റിയാദ് : വേൾഡ് വാട്ടർ ഫോറത്തിന് സൗദി അറേബ്യ ആതിഥേയത്വം വഹിക്കും. 2007-ൽ റിയാദിലാണ് വാട്ടർഫോറം. തുർക്കിയിൽ നടന്ന ലോക ജല കൗൺസിലിലാണ് സൗദിയെ ആതിഥേയത്വം വഹിക്കാൻ തെരഞ്ഞെടുത്തത്. വേൾഡ് വാട്ടർ ഫോറം 2027 ന്റെ പതിനൊന്നാമത് സെഷനാണ് സൗദി ആതിഥേയത്വം വഹിക്കുക. ഫോറത്തിന് ആതിഥേയത്വം വഹിക്കാൻ മത്സരിച്ച ഇറ്റലിയെ പിന്തള്ളിയാണ് സൗദി അറേബ്യ ആതിഥേയത്വം വഹിക്കാനുള്ള അവസരം സ്വന്തമാക്കിയത്. ജലസ്രോതസ്സുകൾ നിലനിർത്തുന്നതിലും ജീവിതനിലവാരം മെച്ചപ്പെടുത്തുന്നതിലും സൗദിയുടെ താൽപ്പര്യത്തിന് ലഭിക്കുന്ന അംഗീകാരമാണിത്.

ജിദ്ദ : വാണിജ്യ, പാർപ്പിട ആവശ്യങ്ങൾക്കുള്ള കെട്ടിടങ്ങളിലെ ദൃശ്യവികലതകൾ ഇല്ലാതാക്കാൻ മുനിസിപ്പൽ, ഗ്രാമ, പാർപ്പിടകാര്യ മന്ത്രാലയം ഉടമകൾക്ക് അനുവദിച്ച സാവകാശം നാളെ(ഞായർ) അവസാനിക്കും. കെട്ടിടങ്ങൾക്ക് ബിൽഡിംഗ് കംപ്ലയൻസ് സർട്ടിഫിക്കറ്റ് നിർബന്ധമാക്കാൻ തീരുമാനിച്ചതായി കഴിഞ്ഞ വർഷം മുനിസിപ്പൽ, ഗ്രാമ, പാർപ്പിടകാര്യ മന്ത്രാലയം അറിയിച്ചിരുന്നു. തങ്ങളുടെ കെട്ടിടങ്ങളിൽ ഉടമകൾ ദൃശ്യവികലതകൾ ഇല്ലാതാക്കിയിട്ടുണ്ടെന്ന് ഉറപ്പാക്കാനാണ് ബിൽഡിംഗ് കംപ്ലയൻസ് സർട്ടിഫിക്കറ്റ് പദ്ധതിയിലൂടെ മന്ത്രാലയം ലക്ഷ്യമിടുന്നത്. ആരോഗ്യകരവും സുസ്ഥിരവുമായ ഒരു നഗര അന്തരീക്ഷം പ്രദാനം ചെയ്യാനും സൗദി നഗരങ്ങളിലെ നഗരഭൂപ്രകൃതിയും ജീവിത നിലവാരവും മെച്ചപ്പെടുത്താനും […]

തബൂക്ക് : തബൂക്ക് പ്രവിശ്യയിലെ ജബല്‍ അല്ലോസില്‍ മഞ്ഞുവീഴ്ചയുടെ ദൃശ്യങ്ങള്‍ ആസ്വദിക്കാന്‍ 3,800 കിലോമീറ്റര്‍ ദൂരം താണ്ടി യു.എ.ഇ യുവാക്കളെത്തി. വെള്ളിയാഴ്ച രാത്രിയും ജബല്‍ അല്ലോസില്‍ കനത്ത മഞ്ഞുവീഴ്ചയുണ്ടായി. ഇന്നലെ രാവിലെയും പ്രദേശം വെള്ളപുതച്ചു കിടന്നു. ഇതോടൊപ്പം താപനില മൈനസ് രണ്ടു ഡിഗ്രിയായി കുറഞ്ഞു. മഞ്ഞുവീഴ്ച ആസ്വദിക്കാന്‍ 3,800 കിലോമീറ്ററിലേറെ ദൂരം താണ്ടിയാണ് തങ്ങള്‍ എത്തിയതെന്ന് യു.എ.ഇ യുവാക്കള്‍ അല്‍ഇഖ്ബാരിയ ചാനലിനോട് പറഞ്ഞു. കഴിഞ്ഞ ദിവസങ്ങളിലും ജബല്‍ അല്ലോസില്‍ മഞ്ഞുവീഴ്ചയുണ്ടായിരുന്നു. മഞ്ഞുവീഴ്ച ആസ്വദിക്കാന്‍ നിരവധി പേരാണ് പ്രദേശത്തെത്തുന്നത്.

