ലംഘകരെയാണ് നാടുകടത്തിയത്. ഇക്കാലയളവിൽ വിവിധ പ്രവിശ്യകളിൽ സുരക്ഷാ വകുപ്പുകൾ നടത്തിയ റെയ്ഡുകളിൽ 11,503 ഇഖാമ നിയമ ലംഘകരും 4,315 നുഴഞ്ഞുകയറ്റക്കാരും 2,735 തൊഴിൽ നിയമ ലംഘകരും അടക്കം ആകെ 18,553 നിയമ ലംഘകർ പിടിയിലായി. ഒരാഴ്ചക്കിടെ അതിർത്തികൾ വഴി അനധികൃത രീതിയിൽ […]

ജിദ്ദ : ടാക്‌സി, ഓണ്‍ലൈന്‍ ടാക്‌സി പ്രവര്‍ത്തനം ക്രമീകരിക്കുന്ന നിയമാവലിയില്‍ ഗതാഗത, ലോജിസ്റ്റിക്‌സ് സര്‍വീസ് മന്ത്രാലയം വലിയ തോതില്‍ ഭേദഗതികള്‍ വരുത്തി. ഔദ്യോഗിക ഗസറ്റില്‍ പ്രസിദ്ധീകരിച്ച് 60 ദിവസത്തിനു ശേഷം ഭേദഗതികള്‍ പ്രാബല്യത്തില്‍വരും. പൊതുഗതാഗത അതോറിറ്റിയുടെ അനുമതിയോടെ ടാക്‌സി, ഓണ്‍ലൈന്‍ ടാക്‌സി ലൈസന്‍സ് ഒരു നഗരത്തില്‍ നിന്ന് മറ്റൊരു നഗരത്തിലേക്ക് മാറ്റാന്‍ അനുവദിക്കുന്നു എന്നതാണ് ഇന്നലെ ഔദ്യോഗിക ഗസറ്റില്‍ പ്രസിദ്ധീകരിച്ച പരിഷ്‌കരിച്ച ഭേദഗതികളില്‍ പ്രധാനം. ടാക്‌സി ലൈസന്‍സ് റദ്ദാക്കിയ ശേഷം കൊമേഴ്‌സ്യല്‍ രജിസ്‌ട്രേഷനില്‍ നിന്ന് ടാക്‌സി മേഖലാ […]

മക്ക : മഴ നിർത്താതെ പെയ്തതോടെ മരുഭൂമിക്ക് മുകളിൽ പച്ചപ്പ് നിറഞ്ഞിരിക്കുന്നു. കഴിഞ്ഞ ദിവസം സൗദിയുടെ ഔദ്യോഗിക പ്രസ് ഫോട്ടോഗ്രാഫർ പകർത്തിയ ചിത്രം ഇപ്പോൾ സമൂഹ മാധ്യമങ്ങളിൽ വൈറലാണ്. പച്ചപ്പുല്ലിന് പുറമെ, നിറയെ പൂക്കളുള്ള ചെടികളും മരുഭൂമിയിലുണ്ട്. മക്കയിൽനിന്ന് മദീനയിലേക്കും തിരിച്ചുമുള്ള യാത്രയിൽ മരുഭൂമി പച്ച പുതച്ചു നിൽക്കുന്ന കാഴ്ച അതിമനോഹരമാണ്.

ജിദ്ദ : ഈ വർഷം 3,80,000 ലേറെ ഫിലിപ്പിനോകൾ പുതിയ തൊഴിൽ വിസയിൽ സൗദിയിൽ എത്തിയതായി കണക്ക്. കഴിഞ്ഞ വർഷം 1,43,000 ഫിലിപ്പിനോകളാണ് പുതിയ തൊഴിൽ വിസകളിൽ സൗദിയിലെത്തിയത്. ഇതിനെ അപേക്ഷിച്ച് ഇരട്ടിയിലേറെ ഫിലിപ്പിനോകൾ ഈ വർഷം പുതിയ വിസകളിൽ സൗദിയിലെത്തി. ഗൾഫ് രാജ്യങ്ങളിൽ 18 ലക്ഷത്തോളം ഫിലിപ്പിനോ തൊഴിലാളികളാണുള്ളത്. ഇതിൽ പകുതിയിലേറെ പേർ സൗദിയിലാണ്.

