തിരുവനന്തപുരം – തുടര്‍ച്ചയായ രണ്ടാം ദിവസവും സര്‍വീസുകള്‍ റദ്ദാക്കി എയര്‍ ഇന്ത്യ എക്‌സ്പ്രസ്. തിരുവനന്തപുരത്ത് നിന്ന് പുലര്‍ച്ചെ 1.10 ന് അബുദാബിയിലേക്ക് പുറപ്പെടേണ്ട വിമാനവും കണ്ണൂരില്‍ നിന്ന് മസ്‌കറ്റിലേക്ക് പുലര്‍ച്ചെ പോകേണ്ട വിമാനവും കണ്ണൂരില്‍ നിന്ന് ദമാമിലേക്ക് പോകേണ്ട വിമാനവുമാണ് റദ്ദാക്കിയത്. ഇതോടെ പ്രതിഷേധവുമായി യാത്രക്കാരെത്തി. ഇന്നലെ നടത്തിയ മിന്നല്‍ പണിമുടക്കിനെ തുടര്‍ന്ന് 25 ക്യാബിന്‍ ക്രൂ അംഗങ്ങളെ എയര്‍ ഇന്ത്യ പിരിച്ചു വിട്ടു.തിരുവനന്തപുരത്ത് നിന്ന് ഇന്നലെ രാത്രി 10.10 ന് ദമാമിലേക്ക് പോകേണ്ട വിമാനവും റദ്ദാക്കിയിരുന്നു. […]

മദീന: ഈ വർഷത്തെ ഹജ് നിർവഹിക്കുന്നതിന് വിദേശത്തുനിന്നുള്ള ആദ്യസംഘം മദീനയിലെ പ്രിൻസ് മുഹമ്മദ് ബിൻ അബ്ദുൽ അസീസ് ഇൻ്റർനാഷണൽ എയർപോർട്ടിലെത്തി. 283 തീർഥാടകരുമായി ഇന്ത്യയിൽ നിന്നുള്ള വിമാനമാണ് എത്തിയത്. പൂക്കൾ നൽകിയാണ് അള്ളാഹുവിന്റെ അതിഥികളെ അധികൃതർ സ്വീകരിച്ചത്. ഇ.ടി മുഹമ്മദ് ബഷീർ എം.പിയുടെ നേതൃത്വത്തിൽ കെ.എം.സി.സി വളണ്ടിയർമാരും നേതാക്കളും മദീന വിമാനതാവളത്തിൽ എത്തിയിരുന്നു. ഇ.ടി മുഹമ്മദ് ബഷീറിന്റെ നേതൃത്വത്തിൽ കെ.എം..സി.സി നേതാക്കൾ മദീന വിമാനതാവളത്തിൽജിദ്ദയിലെ കിംഗ് അബ്ദുൽ അസീസ് ഇൻ്റർനാഷണൽ എയർപോർട്ട്, മദീനയിലെ പ്രിൻസ് മുഹമ്മദ് ബിൻ […]

റിയാദ്- സൗദി ആഭ്യന്തരമന്ത്രാലയത്തിന്റെ ഓണ്‍ലൈന്‍ സേവന പ്ലാറ്റ്‌ഫോമായ അബ്ശിര്‍ സിസ്റ്റം വെള്ളിയാഴ്ച അപ്‌ഡേറ്റ് ചെയ്യും. രാത്രി 12 മുതല്‍ ഉച്ചക്ക് 12 മണിവരെയാണ് അപ്‌ഡേഷന്‍ നടക്കുക. ഈ സമയത്ത് മിക്ക സേവനങ്ങളും തടസ്സപ്പെടും. അതിനാല്‍ ഇഖാമ പുതുക്കല്‍, റീ എന്‍ട്രി തുടങ്ങിയ സേവനങ്ങള്‍ നിശ്ചിത സമയത്തിന് മുമ്പേ പൂര്‍ത്തിയാക്കണമെന്നും അബ്ശിര്‍ സിസ്റ്റം കൂടുതല്‍ കാര്യക്ഷമമാക്കുന്നതിന്റെ ഭാഗമാണ് അപ്‌ഡേഷന്‍ എന്നും മന്ത്രാലയം അറിയിച്ചു.