ദമാം : ദമാം എയര്‍പോര്‍ട്ട്‌സ് കമ്പനിയും സൗദി ഏവിയേഷന്‍ ക്ലബ്ബും സഹകരിച്ച് സംഘടിപ്പിക്കുന്ന ഫ്‌ളൈ-ഇന്‍ എക്‌സിബിഷന് അല്‍ഹസ ഇന്റര്‍നാഷണല്‍ എയര്‍പോര്‍ട്ടില്‍ തുടക്കം. ദമാം എയര്‍പോര്‍ട്ട്‌സ് കമ്പനി സി.ഇ.ഒ മുഹമ്മദ് അല്‍ഹസനി എക്‌സിബിഷന്‍ ഉദ്ഘാടനം ചെയ്തു. സൗദി ഏവിയേഷന്‍ ക്ലബ്ബ് അംഗങ്ങളെല്ലാം ഇത്തവണത്തെ എക്‌സിബിഷനില്‍ സജീവ പങ്കാളിത്തം വഹിക്കുന്നുണ്ട്. ടെക്‌നിക്കല്‍ ആന്റ് വൊക്കേഷനല്‍ ട്രൈനിംഗ് കോര്‍പറേഷന്‍ ഗവര്‍ണര്‍ ഡോ. അഹ്മദ് അല്‍ഫഹൈദ്, സൗദി ഏവിയേഷന്‍ ക്ലബ്ബ് എക്‌സിക്യൂട്ടീവ് ഡയറക്ടര്‍ ക്യാപ്റ്റന്‍ ഫാരിസ് ബിന്‍ മുഹമ്മദ് മുനീര്‍, സൗദിയില്‍ നിന്നും […]

ജിദ്ദ : സൗദി വിദേശ മന്ത്രി ഫൈസല്‍ ബിന്‍ ഫര്‍ഹാന്‍ രാജകുമാരനും ഒമാന്‍ വിദേശ മന്ത്രി ബദ്ര്‍ ബിന്‍ ഹമദ് ബിന്‍ ഹമൂദ് അല്‍ബൂസഈദിയും ചര്‍ച്ച നടത്തി. മ്യൂണിക്ക് സുരക്ഷാ സമ്മേളനത്തോടനുബന്ധിച്ച് നടത്തിയ കൂടിക്കാഴ്ചക്കിടെ ഉഭയകക്ഷി സഹകരണം കൂടുതല്‍ ശക്തമാക്കുന്നതിനെ കുറിച്ചും മേഖലയിലെയും ആഗോള തലത്തിലെയും പുതിയ സംഭവവികാസങ്ങളും ഇരുവരും വിശകലനം ചെയ്തു.നാറ്റോ സെക്രട്ടറി ജനറല്‍ ജെന്‍സ് സ്റ്റോള്‍ട്ടന്‍ബര്‍ഗ്, ബള്‍ഗേറിയന്‍ വിദേശ മന്ത്രി മരിയ ഗബ്രിയേല്‍, കനേഡിയന്‍ വിദേശ മന്ത്രി മിലാനി ജോലി എന്നിവരുമായും സൗദി വിദേശ […]

റിയാദ് : ഉത്തര റിയാദിലെ അല്‍ഹസി പ്രദേശത്ത് ആഞ്ഞുവീശിയ ശക്തമായ ആലിപ്പഴ കൊടുങ്കാറ്റില്‍ സൗദി പൗരന്‍ അബൂഅബ്ദുറഹ്മാന്‍ അല്‍ഉസൈമിയുടെ കൃഷിയിടത്തില്‍ വന്‍ നാശനഷ്ടങ്ങള്‍. പ്രദേശത്തെ തമ്പുകളും, തകര ഷീറ്റുകള്‍ ഉപയോഗിച്ച് നിര്‍മിച്ച മുറികളും കൊടുങ്കാറ്റില്‍ തകരുകയും ഇവ പതിച്ച് കാറുകള്‍ക്ക് കേടുപാടുകള്‍ സംഭവിക്കുകയും ചെയ്തു. ശക്തമായ കൊടുങ്കാറ്റില്‍ ശരീരം നിലത്തടിച്ചും ഇരുമ്പ് വേലികളില്‍ കൂട്ടിയിടിച്ചും ഒട്ടകങ്ങള്‍ക്ക് പരിക്കേല്‍ക്കുകയും എല്ലുകള്‍ ഒടിയുകയും ചെയ്തു. ഇതിന്റെ ദൃശ്യങ്ങള്‍ അടങ്ങിയ വീഡിയോ സൗദി പൗരന്മാരില്‍ ഒരാള്‍ ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു.അല്‍ഹസി പ്രദേശത്ത് […]

