അല്‍ഐന്‍: ട്രാഫിക് സുരക്ഷ ഉറപ്പുവരുത്തുന്നതിന്റെ ഭാഗമായി അല്‍ ഐന്‍- ദുബായ് മോട്ടോര്‍വേയില്‍ 30 പുതിയ സ്പീഡ് ഡിറ്റക്ഷന്‍ ഉപകരണങ്ങള്‍ സ്ഥാപിച്ചതായി അബുദാബി പോലീസിന്റെ ഡയറക്ടറേറ്റ് ഓഫ് ട്രാഫിക് ആന്‍ഡ് പട്രോള്‍സ് അറിയിച്ചു. വാഹനങ്ങളുടെ അമിത വേഗത നിയന്ത്രിക്കാനും റോഡ് അപകടങ്ങള്‍ കുറയ്ക്കാനും ഇതിലൂടെ സാധിക്കുമെന്നാണ് കരുതുന്നതെന്നും അദ്ദേഹം പറഞ്ഞു. അല്‍ഐന്‍- ദുബായ് റോഡില്‍ പരമാവധി വേഗപരിധി മണിക്കൂറില്‍ 140 കിലോമീറ്ററാണ്. ഈ വേഗപരിധി ലംഘിക്കുന്നവര്‍ക്കെതിരേ കര്‍ശന നിയമ നടപടി സ്വീകരിക്കും. അതിനിടെ, ഇന്ന് ജൂണ്‍ 19 മുതല്‍ […]

ദമാം – കിഴക്കന്‍ പ്രവിശ്യയില്‍ പെട്ട ഹഫര്‍ അല്‍ബാത്തിനില്‍ കൊടും ചൂട് കാരണം കെട്ടിടത്തിനു മുകളില്‍ സ്ഥാപിച്ച വാട്ടര്‍ ടാങ്കര്‍ ഉരുകി. ഇതിന്റെ ദൃശ്യങ്ങള്‍ അടങ്ങിയ വീഡിയോ സൗദി പൗരന്മാരില്‍ ഒരാള്‍ ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു. വേനല്‍ക്കാലത്ത് ചൂട് ഏറ്റവും കുറഞ്ഞ മാസമാണ് ജൂണ്‍ എന്നും എന്നിട്ടും വെന്തുരുകുന്ന ചൂടാണ് അനുഭവപ്പെടുന്നതെന്നും വരും മാസങ്ങളില്‍ സ്ഥിതിഗതികള്‍ കൂടുതല്‍ ഭയാനകമായിരിക്കുമെന്നും വീഡിയോയോട് പ്രതികരിച്ച് സാമൂഹികമാധ്യമ ഉപയോക്താക്കള്‍ പറഞ്ഞു.

ദമാം – സൗദി അറേബ്യയെയും ബഹ്‌റൈനെയും ബന്ധിപ്പിക്കുന്ന കിംഗ് ഫഹദ് കോസ്‌വേ വഴി ബഹ്‌റൈനിലേക്ക് കടന്നുപോകാന്‍ സൗദിയില്‍ നിയമാനുസൃതം കഴിയുന്ന വിദേശികള്‍ ഈ വ്യവസ്ഥകള്‍ പാലിക്കണമെന്ന് കോസ്‌വേ അതോറിറ്റി പറഞ്ഞു. ബഹ്‌റൈനിലേക്ക് പോകാന്‍ ആഗ്രഹിക്കുന്നവര്‍ റീ-എന്‍ട്രി വിസ നേടണം. പാസ്‌പോര്‍ട്ടിനും ഇഖാമക്കും കാലാവധിയുണ്ടായിരിക്കണം. ബഹ്‌റൈനില്‍ പ്രവേശിക്കാന്‍ ആവശ്യമായ വിസ നേടണമെന്നും കിംഗ് ഫഹദ് കോസ്‌വേ അതോറിറ്റി പറഞ്ഞു.