ജിദ്ദ: എല്ലാ ഗൾഫ് രാജ്യങ്ങളും ഒറ്റ വിസയിൽ സന്ദർശിക്കാൻ സാധിക്കുന്ന തരത്തിൽ ഏകീകൃത ഗൾഫ് ടൂറിസ്റ്റ് വിസ 2024 ഡിസംബറിൽ ആരംഭിക്കുമെന്ന് പ്രഖ്യാപനം. ദുബായിയിലെ അറേബ്യൻ ട്രാവൽ മാർക്കറ്റിൽ പങ്കെടുത്ത ഗൾഫ് ഉദ്യോഗസ്ഥരാണ് ഇക്കാര്യം വ്യക്തമാക്കിയത്. ഈ വർഷാവസാനത്തിന് മുമ്പ് ഏകീകൃത വിസ സംവിധാനം തയ്യാറാകുമെന്നും “ജിസിസി ഗ്രാൻഡ് ടൂറുകൾ” എന്നായിരിക്കും ഇതിനെ വിളിക്കുകയെന്നും ഉദ്യോഗസ്ഥർ വ്യക്തമാക്കി. ഈ മേഖലയിൽ താമസിക്കുന്ന പ്രവാസികൾക്ക് സൗദി അറേബ്യ, ഖത്തർ, യു.എ.ഇ, ഒമാൻ, ബഹ്റൈൻ, കുവൈത്ത് എന്നീ ആറ് ഗൾഫ് […]

ജിദ്ദ: ലോകത്തിന്റെ വിവിധ ഭാഗങ്ങളിൽനിന്നെത്തുന്ന ഹജ് തീർത്ഥാടകരുടെ സുഗമമായ യാത്രയും സൗകര്യവും ലക്ഷ്യമിട്ട് മക്കയിലേക്ക് പ്രവേശിക്കുന്നതിൽനിന്ന് മക്ക ഇഖാമയില്ലാത്തവരെ വിലക്കി കഴിഞ്ഞ ദിവസം സൗദി സർക്കാർ നിയന്ത്രണം ഉത്തരവിട്ടിരുന്നു. മക്കയിലേക്ക് പ്രവേശിക്കുന്നതിന് സർക്കാർ സേവനങ്ങൾ നൽകുന്ന അബ്ഷിർ പ്ലാറ്റ്ഫോം വഴി അനുമതി പത്രം വിതരണം ചെയ്യുമെന്നും ഔദ്യോഗിക അറിയിപ്പിലുണ്ടായിരുന്നു. മക്കയിലേക്ക് പ്രവേശിക്കുന്നതിനുള്ള അനുമതി പത്രം നേടുന്നത് എങ്ങിനെയാണെന്ന് അബ്ഷിർ ഔദ്യോഗികമായി അറിയിച്ചു.തികച്ചും ലളിതമായ നടപടിക്രമങ്ങളിലൂടെ അനുമതി പത്രം സ്വന്തമാക്കാം. മുഖീം വഴി അനുമതി പത്രം ലഭ്യമാകുന്നതിനുള്ള നടപടിക്രമങ്ങൾ […]

ജിദ്ദ- ഹജ് ചട്ടങ്ങളും നിർദ്ദേശങ്ങളും ലംഘിക്കുന്നവർക്ക് പതിനായിരം റിയാൽ പിഴ ചുമത്തുമെന്ന് ഹജ് മന്ത്രാലയം അറിയിച്ചു. നിയമലംഘനം ആവർത്തിച്ചാൽ പിഴ ഇരട്ടിയാകുമെന്നും മന്ത്രാലയം വ്യക്തമാക്കി. അനുമതിയില്ലാതെ ഹജ് ചെയ്യാൻ ശ്രമിക്കുന്നതടക്കം മുഴുവൻ നിയമലംഘനങ്ങൾക്കുമാണ് പിഴ ചുമത്തുന്നത്. ഇവരെ നാടുകടത്തുകയും പിന്നീട് സൗദിയിലേക്ക് പ്രവേശന വിലക്ക് ഏർപ്പെടുത്തുകയും ചെയ്യും.അള്ളാഹുവിന്റെ അതിഥികളായി എത്തുന്നവർക്ക് സുരക്ഷിതത്വവും ആശ്വാസവും നൽകുന്നതിനാണ് ക്രമീകരണങ്ങൾ ഏർപ്പെടുത്തുന്നതെന്നും ഹജ് മന്ത്രാലയം അറിയിച്ചു. ഹജ്ജ് ചട്ടങ്ങളും നിർദ്ദേശങ്ങളും ലംഘിച്ച്, അനുമതി ഇല്ലാത്തവരെ ഹജിനായി കൊണ്ടുവന്നാൽ 6 മാസം വരെ […]