ജിസാന : ജിസാനില്‍ ശക്തമായ കാറ്റ്. കടല്‍ത്തീരങ്ങളില്‍ തിരമാല ക്രമാതീതമായി ഉയരാന്‍ ഇത് കാരണമായ., നീന്തല്‍ തടസ്സപ്പെട്ടു, കൂടാതെ നിരവധി ബോട്ടുകള്‍ക്ക് കടലില്‍ ഇറങ്ങാനായില്ല.പ്രദേശത്തെ ബീച്ചുകളിലും പാര്‍ക്കുകളിലും നിരവധി സന്ദര്‍ശകരുള്ള സമയത്താണ് കാറ്റടിച്ചത്. ബീച്ചുകളില്‍ ജാഗ്രത പാലിക്കേണ്ടതിന്റെ ആവശ്യകതയെക്കുറിച്ച് ബോര്‍ഡര്‍ ഗാര്‍ഡ് ഡയറക്ടറേറ്റ് മുന്നറിയിപ്പ് നല്‍കി, അനുവദനീയമായ സ്ഥലങ്ങളില്‍ അല്ലാതെ നീന്തരുത്. അടിയന്തര സാഹചര്യം ഉണ്ടായാല്‍ ബോര്‍ഡര്‍ ഗാര്‍ഡ് ഓപ്പറേഷന്‍സ് ഫോണിലേക്ക് വിളിക്കുക (994).

ജിദ്ദ : വിശുദ്ധ റമദാനില്‍ സൗദിയില്‍ ബാങ്കുകളുടെയും ബാങ്കുകള്‍ക്കു കീഴിലെ റെമിറ്റന്‍സ് സെന്ററുകളുടെയും പെയ്‌മെന്റ് കമ്പനികളുടെയും മണി എക്‌സ്‌ചേഞ്ചുകളുടെയും പ്രവൃത്തി സമയവും ഈദുല്‍ഫിത്ര്‍, ഈദുല്‍അദ്ഹ അവധി ദിവസങ്ങളും സെന്‍ട്രല്‍ ബാങ്ക് പ്രഖ്യാപിച്ചു. റമദാനില്‍ രാവിലെ പത്തു മുതല്‍ വൈകീട്ട് നാലു വരെയാകും ബാങ്കുകളുടെ പ്രവൃത്തി സമയം. മണി റെമിറ്റന്‍സ് സെന്ററുകളുടെയും പെയ്‌മെന്റ് കമ്പനികളുടെയും പ്രവൃത്തി സമയം ദിവസേന രാവിലെ ഒമ്പതര മുതല്‍ വൈകീട്ട് അഞ്ചര വരെയുള്ള സമയത്തിനിടെ വഴക്കമുള്ള ആറു മണിക്കൂറാകും.ബാങ്കുകളുടെ ഈദുല്‍ഫിത്ര്‍ അവധി ഉമ്മുല്‍ഖുറാ കലണ്ടര്‍ […]

റിയാദ് : റിയാദിന്റെ വിവിധ ഭാഗങ്ങളില്‍ കനത്ത മഴ. വൈകുന്നേരം വരെ ചുടുള്ള കാലാവസ്ഥക്കിടെ പെട്ടെന്നായിരുന്നു കാറ്റും മഴയുമെത്തിയത്. തലസ്ഥാന നഗരി, ദര്‍ഇയ, താദിഖ്, ഹുറൈമലാ, റുമാഹ്, ദുര്‍മാ, മറാത്ത്, ശഖ്‌റാ എന്നിവിടങ്ങില്‍ മഴയുണ്ടാകുമെന്ന് കാലാവസ്ഥ നിരീക്ഷണ വിഭാഗം അറിയിച്ച തൊട്ടുപിന്നാലെയാണ് മഴയെത്തിയത്. ശനിയാഴ്ച രാവിലെ വരെ മഴ തുടരുമെന്നാണ് കേന്ദ്രം പറയുന്നത്.റിയാദിലെങ്ങും കനത്ത മഴയാണ് ലഭിച്ചത്. ഇടിമിന്നലിന്റെയും കനത്ത കാറ്റിന്റെയും ആലിപ്പഴ വര്‍ഷത്തിന്റെയും അകമ്പടിയോടെയാണ് മഴ. ഇതോടെ പെട്ടെന്ന് താപനില കുറഞ്ഞു. ഹൈവേയില്‍ ട്രാഫിക് വിഭാഗത്തിന്റെയും […]