ജിദ്ദ – ഹജ് തീര്‍ഥാടകര്‍ക്കും സൗദിയിലെ വിവിധ പ്രവിശ്യകളില്‍ വിശ്വാസികള്‍ക്കും ബലികര്‍മം നിര്‍വഹിക്കാനും മറ്റു ആവശ്യങ്ങള്‍ക്കും ലോക രാജ്യങ്ങളില്‍ നിന്ന് സൗദി അറേബ്യ 26 ലക്ഷം കന്നുകാലികളെ ഇറക്കുമതി ചെയ്തതായി കണക്ക്. ഹജ്, ബലിപെരുന്നാള്‍ സീസണില്‍ കന്നുകാലികള്‍ക്കും ഇറച്ചിക്കുമുള്ള വര്‍ധിച്ച ആവശ്യം നികത്താന്‍ പരിസ്ഥിതി, ജല, കൃഷി മന്ത്രാലയം വലിയ ശ്രമങ്ങളാണ് നടത്തിയത്. ആവശ്യം ഉയരുന്ന പശ്ചാത്തലത്തില്‍ പ്രാദേശിക വിപണിയില്‍ വില വര്‍ധന തടയാന്‍ ശ്രമിച്ച് ദുല്‍ഖഅ്ദ 11 മുതല്‍ ഹജ് സീസണ്‍ അവസാനിക്കുന്നതു വരെയുള്ള കാലത്ത് […]

ജിദ്ദ – ഗാര്‍ഹിക തൊഴിലാളികള്‍ക്ക് ഡിജിറ്റല്‍ വാലെറ്റുകള്‍ വഴിയുള്ള വേതന വിതരണം അടുത്ത മാസാദ്യം മുതല്‍ നിര്‍ബന്ധമാക്കുമെന്ന് ഗാര്‍ഹിക തൊഴിലാളി റിക്രൂട്ട്‌മെന്റ് നടപടിക്രമങ്ങള്‍ക്കുള്ള മുസാനിദ് പ്രോഗ്രാം അറിയിച്ചു. അടുത്ത മാസാദ്യം മുതല്‍ ഗാര്‍ഹിക തൊഴിലാളികള്‍ക്ക് ഡിജിറ്റല്‍ വാലെറ്റുകള്‍ മുഖേനെയാണ് വേതനം വിതരണം ചെയ്യേണ്ടത്. വേലക്കാരുടെ വേതന വിതരണത്തിനുള്ള ഐക്കണുകള്‍ ഡിജിറ്റല്‍ വാലെറ്റുകളില്‍ ലഭ്യമാണ്. തൊഴിലുടമകള്‍ക്കു മാത്രമേ തങ്ങള്‍ക്കു കീഴിലുള്ള വേലക്കാരുടെ വേതനം ഡിജിറ്റല്‍ വാലെറ്റുകള്‍ വഴി ട്രാന്‍സ്ഫര്‍ ചെയ്യാന്‍ സാധിക്കുകയുള്ളൂ. ഗാര്‍ഹിക തൊഴിലാളി റിക്രൂട്ട്‌മെന്റ് മേഖല ക്രമീകരിക്കാനുള്ള […]

മക്ക: സൗദിയിലെ കടുത്ത ചൂടിലെ അവസാനത്തെ ഹജ്ജായിരിക്കും അടുത്ത വർഷത്തെ ഹജ്ജ് കാലമെന്ന് കാലാവസ്ഥ നിരീക്ഷണ കേന്ദ്രം. അടുത്ത വർഷം വേനൽ തുടങ്ങുന്ന ഘട്ടത്തിലാണ് ഹജ്ജ് അവസാനിക്കുക. തൊട്ടടുത്ത വർഷം മികച്ച കാലാവസ്ഥയിലായിരിക്കും ഹജ്ജ്. ഈ വർഷം കൊടും ചൂടിലാണ് ഹജ്ജ് കാലം ആരംഭിച്ചത്. മക്കയിൽ സമീപ കാല ചരിത്രത്തിൽ ആദ്യമായി അമ്പത്തി ഒന്ന് ഡിഗ്രി സെൽഷ്യസിൽ വരെ താപനില എത്തിയിരുന്നു. നിരവധി ഹാജിമാർക്ക് സൂര്യാതപം ഏൽക്കുകയും ആശുപത്രിയിലാവുകയും ചെയ്തു. പല ഹാജിമാരും മരണപ്പെട്ടു. നേരത്തെ രോഗാവസ്ഥയിലുള്ള […]