റിയാദ്: കോൺട്രാക്റ്റിങ് മേഖലയിലെ ബിനാമി പങ്കാളിത്തത്തിന് സൗദി പൗരനും സിറിയൻ പൗരനും രണ്ടരവർഷം തടവും ഒരു ലക്ഷം റിയാൽ പിഴയും റിയാദ് ക്രിമിനൽ കോടതി വിധിച്ചു. സൗദി പൗരന് ആറുമാസം തടവും സിറിയൻ പൗരന് രണ്ട് വർഷത്തെ തടവുമാണ് ശിക്ഷ വിധിച്ചതെന്ന് വാണിജ്യ മന്ത്രാലയം വ്യക്തമാക്കി. വാണിജ്യ രജിസ്റ്ററും ലൈസൻസും റദ്ദാക്കിയതിനുപുറമെ ബിനാമി പങ്കാളിത്തത്തിന്‍റെ ഫലമായുണ്ടായ വരുമാനം കണ്ടുകെട്ടാനും കോടതി വിധിച്ചു. ജയിൽ ശിക്ഷയും പിഴയും കഴിഞ്ഞ് സിറിയൻ പൗരനെ നാടുകടത്തും. അഞ്ച് വർഷത്തേക്ക് വാണിജ്യ പ്രവർത്തനങ്ങളിൽ […]

റിയാദ്- റിയാദ് ദമാം ഹൈവേയുമായി അല്‍ഖര്‍ജിനെ ബന്ധിപ്പിക്കുന്ന ഇരട്ടപ്പാത റിയാദ് ഗവര്‍ണര്‍ ഉദ്ഘാടനം ചെയ്തു. റിയാദ് മേഖലയിലെ ട്രക്ക് ഗതാഗതവും ചരക്ക് നീക്കവും സുഗമമാക്കുന്നതിനൊപ്പം നഗരത്തിലെ ഗതാഗതക്കുരുക്കിന് ആശ്വാസമാകുകയും ചെയ്യുന്ന പ്രധാന പദ്ധതിയാണിത്.തലസ്ഥാന നഗരിയിലെ ഗതാഗതക്കുരുക്ക് കുറക്കുകയാണ് ഇതുവഴി ലക്ഷ്യമിടുന്നത്. ദമാം റോഡിലൂടെ വരുന്ന ട്രക്കുകള്‍ ഈ റോഡ് വഴി നഗരത്തില്‍ പ്രവേശിക്കാതെ കടന്നുപോകും. ലോജിസ്റ്റിക്, സാമ്പത്തിക ചലനത്തിന് വഴിയൊരുക്കുയും സുരക്ഷനിലവാരം ഉയര്‍ത്തുകയും പ്രദേശങ്ങളുമായുള്ള റോഡ് ബന്ധം വര്‍ധിപ്പിക്കുകയും ചെയ്യുന്ന പദ്ധതിയാണിതെന്ന് ട്രാന്‍സ്പോര്‍ട്ട് അതോറിറ്റി പറഞ്ഞു.