ദമാം : ആരോഗ്യ വ്യവസ്ഥകളും നഗരസഭാ നിയമ, നിർദേശങ്ങളും ലംഘിച്ച് റോഡുകളിലും പൊതുസ്ഥലങ്ങളിലും വിൽപനക്ക് പ്രദർശിപ്പിച്ച 250 കിലോ കേടായ മത്സ്യം പട്രോൾ പോലീസുമായി സഹകരിച്ച് നഗരസഭാധികൃതർ പിടിച്ചെടുത്ത് നശിപ്പിച്ചു. നിയമ ലംഘകർക്കെതിരെ നിയമാനുസൃത ശിക്ഷാ നടപടികൾ സ്വീകരിച്ചു. പൊതുജനങ്ങളുടെ ആരോഗ്യ സുരക്ഷ കാത്തുസൂക്ഷിക്കാൻ ശ്രമിച്ച് നിയമ ലംഘനങ്ങൾ അവസാനിപ്പിക്കാൻ വ്യാപാര സ്ഥാപനങ്ങളിലും മാർക്കറ്റുകളിലും മറ്റും ശക്തമായ പരിശോധനകൾ തുടരുമെന്ന് അൽഹസ നഗരസഭ പറഞ്ഞു.

ബുറൈദ : നഗരത്തില്‍ ശക്തമായ ആലിപ്പഴ വര്‍ഷം. വെള്ളിയാഴ്ച വൈകീട്ട് മഴയുടെ അകമ്പടിയോടെയാണ് ആലിപ്പഴ വര്‍ഷമുണ്ടായത്. ഇതേ തുടര്‍ന്ന് നഗരത്തില്‍ പലയിടത്തും റോഡുകളില്‍ ഐസ് കട്ടകള്‍ കുമിഞ്ഞുകൂടി ഗതാഗതം തടസ്സപ്പെട്ടു. ഷെവലുകള്‍ ഉപയോഗിച്ച് ഐസ് നീക്കം ചെയ്ത് നഗരസഭ റോഡുകള്‍ ഗതാഗത യോഗ്യമാക്കുകയായിരുന്നു. സമീപ കാലത്ത് ആദ്യമായാണ് ബുറൈദ ഇത്തരമൊരു ദൃശ്യത്തിന് സാക്ഷ്യംവഹിക്കുന്നത്.

ജിദ്ദ : ജിയോപൊളിറ്റിക്കൽ സംഘർഷങ്ങൾക്കിടെയും ഈ വർഷം ആഗോള വിപണിയിൽ എണ്ണ വില പത്തു ശതമാനത്തോളം ഇടിഞ്ഞു. ഒരു ബാരൽ ക്രൂഡ് ഓയിലിന്റെ വില 77.5 ഡോളറായി ഇടിഞ്ഞിട്ടുണ്ട്. കഴിഞ്ഞ വർഷാവസാനം എണ്ണ വില 86 ഡോളറായിരുന്നു. നെഗറ്റീവ് സാമ്പത്തിക ഫലങ്ങളുടെ പശ്ചാത്തലത്തിൽ ചൈനയിൽ നിന്നുള്ള എണ്ണയാവശ്യം കുറയുമെന്ന ഭീതിയുടെയും അമേരിക്കയുടെ എണ്ണയുൽപാദനം റെക്കോർഡ് നിലയിൽ ഉയർന്നതിന്റെയും ഫലമായാണ് ഈ വർഷം എണ്ണ വില കുറഞ്ഞത്. തുടർച്ചയായി രണ്ടു വർഷം ഉയർന്ന ശേഷമാണ് ഈ കൊല്ലം എണ്ണ […]

മദീന : പ്രവാചക നഗരിയിൽ സൈക്കിൾ സവാരിക്ക് 70 കിലോമീറ്റർ നീളത്തിൽ ഈ വർഷം പുതിയ ട്രാക്കുകൾ നിർമിച്ചതായി മദീന നഗരസഭ അറിയിച്ചു. പ്രധാന റോഡുകളോട് ചേർന്നും ജനവാസ കേന്ദ്രങ്ങളിലുമാണ് സൈക്കിൾ യാത്രികർക്ക് പ്രത്യേക ട്രാക്കുകൾ നിർമിച്ചിരിക്കുന്നത്. വിവിധ കായിക ഇനങ്ങളുടെ പരിശീലനം പ്രോത്സാഹിപ്പിക്കാനും ജീവിത നിലവാരം മെച്ചപ്പെടുത്താനും പൊതുസ്ഥലങ്ങൾ സജ്ജീകരിക്കാനുള്ള ലക്ഷ്യങ്ങളുടെ ഭാഗമായാണ് സൈക്കിൾ ട്രാക്കുകൾ നിർമിച്ചിരിക്കുന്നത്. പുതിയ ട്രാക്കുകൾ തുടക്കക്കാരുടെയും പ്രൊഫഷനൽ സൈക്ലിസ്റ്റുകളുടെയും കഴിവുകൾ വർധിപ്പിക്കാനും നഗരവാസികൾക്കിടയിൽ കായിക, ആരോഗ്യ അവബോധം വർധിപ്പിക്കാനും സഹായിക്കുന്നു. […]