അബുദാബി : ഈയാഴ്ച ആദ്യം അല്‍ ഐനില്‍ ഉണ്ടായ മഴയിലും ആലിപ്പഴ വര്‍ഷത്തിലും വെള്ളപ്പൊക്കത്തിലും പുതിയതും പഴയതുമായ 47  കാറുകള്‍ കേടായതിനെ തുടര്‍ന്ന് 50 ലക്ഷം ദിര്‍ഹം നഷ്ടമായതായി എമിറാത്തി വ്യവസായി പറഞ്ഞു.അല്‍ ഐന്‍ ഇന്‍ഡസ്ട്രിയല്‍ ഏരിയയിലെ അല്‍ മൊതമദ് കാര്‍ ഷോറൂം ഉടമ മുഹമ്മദ് റാഷിദ് അബ്ദുള്ള (51) ക്കാണ് ഈ നഷ്ടം. തന്റെ 22 വര്‍ഷത്തെ ബിസിനസില്‍ ഒരിക്കലും തന്റെ മുഴുവന്‍ കാറുകളും പ്രകൃതിദുരന്തത്തില്‍ തകര്‍ന്ന സംഭവം ഉണ്ടായിട്ടില്ല. ആലിപ്പഴം ഗോള്‍ഫ് ബോളുകളുടെ വലിപ്പമുണ്ടായിരുന്നതാണ്. […]

ജിദ്ദ : ചെങ്കടല്‍ സംഘര്‍ഷങ്ങളുടെ പശ്ചാത്തലത്തില്‍ പ്രാദേശിക മരുന്ന് വിപണിയില്‍ ക്ഷാമം പ്രത്യക്ഷപ്പെടുന്നത് തടയാന്‍ മുന്‍കരുതല്‍ നടപടികള്‍ സ്വീകരിക്കുന്നതിനെ കുറിച്ച് ബന്ധപ്പെട്ട വകുപ്പുകളുമായി സഹകരിച്ച് ഫെഡറേഷന്‍ ഓഫ് സൗദി ചേംബേഴ്‌സിലെ ഫാര്‍മസ്യൂട്ടിക്കല്‍ ഇന്‍ഡസ്ട്രീസ് കമ്മിറ്റി പഠിക്കുന്നു. മേഖല കടന്നുപോകുന്ന സംഘര്‍ഷങ്ങളുടെ പശ്ചാത്തലത്തില്‍ പ്രാദേശിക മരുന്ന് വ്യവസായത്തില്‍ ഉപയോഗിക്കുന്ന അസംസ്‌കൃത വസ്തുക്കള്‍ ചെങ്കടിലിലൂടെയും ബാബ് അല്‍മന്ദബ് കടലിടുക്കിലൂടെയും എത്തിക്കുന്നതിന് തടസ്സം നേരിടാനുള്ള സാധ്യത മുന്നില്‍ കണ്ടുള്ള മുന്‍കരുതല്‍ നടപടികളുടെ ഭാഗമായി സൗദിയില്‍ ഫാര്‍മസ്യൂട്ടിക്കല്‍ വ്യവസായ വിതരണ ശൃംഖലയുടെ തുടര്‍ച്ച […]

ജിദ്ദ : സൗദി അറേബ്യയുടെ സ്ഥാപകദിനാഘോഷം പ്രമാണിച്ച് ഫെബ്രുവരി 22 ന് പൊതുഅവധിയായിരിക്കുമെന്ന് മാനവശേഷി, സാമൂഹിക വികസന മന്ത്രാലയം അറിയിച്ചു. സര്‍ക്കാര്‍, സ്വകാര്യ സ്ഥാപനങ്ങളിലെയും നോണ്‍-പ്രോഫിറ്റ് സെക്ടര്‍ സ്ഥാപനങ്ങളിലെയും ജീവനക്കാര്‍ക്ക് അന്നേ ദിവസം അവധിയായിരിക്കുമെന്ന് മന്ത്രാലയം പറഞ്ഞു.