ഹജ്ജിനോടനുബന്ധിച്ച് മക്കയിലേക്ക് പ്രവേശിക്കുന്ന വിദേശികൾക്കുള്ള നിയന്ത്രണം സംബന്ധിച്ചും ഉംറ വിസക്കാർക്ക് സൗദിയിൽ കഴിയാവുന്ന പരമാവധി കാലയളവിനെക്കുറിച്ചും മറ്റും പ്രവാസികൾ ഉന്നയിക്കുന്ന നാല് പ്രധാന സംശയങ്ങളും അവക്കുള്ള മറുപടിയും താഴെ കാണാം. ചോദ്യം: മക്കയിലേക്കുള്ള വിദേശികളുടെ പ്രവേശനത്തിനുള്ള നിയന്ത്രണം പ്രാബല്യത്തിൽ വന്നോ ? ആർക്കൊക്കെയാണ് പ്രവേശനാനുമതി?ഉത്തരം: പ്രവേശന നിയന്ത്രണം പ്രാബല്യത്തിൽ വന്നു. മക്ക ഇഖാമയുള്ളവർ, മക്കയിൽ ജോലി ചെയ്യുന്നവർക്ക് ജവാസാത്ത് നൽകുന്ന സ്പെഷ്യൽ അനുമതി പത്രം ഉള്ളവർ, ഹജ്ജ് പെർമിറ്റ് ഉള്ളവർ, ഉംറ പെർമിറ്റ്‌ ഉള്ളവർ – എന്നീ […]

ജിദ്ദ: ജിദ്ദ ഇസ്‌ലാമിക് പോർട്ടിലെ സകാത്ത്, ടാക്‌സ് ആൻഡ് കസ്റ്റംസ് അതോറിറ്റി രാജ്യത്തേക്ക്  27 കിലോഗ്രാം  കൊക്കെയ്ൻ കടത്താനുള്ള ശ്രമം തകർത്തു. പോർട്ടിൽ എത്തിയ കണ്ടെയ്‌നറുകളിലൊന്നിൽ നടത്തിയ പരിശോധനയിലായിരുന്നു  എയർ കണ്ടീഷനിംഗ് ഉപകരണത്തിനുള്ളിൽ ഒളിപ്പിച്ച നിലയിൽ ഇത്രയും കൊക്കെയ്ൻ കണ്ടെത്തിയത്. തുടർന്ന് നടന്ന് നീക്കത്തിൽ ചരക്ക് സ്വീകരിക്കാനെത്തിയ രണ്ട് പേരെ അധികൃതർ അറസ്റ്റ് ചെയ്തു. അതേ സമയം രാജ്യത്തിൻ്റെ ഇറക്കുമതിയിലും കയറ്റുമതിയിലും കസ്റ്റംസ് നിയന്ത്രണം കർശനമാക്കുന്നത് തുടരുകയാണെന്ന് സകാത്ത്, ടാക്സ്, കസ്റ്റംസ് അതോറിറ്റി ഓർമ്മിപ്പിച്ചു. സുരക്ഷാ റിപ്പോർട്ടിംഗിനായി […]

റിയാദ്: ലോകത്തിലെ ഏറ്റവും അത്ഭുതകരമായ വാട്ടർ എൻ്റർടൈൻമെൻ്റ് പാർക്ക് റിയാദിൽ സന്ദർശകർക്കായി ഒരുങ്ങുന്നു. ഖിദ്ദിയ ഇൻവെസ്റ്റ്‌മെൻ്റ് കമ്പനിയുടെ ഡയറക്ടർ ബോർഡാണ് “അക്വാറിബിയ” പാർക്കിന്റെ പ്രഖ്യാപനം നടത്തിയത്. സൗദി അറേബ്യയിലെ ഇത്തരത്തിലുള്ള ആദ്യത്തെ വാട്ടർ പാർക്കാണിത്. വാട്ടർ തീം പാർക്കും ഖിദിയയിൽ ഒരുക്കും. വടക്കേ അമേരിക്കയ്ക്ക് പുറത്തുള്ള ഇത്തരത്തിലുള്ള ആദ്യത്തെ തീം പാർക്കായിരിക്കും ഇത്. പാരിസ്ഥിതിക ആഘാതം കുറയ്ക്കുന്നതിനുള്ള സാങ്കേതികവിദ്യയും നൂതന രൂപകല്പനകളും ഉപയോഗിച്ചാണ് രണ്ട് പാർക്കുകളും പ്രവർത്തിക്കുക. നൂതന സംവിധാനങ്ങളാണ് വാട്ടർ തീം പാർക്കിൽ ഉൾപ്പെടുത്തിയിരിക്കുന്നത്. 0% […]