മിന – ഹജ് സംഘാടനം സമ്പൂര്‍ണ വിജയമായി മാറിയതായി മക്ക പ്രവിശ്യ ഡെപ്യൂട്ടി ഗവര്‍ണറും സെന്‍ട്രല്‍ ഹജ് കമ്മിറ്റി വൈസ് ചെയര്‍മാനുമായ സൗദ് ബിന്‍ മിശ്അല്‍ രാജകുമാരന്‍ അറിയിച്ചു. ‘എല്ലാം ഭംഗിയായി പൂര്‍ത്തിയായതില്‍ സര്‍വശക്തന് സ്തുതി, പ്രയാസരഹിതമായും സമാധാനത്തോടെയും സുരക്ഷിതമായും ഹജ് കര്‍മങ്ങള്‍ നിര്‍വഹിക്കാന്‍ തീര്‍ഥാടകര്‍ക്ക് സാധിച്ചു. അല്ലാഹുവിന്റെ അനുഗ്രഹത്താലും, സൗദി ഭരണാധികാരികള്‍ ഒരുക്കിയ വൈവിധ്യമാര്‍ന്ന സേവനങ്ങളുടെയും മുന്തിയ പരിചരണങ്ങളുടെയും ബന്ധപ്പെട്ട വകുപ്പുകള്‍ നടത്തിയ കൂട്ടായ പ്രവര്‍ത്തനത്തിന്റെയും ഫലമായാണിത്. അടുത്ത വര്‍ഷത്തെ ഹജിനുള്ള ഒരുക്കങ്ങളും ആസൂത്രണങ്ങളും ഉടനടി […]

മക്ക – വിശുദ്ധ കഅ്ബാലയത്തെ അണിയിക്കാനുള്ള പുതിയ കിസ്‌വ തിരുഗേഹങ്ങളുടെ സേവകന്‍ സല്‍മാന്‍ രാജാവിനെ പ്രതിനിധീകരിച്ച് മക്ക പ്രവിശ്യ ഡെപ്യൂട്ടി ഗവര്‍ണറും സെന്‍ട്രല്‍ ഹജ് കമ്മിറ്റി വൈസ് ചെയര്‍മാനുമായ സൗദ് ബിന്‍ മിശ്അല്‍ രാജകുമാരന്‍ കഅ്‌ലായത്തിന്റെ താക്കോല്‍ സൂക്ഷിപ്പ് ചുമതലയുള്ള അല്‍ശൈബി കുടുംബത്തിന് കൈമാറി. അല്‍ശൈബി കുടുംബത്തിലെ കാരണവരുടെ ഡെപ്യൂട്ടിയായ അബ്ദുല്‍മലിക് ബിന്‍ ത്വാഹാ അല്‍ശൈബി ഔപചാരികമായി പുതിയ കിസ്‌വ സ്വീകരിച്ചു. കിസ്‌വ കൈമാറ്റ റെക്കോര്‍ഡില്‍ ഹജ്, ഉംറ മന്ത്രിയും ഹറംകാര്യ വകുപ്പ് ഡയറക്ടര്‍ ബോര്‍ഡ് ചെയര്‍മാനുമായ […]

മിന – ഗാസയില്‍ ഉടനടി വെടിനിര്‍ത്തല്‍ നടപ്പാക്കണമെന്നും അന്താരാഷ്ട്ര സമൂഹം 1967 ലെ അതിര്‍ത്തിയില്‍ കിഴക്കന്‍ ജറൂസലം തലസ്ഥാനമായി സ്വതന്ത്ര ഫലസ്തീന്‍ രാഷ്ട്രത്തെ അംഗീകരിക്കണമെന്നും സൗദി കിരീടാവകാശിയും പ്രധാനമന്ത്രിയുമായ മുഹമ്മദ് ബിന്‍ സല്‍മാന്‍ രാജകുമാരന്‍ ആവശ്യപ്പെട്ടു. ഈ വര്‍ഷം ഹജ് കര്‍മം നിര്‍വഹിക്കുന്ന രാഷ്ട്ര നേതാക്കളെയും വിശിഷ്ട വ്യക്തികളെയും നേതാക്കളെയും രാജാവിന്റെ അതിഥികളെയും ഹജ് സംഘം മേധാവികളെയും ഹജ് മിഷന്‍ മേധാവികളെയും മിനാ കൊട്ടാരത്തില്‍ തിരുഗേഹങ്ങളുടെ സേവകന്‍ സല്‍മാന്‍ രാജാവിനെ പ്രതിനിധീകരിച്ച്, സംസാരിക്കുകയായിരുന്നു കിരീടാവകാശി. ഇരു ഹറമുകളുടെയും […]