ജിദ്ദ : ഈ വർഷം ആദ്യത്തെ ഒമ്പതു മാസത്തിനിടെ വിദേശ ടൂറിസ്റ്റുകൾ വഴിയുള്ള വരുമാനത്തിൽ 58 ശതമാനം വളർച്ച രേഖപ്പെടുത്തിയതായി സൗദി സെൻട്രൽ ബാങ്ക് അറിയിച്ചു. ഒമ്പതു മാസത്തിനിടെ വിദേശ ടൂറിസ്റ്റുകൾ സൗദിയിൽ 10,200 കോടി റിയാൽ ചെലവഴിച്ചു. ഈ വർഷം മൂന്നാംപാദത്തിൽ വിദേശ ടൂറിസ്റ്റുകൾ 1,900 കോടി റിയാലാണ് രാജ്യത്ത് ചെലവഴിച്ചത്. കോവിഡ്-19 മഹാമാരി വ്യാപനത്തിനു മുമ്പ് 2019 ആദ്യത്തെ ഒമ്പതു മാസക്കാലത്തെ അപേക്ഷിച്ച് ഈ കൊല്ലം ആദ്യത്തെ ഒമ്പതു മാസക്കാലത്ത് സൗദിയിൽ എത്തിയ വിദേശ […]

ജിദ്ദ : ഫീസ് ഈടാക്കി വ്യക്തികൾ ഇ-ലേണിംഗ് മേഖലയിൽ പ്രവർത്തിക്കുന്നത് നാഷണൽ ഇ-ലേണിംഗ് സെന്റർ വിലക്കുന്നു. ഇതുമായി ബന്ധപ്പെട്ട നിയമാവലി നാഷണൽ ഇ-ലേണിംഗ് സെന്റർ പൊതുസമൂഹത്തിന്റെയും വിദഗ്ധരുടെയും അഭിപ്രായ നിർദേശങ്ങൾക്കായി പബ്ലിക് കൺസൾട്ടേഷൻ പ്ലാറ്റ്‌ഫോമിൽ പരസ്യപ്പെടുത്തി. ഇ-ലേണിംഗും പരിശീലനവും അതിന്റെ ലക്ഷ്യങ്ങൾ കൈവരിക്കുന്ന വിധത്തിൽ നിയന്ത്രിക്കാനും ഗുണനിലവാരം ഉയർത്താനും ഇ-ലേണിംഗിലും പരിശീലനത്തിലും വിശ്വാസം വർധിപ്പിക്കാനുമാണ് പുതിയ നിയമാവലിയിലൂടെ ലക്ഷ്യമിടുന്നത്. ഇ-ലേണിംഗും പരിശീലനവും നിയന്ത്രിക്കുന്ന മാനദണ്ഡങ്ങളും വ്യവസ്ഥകളും നിയമാവലിയിൽ അടങ്ങിയിരിക്കുന്നു. ഇ-ലേണിംഗ് പ്രോഗ്രാമുകളുടെ ഗുണനിലവാരം ഉറപ്പാക്കാനും ഗുണഭോക്താക്കളുടെ അവകാശങ്ങൾ […]

ജിദ്ദ : മാസങ്ങളുടെ ഇടവേളക്ക് ശേഷം ജിദ്ദയിലെ ബലദിൽ വീണ്ടും ഫീ പാർക്കിംഗ് സംവിധാനം നിലവിൽ വന്നു. മുൻ രീതിയിൽനിന്ന് വ്യത്യസ്തമായി വെള്ളിയാഴ്ചകളിലും പാർക്കിംഗിന് ഫീസുണ്ട്. ശനി മുതൽ വ്യാഴം വരെ രാവിലെ എട്ടു മുതൽ രാത്രി 12 വരെ പാർക്കിംഗ് ഫീസ് ഈടാക്കും. വെള്ളിയാഴ്ചകളിൽ വൈകിട്ട് നാലു മുതൽ രാത്രി 12 വരെ ഫീസ് നൽകേണ്ടി വരും.