റിയാദ്- റിയാദില്‍ സിഗ്നലുകളിലും മാളുകളിലും കാര്‍പാര്‍ക്കിംഗുകളിലും നടത്തിയ മിന്നല്‍ പരിശോധനയില്‍ നിരവധി യാചകര്‍ പോലീസ് പിടിയിലായി. സിഗ്നലില്‍ വെള്ളക്കുപ്പികള്‍ വിറ്റ് പരോക്ഷമായി യാചന നടത്തിയ ബംഗ്ലാദേശി പൗരനെ അറസ്റ്റ് ചെയ്യുന്ന വീഡിയ പോലീസ് സാമൂഹിക മാധ്യമങ്ങളില്‍ പങ്കുവെച്ചു. സിഗ്നലില്‍ നിന്ന് ഒരു ബംഗ്ലാദേശി വനിതയെയും പെട്രോള്‍ പമ്പില്‍ അത്തര്‍ വില്‍ക്കുന്ന ഒരു യമനിയെയും അറസ്റ്റ് ചെയ്തിട്ടുണ്ട്. യാചനയെ നിരുത്സാഹപ്പെടുത്തേണ്ടത് എല്ലാവരുടെയും ഉത്തരവാദിത്വമാണെന്ന് പോലീസ് പറഞ്ഞു.

റിയാദ്: സൗദിയിൽ സർക്കാർ, സ്വകാര്യ മേഖലകളിലായി 1.3 കോടിയോളം തൊഴിലാളികളുണ്ടെന്ന് മാനവ വിഭവശേഷി, സാമൂഹിക വികസന മന്ത്രി എൻജിനിയർ അഹമ്മദ് അൽറാജ്ഹി വ്യക്തമാക്കി. തൊഴിൽ സുരക്ഷയും ആരോഗ്യവും സംബന്ധിച്ച ആറാമത് അന്താരാഷ്ട്ര സമ്മേളനത്തിലാണ് അൽറാജ്ഹി ഇക്കാര്യം വ്യക്തമാക്കിയത്. തൊഴിലാളികൾ വിവിധ രാജ്യങ്ങളിൽ നിന്നുള്ളവരാണ്. അതിനാൽ എട്ട് ഭാഷകളിൽ തൊഴിലാളികളെ പരിശീലിപ്പിക്കുന്നതിന് യോഗ്യതയുള്ള വകുപ്പുകളുമായി സഹകരിച്ച് മന്ത്രാലയം പ്രവർത്തിക്കുന്നു. എന്നാൽ ഈ ഭാഷകളുടെ എണ്ണം 40 ൽ ലെത്തിക്കാനാണ് ശ്രമിക്കുന്നത്. കഴിഞ്ഞ വർഷങ്ങളിൽ വിഷൻ 2030 ലക്ഷ്യങ്ങൾ കൈവരിക്കുന്നതിന് […]

ജിദ്ദ: ലോകത്തിന്റെ നെറുകയിലേക്കുള്ള പ്രയാണം തുടരുന്ന സൗദി അറേബ്യയുടെ അഭിമാന പദ്ധതിയായ നിയോമിന്റെ നിർമാണ പുരോഗതിയുടെ വീഡിയോ പുറത്തുവിട്ട് നിയോം അധികൃതർ. മരുഭൂമയിൽ അതിമനോഹരമായ എടുപ്പുകൾ ഉയരുന്നതിന്റെ ആകാശക്കാഴ്ച്ചകാളാണ് പുറത്തുവിട്ടത്. 260-ലേറെ എസ്കവേറ്ററുകളും രണ്ടായിരം ട്രക്കുകളും ആഴ്ചയിൽ ഏഴു ദിവസവും 24 മണിക്കൂറും ജോലിയെടുത്തു മൂന്നു മില്യൺ മീറ്റർ സ്ക്വയറുള്ള സ്ഥലം മാറ്റിയെടുക്കുന്നതിന്റെ ദൃശ്യങ്ങളാണ് ഇതിലുള്ളത്. തബൂക്കിൽ നിർമ്മിക്കുന്ന ഒരു പുതിയ നഗരപ്രദേശമാണ് നിയോം. സൗദി കിരീടാവകാശി മഹമ്മദ് ബിൻ സൽമാൻ രാജകുമാരൻ 2017-ൽ പ്രഖ്യാപിച്ച പദ്ധതി […]