തബൂക്ക് : ഉത്തര സൗദിയിലെ തബൂക്ക് പ്രവിശ്യയില്‍ പെട്ട ജബല്‍ അല്ലോസില്‍ ശക്തമായ മഞ്ഞുവീഴ്ച. ഇതിന്റെ ദൃശ്യങ്ങള്‍ അടങ്ങിയ വീഡിയോ സൗദി പൗരന്‍ മാജിദ് അല്‍ആമിരി ചിത്രീകരിച്ച് സാമൂഹികമാധ്യമങ്ങളിലൂടെ പുറത്തുവിട്ടു. വ്യാഴാഴ്ചയുണ്ടായ മഞ്ഞുവീഴ്ച ആസ്വദിക്കാന്‍ നിരവധി പേര്‍ ജബല്‍ അല്ലോസില്‍ എത്തി. നോക്കെത്താ ദൂരത്തോളം പ്രദേശം മുഴുവനും കാറുകളും തൂവെള്ള മഞ്ഞില്‍ പുതച്ച് നില്‍ക്കുന്ന കാഴ്ച അതിമനോഹരമായിരുന്നു.അല്‍ഖസീം പ്രവിശ്യയില്‍ പെട്ട അല്‍ദുലൈമിയയില്‍ മഴക്കൊപ്പം ശക്തമായ ആലിപ്പഴവര്‍ഷവുമുണ്ടായി. ഐസ് കട്ടകള്‍ നിറഞ്ഞ മഴവെള്ളം താഴ്‌വരയിലൂടെ കുത്തിയൊലിക്കുന്നതിന്റെയും വിശാലമായ പ്രദേശത്ത് […]

ജിദ്ദ : ആധുനിക ജീവിത ശൈലിക്ക് മാതൃകാപരമായ ലക്ഷ്യസ്ഥാനമാക്കി ജിദ്ദയെ പരിവര്‍ത്തിപ്പിക്കുന്ന മറാഫി പദ്ധതിക്ക് മക്ക പ്രവിശ്യ ഡെപ്യൂട്ടി ഗവര്‍ണര്‍ സൗദ് ബിന്‍ മിശ്അല്‍ രാജകുമാരന്റെയും ജിദ്ദ ഗവര്‍ണര്‍ സൗദ് ബിന്‍ അബ്ദുല്ല ബിന്‍ ജലവി രാജകുമാരന്റെയും സാന്നിധ്യത്തില്‍ ശിലാസ്ഥാപനം നിര്‍വഹിച്ചു. സൗദി പബ്ലിക് ഇന്‍വെസ്റ്റ്‌മെന്റ് ഫണ്ടിന്റെ പൂര്‍ണ ഉടമസ്ഥതയില്‍ റോഷന്‍ ഗ്രൂപ്പ് ആണ് മറാഫി പദ്ധതി നടപ്പാക്കുന്നത്. റോഷന്‍ ഗ്രൂപ്പ് നടപ്പാക്കുന്ന ഏറ്റവും വലിയ ബഹുമുഖ ഉപയോഗ പദ്ധതിയാണിത്. ജിദ്ദയുടെ പുരാതന പൈതൃകത്തില്‍ നിന്ന് പ്രചോദനം […]

മദീന : തിരുഗേഹങ്ങളുടെ സേവകന്‍ സല്‍മാന്‍ രാജാവിന്റെ അതിഥികളായി ഉംറ കര്‍മം നിര്‍വഹിക്കാന്‍ അവസരം ലഭിച്ചവരുടെ മൂന്നാം ബാച്ചിന്റെ വരവ് പൂര്‍ത്തിയായി. ജോര്‍ദാന്‍, ഇറാഖ്, തുനീഷ്യ, ഈജിപ്ത്, ലെബനോന്‍, അള്‍ജീരിയ, മൊറോക്കൊ, മൗറിത്താനിയ, നൈജീരിയ, ദക്ഷിണാഫ്രിക്ക, ഛാഢ്, എത്യോപ്യ, കാമറൂണ്‍, കെനിയ, സെനഗല്‍, ഉഗാണ്ട എന്നീ രാജ്യങ്ങളില്‍ നിന്നുള്ള 250 പേരാണ് മൂന്നാം ബാച്ചിലുള്ളത്. മദീന സിയാറത്ത് പൂര്‍ത്തിയാക്കി ഉംറ കര്‍മം നിര്‍വഹിക്കാന്‍ സംഘം മക്കയിലേക്ക് തിരിക്കും.മസ്ജിദുന്നബവിയില്‍ പ്രവാചകന്റെയും അനുചരന്മാരുടെയും ഖബറിടങ്ങളില്‍ സിയാറത്ത്, റൗദ ശരീഫില്‍ നമസ്‌കാരം […]