മിന – അറഫ ദിനത്തില്‍ മക്കയിലും പുണ്യസ്ഥലങ്ങളിലും പൊതുപൈപ്പ്‌ലൈന്‍ ശൃംഖല വഴി നൂറു കോടി ലിറ്റര്‍ വെള്ളം വിതരണം ചെയ്തതായി ദേശീയ ജലകമ്പനി അറിയിച്ചു. ഇതില്‍ 28.6 കോടി ലിറ്റര്‍ വെള്ളം പുണ്യസ്ഥലങ്ങളിലും 70.4 കോടി ലിറ്റര്‍ മക്കയിലുമാണ് വിതരണം ചെയ്തത്. മലയാളം ന്യൂസ് വാട്സാപ്പ് ചാനലിൽ ജോയിൻ ചെയ്യാൻ ഇവിടെ ക്ലിക്ക് ചെയ്യുകദേശീയ ജലകമ്പനി എന്‍ജിനീയര്‍മാരുടെ മേല്‍നോട്ടത്തില്‍ പൊതുപൈപ്പ്‌ലൈന്‍ ശൃംഖല വഴി പുണ്യസ്ഥലങ്ങളില്‍ ഇരുപത്തിനാലു മണിക്കൂറും വെള്ളം വിതരണം ചെയ്യുന്നു. മക്കയിലെ ജനവാസ കേന്ദ്രങ്ങളില്‍ പൊതുപൈപ്പ്‌ലൈന്‍ […]

മിന – വിശുദ്ധ ഹറമിനടുത്ത പ്രദേശങ്ങളിലും പുണ്യസ്ഥലങ്ങളിലും മക്കയിലുമായി സ്ഥാപിച്ച 8,000 ഓളം ക്യാമറകള്‍ വഴി നിര്‍മിതബുദ്ധി സാങ്കേതികവിദ്യകള്‍ ഹജ് സുരക്ഷാ സേനക്കു കീഴിലെ കമാന്‍ഡ് ആന്റ് കണ്‍ട്രോള്‍ സെന്റര്‍ പ്രയോജനപ്പെടുത്തുന്നു. ഹജിനിടെ സുരക്ഷ കാത്തുസൂക്ഷിക്കല്‍, ആള്‍ക്കൂട്ട നിയന്ത്രണം, ഗതാഗത പദ്ധതി, അടിയന്തിര സാഹചര്യങ്ങള്‍ കൈകാര്യം ചെയ്യല്‍ എന്നിവ ലക്ഷ്യമിട്ട് തത്സമയ നിരീക്ഷണത്തിന് 500 ലേറെ സ്ഥലങ്ങളില്‍ ക്യാമറകള്‍ സ്ഥാപിച്ചിട്ടുണ്ട്. ഹജ് സുരക്ഷാ സേനാ പദ്ധതികള്‍ നടപ്പാക്കുന്ന സ്പന്ദിക്കുന്ന ഹൃദയമാണ് കമാന്‍ഡ് ആന്റ് കണ്‍ട്രോള്‍ സെന്റര്‍ എന്ന് […]

ജിദ്ദ- ഹജ് പെർമിറ്റില്ലാതെ ഒരു കാരണവശാലും മക്കയിലേക്ക് യാത്രക്ക് ശ്രമിക്കരുതെന്ന് ഇന്ത്യൻ ഹജ് മിഷൻ മുന്നറിയിപ്പ് നൽകി. ഹജ് പെർമിറ്റില്ലാതെ മക്കയിലേക്ക് പ്രവേശിക്കുന്നവർക്ക് എതിരെ കർശന നടപടിയാണ് അധികൃതർ സ്വീകരിക്കുന്നത്. ഹജ് വളണ്ടിയർ സേവനത്തിന് തയ്യാറായി നിൽക്കുന്നവർ ഇക്കാര്യം ശ്രദ്ധിക്കണം. ജിദ്ദയിലെ ഇന്ത്യൻ കോൺസുലേറ്റിന്റെയോ, ഹജ് മിഷന്റെയോ ഔദ്യോഗിക അനുമതി ലഭിക്കാതെ ഒരാളും മക്കയിലേക്ക് വളണ്ടിയർ സേവനത്തിന് പോകാൻ പാടില്ലെന്ന് ഹജ് മിഷൻ ദ മലയാളം ന്യൂസിനോട് പറഞ്ഞു. ഇതുമായി ബന്ധപ്പെട്ട് എന്ത് നിയമനടപടികളുണ്ടായാലും അത് വ്യക്തിപരമായി […]